ماعندي خبره فيدوني انتو يمكن اخبر مني ..

[باربي لكويت]

السلام عليكم



قوه كويتيات شلونكم حبيباتي


انا الحين بالشهر الثالث بفضل الله سبحانه وتعالى

ومن حملت وانا ينزل علي الله يكرمكم افرازات شفافه تقريبا مصل الماي بس شوي لزجه

ومن فتره صارت الافرازات مايله للاصفر وقبل امس نزل علي ماي اصفر على بني فاتح حيل مو دم بني لا افرازات لزجه لونها مايله للبني الفاتح عسلي مادري شلون صايره ايه نفس لون التوفي الله يعز النعمه ويكرمها ويعزكم ويكرمكم الجميع

هل هذا شيء طبيعي والا لا مع اني كل مره اروح للدكتوره تقولي مشالله حملج ماشيء تمام التمام وللله الحمد والشكر سبحانه

بس انا للحين ماقلت للدكتوره اخاف تلعب فيني والا شيء وينظر البيبي بسم الله عليه الله لايقدر انشالله

انا سالت امي وخواتي لكبار قالو عادي بس انا خايفه مادري ليش ..


اللي عندها فكره عن هالشيء تفيدني الله يجزاها خير يارب :yaaaaaarb:

 

[حـنـيـن 83]

رد : ماعندي خبره فيدوني انتو يمكن اخبر مني ..

ان شاءالله ماكو الا كل خير والله يتمم عليج
ماعندي فكره
بس قولي للدكتوره احسن
وانشاءالله البنات يفيدونج *

 

[باربي لكويت]

رد: رد : ماعندي خبره فيدوني انتو يمكن اخبر مني ..

ان شاءالله ماكو الا كل خير والله يتمم عليج
ماعندي فكره
بس قولي للدكتوره احسن
وانشاءالله البنات يفيدونج *

آمين يارب الله يجزاج خير حبوبه انشالله البنات مايقصرون يارب

 

[ياربيه]

رد : ماعندي خبره فيدوني انتو يمكن اخبر مني ..

للأسف والله ماعندي فكره ولا كنت حابه افيدج

وقلت مابي اطلع بدون رد

الله يثبت حملج يارب ويرزق بطفل بكامل صحته وعافيه آمين

 

[باربي لكويت]

رد: رد : ماعندي خبره فيدوني انتو يمكن اخبر مني ..

للأسف والله ماعندي فكره ولا كنت حابه افيدج

وقلت مابي اطلع بدون رد

الله يثبت حملج يارب ويرزق بطفل بكامل صحته وعافيه آمين

بعد عمري ماتقصرين تسلمين حبيبتي والله يسمع منج انشالله الله يثبته ويتمه لي يارب :yaaaaaarb:

ويجزاج خير ياقلبي :eh_s(7):

 

[دآنة آلرشآيده]

قولي لدكتورتج احسن
الله يتمم عليج ]

 

[خارج الزمن]

حبيبتي عطي الدكتورة خبر مايصير تخشين عنها
روحي دكتورة زينة وتطمني احسن لج من المحاتاة

 

[Zaina-al-zaina]

رد : ماعندي خبره فيدوني انتو يمكن اخبر مني ..

هلا حبوبه ،،،

بخصوص الافرازات احتمال التهابات عندج
انا لما كنت بالشهر الرابع نزل مني دم مايل على البني
وكانت معاي افرازات بيضا وخفت لايكون الدم من المشيمه
وسوت لي الدكتوره سونار وقالت المشيمه مافيها شي والحمد الله
وطلبت مني تحاليل وطلع التهاب في البول ،،،

نصيحه لا توسوسين وايد مثلي ، خليج ريلاكس وحطي كلام امج
وخواتج في بالج لان لو الموضوع خطر وايدمستحيل يخلونج ويقولون عادي
، الله يوفقج ويوفقنا معاج ويهدي نفوسنا ويرزقنا الذريه الصالحه ،،، آمين .

 

[دنيتي بنتي]

رد : ماعندي خبره فيدوني انتو يمكن اخبر مني ..

للرفع

 

[لولو.87]

اب اب

 

[om batool]

سوي مسحه للرحم يمكن التهابات

والله يتمم عليج

 

[باربي لكويت]

قوه حبيباتي الله يجزاكم خير كل اللي ردو علي عسى ربي مايحرمكم ويعطيكم كل الليتتمنون وشكرا للي رفعو الموضوع لي عسى ربي يرفع من قدركم بين خلقه يارب


انا قبل يومين نزل معاي دم شويه خفيف احمر بين بلكلينكس وخفت وايد ورحت الدكتوره وقلت لها بس الحمدلله طمنتني على البيبي وقالت لي كل شيء تمام والمشيمه زينه والبيبي يتحرك حتى ورتني حركته مشالله تبارك الرحمن عسى ربي يتمه ويحفظه ويخليه لي يارب وتقر عيني بشوفته وعطتني الدكتوره ديفيستون مرتين باليوم مع تحاميل مره باليوم مع ابر تثبيت كل 3 ايام ولله الحمد اموري مستتبه بفضل رحمه الله وكرمه والحين انا مستمره على سوره البقره وسوره مريم والرقيه الشرعيه عسى خير يارب دعواتكم لي حبيباتي تكفون

 

[شوشوه18]

حبيبتي لاتحاتين انشالله مافيج الا العافيه يارب عادي كل حامل يكون معاها افرازات انا الحين بالتاسع معاي افرازات بس مخليتها على الله سبحانه

 

[شقرا كويتيه]

رد : ماعندي خبره فيدوني انتو يمكن اخبر مني ..

الله يتمم عليج ان شاءالله

 

[fun88]

حبيبتي لازم تقولين لدكتوره لانها ادري بحالتج انا تنزل معاي افرازات ومافيني التهابات بس هذا طبيعي للحامل لان كل شي متغير بجسمج فلا تحاتين 