- إنضم
- 19 ديسمبر 2005
- المشاركات
- 173
- مستوى التفاعل
- 0
- النقاط
- 0
السلام عليكم ورحمة الله و بركاته
صباح النوير ..
هذي روايتي كتبتها انا و رفيجتي
و
وان شالله تعجبكم ..
~:: ماضي غلــ ــطاتي ::~
---------------------------
تأليف : MarinzMary / الريم الحجازيه
" ماضـ ـي غلـ ــلطاتـ ـي "
أتكون مجرد ماضي ؟ أم الزمن كفيل بنثر أسرارهـ و كشف أستارهـ ..
.. مقدمه ..
"
إن جل ما ترتوي به أفئدتنا حياة آمنه وبسمة دائمه وأحزان مبعثره ..
هي هكذا الحياة تفتح كتابها و تبسط أوراقها وقد كتب قدر أحدهم إما بدمه او بدمعه او ببسمته ..
مد وجزر
جزر ومد
ومع كل هذا تظل ضمائرنا حيه رغم
خطايانا
و ذنوبنا
وحتى رغم تلك الآلام التي تسببنا بها لاحدهم ومحونا بها ابتساماتهم وضياء بهجتهم ..
هي الحياة أودعت في زمن لا يعترف بنبض القلوب ولا مشاعر الروح هي لكم بكل ما حوت
هي :
" ماضي غلطاتي "
--------------
تعبت اشكي للدنيا ماضي غلطاتي
لين كسبت بذنوبي دنيا المماتي
اهجر ايامي وارجع بحزن ويلاتي
نسيت ان الدنيا صغيره كبر راحاتي
نسيت الهم وحلف ماينساني
وظل يذر الملح على جراحاتي
(بقلمي )
"
الجزء الأول
-------------
للوعد جيت من لون ..الخريف
وللوعد..جيت من طعم الجفاف
ومر في ساعتي ..وقت ونزيف
ومر في خاطري ...حزن وأفاف
الكويت
منطقة قرطبه
بيت سلمان آل ( بو مازن )
--------------------------
. . . . . .
في ذاك الممر تناثر أربع أشخاص روان وقد جلست بجوار زوجها تدعي بخلدها شفاء ابن أخيها , نور و قد انزوت في ركن قصي تحمل قلب أم ملتاع تخاف فقد فلذة كبدها , أما بندر فقد وقف مقابلا باب الغرفة فقد شارفت العملية على الانتهاء و ها هو ينتظر بفارغ الصبر ..
توترت الأعصاب و هم يشهدون خروج الجراح الذي كان ذا أصل عربي و ملامح جامدة اكتست وجهه فإذا بلسانه ينفرج عن كلمات كانت أحرفها كنار تتلظى في الصدر حين قال : البقاء لله عظم الله أجركم
صرخة مكبوتة دوت في ذاك الصمت أطلقتها روان التي دفنت نفسها في أحضان زوجها و في ناحية أخرى نور و قد تكومت على نفسها و صوت نشيجها يرتفع بشكل قاتل أما بندر فكانت شفتاه ترتجفان لتباغت وجنته اليمنى دمعة يتيمة تسللت بهدوء لتكون الفارقة في حياته ..
( بقلمي )
/
،
/
رفع راسه من بعد ما نطق آخر حرف و على ويهه ابتسامته الطفوليه وهو يقول : ها شباب شرايكم بإبداعي ؟
أجياد و هي تتلفت يمين و يسار تقول: وين الشباب ترى ماكو الا مازن و احنا بنات
عذبي وهو يرفع حاجبه اليمين و يخزها بنظراته : يعني انتي مو بطور شباب؟
اجياد- لا حشى منو قال توني صغيره
مازن و هو يضحك على اخته : انتي ماكو حل وسط عندج ليقلنا صغيره قلت لا انا كبيره و ليقلنا كبيره قلتي لا توني صغيره ماعرفنالج اشتبين بالضبط ؟
اجياد : سلامتك بس شباب حق لصبيان
مازن – منو قال اصلا الشباب حق الاثنين اهي مرحله عمريه مو نوع للشخص
عذوب و هي تصفق حق اخوها و تقول- درر والله درر يا بوسلوم صح لسانك سنع يا ربي بسم الله عليك من العين
عذبي و تعابير ويهه تضحك – حلفي انتي بس كل ما قال اخوها كلمتين صفقة وقالت درر درر يا بو سلوم ما ادري شقايل اخاف بس اكتشف شي يديد يا اختي يا حبيبتي هذا كلام العاقل يعرفه
وهني نطت بويهه اجياد – يعني انا الحين مينونه؟
عذبي : لا ابد تراج اصحى وحده فينا
اجياد : أي حسبالي بعد
عذبي : بس احيانا تحوشج لوثه عقليه
شهقت اجياد وطقت صدرها بايدها وقالت – انا تحوشني لوثه عقليه ( طبعا بهاللحظه عذبي طار بعيد استعداد للنحشه ) وهي تكمل و تقول هين يا عذيييييييييييييييب والله ما اخليك
و بدت حرب داحس و الغبرا عذبي منحاش من اجياد المتوحشه على قولته و ركض و دبيج على كبر البيت جنهم يهال و اجياد شاده الهمه متحلفه فيه و حالفه تطبق عليه دروس الكراتيه الي خبرها فيها من رابعه اابتدائي و يا تصيب و يا تخيب و بالنهايه احتمى عذبي بمطبخ التحضير و قفل البابين عليه باب الي يطل على الصاله و الثاني على الحوش و قعد يتفلسف عليها بالحجي وهي ميته قهر منه و يوم شافت ماكو فايده رجعت الصاله و عقب ما هدت شوي و طخت
قالت بصوت عالي – خلاص عذبي فرجت اطلع
طبعا اهو رد وقال – اكييييييييييد
مازن اهني سبق اجياد – أي اكيد على ضمانتي يلا اطلع عشان تسمع راينا
يفتح عذبي الباب شوي شوي يتأكد و يوم شاف انها بعيد بالصاله وامان طلع بس قعد على الارض عشان أي حركه يتلاحق على عمره – ها شنو رايكم ؟
مازن – حلو اسلوبها لو انها قصه ماساويه بس بدايه طيبه
اجياد – عجبني تسلسل افكارها
عذوب وهي تبتسم – رايي من رايهم
عذبي : يعني اصلح مشروع كاتب لان ببالي روايه قويه
مازن- ان شاء الله بس انت شد حيلك بالدراسه وعقب يصير خير وتألف هالروايه وتنشرها
عذبي : الله يسمع منك
مازن وهو يتسند على القنفه و يمد ريوله – بما ان عمتي اليوم معزومه شرايكم اعزمكم على العشا بره خاصه انكم من فتره ما طلعتوا
اجياد – ما عندنا مانع بس وين ؟
مازن : كيفكم انتو وين تبون ؟
عذوب – روبي تيوزدي
اجياد – لا لونتر
عذبي – لا يمعوده هذا بصراحه اكله ما يشبع تذواقه انا اعتبره اقول جوني كارينوز احلى
عذوب و اجياد – زين مو مشكله
مازن وهو يوقف – خلاص بس من الحين اذا زحمه ناخذ سفري و نروح البحر انزين ويلا روحو زهبو اذا خلصتو عطوني مس كول بمر على بيت يدي
طلع مازن يطل على يده الي ساكنين ببيت بنفس حوشهم
اجياد دخلت دارها تغير فتحت الكبت وسحبت بدي شوي متينه خامتها لان برد طويله لي الركبه لونها احمر مكتوب على جتفها اليمين بينتون بخط كبير باللون الاسود و معاها ثري كوارتر اسود مع بوت اسود عقب ما لبست و خلصت لبست عبايتها و لفتها
و طلعت تشوف عذوب الي اطلعت جدامها
اجياد – شلبستي ؟
عذوب : تونز زيتي مع تنوره بيج وانتي ؟
اجياد : الي امس شريته من بينتون
عذوب : يلا عيل خل ننزل
اجياد : لحظه خلص عذبي جنه صعد ورانا يبدل
عذبي وهو ياي من صوب جناحهم – جني سمعت اسمي ؟
عذوب – أي خلصت؟
عذبي : شوفت عينج
عذبي : يلا مشينا
نزلو تحت و طلعو حق مازن ومن عطوه مس كول الا وهو طالع وراهم ..
مازن يوم ركب السياره لاحظ ان عذبي لابس دشداشه ومو من عادته كله sportفاستغرب- ها شعندك اليوم اشوف الوطنيه زايده
عذبي : سلامتك بس اسرع من الحوسه
( عذبي بطبعه كله بنطرونات على قولة بومازن اشك ان فيك عرج انقليزي ويحب يلبس من الكاب للجوتي الوان متناسقه و الساعه و البوك و توابعهم يعني خساير بخساير واذا رقع باللبس عرفو انه ماله مزاج حق الطلعه طبعا محد يتجرأ من بره البيت و يناديه بغير عذبي لان اسامي الدلع الي ينادونه فيها ربعه على قولته دلع بنت مو ولد ومحد له حق يناديه بغيره الا اهله موته البحر و الحداق طالع على يده بعكس مازن الي دوم دشاديش و الغتره ما تطيح من راسه وموته البر و القنص ودوم يقوله ابونه تذكرني بايام شبابي دهري اجلح املح من طلعات البر اثنينهم مهوسين بالخيل و الرمايه محد يباريهم )
جده
حي البساتين
بيت محمد آل ( بوتركي )
-----------------------
شوي و تنفجر اذن وجد من صرخة تركي يوم قال – قووووووووووووول هدف هدف و احلى هدف بحياتي
طبعا وجد من قوة الصرخه وخاصه انها جالسه جنبه حست برنه بذنها وطبعا استحاله تسكت و ردتها عليه وهي تقرب من اذنه و تصرخ على قولتها وحده بوحده – غش غششششششششششششششش هدفك يشبه خشتك الشينه
تركي :: ههههههههههههههههه الا من القهر والغبن تقولين وجهي وشحلوه ناظري فيه وهذا اكبر دليل ان هدفي حلو
وجد : مالت عليك وعلى وجهك مدري منو ضاحك عليك و قايلك حلو ترى القرد بعين امه غزااااااااااااال وقبل لا تقول آخر كلمه نطت بعيد عنه عشان ما يوصلها شي اما طائر او زاحف تدري هي من شطانتها بتموت بيوم من الايام على ايده وطبعا اول شي سوته سحبت تلفونه معها الي بنفس الوقت رن تركي بكل برود يقول وهو يعيد القيم ويكمل لعب
بنظرة تهديد : ردي التلفون احسن لك
وجد وبنظره شيطانيه تشوف اخوها و تقرى الاسم الموجود على الشاشه
خوي الروح يتصل بك وتكمل - وهي تبتسم وترفع حواجبها طالعه نازله - شرايك ارد
تركي : ردي احد ماسكك بس شوفي شبصير فيتس
وجد بتحدي : وش بتسوي يعني are you will kill me ??
تركي بنظره حاده : انتي ردي وراح تعرفين وقتها شباسوي فيتس
وجد و هي تتذكر شلون لوى ايدها يوم شافها راده على تلفونه معنه الموضوع كان سوء فهم هي حسبته تلفون عمتها وكانت توها طالعه منهم و هو دوبها شاريته يعني صارت لخبطه و المسكينه شافت اسم عزيز حسبته ولد عمتها الصغير و نيتها تقوله ان امه ناسيه تلفونها و يطلع لها اخوها وابد ما سوت عليها السالفه معنه عزيز فهم تركي بس بعد عصب عليها بس الحمدلله عدت السالفه بدون لحد يدري بس جد عقبها حرمت تحوس باي شي يخصه اهني انتبهت من سرحانها على التلفون و هو ينسحب منها وكان عزيز الي حذفه على تركي الي طلع بعد ماعطاها نظره من نظراته الي تخوف اهني لفت على عزيز
وهي معصبه – يالغبي ليه خذته ؟
عزيز : والله شفتك بوادي ثاني و التلفون انبح صوته لين قال بس قلت ارحمه
وارده حق صاحبه اخاف بس كنتي بتردين
وجد : لا ماني مجنونه اهلي يبغوني
عزيز : طيب بعد عارفه انك يمكن هالمره الله يرحمتس
وجد : بسم الله علي فال الله ولا فالك
عزيز : وش يدريني عنك
وجد : كنت بناحسه بس
عزيز وهو يحذف عمره على الكنبه – طيب افففففففففف والله بعد كم يوم بصير البيت ممل و لوعه
وجد : ليه
عزيز : يامال الصلاح ليه يعني تركي وبيرجع يسافر
وجد وتعابير وجهها مالت للحزن : أي بهاذي صادق من جد راح افتقده
عزيز : الا بتفقدين الهوشه معه
وجد وهي حسفانه على روحة تركي : الكذب خيبه وجوده يسوي حركه في البيت يعني اكشن
قعدت وجد جنب عزيز وهي تقول – عزوز
عزيز : نعم
وجد ولمعة فكره براسها : الله ينعم بحالك ليش ما نسوي شي يكون مع تركي منا طول سفرته ؟
عزيز بنظره استغراب :: هلا اختي ؟؟؟ ما فهمت ؟؟؟
وجد بكل حماس : انا افهمك وقعدت تفهم اخوها الي ناويه تسويه لتركي بدون لا يدري
ام تركي كانت من اول ما بدت حرب تركي و وجد قاعده بمطبخ التحضير ترتبه تسمعهم و تبتسم على سوالفهم فرحتها مو شايلتها و هي تشوف شلون علاقتهم ما تغيرت حتى بعد ما سافر تركي يدرس بره طب و الحين صاره اربع سنين وباقيله ان شاء الله ثلاث
اتحس ان بالدنيا مافي شي يستاهل كثر حب عايلتها والعلاقه القويه الي تربط عيالها مهما باعدت الدنيا بينهم قالت بصوت هامس الحمدلله على كل حال وهي تمسح دمعه فرت من عيونها سكنتها قصة حزن ولحظة ألم و ندم ..
ما كان باقي على سفرة تركي الا اسبوع طار بسرعه بدون لا يحسون فيه صدق ان كل يوم يخلص يذكره ان الايام الي بيقعدها مع اهله بدت تنتهي ويرجع مره ثانيه لدراسته و الغربه الي ذاق نارها على طول الاربع سنين يتذكر شلون اول ايام غربته نفسيته كانت كلش بالقاع دوم عصبي وما يتحمل كلمه وحده ولحد يدوس له على طرف كان بروحه محد من ربعه سافر يكمل دراسته بره كلهم كملو داخل السعوديه الي راح الرياض والي ظل بجده والي راح الشرقيه واهو الوحيد الي اختار الغربه مو من نفسه اوهو طلب من ابوه خاصه انه نسبته عاليه وما حب يرده خاصه ان كل واحد من اعمامه و خواله عندهم واحد من عيالهم خريج امريكا والي متخرج من بريطانيا والي من فرنسا فكان الدور عليه من صوب ابوه يذكر اليوم الي غير فيه اشياء واجد وخفف عنه نار الغربه وعلمه الصبر وان مو كل الي نبيه ناخذه ذاك اليوم كان يوم الثلاثه راجع من الجامعه و نفسيته زفت ماشي بطريجه معتد بنفسه وهذا الي انعرف فيه بين شباب الجامعه تركي المغرور معنه الغرور ما يعرف طريجه يمكن الشكل واعتداده بنفسه يخلي الي حوله يظنون فيه هالشي بس الي يعرفه يعرف منو تركي ؟ لين ما مر على مجموعة اجانب ظلو يلحقونه ويرمون عليه كلام بما انه مسلم اول شي سكت ضغط على نفسه وما مرت الخمس دقايق الا وهو ينفجر عليهم تهاوش معاهم طاح فيهم طق بس بثواني صارو كثر لتراب وطاحوا فيه بلحظه حس بالموت الا وايد تسحبه من بينهم وصوت الشرطه الي مسكت المجموعه الي تحرشت فيه وخذتهم معاها كان تعبان مو قادر يستوعب الي حوله لين ما اظلمت الدنيا فيه
مسح تركي على ويهه وهو يتذكر ذيك الايام الي عسى الله لا يعيدها بدرجة كرهه لذاك اليوم بدرجة حبه له الي صار مو شويه نقطة تحول بشغلات كثيره كانت الغربه سبب لها ..
وقف وهو ينزل شنطته و يشوف الساعه ما بقى شي على الطياره وقف قدام المرايه و هو يلبس كابه ويفتح الدرج الاول ويطلع كيس وردي و الثاني ازرق و يحطهم على سريره سحب الشنطه وطفى اللمبه و طلع قبل لا ينزل تحت راح صوب دارها طق الباب محد يرد فتحه شوي شوي وشافها وهي منزويه تحت للحاف ماكو غير صوت بكاها هذي حالتها كل ما رجع يسافر على كثر ما تتهاوش معاه و تاذيه على كثر ماتحبه و تغليه ماترضى عليه ابد من يوم كانوا صغار تنهد من قلبه و راح صوبها قعد على طرف سريرها وسحب عن ويها للحاف كانت دافنه روحها بالمخده و صياحها قطع قلبه
تركي : وجد حبيبتي خلاص اذا تحبيني مسحي دموعك وبسك بكا يرضيتس يعني اسافر وانا ما سلمت عليتس
خف صوت بكيها وجا صوتها مخنوق – لأ
تركي : وجداني خلاص يلا قومي بسلم عليك مابقى شي على طيارتي
قعدت على حيلها و هي تمسح دموعها يشوفها وهو يبتسم وحب يغير المود – حرام عليك هذا وجه بالله عليك آخر شي اشوفه من ديرتي
وجد وهي تطالعه من طرف عينها - احمد ربك كان وجد بنت محمد آل بتسلم عليك
هنا ضحك عليها - والله واثقه الاخت
وجد بكل غرور : طبعا
تركي : طيب يلا قومي غسلي ينتظروني تحت ما سلمت عليهم عشانك يالاميره
وهي تبتسم - ان شاء الله
ونزلو تحت وسلم على امه وما خلته الا من بعد النصايح و الوصايا هالله هالله يا وليدي بدينك و حط الرحمن بصدرك ولاتطوف فرضك ولا تصاحب الا الي يخافون ربهم ومثل كل مره كلمات حفظها عن غيب من قلب ام تخاف على ولدها و حشاشة يوفها و ما ترتاح الا يوم تشوفه مرتاح و من بعدها مشو كان ابوه الي موصله مع عزيز الي تعلق باخوه ولازم الدموع وهالمره الوصايا من تركي حق اخوه لا تلعوزهم وتطفشهم صير رجال البيت طيعهم لا تلهي عن صلاتك شد حيلك بدراستك ومن بعدها سلم على ابوه وتوكل على ربه وطارت طيارته حق بلد الضباب لندن ..
" اغترب واغترب
و تذوب روحي بين دموعهم و ارواحهمـ
لأظل اذكر كل ملامح وجوههمـ
في جوف فؤادي
تزلزلني آلام غربتي
ليحتضنني ذاك الرفيق
بصدق أخوته وحسن شمائلهـ
و اعود لاغترب و أغترب .."
( بقلمي )
جمر الغربه علم تركي الحرف و دخله ميادين الأدب خلته الغربه شاعر وهو ماله بالشعر ولا النثر كانت هذي الخاطره اول شي خطه قلمه بعد ما تعرف على ذاك الخوي الي ما يسميه الا بخوي الروح وفعلا كان اسم على مسمى ومن بعد هالخاطره انبنت بينه و بين الشعر جسور مو جسر
لاقال دعني وانا ما قـلت له دعني .. يا لين سالـــت من الفرقا مدامــــعنا..
حتا في يوم الموادع يوم ودعـــني .. بكت جميع اللــيالي من مــــــوادعنا..
الكويت
سيارة مازن
-----------
الهدوء كان سيد المكان مازن مندمج بالسياقه و عذوب قاعده بارحيه على الكشن وتشوف الدنيا الي حواليها ومن الملل مدت ايدها تدور CD بتشغله بدل هالهدوء الطاغي
مازن – شدورين ؟
عذوب : ادور شي يفتح النفس
مازن : انزين سمعي هذي القصيده و ضغط رقم الــ CD الثالث وبعدها PLAYواشتغل
منو كثري شكى همه
و عانق حرقته وغمه
منو جرب في قلبه
يوم هموم الدنيا ملتمه
أنا الي مكتوي بحشاي
و أنا الي مضيع بخطاي
ألا يا همي الباقي
و تالي قصتك وياي
نخيتك يا زمن هدي
و يكفي واقف ضدي
يا ليتك مره لو تسمح
تدفي لوعتي وبردي
تعبت أمشي مع الدنيا
و أعيش بصيغة النيه
حسافه بالزمن هذا
ولا أحد قد ذكر حيه
أنا و الله يكفيني
سؤال الناس وشفيني
و حتى لو غدى جايز لهم
بالي يبكيني
( للشاعر مبارك العنزي )
عذوب وملامحها تحولت لحزن كاتب القصيده : حرام عليك مازن ابي شي يفتح النفس
مازن : مو حلوه؟
عذوب : امبلا بس ماساويه و تييب الهم
مازن : عيل انا احب هالقصيده
عذوب : امممممم شكلها تسجيل منو؟
وهو يبتسم – لا تلفين و الدورين قولي الصوت حلو
عذوب وهي تحرك عيونها فوق وتحت : مو احلى من صوتك
مازن : الجذب خيبه لاني اخوج بتقولين جذي
عذوب بثقه : لا والله صوتك حلو
مازن ؟؟؟ بس مو احلى
عذوب بتفكير مصطنع ::: اممممم نوعا ما مثلك
مازن بابتسامه لطيف مر في باله : لا وين و وين اهو في بحه
عذوب بفضول : انزين منو؟
مازن بنظره جانبيه : واحد
عذوب بملل : ادري واحد يعني وحده
مازن : لازم تعرفين منو يعني ؟
عذوب : اذا تبي تقول
مازن : ماعطاج مثل ما عطى جيود اذا بغت طلبتها خذتها
عذوب بشوفه نفس وهميه : انا غير
مازن : انزين و الي يقولج انا و واحد ثاني
عذوب بنظره دهشه : صج
مازن بضحكه : والله
عذوب بدهشه ممزوجه بروعة ابتسامه :: ما شاء الله مو مبين ولا لاعبين فيها
مازن باقرار : لا نوعا ما اصواتنا تتشابه دوم يغلطون بينا
عذوب بتفكير عميق : اها
ويقطع عليهم صوت التلفون
مازن : الو
..... السلام عليكم هلا مازن
ماون : وعليكم السلام هلا جيود
اجياد بلهجه سريعه : وين عذوب
مازن يلتفت لعذوب : كاهي هاج جيود تبيج
عذوب : هلا
اجياد : هلا فيج عذوب انتو بتروحون المارينا ؟
عذوب : حرام عليج وين المارينا هالحزه ( لانهم طالعين متاخر بالليل )
اجياد : عيل وين ؟
مازن – مجمع مريم
اجياد بلهجه متطلبه نوعاً ما : انزين عيل ابي تشتريلي بدله من قس تلقينها من الكولكشن اليديد جاكيت جنز قصير اسود وعلى الظهر مفتوح على شكل ورده وياه تنوره قصيره سوده جنز معاهم بدي حمر على الظهر رسمة ورده بالاستراس تبين من الجاكيت و سلامتج
عذوب بتنهيده : ان شاء الله
اجياد : مع السلامه
الله يسلمج وردت التلفون حق اخوها
مازن :تعالي وين تلفونج ؟
عذوب بملل : مو شاحنته
وصلو المجمع وراحو صوب محل السرداب الي كان مجموعه من محلات السواني شرو اول شي من يوتو وبعدها خذا له مازن ساعتين مثل الشي بعد ماخذا ذوق عذوب وكانت من دكني ومرو قس وخذو حق اجياد ويوم طلعو بيركبون السياره
عذوب : مازن خل نروح سنترال بلازا
مازن باستغراب وهو يطالع ساعته : بغيتي شي
عذوب ببساطه وروح عذبه مثل اسمها : لا قلت نروح روائع جنيف بشتري حق جيود سير احمر حق ساعتها فندي يمشي مع البدله
مازن : انزين
حطو اغراضهم و خطرو الشارع شرو السير ومره وحده خذو حق عذبي ان درى انهم شرو شي حقهم وكشتو فيه بسويلهم فضيحه
طبعا هاليوم مر بسرعه واختموه بسهره بس على اول الليل طبعا ما مرت الا بخبصه خابصها لهم عذبي الي سوالهم فرابتشينو طبعا ماكانوا مصدقينه بس والله طلع حلو ولا ستاربوكس وظلو بسوالفهم ليمن يالهم ابو مازن الي من وصل صوت على عياله ويوم شاف ماكو رد قال اكيد بالحوش خاصه ان الجو حلو صعد يبدل هدومه و رجع طلع من البيت صوبهم ورى البيت الا وصوت عذوب – حرام عليك عذبي والله بطيح
ابتسم بومازن على صوت بنته و صراخها قرب شوي صوبهم ليمن بانت له وهي بالديرفه وعذبي يدزها بقوم مطيرتها
عذبي – اصلا المفروض تستانسين مو تقولين ابي احس اني اطير كاج تراج تطيرين بالهوا
عذوب وهي ميته من الخوف و متقضبه بقوه بالسلسله متوقعه باي لحظه تطيح جد تحسه بقوه يدزها وهو عاد مستانس يحب يرفع ضغطها و يلعب باعصابها
مازن - عذبي بس البنت بتموت و بعدين استحوا على ويوهكم الناس نايمه و انتو ضاربين صوته لآخر الفريج قصروا حسكم
عذبي : لا عادي خلها تصرخ من اليوم لي باجر الييران اغلبهم اذا مو كلهم سفاريه ولا بران محد درى عن هوى دارها
عذوب : بليز عذبي والله احس اني بطيح تكفى وقف
عذبي : انزين كسرتي خاطري بس خمس دقايق
اجياد – عذيييييب خلاص بس محد يقولك شي تطلعه من جبده
عذبي : هههههههههههه عشان تحرم ما تطلب مني شي
عذوب : خلاص توبه والله ما اطلب منك شي
عذبي : وعد
عذوب : وعد
عذبي وهو مستمتع : وعد الحر دين
عذوب والخوف مقطع قلبها : والله وعد الحر دين
عذبي بدهاء : كلمة ريال
عذوب وبدون لا تستوعب كلام اخوها وهي مغمضه عيونها – كلمة ريااااااااااااااااااال
اهني كلهم ضحكو عليها
مازن بابتسامه اخويه حانيه دلت على طيبة قلبه ووسعه للعالم كله – حرام عليك والله البنت قامت تقط خيط و خيط
عذوب – ياكرهك يا عذبيييييييييييييييييييييي
عذبي بابتسامه حلوه تناسب ويهه الحلو - ويا حبج يا عذووووووووووووووووووووب
هني وخلاص قام مازن وهو رائف بحال اخته ويتحلف بعذبي الي من شافه قام مجبل عليهم قب بعيد عنها عشان ما يحوشه شي من اخوه الي وصل عند عذوب و قف اللعبه رحمة بحالها ودموعها الي شوي و تطيح البنت متعقده من صغرها كانت كل ما لعبت تسلط عليها عذبي ويقعد يدزها لي بالنهايه تهبد على ويها وهات يابجي و صياح تسويلهم فضيحه وكل مره يحصل زفه محترمه من ابوه او اخوه او عمته ابتسام بس منو يقول يسمع لهم اذن من طين واذن من عيين شطانه و بلاسه من صغره ..
بومازن كان واقف يراقب عياله وضحكهم وصراخ عذوب بابتسامه وقار تنرسم على ملامحه الي ظلت تحتفظ رغم مرور الزمن بمسحة جمال وهيبه بس الزمن كان كفيل انه يسحبه من عالمهم من اول ما طاحت نظراته عليهم لاول دنياه ..
" كان توه طالع من الدوانيه الا وصراخ عذوب حبيبة قلبه ياي من صوب الالعاب لف يشوفها وشاف المنظر الي قطعه قلبه وماخلاه ينطر دقيقه وحده وطار صوبها كانت تنزل من اللعبه بسرعه وطاحت وردت قامت و طاحت تعثرت بلعبتها الي كانت معاها وهدتها ودموعها تغسل ملامحها الطفوليه وشهقاتها وبجيها حطم قلبه كانت تصرخ وتنادي بكلمات موفاهمها وقبل لا يوصلها سمع صوت الباب ولف يشوف وهني عرف انها كانت تقول : ماما ماما
تنهد بقوه وهو يسرع بخطواته لين وصلها ويحظنها بعد ما قطت عمرها عليه من شافته مجبل عليها وهي ميته بجي وردت تقول : ماما ماما والأخير قالت بصوت مخنوق يحطم : ابي ماما ابي ماما
ومن كثر البجي نامت وهي بحضنه لامها بحنان الكون الي تجمع بقلبه تجاه عذوب و بقوه جنه خايف أحد ياخذها منه وفجأه وهو يمسح على راسها غمض عيونه بقوه وانعقدت حواجبه بسبب نغرات يحسها بخاصرته لاول مره "
انتبه بومازن من دنياه لدنيا عياله على صوت ولده مازن وهو يهلي فيه و يقول : هلا والله بأبوي الغالي هلا والله بأبو الغالي هلا والله بابومازن
عذبي وهو يخرب على اخوه ويدش عرض بينه وبين ابوه : اخ مازن ما جنك طايح تهلي بعمرك وتمدح
اهني ابتسم بومازن على ولده الي دومه جذي لازم حك صك مع اخوه وعلى قولة العمه ابتسام عذبي ملح البيت و عذابه يوم يكون سبب ضحكتهم ويوم سبب بجيهم طبعا عذوب واجياد الي ملعوزهم لين قال بس
قرب ابوهم منهم وهم فزوله وكل واحد حبه على راسه بالدور
بومازن : حبتكم العافيه
مازن والبنات : الله يعافيك ويكمل عذبي : بيت مكه يوديك
الكل ابتسم على كلامه ورد ابوه وقال : ان شاء الله مالكم الا طيبة الخاطر
عذوب وهي تقعد يم ابوها وتحط راسها على جتفه وتدلع : عساك سالم يبه وطويل عمر بطاعه
طبعا عذبي سالفة تدلع عذوب مايطوفها قاعد لها بالبلعوم لازم اكشن شوي جان يقول : انتي يعني مصدقه عمرج انج بيبي وقاعده حضرتج تدلعين على ابوي
عذوب : انت شحارك ابو و بنته ينيازون
عذبي : منو قال محتر الا انتي المسكينه غصب طيب ادلعين عمرج ولا انا الحمدلله الكل مدلعني
عذوب وهي ترفع راسها حق ابوها وتسوي عمرها شوي وتبجي : يبا شوف ولدك
بومازن : تراه اخوج
عذبي : لا والمصيبه توئمج انا بعرف امي مالقت غيرج جان اجياد فبها ونعمه والله بكون وقتها بنعيم
على كلام عذبي محد انتبه على تعابير بومازن الي تغيرت 380 درجه من طرى امه لانها رجعه لطبيعتها باقل من ثانيه , اجياد وهي تبتسم على هبل اخوها وشكلها خلاص بتقفل والنوم دق بابها اما مازن فمستمتع بالمسرحيه وعلى قولته والله جم يوم وبوله على هالخبال وبفقده من قلب فكان ساكت ومجرد مشاهد
طبعا عذوب يوم شافت الكل ساكت ردت عليه مثل اللبوه الشرسه وقالت : الله اكبر عليك انت ماخذ حقك و حقي وزياده واحنا لنا الله محد مبرد جبدي غير مازن والحين ياي تتشكى اصلا احمد ربك انك تشبهني ولاني حلوه طلعت حلو
عذبي : وع انتي حلوه ماشفتي الحلا اصلا وبعدين منو قال انا اشبهج
عذوب : لاني اكبر منك بخمس دقايق
عذبي : شدراج انتي جايز انا الي اكبر بس اهم غلطوا اشعرفهم اهم
عذوب : لا انت الي تعرف
عذبي : طبعا
وبعد هالهذره والسوالف كل واحد راح داره من بعد ما مسو على ابوهم ..
جده
بيت محمد ال ( ابو تركي )
--------------------------
بخفه وبكل اريحيه ارتطمت خطواتها بالارض الرخاميه اللي تحمل كل معاني الفخامه والعز وترتفع من هذه الرخامات المرتصه بشكل هندسي متقن فازات وطاولات ترتص عليها تحف من العصر الاغريقي تتناسب مع ديكور الصالون العائلي في بيت ابو تركي او نقدر نقول قصر ابو تركي فهو من النظره الاولى تبصم بالعشره على انه قصر من قصور كبار الشخصيات في جده ويعتقد الناظر اليه ان البيت ملئ بالناس ولكن العكس هو الصحيح فالبيت ملئ بالمشاعر وملئ بالغموض والاسرار التي ترفرف على عرش هذا القصر ...
آآآآآآآآني آآآني يامال الصمخ وينتس فيه ؟؟؟؟؟
ارتفع صوت عاليه ( ام تركي ) بالبيت وهي تنادي الخادمه اللي تركت االلي بايدها وجري تنفذ طلب عمتها
تنهدت ام تركي وهي بخاطرها تذبح شغلاتها العله وتقول بخاطرها ( يامن شراله من حلاله عله )
Yes mam what do you want ???
هالحين لي ساعه اعلم الجيران هماني معلمتس وقايله لتس جيبي القهوه ؟؟؟
طارت الخادمه على المطبخ وجابت طوفرية ( صينية ) القهوه وتبي توديها الصالون نادتها ام تركي
على وين يامدام بتودين القهوه ؟؟؟
ردت الخادمه المسكينه : انا في يوديها للصالون أند بابا ابو تركي ..
ام تركي وهي مطيره عيونها فيها .. لا بالله من حرمته انا والا انتي ورا ما تاخذينها عنده وتقهوينه وتقهوين معه بعد ؟؟
ناظرت الخادمه بكل استغراب وهي ماهي فاهمه كلمه وحده من اللي قالتها عمتها لها ...
اخذت ام تركي القهوه من الخادمه وهي تقول من بين ظروسها : هاتي القهوه هاتيها ...
اخذتها منها ثم حطتها على الطاوله وعدلت نفسها وعدلت شعرها المرتب بطريقه تدل على وقارها ورفعت شعرها من وجهها الذي على الرغم من كبر سنها الا ان ملامحها كانها صبيه في الجزء الأخير من العقد الثاني و أخذت نفس عميق استرخت وكملت مسيرتها بكل ثقه رغم ان الثقه ابعد ماتكون عن داخلها الدامي
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
مرت من بوابة المنزل الداخليه وكانت منحوته بكل عناية نحت على جدار داخلي للمدخل وكانها لوحه فنيه مميزه لفنان ماهر واتجت بخطواتها الى الصالون العائلي وتخطته الى شرفه في نهاية الغرفه تطل هذي الشرفه على حديقة القصر المميزه واتخذت مقعد من السنديان الاصلي الخفيف .... ووضعت صينية القهوه على الطاوله الزجاجيه المغطاة بدانتيل بيج تندس تحته قطعه من الجاكار الازرق الغامق ...
ابتسامه انرسمت على وجه الشخص المخفي وجهه خلف الجريده .....
صبت ام تركي فنجان القهوه وناولتها زوجها الغالي ابو تركي وهي تقول .... تقهو يابو تركي
اتى صوت رخيم وثقيل بنفس الوقت وكأنه ياتي من بئر عميقه .. حطيه على الطاوله ...
اعتدلت في قعدتها بعد ماصبت لنفسها فنجان قهوه وبعد ماانتشرت رائحه الهيل والزعفران المميزه في الاجواء ...
أقول يابو تركي مادريت وش صار في سلطان ولد حمد ...
نزل الجريده بسرعه لتبان ملامح الصقر الحاده وجه مرسوم بالقوه والهيبه وعيون كعيون الصقر الجارحه فبان ملامح طبق الاصل من ابنه تركي ولكن على اكبر في العمر واثقل في االقدر : حمد قريبنا وش صار عليه ..
ردت ام تركي : صار عليه حادث بالخط السريع ..
رمى الجريده وقال بصوت اشبه بالصراخ : يادافع البلا وش ذا الهرج ومين اللي علمتس ؟؟
بلعت ام تركي ريقها بعد صراخ زوجها : ام صالح ..
ابو تركي وتحولت ملامحه للاشمئزاز : اعوذ بالله من ذا الحرمه ما تجيب الا الاخبار الشينه والله ان بو صالح رجالن زين ومؤمن مير الله بلاه صدق اللي قال ان المؤمن مبتلا ...
وبان العتب على وجه ام تركي : وش فيك على الحرمه الله يهداك هذي جزاتها انها تعلمنا ..
ابو تركي : الله يهداكي انتي انا مالي في ذا الحرمه لكن هالحين بسالتس علمتس هي وش صار على الولد
ام تركي : أي قالت لي انه بغيبوبه الله يشفيه ويخليه لأميمته ..
ابو تركي بأسلوب اشبه باسلوب المحققين : قالت تشافى ولا لأ قالت صحى من الغيبوبه ولا لأ ؟؟؟
ردت ام تركي باستغراب : لأ
ابو تركي باقرار : هي شفتي ان ماوراها الا الاخبار الشينه لو وراها شي زين كان علمت ان الولد ربي شافاه ماعندها الا فلان مات وفلان صار له حادث ...
ام تركي وهي تبي تغير الموضوع : طيب دق على أي احد من جماعتنا وأسأله وش صار على الولد ....
بوتركي : أبسأل هالحين ومسك جواله وبحث عن رقم معين في باله واتصل عليه وسأل عن الولد وطمنه الشخص اللي اتصل عليه ان الولد ان شاء الله يتحسن وتحمد له بالسلامه واخذ رقم الغرفه والمستشفى اللي منوم فيه الولد ...
وقفل الخط ..
بادرت ام تركي بالسؤال ... ها وش يقول بشر ؟؟؟
نظر لها نظره جانبيه وقال : ورى ماتسالين ام صالح ؟؟
بنظرة عتب قالت : بو تركي بلاك يارجال على الحرمه ؟؟
أبو تركي : ما بلاني شي ؟؟
ام عزيز بلهفه وطيبه قلب : طيب وش يقول ؟؟
ابو تركي باطمئنان ونظره رجل خبير بالاربعين من عمره : لا الحمد لله يقول ان شاء الله انه يتحسن صحى من الغيبوبه و بأذن الله يتشافى بس المشكله ان السياره صارت عجينه ..
ام تركي بايمان ويقين كسبتها من بعد شقاها وعناها .. الحمد لله على كل حال واذا على السياره فالفلوس ولا في النفوس يابو تركي ..
الله المستعان ..
صمت خيم على جو الغرفه من بعد هذي المحادثه وام تركي تجهز للكلام اللي تبي تقوله :
اقول يا محمد ..
ابو تركي : ياعيون محمد
حيا كسا وجه ام تركي رغم السنين الطويله الا ان المرأه بطبعها تتعطش للحب في كل وقت تحتاج للكلمه الحلوه والنظره الحانيه في كل زمان : تسلم عيونك يالغالي
اااااا تسمح اروح لزواج سالم ولد عبيد ال....
ابو تركي : بسخريه : ياحبكن يالحريم للعروس الوحده منكم لو تسمع عن عرس بالصين خذت عبايتها وقشت عفوشها وسرت .
ام تركي وهي مستعده للحرب الكلاميه مع زوجها الغالي .. الواجب يابو تركي هالحين ترضى تعزمني وما اروح ؟؟ شيقولون عني الناس ام تركي ماتعرف الواجب ..
بصوت مفعم برائحة السخريه : لا والله ابببد ما يرضيني ..
ام تركي وهي داريه ان زوجها قاعد يتمصخر عليها لكن طنشت : هيه شفت وبعدين الزواج اليوم وماني مطوله .
بسخريه امر من الاولى : ما تتأخرين هالحين تصابحون لين وجه الفجر والعله تلعي على روسكن ( يعني الدقاقه ) والله لو اقعد نص ساعه وهي فوق راسي تغني لاأطلع اصم من صوتها اعنبو داركن تقعدن لين اربع وخمس الفجر ماتتعبن ما تخافن الله ربي ينزل في الثلث الاخير من الليل يبي دعوه يبي ركعه وانتن على صوت الدي جي والعله اللي تثغي
حنى نقعد لين عشر واحس اني بانفجر وحنا بهدوء مو مثل عندكم ..
ام تركي وهي فحمت من تهزيئة زوجها لكن هذا حالها عند كل عرس لا تكل ولا تمل : طيب يعني تبيني انعزم ويوصلني الكرت لين عندي واقعد عن العزيمه وبعدين يالغالي شي لزوم وشي حشوم وانا رايحه حشمة ام سالم ..
ابو تركي : لا حاشاكي ابد من المغرب سري عليهم ؟؟؟
ام تركي اللهم طولك ياروح ؟؟؟ : هالحين قول لي ياعاليه لا تروحين وانا ما اروح لازم هالتهزيئه كل مره ؟؟
ابو تركي باقرار للمصير : روحي يام تركي بس لا تتأخرين .
ام تركي : يعني شلون اروح وانا ماشفت البنت ( العروسه ) .
ابو تركي : لا حوووووول ولاقوة الا بالله هالحين انتي رايحه علشان البنت ولا علشان ام سالم ...
ام تركي بملل ورضى بالمصير : خلاص خلاص برجع بدري ...
ابو تركي بابتسامه محارب حصل على غايته : أي هذا الكلام السنع .
بعد ساعه بعد في جده ..
هللو مامي ..
ام تركي : مامي اقول انزلي تغدي الغدا جاهز ..
وجد : سوري مامتي انا عامله دايت فما اقدر اكل ..
ام تركي : دايت البلا هالحين انزلي تغدي معي ومع ابوك يكفي عزيزوه ماهو بفيه ..
حنت وجد على امها : ok بس ثواني ...
السلااااااااااااااااااااام عليكووووووم ..
ابو وجد بابتسامه : هلا وغلا بحبوبة ابوها ودلوعته .
وجد بابتسامه انرسمت على وجهها ليبين ملامح طفله مدموجه بملامح امرأه طاغية الانوثه مكتملة الجمال : هلا وغلا بحبيب بنته ..
وانقضى نص الاكل بالسواليف .
وفي نص الاكل :
بابا ..
ابو تركي : هلا وجوده ..
وجد : ممكن اطلب منك طلب ..
ابو تركي .: بعد انتي تبين تروحين عرس .
وجد : اللللللللللله عرس من زمان مارحت عرس ..
ابو تركي: بعااااااااااااااااااااااد
وجد : ذكريني امي اسالكي عن العرس بس بعد ماأسأل الديوان الملكي وأطلبه ..
بابا ممكن تديني فلوس لأاني بروح السوق واحتاج لقليل من المال ..
ابو تركي : ورى ماتاخذين من امك طيب ؟؟
وجد بابتسامه تحفه : ومن قال اني ما باخذ منها باخذ منها ومنك علشان اكون حقانيه واعدل بين الطرفين ..
ام تركي بابتسامه : ونعم الحكم والعدل وانا امك ...
وجد : رهيبه انا ها وش قلت يالغالي يابو تركي تراني مستعجله ..
ابو تركي: لكي اللي تبينه بس ماتروحين مع السواق لحالك ..
كانت وجد بتعترض لكن التزمت الصمت لأنها يمكن بمعارضتها وفلسفتها يمكن تخسر الفلوس والروحه بعد ..
اقول يبا ::
ابو تركي بتنهيده وطولة بال : هلا يبا ..
انا عندي اقتراح ؟؟
ابو تركي : اقترحي ياعيون ابوكي ...
وجد بفوقه وروقان بال واحلام ورديه : وش رايك لاخلصت الثانوي اروح ادرس برا .
ابو تركي بسخريه على تفكير بنته : اول اخلصي من الثانوي ثم اوديكي لو جامعه الصومال بس انتي اخلصي وجيبي نسبه زينه ..
وجد بتفكير حاولت بقدر المستطاع يكون مركز : نوووووووو دادي انا مابي اروح بعيد انا ابي اكون قريب انزل لكم بالويك اند يعني مثلأ بااجامعه الامريكيه بدبي ولا بجامعه الكويت ولا
طرااااااااااااااااااااخ ..
طاحت الملعقه من يد عاليه ( ام تركي ) ..
والتفت لها ابو تركي :بلاتس يا عاليه .
ام عزيز وبعد ما انخطف لونها وبانت قد ايش متوتره : ها لا ولا شي ابد ..
وجد وحست ان في شي فقفلت على السالفه على امل انها ترجع تفتحها مره ثانيه
..
ساد صمت متوتر وغريب وهم على وشك الانتهاء من وجبتهم ..
اقول يما .
ام تركي : هلا يما
وجد : العرس اللي تبين تروحينه عرس مين ..
ام تركي وكأن لونها رجع لها وتنفسها رجع ينتظم ..: عرس ساره بنت ...
وجد بصدمه وفجأه : ووووووووعععععععع هالحين سوير ام كشه بتعرس ؟؟؟
ومين مقرود الحظ اللي يبتلش فيها ...
كانت بترد ام تركي الا ان الرد كان صاعقه على وجد وكان من ابوها : بتعرس على ولد عمها لحمها و دمها اخير من بعض الناس
وقام من على السفره ... كثر الله خيركم
...
وجد وكأنها انلطشت كف على وجهها واجتمعت الدموع على رمش عينها وقامت من السفره على عجل
بريطانيا
لندن
جامعة اكسفورد
----------------
تركي مع رفيجه مناف الي متلعوز مع اوراق التسجيل
مناف وهو يقلب اوراق ويتأفف : الله يهنيك انت خلصت وفكيت عمرك مو انا الي مبتلش بلشه بهالتسجيل العله
تركي : انا كل سنه كذا احاول اخلص بدري عشان ما تنغلق الشعب واحوس بموادي
مناف :تصدق احس طفرت ولاعت جبدي وراسي يفتر وما ابي الا المخده
تركي : ههههههههه هانت بقى تسجل آخر ماده
مناف : على قولتك تعال الا وين رفيجك
تركي :أي واحد فيهم
مناف : بوعيون زرقه
تركي وهو يعصر مخه يبي يتذكر منو من خوياه عيونه زرقه ماتذكر احد بعدين استوعب ان اصلا محد من خوياه عيونه زرقه
فلف على مناف وقال: منو تقصد بكلامك محد من اخوياي عيونه زرقه
مناف : افا نسيته
تركي : جد والله من تقصد
مناف وهو يضحك على تركي : الله يغربل بليسك لا وبعد تفكر انا اقصد الاشقر الامريكي
هنا استوعب تركي منو يقصد مناف بكلامه ابتسم وطق مناف على الخفيف على راسه :الله ياخذ بليسك راسي داخ وانا افكر اعصره زياده تراه بعد كم يوم بيجي
مناف وهو يوقف عند مكتب الدكتور : شكله حلتله القعده
تركي والحنين يسكن بين اضلعه : اكييييييييييد مين ما تحلى له القعده مع اهله وحبايبه
مناف: الله يوفقنا و نفتك من هالعله ونرجع ديرتنا
تركي بأمنية صادقه: آمييييييييين عاد هالله هالله موتنسانا مر وطل علينا
مناف : وين انت وانا وين الله يهداك بعيد انت
تركي وهو يفتح عينه الوسيعه على وسعها : احلف انت بس كل ما اعتمرت مر مو بصعبه
مناف و يسوي عمره يفكر بالموضوع : امممممممممم اشوف ان شاء الله
تركي بنظره غريبه : بعد يفكر ووجهه بدون تفكير عطني كول وتلقاني عندك
مناف : ان شاء الله نلحق خير
تركي : ان شاء الله
طبعا سالفة بوعيون زرقه سالفه اهو واحد من ربع تركي ويعزه معزه خاصه ومثل ما يقولون طبجته الي ما يستغني عنه وين مايروحون مع بعض دراستهم ويا بعض نفس الكليه والسنه الدراسيه وكل موادهم ياخذونها مع بعض حتى سكنهم ساكنين بشقه تركي الي شراها ابوه له بعد ما خلى رفيجه شقتهم حق أي احد من اهلهم اذا زارهم يسكن فيها طبعا مختصر السالفه ان رفيجهم زايد الاماراتي كان يايب صوره وهو صغير وطايحين الشباب تعلق عليها ومن ضمن الصور صوره عيونه صاير لونها عسلي طبعا اهي بنيه قامجه بس من انعكاس الشمس عليها مخليتها فاتحه وايد عاد اهو قعد يتفلسف عليهم انه يوم كان صغيرون كانت عيونه عسليه وغدت "استوت" بنيه ،وشعره تغير
وغدا اسود و على هبال وتمسخر وكل واحد عاد بدع ومن بينهم طبجة تركي الي قال و شقهم شق انا اصلا عيوني زرقه وابيض وشعري اشقر بس من كبرت تغير لوني وانا اصلا امريكي يعني هذا العرج الي نط
طبعا قعدو يتمسخرون عليه مو مصدقين انه امريكي يحسبونه يتمسخر مثل سالفة العيون و الشعر بس زاد العيار ليمن قالهم صج والله انا امريكي وصدمهم بجوازه الامريكي هني انصدموا ما توقعو السالفه بهذي جد خاصه انه كويتي ومنها فهمو انه منولد بامريكا وبسفراته حق لندن و ربعها ما يستخدم الا الجواز الامريكي لانه شاف الفرق والي ساعده شكله ما يوحي انه خليجي ورطينته بالانقليزي ومن بعدها وهم يسمونه بوعيون زرقه طبعا الي ما يدرون شالسالفه يستغربون شكو عيون زرقه وعيونه سوده
وعلى قولة تركي : اتخيل عيونك زرقه وع ابدا مو بلايق
الكويت
منطقة جبد اليواخير ( الجواخير )
ياخور بومازن
---------------------
بياخور بومازن الي اهو عباره عن مسااااحه كبيره نوعا ما تقريبا اربعة آلاف وشوي بوابته تكون قريب الزاويه اليمين الي تطل على الشارع الرئيسي وبالوسط الارض منبسطه خضره بوسطها نافوره وعريش متوسط الحجم مغطى من جميع النواحي بالزجاج العاكس وعلى الزاويه اليسار باقصى الياخور البيت الي مبني على لستايل اللبناني ويتكون من ثلاث مستويات غير حمام السباحه الي على يسار البيت ويطل عليه وهو محمي بغرفه خاصه له لها سقف يتحرك وعلى نهاية امتداد المساحه الكبيره فاصل بالشير يفصل اسطبلات الخيل واقفاص الحمام ..
مازن وهو طاير بخيله الاسود لين بدى يخفف شوي شوي وهو يلف بالعكس و يواجه عذوب ويقول بصوت قوي : عذبوه اذا بتضلين جذيه منتي مستفيده بولاشي من هالتدريبات لازم تدربين اكثر على الاقل كل اسبوع مره انا ابي اعرف ليش اذا سافرت ما تدربين ؟
عذوب وهي تناهت من التعب وتوقف خيلها خيال اليوم مازن هلكها من وصلو وهي على الخيل طردي يدربها : شوي شوي علي والله تعبت
مازن : ميخالف لانج من زمان عنه
عذوب : انزين قولي شسوي
مازن وهو يقرب من اخته : وعذبي شمهنته كل يوم والثاني طايح هني
عذوب وملامحها توحي باليأس وقلة الحيله : مايرضى ياخذني كله مع ربعه
مازن : خلاص انا اتفاهم معاه
عذوب وهي تترجاه : شوي شوي لا تغصبه والله يحط علي ويكسري بتدريباته ماني ناقصه
ومجرد ما خلصت كلامها انتبهو على اصوات الخيل الي يايه صوبهم لفو يشوفون اجياد و عذبي الي كانو طايرين صوبهم بسرعه وشكلهم يبين انهم يتسابقون وبعد ثواني استوعب الي يشوفه وشوي وعيونه تطلع من مكانها وقعد يدعي بقلبه على عذبي وخباله وينونه هذي ما غيرها حطاته اكيد ..
اجياد كانت راكبه خيل ابوها العنيد الي صعب الواحد يروضه ماغير ابوها ومازن وبعد موكل مره تطاوع اخوها مره على هواه وعشره لأ ..
تحركت عذوب من مكانها تفتح لهم المجال ويوم شخطوا جدامهم كانت اجياد حضرتها واقفه وحدها مستقويه
وهني حس مازن بفطانته ان السالفه ماراح تعدي على خير ولحقهم
و بدقايق زادت خيل ابوها سرعتها بشكل يخوف والي لاحظوه انها كل شوي و وحده من ريولها تنعكف اكثر لدرجه انها تختل بتوازها وترجع مره ثانيه عادي بس الي وقف قلوبهم انها مجبله على بوابه تفصل بين ياخورهم و ياخور رفيج ابوهم بوضاري وشكلها بتتجاوز البوابه الي كانت نازله شوي بس تعتبر رفيعه
اجياد حالتها حاله قلبها يرقع وميته من الخوف لدرجه انها هدت اللجام و تجلبت برقبة الخيل بكل قوتها موقادره تنفس الهوى يضرب فيها بقوه ومن شافت الخيل وهي تنقز تبي تتخطا البوابه صرخت صرخه طلعت من روحها ومن قوتها شلعت قلب كل من سمعها : يباااااااااااااااااااااااااااااااااااااااا
ورجت الدنيا من حولها
بالصوب الثاني بياخور بوضاري ضاري توه طالع من البيت واقف على عتبته وهو يكاسر الشمس و يتمغط مو مصدق انه و اخيرا عتقوه اهله وانه قام بروحه محد يحن ويزن فوق راسه قوم بسك نوم تأخرنا ومن هالحجي الي تعود يقومه من شهر تقريبا
تذكر امس شلون ضرب خط من الديره لي جبد وعينه كابس عليها النوم وجم مره تغفي عينه وينحرف عن الطريق ويفز على هرن السيايير والله ستر وماصاده شي طبعا هالنحشه من بعد حوسه بدت من شهر وكلها بسبب عرس اخته الي قررو انه بكون بسرداب بيتهم وماغير اهو واخوه صقر ولويه من مكان لي مكان مفتره الدنيا فيه و طاقه جبده ومن خلصو عرس الرياييل شال شلايله وراح صوب جبد بس خلاص على قولته مهمته خلصت وحيله انهد ويبي اسبوع راحه و استجمام طبعا من وصل ما مرت ربع ساعه الا والحبيب صقر واصل وراه حاله من حاله ..
نزل ضاري من الدري وقعد يتمنظر بالزرع وكل شي واهني شاف صبيهم وهو يمشي خيله وخيل صقر اشرله ايي صوبه
ومن قرب منه خذا الخيل منه و خلى خيل اخوه قريب من البيت يدري هذي حروته يقوم ومن عادته ياخذله جم دوره بالخيل بعدها استاذن الصبي ان عنده جم يشغله بروح يشتريها اذن له وهو يقوله : تيسر بدربك
ظل شوي يمسح على خيله بكسل يفكر شنو ممكن يسوي بوقته و بخفه نقز فوقها و خلاها تمشي على كيفها وبطرف ثانيه سمع ذيك الصرخه الي طيرت قلبه من قوتها وعليها وبنفس الوقت تحرك الخيل وطار يركض لدرجه انه بقى يطيح بس بآخر لحظه تلاحق على عمره وتمسك بالخيل وظل يحاول يستوعب الي قاعد يصير له وشوي شوي استوعب ان الخيل تلحق خيل ومن دقق نظره فتح عيونه و هو يقول هذي خيل عمي بومازن بس ملامحه الصدمه انرسمت يوم شاف ان في احد عليه وكانت بنت وصرخه ثانيه يت من وراه وكانت من اخوه صقر الي قال : اجيااااااااااااااااااااااااد
حس هني بربكه يرجع ويخلي اخوه يتولى الموضوع ولا يكمل حرك نظراته بسرعه على الجهه الي تقصدها الخيل ومندفعه بقوه ناحيتها كانت بوابه رفيعه و من ثامن المستحيلات انها تخطرها البنت و محد صوبها غيره
الي صار جدام مازن و عذبي خلاهم يتبريدون بمكانهم الصدمه وقفت عقولهم الا مازن الي تحرك بسرعه واندفع يلحق اخته ومن قرب صوب البوابه خلى الاسود يرفسها بضربه وحده بحوافره وبقوه لين انفتحت على وسعها طار جهة اخته وقتها كان ضاري الاقرب من مازن و صقر
ضاري وهو يقرب من اجياد الي كانت مغمضه وماتدري شصير دار مدارها موقادر يقرب اكثر يخاف الخيل تهيج ولا شي ولاهو ضامنها ابد مد ايده لاجياد و الثانيه متقضبه بالخيل طبعا بدون لجام اهو يدري ان الي قاعد يسويه مو مضمون خاصه ان ماكو شي يثبته غير ايده على الخيل ويمكن يطيح بس ماكو وقت سرعة الخيل مو طبيعيه اصلا موقادر يستوعب انه يجاريه كان يصرخ ويقول : اجياد مدي ايدج بسرعه اجياد ماكو وقت تكفين رفيعي راسج شوي اجياد لفي راسج يمين
ولاحياة لمن تنادي
اجياد بعالم آخر حاسه ان خلاص شوي وتموت موقادره تسوي الي قاعده تسمعه مو قادره تميز الصوت ولا حتى ترفع راسها وما حست الا بايد تنحط على خصرها وتسحبها مثل الريشه من على ظهر الخيل
مازن و صقر كانو يشوفون كل شي جدامهم واكثر شي خلاهم ينهبلون ان ضاري من سحب اجياد وتوازنه بدى يختل وعلى آخر لحظه وصله صقر الي خذى اجياد الي كانت مثل الميت من اخوه بسرعة البرق قبل لا يطيح وبهاللحظه دوى بالكون من حولهم صوت طلقه تبعها ثلاث طلقات وقفو لحظتها وهم يتابعون الخيل الي بدى يترنح جدامهم لين ما طاح على الارض
صقر وهو يمسح على راس اجياد ويقول : اجياد
كلمة اجياد اجتمعت بعقلها متفككه ولين فهمتها و استوعبت صاحب الصوت انهارت بجي وصياح غير شهقاتها الي خلت صقر يلمها بقوه
بومازن كان قريب من عياله وتوه طالع من مخرن عنده مرتبه ومطلع الاشياء الي مايبيها وكانت من ضمنها الشوزن ومن شاف الي صار ثور بالخيل بدون ادنى تردد او تفكير ان الخيل عربي اصيل ويمكن يوصل سعره للمليون بس كل شي ولا عياله و الي صار جدامه مو هين ابد
ضاري نزل راسه و تنحى على اليسار وراح ماشي صوب بيتهم مازن كمل طريجه صوب اخته و كان قلبه يرقع انفاسه صعبه و ويهه محمر ومن شافها متعلقه برقبة صقر وسمع صوتها حس ان جبل وانهد وقف شوي وهو يحاول يسترجع انفاسه ونظراته ما تتعدى اخته
صقر وهو يرفع نظراته حق مازن بطريقه جنه يقوله شلون خليتوها كانت مجرد لغة عيون لين قطعها صوت مازن : شلونها
صقر وهو يشوف اجياد الي بدت تهدى بحضنه : أحسن
ولفو اثنيناتهم راجعين صوب عذبي وعذوب يوم تفاجأو ببو مازن وبيده الشوزن
عذبي واقف بمكانه من هول الصدمه الي الجمت لسانه وعذوب دموعها على خدها و بومازن ظل واقف بمكانه والموقف ينعاد جدامه بلحظه كانت بنته بتروح من ايده بس ربه قدر ولطف وقال بصوت مسموع : الحمدلله على على كل حال
ومن قربوا العيال صوبه الا وهو يمشي صوبهم وقف صقر يم بومازن الي مد ايده يمسح على راس بنته ويقرا عليها وشوي قال : شلونها
صقر : الحمدلله طخت شوي
مازن : خلونا نرجع يبيلها ترتاح وانا بشوفها جان تحتاج طبيب ولا لأ
بومازن : خير ان شاء الله
ومشو ليمن وصلو البيت مسك مازن اخته ونزلها من عند صقر وساعدته عذوب لين وصلو غرفتهم ظل مازن و صقر يمها وعذوب راحت تييب جنطة مازن اما عذبي الي تم واقف على باب الغرفه والخوف على اخته ماكله و الحسره والندم يحرقونه كان بيذبح اخته بينونه وافكاره المتهوره
شاف مازن اخته وتاكد ان الحمدلله مافيها الا كل عافيه و انها تحتاج شوي حق راحه طلب من عذوب انها تظل معاها وتشوفها اذا بغت شي وطلع من غرفتهم متوجه للصاله الي كان فيها صقر و عذبي ..
بومازن كان موجود بالغرفه و سمع كلام ولده وتطمن على بنته بس ظل وياها ويوم شاف انها غطت بالنوم وانتظم تنفسها طلع من عندها وهو حاس بتعب بعد ما نبه عذوب انها تقعده على صلاة الظهر ..
بالصاله عذبي واقف مجابل الدريشه ومعطيهم مقفاه و مازن قاعد على القنفه ومنزل راسه وايده على ويهه وصقر الي ينقل نظراته بين الاثنين لين قطع الصمت : ممكن افهم شلي خلى اجياد تركب العنيد
مازن وهو يوخر ايده عن ويهه ويرفع راسه وملامحه توحي بغضبه على اخوه وهو يوجه نظراته حق عذبي : اسأل هالياهل
بقوه لف عذبي عليهم متنرفز من كلمة مازن وقال بصوت عالي شوي كابت الغضب فيه من نفسه : ماني ياهل انزين
مازن فز على طوله كلش ولا خواته والعصبيه عنده واصله حدها : ياهل وستين الف ياهل الريال مايسوي سواتك ممكن تفهمني ليش خليتها تركبه وانت ادرا فيه انا وانا ريال ما يطاوعني شحال هالبنت ولابس بتستقوي على هالفقيره
مازن كان صوته عالي وحاد من الصوب الثاني عذبي قاضب عمره عارف غلطته وماعنده شي يرد فيه على اخوه
وبوسط كلام مازن دشت عذوب عليهم وهي تقول : مازن
مازن : هلا
عذوب : تكفى قصروا حسكم اجياد وابوي نايمين
تنهد مازن وقال : ان شاء الله
ولف وعطى عذبي نظره تسم البدن وطلع
صقر وهو يشوف الي صار جدامه قال بصوته الهادي وهو يحط ايده على القنفه الي يمه: تعال عذبي تعال اقعد يمي
بانسياق للأمر الي صدر من صقر راح عذبي يمه وقعد وهو يقول : والله ماكان قصدي السالفه كانت تحدي منو يسبق الثاني ماتوقعت توصل لهالدرجه
صقر باسلوب تفهم و نصح: اومالقيت الا العنيد
عذبي : اعترف بهاذي انا السبب
- الله يهديك بس دوم مستعيل ما تفكر بالنتايج عالعموم اتمنى ان الي صار ما يتكرر ويكون درس لك هالمره ربك عداها والله يستر من اليايه وبعدين ترى العقل يمدحونه خلك رزين وبلا سوالف المصبنه فيك خير ومافيك خير وهالخرابيط تراني ماني مستعد افقد وحده من خواتي واحمد ربك ان ماصابها شي ولا محد بفكك مني وانت ابخص بويهي الثاني مايحتاي اعلمك
وهني وقف صقر وهو يلف ويهه صوب عذوب بابتسامه مريحه للناظر: ها عذوبه تامرين بشي
عذوب بابتسامه عذبه : سلامتك الغالي
صقر : الله يسلمج اشوفكم على خير
التوم : وانت من اهله
بومازن من راح غرفته والنوم يهدد و يوعد فيه وينه و وين النوم الي طار من لامست المخده راسه افكار تييبه و توديه لين طار بذيك الليله
" ما صاره ساعه من غفت عينه الا وصوت مازن يصحيه : يبا قوم يبا جيود مريضه لازم نوديها الطبيب
فتح عينه و النوم يغطيها عشره ومره لأ وشوي شوي استوعب : شتقول
مازن : اجياد يبا مريضه حاره وايد
اهني بومازن فز على طوله وراح صوب غرفة عياله وشاف اجياد الي متلحفه بمليون كفر من البرد ودرجة الحراره ضاربه فوق ما يدري شلون بدل وشلون ساق حق المستشفى الدنيا ضبابيه بذاكرته كل الي ريح باله يوم طمنه الدكتور عليها وانزلت حرارتها و قدر يرجع معاها "
من بعد الي صار تعكر مزاج الكل ورجعوا حدرو الديره وقبل لايدخلون بيتهم مرو على بيت يدهم ..
كل واحد بروح البنات بدارهم و مازن طالع وعذبي مع ربعه ..
عمتهم ابتسام من دخلو عليهم وهي حاسه ان في شي وهذا كله استوعبته من ملامح ويه اجياد المصفره فما كان منها الا انها تروح لها وفعلا ثواني وهي عند باب دارها
اجياد وهي منسدحه على فراشها انتبهت على صوت الباب ينطق اعتدلت وهي تقول :تفضل
العمه ابتسام وهي تطل مبتسمه : دام فضلج
هلا عمتي
العمه وهي تروح صوب بنت اخوها وتقعد على طرف سريرها :هلا فيج حبيبتي
وقبل لا تكمل يقطع عليهم صوت التلفون بنغمه مميزه حاطتها اجياد حق الصقر :
اخي انت لحن صفاء الزمان
اخي انت بلسم قلبي الحزين
اخي انت لي مثل بر الامان
اتيت اسير بطرف كسير
وصدر من الهم مثل السعير
اذا ما ابتسمت تلوح المنى
ظلت اجياد بمكانها وهي تشوف تلفونها
العمه : منتي مراده ؟
اجياد : لا بعدين اتصل مو مشكله
العمه ابتسام : يمكن يبونج ضروري
اجياد : لا عادي هذا الصقر
العمه : اوو امس كان عرس اخته صح؟
أجياد : أي
العمه باستفسار : مارحتوا ؟
أجياد : ربي موكاتب ولا احنا متفقين بس سبحان الله توفا رفيج ابوي وحده مو حلوه ابوي متضايق واحنا مستانسين معنه قالنا روحو بس هونا وقلنا ان شاء الله نروح لهم مره ثانيه نبارك لها و نودي الهديه
العمه بتنبيه : أي عاد مو تنسوني
اجياد والتعب ماخذ كل مأخذ منها : افا عليج عمتي بس جم عميمه ابتسام عندنا انتي راس المال
العمه بطيبه مدموجه بخوف : حبيبتي والله ادري بس بحرك الجو شفيج جيود ويهج مو عاجبني فيج شي قالت كلماتها وهي تمسح على راس بنت اخوها
اجياد كانت فيها غصه من الي صار توها بس تستوعب الموضوع حدها تحس مالها ويه جدام اخوانها حست بفشله و قهر وحرقة ويه نظراتها كانت تتبعثر يمين و يسار وشوي وتبجي تحاول ما تتذكر شي من الي صارلها موقادره تتكلم مهما كان عذبي حبيب العمه صج انها بتزفه بس مايهون عليها اخوها تدري اكيد ياله الي يكفيه من مازن بس همن تحس في شي بصدرها والغصه ضاربتها بس ماتبي تبجي جدام عمتها قاضبه عمرها بالغصب وما ساعدها الا والتلفون يرن مره ثانيه وكان الصقر داق مره ثانيه
العمه : قومي يمه اكيد يبيج ضروري
وقامت وهي ناويه ترجع مره ثانيه اما اجياد الي راحت ترد وهي عارفه الموضوع ومن اول المكالمه ومن سمعت صوت الصقرالا وتقعد على الارض وتطقها بجيه من قلب ظلت لمدة فتره وصقر مايسمع غير صوت بجيها ما يدري شسوي لها اهو بعيد مو قريب ولا جان ثواني وهو يمها بس مابيده حيله وبعد ما هدت قالت بصوتها المرتعش : آسفه الصقر والله ماكان قصدي صدقني آسفه
الصقر وهو يمسح على راسه ونظرات تعجب غشت عيونه من كلمات اخته : جيود حبيبتي بسج بجي ليش تتاسفين الي صار صار
أجياد من بين شهقاتها : بس
الصقر بحنية الاخو : لا بس ولا شي
أجياد بأسف : يعني انته مو زعلان
الصقر : يعني انتي حاسه جذي
أجياد بحسافه : أي
الصقر : انزين اتوقع اذا بزعل طبيعي بزعل منج على الي سويتيه انتي كبيره وكان المفروض ما ترتكبين مثل هالغلطه وتكبرين راسج وما تنزلين حق افكار عذبي المتهور صح ولا انا غلطان
اجياد الي شوي وهدت وقعدت تمسح دموعها بظهر كفها وارتاحت ان الي ببالها كلش مو على بال اخوها وشي ثاني اهو متضايق منه : صح
الصقر : حلو و الحين انتي تعرفين شنو المفروض تسوين لان عذبي خذا نصيبه و نصيبج من الزف وغسال الشراع
أجياد بصوت خافت : أي
الصقر وهو يبتسم : عفيه هذي اختي الي اعرفها ويلا ضحكي بدال منتي مويمه ومسحي دموعج وترى احنا نطالبكم بتعويض عشان عروسنا
اجياد وهي تبتسم : ان شاء الله احنا ناوين ومالكم الا طيبة الخاطر
الصقر : حياكم باي وقت
اجياد بابتسامه انرسمت على محياها واخر خط من الدموع ينمسح : الله يحييك
الصقر : على العموم اهي بتظل بالكويت لمدة اسبوع وعقبها بروحون ايطاليا لمدة شهرين
أجياد بفرحه وحالميه : اوب اوب واخيرا يالها الي بحقق حلمها
الصقر وهو يضحك : هههههههههه مولله هذي دوره من شغله ولا اهم ما يستغنون عنه بس على قولة مديره انت تستاهل هذي هدية الزواج منها شغل و شهر عسل
أجياد بقلب صادق : الله يوفقهم ان شاء الله
الصقر : امين يلا عيل اخليج مع السلامه
أجياد : الله يسلمك وغاليك
الصقر بحب كبير لأخته اللي مايابتها امه :: محد غالي غيرج
وهي تبتسم : لا انا جذي ما اقدر ترى انتفخ عليكم
الصقر : يحقلج مو اخت الصقر
أجياد : او شكلك خلاص اقتنعت بالصقر
الصقر : اصلا محد يناديني فيه الا انت وركون
أجياد و بدت تتناسى اللي صار وشبه ضحكه ترفرف على شفايفها الكرزيه : يحليله لي الحين متحلف فيك بزوجك
الصقر وهو يضحك : هههههه وازيدج من الشعر بيت خلاص انا مخطوب رسميا حق اخته نواره
أجياد : واي زوقه هذي اصلا تحمد ربك وتحب ايدك عدله و مقلوبه جان هذي خطيبتك
الصقر : خلاص نشرت بالعايله اني خطيبها تخيلي عمها يقولها انا بخطبج حق ولدي فارس تقوله لا انا مخطوبه حق صقر رفيج راكان
واهو بروح شوي الكويت و بعدين يرجع الرياض يتزوجني خلاص اصلا قررت البنت
اجياد وهي فاطسة من الضحك : ههههههه اتخيل شكلك ماخذها
الصقر وهو فرحان لأن اخته نست اللي صار واندمجت بالكلام : يا حلوي والله ياهل شسوي فيها اربيها
أجياد بمكر : شنو وراك
الصقر وهو يرد عليها : ابد فاضي انا حق اليهال
أجياد : الحين الي يسمعك خلاص خاطيبها رسمي بس بقى الملجه
صقر وهو يبتسم : لا وركون يتمسخر علي يقولي لا تحطم قلب اختي من الحين قولي اذا ما تبيها عشان تتهيأ اذا كبرت تتزوج غيرك
اجياد وهي مستانسه انها سمعت صوت اخوها الغالي : يحليله ربي يخليكم حق بعض
الصقر بدعوه صادقه : آميييييييييييييييييين
اجياد : اجمعين وسلم
الصقر : يوصل فمان الله
أجياد : فمان الكريم
العمه من طلعت من اجياد راحت صوب عذوب ومن سالفه لي سالفه لين وصلو عن الاخوان وانطق الباب على كلمة عذوب : والله مشكله هالاخوان
ولا مازن يطل وهو مبتسم ويقول : شفيهم الاخوان مثل العسل على قلوب خواتهم
عذوب بحب تحملة لأخوها الكبير :مثلك أي مثل عذبي بصل
مازن بعتب بسيط : افا اشدعوى
عذوب : أي اصلا لازم يطلع حق الوحده اخو يعل القلب والمشكله كل بنت تدري ان عندج اخو كبير تقول واي وناسه يا بختج ما ادري اهو كنز وانا ما ادري
مازن : طبعا منو يحصلها اخو ترى الاخوان بالتفق الحين
عذوب : هتلر وانت الصاج
مازن و هو يضحك : هههههه جد شايلا علينا
عذوب وهي تطمنه : لا تخاف اخو عن اخو يفرق مو كل اخو بالقلب يلبق
مازن وهو يتسند على الباب : الحمدلله معترفه
على الساعه 11 بالليل اجياد كانت توها طالعه من غرفتها بتنزل الصاله وصادفها عذبي وقفوا اثنيناتهم جدام بعض اجياد نزلت راسها وقالت آسفه ما تاسفت بروحها بنفس الوقت قال عذبي : آسف
بنفس الوقت اعتذرو من بعض وبنفس الوقت ابتسمو بويوه بعضهم وقالو : صج لي قالو القلوب عند بعضها
اهني عاد انفجرو ضحك كل شي سووه بهاللحظات ويا بعض و بنفس الوقت
شفت مهما صار بنتم اخوان
اهني جدم عذبي وحبها على راسها واهي مثل الشي وكل الي صار كان جدام مازن الي توه كان مبطل الباب بيطلع ورا اخوه
طبعا الي صار جدامه كان كفيل انه يمسح بقايا اليوم و يغسل روحه ويجدد حبه لاخوانه مهما سوو وعصب يظلون بقلبه عياله اكثر من اخوانه خاصه هالعذوب ..
اجتعت العايله بالصاله واول ما نزلو عذبي واجياد راحو صوب ابوهم وحبوه على راسه واعتذروله على الي صار منهم اليوم
طبعا بومازن ماكنا شايل شي بقلبه عياله واهو ادرى فيهم وبالهفات الي تييهم لمهم بحب و حنان ابوي وقعد كل واحد على يمينه و يساره
اما مازن راح صوب عذوب والابتسامه شاقه الويه قعد يمها وهو يقول بصوت مسموع : لنا الله عذوب شوفي بسافر ومعطيني سكب
اهني ضحكو عليه ورجع عذبي لمناجر اخوه : تكفى انت منو مسكبك انت هالعذوب 24 ساعه مجابلتك ماتسويلي ربع الي تسويلك اياه وبلندن تركي شايلك بعيونه اتوقع اصلا باجر لي تزوج مرته بتغار منك ماشاء الله عليكم ماتفجون عن بعض وهني رن تلفون مازن بنغمه خلته يرد وهو يبتسم وحتى بدون لا يشوف الرقم
كم تآخينا سويا رغم اشواك الطريقي
وفؤادي باشتياق صادق نحو صديقي
همسات النصح مازالت تدوي في فؤادي
ودماء العزم تجري بين انياط العروقي
غاب عني وتوارى بدره خلف غيومي
جف منه النهر اضحى
الزهر في وادي سحيقي
مازن :الطيب عند ذكره
تركي : افا تحش فيني يعني
مازن وهو يبتسم بحب وشوق حق خوي العمر : ماعاش الي يحش فيك بس شسوي الرازق في السماء و الحاسدون في الارض
تركي: اكيد ما غيره عذبي خله يذكر ربه لا يحصل فينا شي
مازن : لا حرام عليك ذكر ربه ولا بوقف ببلعومه لاتخاف ما اطوف شي
تركي : طيب و الله السلام عليكم ولو انها جت متاخره
مازن : وعليكم السلام والرحمه وقام طالع الحوش يكمل مكالمته
عذبي وهو يشوف مقفى اخوه وهو طالع يقول : الله يتمم عليهم
الكل : آمين
اجياد : احسهم ما شاء الله مثل الصقر و راكان
بومازن : لي الحين معا بعض
اجياد : لي باجر تصدق يبا ما يواطن الرياض خير شر ومايسميها الا بقلعة وادرين تعقد من ايام دراسته يقول من اطبها خلاص اصير خارج نطاق التغطيه العائليه ابد مو بالحسبه وما ادري عن علومهم الا يوم ارجع الكويت وكله آخر من يدري بالدنيا ومحد يرده لها غير راكان يحبها غصب طيب عشان راكان فيها ..
عند تركي ومازن
تركي: يلا هالحين اشوف حلتلك الجلسه ترى قسم بالله لندن اظلمت بدونك
مازن بغرور : ادري انا لمبتها
تركي وهو يردها له : خلاص نغيرها
مازن : افا اهون عليك يالخوي
تركي يحاول يبين انه زعلان : لا ماتهون بس شكلنا هنا عليك
مازن ببسمه وهو فاهم صديقه وخويه : لا والله الا بعد باجر الطياره الفير صوبكم
تركي : طيب عاد ارسل لي مسج مو تعملها فيني زي المره الفاتت ما ارفع راسي الا وانت فوق راسي
مازن : ولا يهمك بس ما بغيت اتعبك
تركي : اقول بلا اتعبك ووما اتعبك انا وانت واحد ما بيناتنا هالكلام
مازن و هو يبتسم : ان شاء الله
تركي : بعدي والله هذا الكلام السنع
مازن : شخبار الربع
تركي ويبي يفجع خويه : بخير دامك بخير أي سمعت آخر الفواجع
مازن بخوف وفجعه : اعوذ بالله فواجع
تركي وهو يضحك : ههههه لاتخاف فواجع فرحيه
مازن بعد ماتطمن : خير غرد
تركي : متعب جاله ولد
مازن ببشاشه انرسمت على محياه الحلو : احلف قول والله
تركي وهو فاتح عيونه على الاخير : بزر انا اضحك عليك
مازن وهو ينفي الشبهه عنه : لا مو عن بس يحليله هذا احسه توه ياهل وينه و وين يصير ابو
تركي : بعد ربك و النصيب
مازن ببسمه بس هذي المره بسمه ابويه : يحليله الله يبارك له فيه يحليلهم شبابنا والله كبروا
تركي وهو يحاول يتنقرش بخوي روحه : ماغيري و غيرك الشياب
مازن : أي انت قول جذي من الاول مولله فاتح الطاري
تركي : الكذب خيبه والله كانت على طرف لساني اقول لامي تخطبها لي بس غيرت رايي بآخر لحظه
مازن وهو يحاول يفهم تفكيره : ليش يعني خايف ترفضك
تركي : جايز و جايز انخطبت
مازن : انت سمعت شي
تركي وبقوه ومجرد الطاري شب نار بداخله : لا
مازن : خلاص لو مخطوبه جان دريت
تركي : صح بس الي ردني اني ابي اخطب بس والزواج بعد سنه على الاقل
مازن : شنو سنه حلاو تعلق البنت ماعندك سالفه لو انا منك جان ملجة بهالعطله والعرس بعد هالكورس وكان الله غفورا رحيما ليش تطولها و هي قصيره
تركي وعقله تشتت وقلبه تفتت : مدري مدري خلاص
مازن ويحاول يسند رفيقه : اقول انت بس لو طرالك هالطاري ثاني مره استخير ربك و ما خاب من استخار
تركي بعد ما ضاق صدره من هالطاري : ان شاء الله وربي يكتب الي فيه الخير
مازن وهو متفهم ضيق خويه : آمين يلا عيل اسلم و سلم
تركي : الله يسلمك فمان الله
مازن : فمان الكريم
جده
بيت محمد آل ( بوتركي )
------------------------
البيت هدوووووووء عزيز دوم معا عيال عمانه الي يتجمعون في بيت جده الي مقابل بيتهم و ما يفصل بينهم و بينه الا شارع ونقدر نقول قصر ما يقل فخامه عن قصرهم ..
اما وجد ماغير تحوس بالبيت وغرفتها ياشايله يا حاطه وكل ساعه تغير ديكور غرفتها وما تمر فتره والا وهي حاطه شي يديد يحلي غرفتها الي ما يسميها تركي الا بجناح الاميره من وسعها وطريقة تقسيمها
طبعا هالكم يوم زهبت اغراض المدرسه وهي تحلم انها مخلصه ثانويه خاصه ان مابقى لها غير سنتين وتتخرج ومجابله النت على قولتها اعوض لان من تبدى المدارس تقلل ساعات قعدتها على النت ومن كثر ماهي مجابله النت كل ما دخل تركي شافها اون لاين عاد لازم يعذبها شوي فعلى طول يدخل عليها ويكتب لها
تركي " تُنَاغِيهِ تَعَبَاً .. ُتبَعْثِرُهُ أَلَمَاَ .. يُسْكِنُهَا حُباً فَتُسْكِنُهُ وَجَعَاً "
مبروك يقولون بكرا دوامات
عاد هنا شوفوا تعابير وملامح وجد شلون مأساويه من قلب بروحها تبي تنسى الدراسه تلقى احد يذكرها ان ايامها قربت تنقهر موت لي لقت احد غيره صكته بلوك على قولتها عقابا له واحيانا يتعمد اهو من يدخل يبلكها لي شافها اونلاين عاد اهي اذا لمحته ومحد عندها اشتغلت بالمسجات جايز يرأف بحالها و يفتح البلوك و يسولف معها طبعا ما يفتحه الا بعد ما يذلها شوي طبعا مو كل مره لانها ما تهون عليه وما كان مقصرمعاها لا بمكالمات ولا مسجات ..
حطم اليأس ولا تستسلمي
عبث الحزن باحلام فتاه .
ارفعي الرأس شموخاً وارسمي
بسمة تطغى على كل الشفاه .
That,s my mobile where is it ????
ام تركي ( بقعدتها في غرفة التلفزيون _ او نقدر نقول صاله مفتوحه تفتح على غرفة الطعام _ اللي جنب الدرج من جهه اليسار بينما في جهه اليمين صالات مفتوحه في بعض وفي أقصى ركن باليمين صالون رسمي للضيوف الحريم الاجانب وجنبها حمامها ( الله يعزكم ) بمثابة جناح وملحق باللجناح طبعاً غرفه للعبايات فيها مرايه كبيره تعرض الجسم كله وبجهة الغرفة اليسار مصلى صغير ومفرشة الغرفه بالموكيت الايراني البيج يتناسب مع الممر البيج الداكن اللي يؤدي للصالون )
وهي تضحك على بنتها المضيعه : هنا يمه عندي جوالك ؟؟
وجد وهي ونازله مثل الخطافه من درج البيت الحلزوني وتشقح بالدرج بعد مانصفت الدرج ورجعت على نداء امها
وجد وهي فحمانه من الجري تدور جوالها : يووووه عندك نسيت وين حطيته حسبالي فغرفتي ؟؟؟
ام تركي وهي مستمره بالضحك : بغرفتكي وتسمعينه ؟؟؟؟
وجد ببلاهه غريبه على وجهها : خخخخخخ شلون مافكرت ؟؟؟
ام تركي : ماادري عنك ...
ناظرت وجد بجوالها واستغربت الرقم لأنها ماتعرفه فما رجعت دقت لانها الرقم اللي ماتعرفه ماترد عليه ولاترجع تتصل عليه الا بالحاجه ...
وجد : يما ...
فاقت عاليه من سرحانها : هلا يما ...
وجد ؟؟ بنروح لبيت عمي اليوم
ام تركي ونظرتها تحولت للحزن والألم من تلك الذكرى : :ليش يما عندك شي ...
وجد وهي حزينه ومقهوره في نفس الوقت : لا بس اسأل ؟؟؟
ام تركي وهي محتاره : والله ما ادري ياوجوده انتي تبين تروحين ؟؟؟
وجد : لاااااااا يمه عادي اذا تبين تروحين انا اروح و اذا ماتبين براحتس اهم ماعلي راحتكي يالغاليه ..
عاليه بداخلها
تقولين انت في راحه .. واقول من القهر هيهات انا لا جـيت للراحـه .. تطـاردني مسـافـاتك !
: والله ما ادري اهم الاسبوع اللي فات كانوا عندنا ومو حلوه مانروح لهم ذا الاسبوع وش تقول عمتكي ام نواف بعدين ؟.؟
وجد باشمئزاز وشراسة لبوه : عساها بأم العمى قال عمه قال خليها تفتح فمها بكلمه تخسي ويخسى اللي جابوها ..
ام تركي بحده صوت نادراً ماتطلع منها ... وجد وش ذا الكلام يابنت عيبببب ؟؟
وجد بحميه عن نفسها وعن امها : اجل اخليها ترمي سمها وكل مره عايرت ودقت بالهرج ..
ام تركي بصبر : وش السواة طيب هي مرت عمك ومره كبيره بالسن ؟
وجد : ماراح اسمح لها تفتح فمها بكلمة شينه بحقك او حقي ...
ام تركي بطيبة قلب وبلسان انسانه عاقله صقلتها االحياه على الحكمه : ياوجد يايمه الانسان مايرد على السفيه وينقص من قيمه نفسه الواحد يرفع من حاله ولايرد على كل شي تقوله الحرمه ..
وجد : لازم ارد اجل تبيني اخليها تشرق وتغرب براحتها ..
ام تركي وتبي تفهم وجد طبيعة الحياه وان القوه مو شرط بالرد ولكن الاقوى هو اللي يسفه الشخص اللي يتحرش فيه :
سيبيها يمه لاتردين نفسك لها خليها تقول اللي تقوله ماضرتنا بشي هرجتها ..
وجد : مثل الحية الرقطه عمى بعينها ..
ام تركي بعتب : وجد وش قلنا الله يصلحها ويخليها لعيالها ويخلي عيالها لها ..
وجد : يما انتي طيبه وبنت حلال علشانك تسكتين لها تمادت وزودتها ...
ام تركي : يمه ترضين تقول ام نواف ان عاليه ماعرفت تربي عيالها ؟؟؟
وجد وقامت واقفه من زود القهر والحمية عن امها الغاليه فبانت اشبه بأبوها في نظرته الحارقه : تعقب وتخسى قطع لسانها لو فكرت بس ...
ام تركي وهي عجزانه في بنتها العنيده : اجل طنشي كل الي يجي منها لاقالت شي ولاتردين على كل كلمه يايمه الواحد يندم على كلامه بس مايندم على سكوته ...
وجد : بحاول يما بس علشان ماتقول ام تركي ماتعرف تربي عيالها ..
ام تركي : الله يرضى عليكي يمه خليكي عاقله ولايهزك شي ..
وجد بابتسامه بينت جمال مبسمها وحلاوة ملامحها وهي ترفع شعرها اللي يوصل لين تحت كتوفها بشوي وقصتها تتناثر على جبهتها الصغيره تلي الجبهه عيون لوزيه مرسومه بأعجاز المنشئ وبشره كبشرة طفل في ايامة الاولى ناعم ورقيق وانف صغير ومبسم فراولي صغير يحتوي على صف من الؤلؤ المرتب فبانت سبحان من خلق بابدع وشفايف ورديه انسابت من بينها الحروف : اعجبكي انا يااميمتي ...
وقعدوا يسولفون شوي ...
السلاااااااااااااااام عليكوووووووووووم ..
هلا وغلا بنور عيوني وعليك السلام والرحمه ..
عبدالعزيز : هلا يا نور دنيتي انتي مو بس عيوني
ام تركي وهي يقال زعلانه من ولدها : انت لا تكلمني ابد ......
دخل عزيز بعد ماتعدى وجد ودفها بعيد عن امه تحت نظرات الدهشه والاستغراب من وجد : افاياالغاليه تزعلين من عزوزك حبيبك يهون عليكي يعني ؟؟؟
ام تركي : اجل يهون عليك ما تسأل عني ؟؟؟
عزيز وهو معترف بغلطته في قرارة نفسه : لاوالله يايمه مايهون علي يانبض قلبي انتي يا ماضيي وحاضري والله اني ما اعرف اعيش بدونك ..
ام تركي وبداخلها هزتها كلماته : الا يهون خلاص انا زعلانه عليك ..
عزيز وهو يقال بيقوم من عند امه : خلاص انا بروح ارمي نفسي من فوق برج دله واذكريني اذا حبيتي غيري ...
وجد وهي فاطسة من الضحك .. ههههههههههههههههههههههه حلوه اذا حبيتي غيري استح على وجهك ...
ام تركي تضحك ..... هههههههههههه
عزيز وهو واقف عند الباب : ها تبيني ولا اروح ارمي نفسي تراني تعبت من الوقفه ...
وجد وهي تأشر بيدها : روح ارمي نفسك بس لا تتأخر ....
ام تركي وهي تنظر في بنتها نظرة اللي يقول اقطعي : لا يمه تعال ياقلبي انت ولاترمي نفسك ولاشي ابيك يايمه ....
عزيز وهو راجع لأمه وبطريقه يدوس على رجل وجد اللي لابسه شبشب ( الله يعزكم ) البيت الخفيفه : مابغيتي تقولينها ...
وجد : ااااااااااااااااااااي يامال البلا ماتشوف ...
عزيز وهو يمثل البرائه : وجوده اختي حبيبتي شفيكي ؟؟؟؟؟؟؟؟؟
وجد : عمى بعين العدو دايسني برجلك اللي كأنها تريله وتقول شفيكي ....
عزوز : اااااااااااااه ياقلبي من الخرط يما بنتك هذي تموت بالخراط تحب تظلم الناس ترا الظلم ظلمات يوم القيامه اذا نسيتي ...
وجد : خراط يالحمار و ظلمت عيشتك يا...........
قاطعتها امها : استغفري ربك ياوجد هالحين لي ساعه قاعده أعلم الجدار يايمه لاتردين على أي كلمه ويايمه لاتردين نفسك لأحد وكلها ظاعت بالهوا .......
هالمره عزيز هو اللي رد : أنا أي احد يايمه ؟؟؟؟؟؟؟؟؟؟؟
وجد وهي تضحك : خخخخخخخخخخ فشلوووووووووووووووك ياصبي ....
عزوز وكأي ولد بهذي المرحله حس كلمة صبي كبيره بحقه : يالحماره انتي الصبيه مو أنا ...
وجد وهي ترفع نفسها بغرور : شور انا صبيه ودلوعه بعد ....
عزيز : شوفي بنتك يايمه تقول عني صبي وانا رجال وعمها بعد ...
ام تركي بنظرة سكتت بنتها : اتركها وانا امك انت رجال ومافيك هرجه ...
عزيز والثقه رجعت له شوي شوي : من جد ولا تبين تسكتيني بس ....
ام تركي : لا والله يما انت رجال وتسد مطلع الشمس بعد ارتحت ؟؟؟؟؟؟؟؟
نهاية الجزء الاول ......
صباح النوير ..
هذي روايتي كتبتها انا و رفيجتي
و
وان شالله تعجبكم ..
~:: ماضي غلــ ــطاتي ::~
---------------------------
تأليف : MarinzMary / الريم الحجازيه
" ماضـ ـي غلـ ــلطاتـ ـي "
أتكون مجرد ماضي ؟ أم الزمن كفيل بنثر أسرارهـ و كشف أستارهـ ..
.. مقدمه ..
"
إن جل ما ترتوي به أفئدتنا حياة آمنه وبسمة دائمه وأحزان مبعثره ..
هي هكذا الحياة تفتح كتابها و تبسط أوراقها وقد كتب قدر أحدهم إما بدمه او بدمعه او ببسمته ..
مد وجزر
جزر ومد
ومع كل هذا تظل ضمائرنا حيه رغم
خطايانا
و ذنوبنا
وحتى رغم تلك الآلام التي تسببنا بها لاحدهم ومحونا بها ابتساماتهم وضياء بهجتهم ..
هي الحياة أودعت في زمن لا يعترف بنبض القلوب ولا مشاعر الروح هي لكم بكل ما حوت
هي :
" ماضي غلطاتي "
--------------
تعبت اشكي للدنيا ماضي غلطاتي
لين كسبت بذنوبي دنيا المماتي
اهجر ايامي وارجع بحزن ويلاتي
نسيت ان الدنيا صغيره كبر راحاتي
نسيت الهم وحلف ماينساني
وظل يذر الملح على جراحاتي
(بقلمي )
"
الجزء الأول
-------------
للوعد جيت من لون ..الخريف
وللوعد..جيت من طعم الجفاف
ومر في ساعتي ..وقت ونزيف
ومر في خاطري ...حزن وأفاف
الكويت
منطقة قرطبه
بيت سلمان آل ( بو مازن )
--------------------------
. . . . . .
في ذاك الممر تناثر أربع أشخاص روان وقد جلست بجوار زوجها تدعي بخلدها شفاء ابن أخيها , نور و قد انزوت في ركن قصي تحمل قلب أم ملتاع تخاف فقد فلذة كبدها , أما بندر فقد وقف مقابلا باب الغرفة فقد شارفت العملية على الانتهاء و ها هو ينتظر بفارغ الصبر ..
توترت الأعصاب و هم يشهدون خروج الجراح الذي كان ذا أصل عربي و ملامح جامدة اكتست وجهه فإذا بلسانه ينفرج عن كلمات كانت أحرفها كنار تتلظى في الصدر حين قال : البقاء لله عظم الله أجركم
صرخة مكبوتة دوت في ذاك الصمت أطلقتها روان التي دفنت نفسها في أحضان زوجها و في ناحية أخرى نور و قد تكومت على نفسها و صوت نشيجها يرتفع بشكل قاتل أما بندر فكانت شفتاه ترتجفان لتباغت وجنته اليمنى دمعة يتيمة تسللت بهدوء لتكون الفارقة في حياته ..
( بقلمي )
/
،
/
رفع راسه من بعد ما نطق آخر حرف و على ويهه ابتسامته الطفوليه وهو يقول : ها شباب شرايكم بإبداعي ؟
أجياد و هي تتلفت يمين و يسار تقول: وين الشباب ترى ماكو الا مازن و احنا بنات
عذبي وهو يرفع حاجبه اليمين و يخزها بنظراته : يعني انتي مو بطور شباب؟
اجياد- لا حشى منو قال توني صغيره
مازن و هو يضحك على اخته : انتي ماكو حل وسط عندج ليقلنا صغيره قلت لا انا كبيره و ليقلنا كبيره قلتي لا توني صغيره ماعرفنالج اشتبين بالضبط ؟
اجياد : سلامتك بس شباب حق لصبيان
مازن – منو قال اصلا الشباب حق الاثنين اهي مرحله عمريه مو نوع للشخص
عذوب و هي تصفق حق اخوها و تقول- درر والله درر يا بوسلوم صح لسانك سنع يا ربي بسم الله عليك من العين
عذبي و تعابير ويهه تضحك – حلفي انتي بس كل ما قال اخوها كلمتين صفقة وقالت درر درر يا بو سلوم ما ادري شقايل اخاف بس اكتشف شي يديد يا اختي يا حبيبتي هذا كلام العاقل يعرفه
وهني نطت بويهه اجياد – يعني انا الحين مينونه؟
عذبي : لا ابد تراج اصحى وحده فينا
اجياد : أي حسبالي بعد
عذبي : بس احيانا تحوشج لوثه عقليه
شهقت اجياد وطقت صدرها بايدها وقالت – انا تحوشني لوثه عقليه ( طبعا بهاللحظه عذبي طار بعيد استعداد للنحشه ) وهي تكمل و تقول هين يا عذيييييييييييييييب والله ما اخليك
و بدت حرب داحس و الغبرا عذبي منحاش من اجياد المتوحشه على قولته و ركض و دبيج على كبر البيت جنهم يهال و اجياد شاده الهمه متحلفه فيه و حالفه تطبق عليه دروس الكراتيه الي خبرها فيها من رابعه اابتدائي و يا تصيب و يا تخيب و بالنهايه احتمى عذبي بمطبخ التحضير و قفل البابين عليه باب الي يطل على الصاله و الثاني على الحوش و قعد يتفلسف عليها بالحجي وهي ميته قهر منه و يوم شافت ماكو فايده رجعت الصاله و عقب ما هدت شوي و طخت
قالت بصوت عالي – خلاص عذبي فرجت اطلع
طبعا اهو رد وقال – اكييييييييييد
مازن اهني سبق اجياد – أي اكيد على ضمانتي يلا اطلع عشان تسمع راينا
يفتح عذبي الباب شوي شوي يتأكد و يوم شاف انها بعيد بالصاله وامان طلع بس قعد على الارض عشان أي حركه يتلاحق على عمره – ها شنو رايكم ؟
مازن – حلو اسلوبها لو انها قصه ماساويه بس بدايه طيبه
اجياد – عجبني تسلسل افكارها
عذوب وهي تبتسم – رايي من رايهم
عذبي : يعني اصلح مشروع كاتب لان ببالي روايه قويه
مازن- ان شاء الله بس انت شد حيلك بالدراسه وعقب يصير خير وتألف هالروايه وتنشرها
عذبي : الله يسمع منك
مازن وهو يتسند على القنفه و يمد ريوله – بما ان عمتي اليوم معزومه شرايكم اعزمكم على العشا بره خاصه انكم من فتره ما طلعتوا
اجياد – ما عندنا مانع بس وين ؟
مازن : كيفكم انتو وين تبون ؟
عذوب – روبي تيوزدي
اجياد – لا لونتر
عذبي – لا يمعوده هذا بصراحه اكله ما يشبع تذواقه انا اعتبره اقول جوني كارينوز احلى
عذوب و اجياد – زين مو مشكله
مازن وهو يوقف – خلاص بس من الحين اذا زحمه ناخذ سفري و نروح البحر انزين ويلا روحو زهبو اذا خلصتو عطوني مس كول بمر على بيت يدي
طلع مازن يطل على يده الي ساكنين ببيت بنفس حوشهم
اجياد دخلت دارها تغير فتحت الكبت وسحبت بدي شوي متينه خامتها لان برد طويله لي الركبه لونها احمر مكتوب على جتفها اليمين بينتون بخط كبير باللون الاسود و معاها ثري كوارتر اسود مع بوت اسود عقب ما لبست و خلصت لبست عبايتها و لفتها
و طلعت تشوف عذوب الي اطلعت جدامها
اجياد – شلبستي ؟
عذوب : تونز زيتي مع تنوره بيج وانتي ؟
اجياد : الي امس شريته من بينتون
عذوب : يلا عيل خل ننزل
اجياد : لحظه خلص عذبي جنه صعد ورانا يبدل
عذبي وهو ياي من صوب جناحهم – جني سمعت اسمي ؟
عذوب – أي خلصت؟
عذبي : شوفت عينج
عذبي : يلا مشينا
نزلو تحت و طلعو حق مازن ومن عطوه مس كول الا وهو طالع وراهم ..
مازن يوم ركب السياره لاحظ ان عذبي لابس دشداشه ومو من عادته كله sportفاستغرب- ها شعندك اليوم اشوف الوطنيه زايده
عذبي : سلامتك بس اسرع من الحوسه
( عذبي بطبعه كله بنطرونات على قولة بومازن اشك ان فيك عرج انقليزي ويحب يلبس من الكاب للجوتي الوان متناسقه و الساعه و البوك و توابعهم يعني خساير بخساير واذا رقع باللبس عرفو انه ماله مزاج حق الطلعه طبعا محد يتجرأ من بره البيت و يناديه بغير عذبي لان اسامي الدلع الي ينادونه فيها ربعه على قولته دلع بنت مو ولد ومحد له حق يناديه بغيره الا اهله موته البحر و الحداق طالع على يده بعكس مازن الي دوم دشاديش و الغتره ما تطيح من راسه وموته البر و القنص ودوم يقوله ابونه تذكرني بايام شبابي دهري اجلح املح من طلعات البر اثنينهم مهوسين بالخيل و الرمايه محد يباريهم )
جده
حي البساتين
بيت محمد آل ( بوتركي )
-----------------------
شوي و تنفجر اذن وجد من صرخة تركي يوم قال – قووووووووووووول هدف هدف و احلى هدف بحياتي
طبعا وجد من قوة الصرخه وخاصه انها جالسه جنبه حست برنه بذنها وطبعا استحاله تسكت و ردتها عليه وهي تقرب من اذنه و تصرخ على قولتها وحده بوحده – غش غششششششششششششششش هدفك يشبه خشتك الشينه
تركي :: ههههههههههههههههه الا من القهر والغبن تقولين وجهي وشحلوه ناظري فيه وهذا اكبر دليل ان هدفي حلو
وجد : مالت عليك وعلى وجهك مدري منو ضاحك عليك و قايلك حلو ترى القرد بعين امه غزااااااااااااال وقبل لا تقول آخر كلمه نطت بعيد عنه عشان ما يوصلها شي اما طائر او زاحف تدري هي من شطانتها بتموت بيوم من الايام على ايده وطبعا اول شي سوته سحبت تلفونه معها الي بنفس الوقت رن تركي بكل برود يقول وهو يعيد القيم ويكمل لعب
بنظرة تهديد : ردي التلفون احسن لك
وجد وبنظره شيطانيه تشوف اخوها و تقرى الاسم الموجود على الشاشه
خوي الروح يتصل بك وتكمل - وهي تبتسم وترفع حواجبها طالعه نازله - شرايك ارد
تركي : ردي احد ماسكك بس شوفي شبصير فيتس
وجد بتحدي : وش بتسوي يعني are you will kill me ??
تركي بنظره حاده : انتي ردي وراح تعرفين وقتها شباسوي فيتس
وجد و هي تتذكر شلون لوى ايدها يوم شافها راده على تلفونه معنه الموضوع كان سوء فهم هي حسبته تلفون عمتها وكانت توها طالعه منهم و هو دوبها شاريته يعني صارت لخبطه و المسكينه شافت اسم عزيز حسبته ولد عمتها الصغير و نيتها تقوله ان امه ناسيه تلفونها و يطلع لها اخوها وابد ما سوت عليها السالفه معنه عزيز فهم تركي بس بعد عصب عليها بس الحمدلله عدت السالفه بدون لحد يدري بس جد عقبها حرمت تحوس باي شي يخصه اهني انتبهت من سرحانها على التلفون و هو ينسحب منها وكان عزيز الي حذفه على تركي الي طلع بعد ماعطاها نظره من نظراته الي تخوف اهني لفت على عزيز
وهي معصبه – يالغبي ليه خذته ؟
عزيز : والله شفتك بوادي ثاني و التلفون انبح صوته لين قال بس قلت ارحمه
وارده حق صاحبه اخاف بس كنتي بتردين
وجد : لا ماني مجنونه اهلي يبغوني
عزيز : طيب بعد عارفه انك يمكن هالمره الله يرحمتس
وجد : بسم الله علي فال الله ولا فالك
عزيز : وش يدريني عنك
وجد : كنت بناحسه بس
عزيز وهو يحذف عمره على الكنبه – طيب افففففففففف والله بعد كم يوم بصير البيت ممل و لوعه
وجد : ليه
عزيز : يامال الصلاح ليه يعني تركي وبيرجع يسافر
وجد وتعابير وجهها مالت للحزن : أي بهاذي صادق من جد راح افتقده
عزيز : الا بتفقدين الهوشه معه
وجد وهي حسفانه على روحة تركي : الكذب خيبه وجوده يسوي حركه في البيت يعني اكشن
قعدت وجد جنب عزيز وهي تقول – عزوز
عزيز : نعم
وجد ولمعة فكره براسها : الله ينعم بحالك ليش ما نسوي شي يكون مع تركي منا طول سفرته ؟
عزيز بنظره استغراب :: هلا اختي ؟؟؟ ما فهمت ؟؟؟
وجد بكل حماس : انا افهمك وقعدت تفهم اخوها الي ناويه تسويه لتركي بدون لا يدري
ام تركي كانت من اول ما بدت حرب تركي و وجد قاعده بمطبخ التحضير ترتبه تسمعهم و تبتسم على سوالفهم فرحتها مو شايلتها و هي تشوف شلون علاقتهم ما تغيرت حتى بعد ما سافر تركي يدرس بره طب و الحين صاره اربع سنين وباقيله ان شاء الله ثلاث
اتحس ان بالدنيا مافي شي يستاهل كثر حب عايلتها والعلاقه القويه الي تربط عيالها مهما باعدت الدنيا بينهم قالت بصوت هامس الحمدلله على كل حال وهي تمسح دمعه فرت من عيونها سكنتها قصة حزن ولحظة ألم و ندم ..
ما كان باقي على سفرة تركي الا اسبوع طار بسرعه بدون لا يحسون فيه صدق ان كل يوم يخلص يذكره ان الايام الي بيقعدها مع اهله بدت تنتهي ويرجع مره ثانيه لدراسته و الغربه الي ذاق نارها على طول الاربع سنين يتذكر شلون اول ايام غربته نفسيته كانت كلش بالقاع دوم عصبي وما يتحمل كلمه وحده ولحد يدوس له على طرف كان بروحه محد من ربعه سافر يكمل دراسته بره كلهم كملو داخل السعوديه الي راح الرياض والي ظل بجده والي راح الشرقيه واهو الوحيد الي اختار الغربه مو من نفسه اوهو طلب من ابوه خاصه انه نسبته عاليه وما حب يرده خاصه ان كل واحد من اعمامه و خواله عندهم واحد من عيالهم خريج امريكا والي متخرج من بريطانيا والي من فرنسا فكان الدور عليه من صوب ابوه يذكر اليوم الي غير فيه اشياء واجد وخفف عنه نار الغربه وعلمه الصبر وان مو كل الي نبيه ناخذه ذاك اليوم كان يوم الثلاثه راجع من الجامعه و نفسيته زفت ماشي بطريجه معتد بنفسه وهذا الي انعرف فيه بين شباب الجامعه تركي المغرور معنه الغرور ما يعرف طريجه يمكن الشكل واعتداده بنفسه يخلي الي حوله يظنون فيه هالشي بس الي يعرفه يعرف منو تركي ؟ لين ما مر على مجموعة اجانب ظلو يلحقونه ويرمون عليه كلام بما انه مسلم اول شي سكت ضغط على نفسه وما مرت الخمس دقايق الا وهو ينفجر عليهم تهاوش معاهم طاح فيهم طق بس بثواني صارو كثر لتراب وطاحوا فيه بلحظه حس بالموت الا وايد تسحبه من بينهم وصوت الشرطه الي مسكت المجموعه الي تحرشت فيه وخذتهم معاها كان تعبان مو قادر يستوعب الي حوله لين ما اظلمت الدنيا فيه
مسح تركي على ويهه وهو يتذكر ذيك الايام الي عسى الله لا يعيدها بدرجة كرهه لذاك اليوم بدرجة حبه له الي صار مو شويه نقطة تحول بشغلات كثيره كانت الغربه سبب لها ..
وقف وهو ينزل شنطته و يشوف الساعه ما بقى شي على الطياره وقف قدام المرايه و هو يلبس كابه ويفتح الدرج الاول ويطلع كيس وردي و الثاني ازرق و يحطهم على سريره سحب الشنطه وطفى اللمبه و طلع قبل لا ينزل تحت راح صوب دارها طق الباب محد يرد فتحه شوي شوي وشافها وهي منزويه تحت للحاف ماكو غير صوت بكاها هذي حالتها كل ما رجع يسافر على كثر ما تتهاوش معاه و تاذيه على كثر ماتحبه و تغليه ماترضى عليه ابد من يوم كانوا صغار تنهد من قلبه و راح صوبها قعد على طرف سريرها وسحب عن ويها للحاف كانت دافنه روحها بالمخده و صياحها قطع قلبه
تركي : وجد حبيبتي خلاص اذا تحبيني مسحي دموعك وبسك بكا يرضيتس يعني اسافر وانا ما سلمت عليتس
خف صوت بكيها وجا صوتها مخنوق – لأ
تركي : وجداني خلاص يلا قومي بسلم عليك مابقى شي على طيارتي
قعدت على حيلها و هي تمسح دموعها يشوفها وهو يبتسم وحب يغير المود – حرام عليك هذا وجه بالله عليك آخر شي اشوفه من ديرتي
وجد وهي تطالعه من طرف عينها - احمد ربك كان وجد بنت محمد آل بتسلم عليك
هنا ضحك عليها - والله واثقه الاخت
وجد بكل غرور : طبعا
تركي : طيب يلا قومي غسلي ينتظروني تحت ما سلمت عليهم عشانك يالاميره
وهي تبتسم - ان شاء الله
ونزلو تحت وسلم على امه وما خلته الا من بعد النصايح و الوصايا هالله هالله يا وليدي بدينك و حط الرحمن بصدرك ولاتطوف فرضك ولا تصاحب الا الي يخافون ربهم ومثل كل مره كلمات حفظها عن غيب من قلب ام تخاف على ولدها و حشاشة يوفها و ما ترتاح الا يوم تشوفه مرتاح و من بعدها مشو كان ابوه الي موصله مع عزيز الي تعلق باخوه ولازم الدموع وهالمره الوصايا من تركي حق اخوه لا تلعوزهم وتطفشهم صير رجال البيت طيعهم لا تلهي عن صلاتك شد حيلك بدراستك ومن بعدها سلم على ابوه وتوكل على ربه وطارت طيارته حق بلد الضباب لندن ..
" اغترب واغترب
و تذوب روحي بين دموعهم و ارواحهمـ
لأظل اذكر كل ملامح وجوههمـ
في جوف فؤادي
تزلزلني آلام غربتي
ليحتضنني ذاك الرفيق
بصدق أخوته وحسن شمائلهـ
و اعود لاغترب و أغترب .."
( بقلمي )
جمر الغربه علم تركي الحرف و دخله ميادين الأدب خلته الغربه شاعر وهو ماله بالشعر ولا النثر كانت هذي الخاطره اول شي خطه قلمه بعد ما تعرف على ذاك الخوي الي ما يسميه الا بخوي الروح وفعلا كان اسم على مسمى ومن بعد هالخاطره انبنت بينه و بين الشعر جسور مو جسر
لاقال دعني وانا ما قـلت له دعني .. يا لين سالـــت من الفرقا مدامــــعنا..
حتا في يوم الموادع يوم ودعـــني .. بكت جميع اللــيالي من مــــــوادعنا..
الكويت
سيارة مازن
-----------
الهدوء كان سيد المكان مازن مندمج بالسياقه و عذوب قاعده بارحيه على الكشن وتشوف الدنيا الي حواليها ومن الملل مدت ايدها تدور CD بتشغله بدل هالهدوء الطاغي
مازن – شدورين ؟
عذوب : ادور شي يفتح النفس
مازن : انزين سمعي هذي القصيده و ضغط رقم الــ CD الثالث وبعدها PLAYواشتغل
منو كثري شكى همه
و عانق حرقته وغمه
منو جرب في قلبه
يوم هموم الدنيا ملتمه
أنا الي مكتوي بحشاي
و أنا الي مضيع بخطاي
ألا يا همي الباقي
و تالي قصتك وياي
نخيتك يا زمن هدي
و يكفي واقف ضدي
يا ليتك مره لو تسمح
تدفي لوعتي وبردي
تعبت أمشي مع الدنيا
و أعيش بصيغة النيه
حسافه بالزمن هذا
ولا أحد قد ذكر حيه
أنا و الله يكفيني
سؤال الناس وشفيني
و حتى لو غدى جايز لهم
بالي يبكيني
( للشاعر مبارك العنزي )
عذوب وملامحها تحولت لحزن كاتب القصيده : حرام عليك مازن ابي شي يفتح النفس
مازن : مو حلوه؟
عذوب : امبلا بس ماساويه و تييب الهم
مازن : عيل انا احب هالقصيده
عذوب : امممممم شكلها تسجيل منو؟
وهو يبتسم – لا تلفين و الدورين قولي الصوت حلو
عذوب وهي تحرك عيونها فوق وتحت : مو احلى من صوتك
مازن : الجذب خيبه لاني اخوج بتقولين جذي
عذوب بثقه : لا والله صوتك حلو
مازن ؟؟؟ بس مو احلى
عذوب بتفكير مصطنع ::: اممممم نوعا ما مثلك
مازن بابتسامه لطيف مر في باله : لا وين و وين اهو في بحه
عذوب بفضول : انزين منو؟
مازن بنظره جانبيه : واحد
عذوب بملل : ادري واحد يعني وحده
مازن : لازم تعرفين منو يعني ؟
عذوب : اذا تبي تقول
مازن : ماعطاج مثل ما عطى جيود اذا بغت طلبتها خذتها
عذوب بشوفه نفس وهميه : انا غير
مازن : انزين و الي يقولج انا و واحد ثاني
عذوب بنظره دهشه : صج
مازن بضحكه : والله
عذوب بدهشه ممزوجه بروعة ابتسامه :: ما شاء الله مو مبين ولا لاعبين فيها
مازن باقرار : لا نوعا ما اصواتنا تتشابه دوم يغلطون بينا
عذوب بتفكير عميق : اها
ويقطع عليهم صوت التلفون
مازن : الو
..... السلام عليكم هلا مازن
ماون : وعليكم السلام هلا جيود
اجياد بلهجه سريعه : وين عذوب
مازن يلتفت لعذوب : كاهي هاج جيود تبيج
عذوب : هلا
اجياد : هلا فيج عذوب انتو بتروحون المارينا ؟
عذوب : حرام عليج وين المارينا هالحزه ( لانهم طالعين متاخر بالليل )
اجياد : عيل وين ؟
مازن – مجمع مريم
اجياد بلهجه متطلبه نوعاً ما : انزين عيل ابي تشتريلي بدله من قس تلقينها من الكولكشن اليديد جاكيت جنز قصير اسود وعلى الظهر مفتوح على شكل ورده وياه تنوره قصيره سوده جنز معاهم بدي حمر على الظهر رسمة ورده بالاستراس تبين من الجاكيت و سلامتج
عذوب بتنهيده : ان شاء الله
اجياد : مع السلامه
الله يسلمج وردت التلفون حق اخوها
مازن :تعالي وين تلفونج ؟
عذوب بملل : مو شاحنته
وصلو المجمع وراحو صوب محل السرداب الي كان مجموعه من محلات السواني شرو اول شي من يوتو وبعدها خذا له مازن ساعتين مثل الشي بعد ماخذا ذوق عذوب وكانت من دكني ومرو قس وخذو حق اجياد ويوم طلعو بيركبون السياره
عذوب : مازن خل نروح سنترال بلازا
مازن باستغراب وهو يطالع ساعته : بغيتي شي
عذوب ببساطه وروح عذبه مثل اسمها : لا قلت نروح روائع جنيف بشتري حق جيود سير احمر حق ساعتها فندي يمشي مع البدله
مازن : انزين
حطو اغراضهم و خطرو الشارع شرو السير ومره وحده خذو حق عذبي ان درى انهم شرو شي حقهم وكشتو فيه بسويلهم فضيحه
طبعا هاليوم مر بسرعه واختموه بسهره بس على اول الليل طبعا ما مرت الا بخبصه خابصها لهم عذبي الي سوالهم فرابتشينو طبعا ماكانوا مصدقينه بس والله طلع حلو ولا ستاربوكس وظلو بسوالفهم ليمن يالهم ابو مازن الي من وصل صوت على عياله ويوم شاف ماكو رد قال اكيد بالحوش خاصه ان الجو حلو صعد يبدل هدومه و رجع طلع من البيت صوبهم ورى البيت الا وصوت عذوب – حرام عليك عذبي والله بطيح
ابتسم بومازن على صوت بنته و صراخها قرب شوي صوبهم ليمن بانت له وهي بالديرفه وعذبي يدزها بقوم مطيرتها
عذبي – اصلا المفروض تستانسين مو تقولين ابي احس اني اطير كاج تراج تطيرين بالهوا
عذوب وهي ميته من الخوف و متقضبه بقوه بالسلسله متوقعه باي لحظه تطيح جد تحسه بقوه يدزها وهو عاد مستانس يحب يرفع ضغطها و يلعب باعصابها
مازن - عذبي بس البنت بتموت و بعدين استحوا على ويوهكم الناس نايمه و انتو ضاربين صوته لآخر الفريج قصروا حسكم
عذبي : لا عادي خلها تصرخ من اليوم لي باجر الييران اغلبهم اذا مو كلهم سفاريه ولا بران محد درى عن هوى دارها
عذوب : بليز عذبي والله احس اني بطيح تكفى وقف
عذبي : انزين كسرتي خاطري بس خمس دقايق
اجياد – عذيييييب خلاص بس محد يقولك شي تطلعه من جبده
عذبي : هههههههههههه عشان تحرم ما تطلب مني شي
عذوب : خلاص توبه والله ما اطلب منك شي
عذبي : وعد
عذوب : وعد
عذبي وهو مستمتع : وعد الحر دين
عذوب والخوف مقطع قلبها : والله وعد الحر دين
عذبي بدهاء : كلمة ريال
عذوب وبدون لا تستوعب كلام اخوها وهي مغمضه عيونها – كلمة ريااااااااااااااااااال
اهني كلهم ضحكو عليها
مازن بابتسامه اخويه حانيه دلت على طيبة قلبه ووسعه للعالم كله – حرام عليك والله البنت قامت تقط خيط و خيط
عذوب – ياكرهك يا عذبيييييييييييييييييييييي
عذبي بابتسامه حلوه تناسب ويهه الحلو - ويا حبج يا عذووووووووووووووووووووب
هني وخلاص قام مازن وهو رائف بحال اخته ويتحلف بعذبي الي من شافه قام مجبل عليهم قب بعيد عنها عشان ما يحوشه شي من اخوه الي وصل عند عذوب و قف اللعبه رحمة بحالها ودموعها الي شوي و تطيح البنت متعقده من صغرها كانت كل ما لعبت تسلط عليها عذبي ويقعد يدزها لي بالنهايه تهبد على ويها وهات يابجي و صياح تسويلهم فضيحه وكل مره يحصل زفه محترمه من ابوه او اخوه او عمته ابتسام بس منو يقول يسمع لهم اذن من طين واذن من عيين شطانه و بلاسه من صغره ..
بومازن كان واقف يراقب عياله وضحكهم وصراخ عذوب بابتسامه وقار تنرسم على ملامحه الي ظلت تحتفظ رغم مرور الزمن بمسحة جمال وهيبه بس الزمن كان كفيل انه يسحبه من عالمهم من اول ما طاحت نظراته عليهم لاول دنياه ..
" كان توه طالع من الدوانيه الا وصراخ عذوب حبيبة قلبه ياي من صوب الالعاب لف يشوفها وشاف المنظر الي قطعه قلبه وماخلاه ينطر دقيقه وحده وطار صوبها كانت تنزل من اللعبه بسرعه وطاحت وردت قامت و طاحت تعثرت بلعبتها الي كانت معاها وهدتها ودموعها تغسل ملامحها الطفوليه وشهقاتها وبجيها حطم قلبه كانت تصرخ وتنادي بكلمات موفاهمها وقبل لا يوصلها سمع صوت الباب ولف يشوف وهني عرف انها كانت تقول : ماما ماما
تنهد بقوه وهو يسرع بخطواته لين وصلها ويحظنها بعد ما قطت عمرها عليه من شافته مجبل عليها وهي ميته بجي وردت تقول : ماما ماما والأخير قالت بصوت مخنوق يحطم : ابي ماما ابي ماما
ومن كثر البجي نامت وهي بحضنه لامها بحنان الكون الي تجمع بقلبه تجاه عذوب و بقوه جنه خايف أحد ياخذها منه وفجأه وهو يمسح على راسها غمض عيونه بقوه وانعقدت حواجبه بسبب نغرات يحسها بخاصرته لاول مره "
انتبه بومازن من دنياه لدنيا عياله على صوت ولده مازن وهو يهلي فيه و يقول : هلا والله بأبوي الغالي هلا والله بأبو الغالي هلا والله بابومازن
عذبي وهو يخرب على اخوه ويدش عرض بينه وبين ابوه : اخ مازن ما جنك طايح تهلي بعمرك وتمدح
اهني ابتسم بومازن على ولده الي دومه جذي لازم حك صك مع اخوه وعلى قولة العمه ابتسام عذبي ملح البيت و عذابه يوم يكون سبب ضحكتهم ويوم سبب بجيهم طبعا عذوب واجياد الي ملعوزهم لين قال بس
قرب ابوهم منهم وهم فزوله وكل واحد حبه على راسه بالدور
بومازن : حبتكم العافيه
مازن والبنات : الله يعافيك ويكمل عذبي : بيت مكه يوديك
الكل ابتسم على كلامه ورد ابوه وقال : ان شاء الله مالكم الا طيبة الخاطر
عذوب وهي تقعد يم ابوها وتحط راسها على جتفه وتدلع : عساك سالم يبه وطويل عمر بطاعه
طبعا عذبي سالفة تدلع عذوب مايطوفها قاعد لها بالبلعوم لازم اكشن شوي جان يقول : انتي يعني مصدقه عمرج انج بيبي وقاعده حضرتج تدلعين على ابوي
عذوب : انت شحارك ابو و بنته ينيازون
عذبي : منو قال محتر الا انتي المسكينه غصب طيب ادلعين عمرج ولا انا الحمدلله الكل مدلعني
عذوب وهي ترفع راسها حق ابوها وتسوي عمرها شوي وتبجي : يبا شوف ولدك
بومازن : تراه اخوج
عذبي : لا والمصيبه توئمج انا بعرف امي مالقت غيرج جان اجياد فبها ونعمه والله بكون وقتها بنعيم
على كلام عذبي محد انتبه على تعابير بومازن الي تغيرت 380 درجه من طرى امه لانها رجعه لطبيعتها باقل من ثانيه , اجياد وهي تبتسم على هبل اخوها وشكلها خلاص بتقفل والنوم دق بابها اما مازن فمستمتع بالمسرحيه وعلى قولته والله جم يوم وبوله على هالخبال وبفقده من قلب فكان ساكت ومجرد مشاهد
طبعا عذوب يوم شافت الكل ساكت ردت عليه مثل اللبوه الشرسه وقالت : الله اكبر عليك انت ماخذ حقك و حقي وزياده واحنا لنا الله محد مبرد جبدي غير مازن والحين ياي تتشكى اصلا احمد ربك انك تشبهني ولاني حلوه طلعت حلو
عذبي : وع انتي حلوه ماشفتي الحلا اصلا وبعدين منو قال انا اشبهج
عذوب : لاني اكبر منك بخمس دقايق
عذبي : شدراج انتي جايز انا الي اكبر بس اهم غلطوا اشعرفهم اهم
عذوب : لا انت الي تعرف
عذبي : طبعا
وبعد هالهذره والسوالف كل واحد راح داره من بعد ما مسو على ابوهم ..
جده
بيت محمد ال ( ابو تركي )
--------------------------
بخفه وبكل اريحيه ارتطمت خطواتها بالارض الرخاميه اللي تحمل كل معاني الفخامه والعز وترتفع من هذه الرخامات المرتصه بشكل هندسي متقن فازات وطاولات ترتص عليها تحف من العصر الاغريقي تتناسب مع ديكور الصالون العائلي في بيت ابو تركي او نقدر نقول قصر ابو تركي فهو من النظره الاولى تبصم بالعشره على انه قصر من قصور كبار الشخصيات في جده ويعتقد الناظر اليه ان البيت ملئ بالناس ولكن العكس هو الصحيح فالبيت ملئ بالمشاعر وملئ بالغموض والاسرار التي ترفرف على عرش هذا القصر ...
آآآآآآآآني آآآني يامال الصمخ وينتس فيه ؟؟؟؟؟
ارتفع صوت عاليه ( ام تركي ) بالبيت وهي تنادي الخادمه اللي تركت االلي بايدها وجري تنفذ طلب عمتها
تنهدت ام تركي وهي بخاطرها تذبح شغلاتها العله وتقول بخاطرها ( يامن شراله من حلاله عله )
Yes mam what do you want ???
هالحين لي ساعه اعلم الجيران هماني معلمتس وقايله لتس جيبي القهوه ؟؟؟
طارت الخادمه على المطبخ وجابت طوفرية ( صينية ) القهوه وتبي توديها الصالون نادتها ام تركي
على وين يامدام بتودين القهوه ؟؟؟
ردت الخادمه المسكينه : انا في يوديها للصالون أند بابا ابو تركي ..
ام تركي وهي مطيره عيونها فيها .. لا بالله من حرمته انا والا انتي ورا ما تاخذينها عنده وتقهوينه وتقهوين معه بعد ؟؟
ناظرت الخادمه بكل استغراب وهي ماهي فاهمه كلمه وحده من اللي قالتها عمتها لها ...
اخذت ام تركي القهوه من الخادمه وهي تقول من بين ظروسها : هاتي القهوه هاتيها ...
اخذتها منها ثم حطتها على الطاوله وعدلت نفسها وعدلت شعرها المرتب بطريقه تدل على وقارها ورفعت شعرها من وجهها الذي على الرغم من كبر سنها الا ان ملامحها كانها صبيه في الجزء الأخير من العقد الثاني و أخذت نفس عميق استرخت وكملت مسيرتها بكل ثقه رغم ان الثقه ابعد ماتكون عن داخلها الدامي
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
مرت من بوابة المنزل الداخليه وكانت منحوته بكل عناية نحت على جدار داخلي للمدخل وكانها لوحه فنيه مميزه لفنان ماهر واتجت بخطواتها الى الصالون العائلي وتخطته الى شرفه في نهاية الغرفه تطل هذي الشرفه على حديقة القصر المميزه واتخذت مقعد من السنديان الاصلي الخفيف .... ووضعت صينية القهوه على الطاوله الزجاجيه المغطاة بدانتيل بيج تندس تحته قطعه من الجاكار الازرق الغامق ...
ابتسامه انرسمت على وجه الشخص المخفي وجهه خلف الجريده .....
صبت ام تركي فنجان القهوه وناولتها زوجها الغالي ابو تركي وهي تقول .... تقهو يابو تركي
اتى صوت رخيم وثقيل بنفس الوقت وكأنه ياتي من بئر عميقه .. حطيه على الطاوله ...
اعتدلت في قعدتها بعد ماصبت لنفسها فنجان قهوه وبعد ماانتشرت رائحه الهيل والزعفران المميزه في الاجواء ...
أقول يابو تركي مادريت وش صار في سلطان ولد حمد ...
نزل الجريده بسرعه لتبان ملامح الصقر الحاده وجه مرسوم بالقوه والهيبه وعيون كعيون الصقر الجارحه فبان ملامح طبق الاصل من ابنه تركي ولكن على اكبر في العمر واثقل في االقدر : حمد قريبنا وش صار عليه ..
ردت ام تركي : صار عليه حادث بالخط السريع ..
رمى الجريده وقال بصوت اشبه بالصراخ : يادافع البلا وش ذا الهرج ومين اللي علمتس ؟؟
بلعت ام تركي ريقها بعد صراخ زوجها : ام صالح ..
ابو تركي وتحولت ملامحه للاشمئزاز : اعوذ بالله من ذا الحرمه ما تجيب الا الاخبار الشينه والله ان بو صالح رجالن زين ومؤمن مير الله بلاه صدق اللي قال ان المؤمن مبتلا ...
وبان العتب على وجه ام تركي : وش فيك على الحرمه الله يهداك هذي جزاتها انها تعلمنا ..
ابو تركي : الله يهداكي انتي انا مالي في ذا الحرمه لكن هالحين بسالتس علمتس هي وش صار على الولد
ام تركي : أي قالت لي انه بغيبوبه الله يشفيه ويخليه لأميمته ..
ابو تركي بأسلوب اشبه باسلوب المحققين : قالت تشافى ولا لأ قالت صحى من الغيبوبه ولا لأ ؟؟؟
ردت ام تركي باستغراب : لأ
ابو تركي باقرار : هي شفتي ان ماوراها الا الاخبار الشينه لو وراها شي زين كان علمت ان الولد ربي شافاه ماعندها الا فلان مات وفلان صار له حادث ...
ام تركي وهي تبي تغير الموضوع : طيب دق على أي احد من جماعتنا وأسأله وش صار على الولد ....
بوتركي : أبسأل هالحين ومسك جواله وبحث عن رقم معين في باله واتصل عليه وسأل عن الولد وطمنه الشخص اللي اتصل عليه ان الولد ان شاء الله يتحسن وتحمد له بالسلامه واخذ رقم الغرفه والمستشفى اللي منوم فيه الولد ...
وقفل الخط ..
بادرت ام تركي بالسؤال ... ها وش يقول بشر ؟؟؟
نظر لها نظره جانبيه وقال : ورى ماتسالين ام صالح ؟؟
بنظرة عتب قالت : بو تركي بلاك يارجال على الحرمه ؟؟
أبو تركي : ما بلاني شي ؟؟
ام عزيز بلهفه وطيبه قلب : طيب وش يقول ؟؟
ابو تركي باطمئنان ونظره رجل خبير بالاربعين من عمره : لا الحمد لله يقول ان شاء الله انه يتحسن صحى من الغيبوبه و بأذن الله يتشافى بس المشكله ان السياره صارت عجينه ..
ام تركي بايمان ويقين كسبتها من بعد شقاها وعناها .. الحمد لله على كل حال واذا على السياره فالفلوس ولا في النفوس يابو تركي ..
الله المستعان ..
صمت خيم على جو الغرفه من بعد هذي المحادثه وام تركي تجهز للكلام اللي تبي تقوله :
اقول يا محمد ..
ابو تركي : ياعيون محمد
حيا كسا وجه ام تركي رغم السنين الطويله الا ان المرأه بطبعها تتعطش للحب في كل وقت تحتاج للكلمه الحلوه والنظره الحانيه في كل زمان : تسلم عيونك يالغالي
اااااا تسمح اروح لزواج سالم ولد عبيد ال....
ابو تركي : بسخريه : ياحبكن يالحريم للعروس الوحده منكم لو تسمع عن عرس بالصين خذت عبايتها وقشت عفوشها وسرت .
ام تركي وهي مستعده للحرب الكلاميه مع زوجها الغالي .. الواجب يابو تركي هالحين ترضى تعزمني وما اروح ؟؟ شيقولون عني الناس ام تركي ماتعرف الواجب ..
بصوت مفعم برائحة السخريه : لا والله ابببد ما يرضيني ..
ام تركي وهي داريه ان زوجها قاعد يتمصخر عليها لكن طنشت : هيه شفت وبعدين الزواج اليوم وماني مطوله .
بسخريه امر من الاولى : ما تتأخرين هالحين تصابحون لين وجه الفجر والعله تلعي على روسكن ( يعني الدقاقه ) والله لو اقعد نص ساعه وهي فوق راسي تغني لاأطلع اصم من صوتها اعنبو داركن تقعدن لين اربع وخمس الفجر ماتتعبن ما تخافن الله ربي ينزل في الثلث الاخير من الليل يبي دعوه يبي ركعه وانتن على صوت الدي جي والعله اللي تثغي
حنى نقعد لين عشر واحس اني بانفجر وحنا بهدوء مو مثل عندكم ..
ام تركي وهي فحمت من تهزيئة زوجها لكن هذا حالها عند كل عرس لا تكل ولا تمل : طيب يعني تبيني انعزم ويوصلني الكرت لين عندي واقعد عن العزيمه وبعدين يالغالي شي لزوم وشي حشوم وانا رايحه حشمة ام سالم ..
ابو تركي : لا حاشاكي ابد من المغرب سري عليهم ؟؟؟
ام تركي اللهم طولك ياروح ؟؟؟ : هالحين قول لي ياعاليه لا تروحين وانا ما اروح لازم هالتهزيئه كل مره ؟؟
ابو تركي باقرار للمصير : روحي يام تركي بس لا تتأخرين .
ام تركي : يعني شلون اروح وانا ماشفت البنت ( العروسه ) .
ابو تركي : لا حوووووول ولاقوة الا بالله هالحين انتي رايحه علشان البنت ولا علشان ام سالم ...
ام تركي بملل ورضى بالمصير : خلاص خلاص برجع بدري ...
ابو تركي بابتسامه محارب حصل على غايته : أي هذا الكلام السنع .
بعد ساعه بعد في جده ..
هللو مامي ..
ام تركي : مامي اقول انزلي تغدي الغدا جاهز ..
وجد : سوري مامتي انا عامله دايت فما اقدر اكل ..
ام تركي : دايت البلا هالحين انزلي تغدي معي ومع ابوك يكفي عزيزوه ماهو بفيه ..
حنت وجد على امها : ok بس ثواني ...
السلااااااااااااااااااااام عليكووووووم ..
ابو وجد بابتسامه : هلا وغلا بحبوبة ابوها ودلوعته .
وجد بابتسامه انرسمت على وجهها ليبين ملامح طفله مدموجه بملامح امرأه طاغية الانوثه مكتملة الجمال : هلا وغلا بحبيب بنته ..
وانقضى نص الاكل بالسواليف .
وفي نص الاكل :
بابا ..
ابو تركي : هلا وجوده ..
وجد : ممكن اطلب منك طلب ..
ابو تركي .: بعد انتي تبين تروحين عرس .
وجد : اللللللللللله عرس من زمان مارحت عرس ..
ابو تركي: بعااااااااااااااااااااااد
وجد : ذكريني امي اسالكي عن العرس بس بعد ماأسأل الديوان الملكي وأطلبه ..
بابا ممكن تديني فلوس لأاني بروح السوق واحتاج لقليل من المال ..
ابو تركي : ورى ماتاخذين من امك طيب ؟؟
وجد بابتسامه تحفه : ومن قال اني ما باخذ منها باخذ منها ومنك علشان اكون حقانيه واعدل بين الطرفين ..
ام تركي بابتسامه : ونعم الحكم والعدل وانا امك ...
وجد : رهيبه انا ها وش قلت يالغالي يابو تركي تراني مستعجله ..
ابو تركي: لكي اللي تبينه بس ماتروحين مع السواق لحالك ..
كانت وجد بتعترض لكن التزمت الصمت لأنها يمكن بمعارضتها وفلسفتها يمكن تخسر الفلوس والروحه بعد ..
اقول يبا ::
ابو تركي بتنهيده وطولة بال : هلا يبا ..
انا عندي اقتراح ؟؟
ابو تركي : اقترحي ياعيون ابوكي ...
وجد بفوقه وروقان بال واحلام ورديه : وش رايك لاخلصت الثانوي اروح ادرس برا .
ابو تركي بسخريه على تفكير بنته : اول اخلصي من الثانوي ثم اوديكي لو جامعه الصومال بس انتي اخلصي وجيبي نسبه زينه ..
وجد بتفكير حاولت بقدر المستطاع يكون مركز : نوووووووو دادي انا مابي اروح بعيد انا ابي اكون قريب انزل لكم بالويك اند يعني مثلأ بااجامعه الامريكيه بدبي ولا بجامعه الكويت ولا
طرااااااااااااااااااااخ ..
طاحت الملعقه من يد عاليه ( ام تركي ) ..
والتفت لها ابو تركي :بلاتس يا عاليه .
ام عزيز وبعد ما انخطف لونها وبانت قد ايش متوتره : ها لا ولا شي ابد ..
وجد وحست ان في شي فقفلت على السالفه على امل انها ترجع تفتحها مره ثانيه
..
ساد صمت متوتر وغريب وهم على وشك الانتهاء من وجبتهم ..
اقول يما .
ام تركي : هلا يما
وجد : العرس اللي تبين تروحينه عرس مين ..
ام تركي وكأن لونها رجع لها وتنفسها رجع ينتظم ..: عرس ساره بنت ...
وجد بصدمه وفجأه : ووووووووعععععععع هالحين سوير ام كشه بتعرس ؟؟؟
ومين مقرود الحظ اللي يبتلش فيها ...
كانت بترد ام تركي الا ان الرد كان صاعقه على وجد وكان من ابوها : بتعرس على ولد عمها لحمها و دمها اخير من بعض الناس
وقام من على السفره ... كثر الله خيركم
...
وجد وكأنها انلطشت كف على وجهها واجتمعت الدموع على رمش عينها وقامت من السفره على عجل
بريطانيا
لندن
جامعة اكسفورد
----------------
تركي مع رفيجه مناف الي متلعوز مع اوراق التسجيل
مناف وهو يقلب اوراق ويتأفف : الله يهنيك انت خلصت وفكيت عمرك مو انا الي مبتلش بلشه بهالتسجيل العله
تركي : انا كل سنه كذا احاول اخلص بدري عشان ما تنغلق الشعب واحوس بموادي
مناف :تصدق احس طفرت ولاعت جبدي وراسي يفتر وما ابي الا المخده
تركي : ههههههههه هانت بقى تسجل آخر ماده
مناف : على قولتك تعال الا وين رفيجك
تركي :أي واحد فيهم
مناف : بوعيون زرقه
تركي وهو يعصر مخه يبي يتذكر منو من خوياه عيونه زرقه ماتذكر احد بعدين استوعب ان اصلا محد من خوياه عيونه زرقه
فلف على مناف وقال: منو تقصد بكلامك محد من اخوياي عيونه زرقه
مناف : افا نسيته
تركي : جد والله من تقصد
مناف وهو يضحك على تركي : الله يغربل بليسك لا وبعد تفكر انا اقصد الاشقر الامريكي
هنا استوعب تركي منو يقصد مناف بكلامه ابتسم وطق مناف على الخفيف على راسه :الله ياخذ بليسك راسي داخ وانا افكر اعصره زياده تراه بعد كم يوم بيجي
مناف وهو يوقف عند مكتب الدكتور : شكله حلتله القعده
تركي والحنين يسكن بين اضلعه : اكييييييييييد مين ما تحلى له القعده مع اهله وحبايبه
مناف: الله يوفقنا و نفتك من هالعله ونرجع ديرتنا
تركي بأمنية صادقه: آمييييييييين عاد هالله هالله موتنسانا مر وطل علينا
مناف : وين انت وانا وين الله يهداك بعيد انت
تركي وهو يفتح عينه الوسيعه على وسعها : احلف انت بس كل ما اعتمرت مر مو بصعبه
مناف و يسوي عمره يفكر بالموضوع : امممممممممم اشوف ان شاء الله
تركي بنظره غريبه : بعد يفكر ووجهه بدون تفكير عطني كول وتلقاني عندك
مناف : ان شاء الله نلحق خير
تركي : ان شاء الله
طبعا سالفة بوعيون زرقه سالفه اهو واحد من ربع تركي ويعزه معزه خاصه ومثل ما يقولون طبجته الي ما يستغني عنه وين مايروحون مع بعض دراستهم ويا بعض نفس الكليه والسنه الدراسيه وكل موادهم ياخذونها مع بعض حتى سكنهم ساكنين بشقه تركي الي شراها ابوه له بعد ما خلى رفيجه شقتهم حق أي احد من اهلهم اذا زارهم يسكن فيها طبعا مختصر السالفه ان رفيجهم زايد الاماراتي كان يايب صوره وهو صغير وطايحين الشباب تعلق عليها ومن ضمن الصور صوره عيونه صاير لونها عسلي طبعا اهي بنيه قامجه بس من انعكاس الشمس عليها مخليتها فاتحه وايد عاد اهو قعد يتفلسف عليهم انه يوم كان صغيرون كانت عيونه عسليه وغدت "استوت" بنيه ،وشعره تغير
وغدا اسود و على هبال وتمسخر وكل واحد عاد بدع ومن بينهم طبجة تركي الي قال و شقهم شق انا اصلا عيوني زرقه وابيض وشعري اشقر بس من كبرت تغير لوني وانا اصلا امريكي يعني هذا العرج الي نط
طبعا قعدو يتمسخرون عليه مو مصدقين انه امريكي يحسبونه يتمسخر مثل سالفة العيون و الشعر بس زاد العيار ليمن قالهم صج والله انا امريكي وصدمهم بجوازه الامريكي هني انصدموا ما توقعو السالفه بهذي جد خاصه انه كويتي ومنها فهمو انه منولد بامريكا وبسفراته حق لندن و ربعها ما يستخدم الا الجواز الامريكي لانه شاف الفرق والي ساعده شكله ما يوحي انه خليجي ورطينته بالانقليزي ومن بعدها وهم يسمونه بوعيون زرقه طبعا الي ما يدرون شالسالفه يستغربون شكو عيون زرقه وعيونه سوده
وعلى قولة تركي : اتخيل عيونك زرقه وع ابدا مو بلايق
الكويت
منطقة جبد اليواخير ( الجواخير )
ياخور بومازن
---------------------
بياخور بومازن الي اهو عباره عن مسااااحه كبيره نوعا ما تقريبا اربعة آلاف وشوي بوابته تكون قريب الزاويه اليمين الي تطل على الشارع الرئيسي وبالوسط الارض منبسطه خضره بوسطها نافوره وعريش متوسط الحجم مغطى من جميع النواحي بالزجاج العاكس وعلى الزاويه اليسار باقصى الياخور البيت الي مبني على لستايل اللبناني ويتكون من ثلاث مستويات غير حمام السباحه الي على يسار البيت ويطل عليه وهو محمي بغرفه خاصه له لها سقف يتحرك وعلى نهاية امتداد المساحه الكبيره فاصل بالشير يفصل اسطبلات الخيل واقفاص الحمام ..
مازن وهو طاير بخيله الاسود لين بدى يخفف شوي شوي وهو يلف بالعكس و يواجه عذوب ويقول بصوت قوي : عذبوه اذا بتضلين جذيه منتي مستفيده بولاشي من هالتدريبات لازم تدربين اكثر على الاقل كل اسبوع مره انا ابي اعرف ليش اذا سافرت ما تدربين ؟
عذوب وهي تناهت من التعب وتوقف خيلها خيال اليوم مازن هلكها من وصلو وهي على الخيل طردي يدربها : شوي شوي علي والله تعبت
مازن : ميخالف لانج من زمان عنه
عذوب : انزين قولي شسوي
مازن وهو يقرب من اخته : وعذبي شمهنته كل يوم والثاني طايح هني
عذوب وملامحها توحي باليأس وقلة الحيله : مايرضى ياخذني كله مع ربعه
مازن : خلاص انا اتفاهم معاه
عذوب وهي تترجاه : شوي شوي لا تغصبه والله يحط علي ويكسري بتدريباته ماني ناقصه
ومجرد ما خلصت كلامها انتبهو على اصوات الخيل الي يايه صوبهم لفو يشوفون اجياد و عذبي الي كانو طايرين صوبهم بسرعه وشكلهم يبين انهم يتسابقون وبعد ثواني استوعب الي يشوفه وشوي وعيونه تطلع من مكانها وقعد يدعي بقلبه على عذبي وخباله وينونه هذي ما غيرها حطاته اكيد ..
اجياد كانت راكبه خيل ابوها العنيد الي صعب الواحد يروضه ماغير ابوها ومازن وبعد موكل مره تطاوع اخوها مره على هواه وعشره لأ ..
تحركت عذوب من مكانها تفتح لهم المجال ويوم شخطوا جدامهم كانت اجياد حضرتها واقفه وحدها مستقويه
وهني حس مازن بفطانته ان السالفه ماراح تعدي على خير ولحقهم
و بدقايق زادت خيل ابوها سرعتها بشكل يخوف والي لاحظوه انها كل شوي و وحده من ريولها تنعكف اكثر لدرجه انها تختل بتوازها وترجع مره ثانيه عادي بس الي وقف قلوبهم انها مجبله على بوابه تفصل بين ياخورهم و ياخور رفيج ابوهم بوضاري وشكلها بتتجاوز البوابه الي كانت نازله شوي بس تعتبر رفيعه
اجياد حالتها حاله قلبها يرقع وميته من الخوف لدرجه انها هدت اللجام و تجلبت برقبة الخيل بكل قوتها موقادره تنفس الهوى يضرب فيها بقوه ومن شافت الخيل وهي تنقز تبي تتخطا البوابه صرخت صرخه طلعت من روحها ومن قوتها شلعت قلب كل من سمعها : يباااااااااااااااااااااااااااااااااااااااا
ورجت الدنيا من حولها
بالصوب الثاني بياخور بوضاري ضاري توه طالع من البيت واقف على عتبته وهو يكاسر الشمس و يتمغط مو مصدق انه و اخيرا عتقوه اهله وانه قام بروحه محد يحن ويزن فوق راسه قوم بسك نوم تأخرنا ومن هالحجي الي تعود يقومه من شهر تقريبا
تذكر امس شلون ضرب خط من الديره لي جبد وعينه كابس عليها النوم وجم مره تغفي عينه وينحرف عن الطريق ويفز على هرن السيايير والله ستر وماصاده شي طبعا هالنحشه من بعد حوسه بدت من شهر وكلها بسبب عرس اخته الي قررو انه بكون بسرداب بيتهم وماغير اهو واخوه صقر ولويه من مكان لي مكان مفتره الدنيا فيه و طاقه جبده ومن خلصو عرس الرياييل شال شلايله وراح صوب جبد بس خلاص على قولته مهمته خلصت وحيله انهد ويبي اسبوع راحه و استجمام طبعا من وصل ما مرت ربع ساعه الا والحبيب صقر واصل وراه حاله من حاله ..
نزل ضاري من الدري وقعد يتمنظر بالزرع وكل شي واهني شاف صبيهم وهو يمشي خيله وخيل صقر اشرله ايي صوبه
ومن قرب منه خذا الخيل منه و خلى خيل اخوه قريب من البيت يدري هذي حروته يقوم ومن عادته ياخذله جم دوره بالخيل بعدها استاذن الصبي ان عنده جم يشغله بروح يشتريها اذن له وهو يقوله : تيسر بدربك
ظل شوي يمسح على خيله بكسل يفكر شنو ممكن يسوي بوقته و بخفه نقز فوقها و خلاها تمشي على كيفها وبطرف ثانيه سمع ذيك الصرخه الي طيرت قلبه من قوتها وعليها وبنفس الوقت تحرك الخيل وطار يركض لدرجه انه بقى يطيح بس بآخر لحظه تلاحق على عمره وتمسك بالخيل وظل يحاول يستوعب الي قاعد يصير له وشوي شوي استوعب ان الخيل تلحق خيل ومن دقق نظره فتح عيونه و هو يقول هذي خيل عمي بومازن بس ملامحه الصدمه انرسمت يوم شاف ان في احد عليه وكانت بنت وصرخه ثانيه يت من وراه وكانت من اخوه صقر الي قال : اجيااااااااااااااااااااااااد
حس هني بربكه يرجع ويخلي اخوه يتولى الموضوع ولا يكمل حرك نظراته بسرعه على الجهه الي تقصدها الخيل ومندفعه بقوه ناحيتها كانت بوابه رفيعه و من ثامن المستحيلات انها تخطرها البنت و محد صوبها غيره
الي صار جدام مازن و عذبي خلاهم يتبريدون بمكانهم الصدمه وقفت عقولهم الا مازن الي تحرك بسرعه واندفع يلحق اخته ومن قرب صوب البوابه خلى الاسود يرفسها بضربه وحده بحوافره وبقوه لين انفتحت على وسعها طار جهة اخته وقتها كان ضاري الاقرب من مازن و صقر
ضاري وهو يقرب من اجياد الي كانت مغمضه وماتدري شصير دار مدارها موقادر يقرب اكثر يخاف الخيل تهيج ولا شي ولاهو ضامنها ابد مد ايده لاجياد و الثانيه متقضبه بالخيل طبعا بدون لجام اهو يدري ان الي قاعد يسويه مو مضمون خاصه ان ماكو شي يثبته غير ايده على الخيل ويمكن يطيح بس ماكو وقت سرعة الخيل مو طبيعيه اصلا موقادر يستوعب انه يجاريه كان يصرخ ويقول : اجياد مدي ايدج بسرعه اجياد ماكو وقت تكفين رفيعي راسج شوي اجياد لفي راسج يمين
ولاحياة لمن تنادي
اجياد بعالم آخر حاسه ان خلاص شوي وتموت موقادره تسوي الي قاعده تسمعه مو قادره تميز الصوت ولا حتى ترفع راسها وما حست الا بايد تنحط على خصرها وتسحبها مثل الريشه من على ظهر الخيل
مازن و صقر كانو يشوفون كل شي جدامهم واكثر شي خلاهم ينهبلون ان ضاري من سحب اجياد وتوازنه بدى يختل وعلى آخر لحظه وصله صقر الي خذى اجياد الي كانت مثل الميت من اخوه بسرعة البرق قبل لا يطيح وبهاللحظه دوى بالكون من حولهم صوت طلقه تبعها ثلاث طلقات وقفو لحظتها وهم يتابعون الخيل الي بدى يترنح جدامهم لين ما طاح على الارض
صقر وهو يمسح على راس اجياد ويقول : اجياد
كلمة اجياد اجتمعت بعقلها متفككه ولين فهمتها و استوعبت صاحب الصوت انهارت بجي وصياح غير شهقاتها الي خلت صقر يلمها بقوه
بومازن كان قريب من عياله وتوه طالع من مخرن عنده مرتبه ومطلع الاشياء الي مايبيها وكانت من ضمنها الشوزن ومن شاف الي صار ثور بالخيل بدون ادنى تردد او تفكير ان الخيل عربي اصيل ويمكن يوصل سعره للمليون بس كل شي ولا عياله و الي صار جدامه مو هين ابد
ضاري نزل راسه و تنحى على اليسار وراح ماشي صوب بيتهم مازن كمل طريجه صوب اخته و كان قلبه يرقع انفاسه صعبه و ويهه محمر ومن شافها متعلقه برقبة صقر وسمع صوتها حس ان جبل وانهد وقف شوي وهو يحاول يسترجع انفاسه ونظراته ما تتعدى اخته
صقر وهو يرفع نظراته حق مازن بطريقه جنه يقوله شلون خليتوها كانت مجرد لغة عيون لين قطعها صوت مازن : شلونها
صقر وهو يشوف اجياد الي بدت تهدى بحضنه : أحسن
ولفو اثنيناتهم راجعين صوب عذبي وعذوب يوم تفاجأو ببو مازن وبيده الشوزن
عذبي واقف بمكانه من هول الصدمه الي الجمت لسانه وعذوب دموعها على خدها و بومازن ظل واقف بمكانه والموقف ينعاد جدامه بلحظه كانت بنته بتروح من ايده بس ربه قدر ولطف وقال بصوت مسموع : الحمدلله على على كل حال
ومن قربوا العيال صوبه الا وهو يمشي صوبهم وقف صقر يم بومازن الي مد ايده يمسح على راس بنته ويقرا عليها وشوي قال : شلونها
صقر : الحمدلله طخت شوي
مازن : خلونا نرجع يبيلها ترتاح وانا بشوفها جان تحتاج طبيب ولا لأ
بومازن : خير ان شاء الله
ومشو ليمن وصلو البيت مسك مازن اخته ونزلها من عند صقر وساعدته عذوب لين وصلو غرفتهم ظل مازن و صقر يمها وعذوب راحت تييب جنطة مازن اما عذبي الي تم واقف على باب الغرفه والخوف على اخته ماكله و الحسره والندم يحرقونه كان بيذبح اخته بينونه وافكاره المتهوره
شاف مازن اخته وتاكد ان الحمدلله مافيها الا كل عافيه و انها تحتاج شوي حق راحه طلب من عذوب انها تظل معاها وتشوفها اذا بغت شي وطلع من غرفتهم متوجه للصاله الي كان فيها صقر و عذبي ..
بومازن كان موجود بالغرفه و سمع كلام ولده وتطمن على بنته بس ظل وياها ويوم شاف انها غطت بالنوم وانتظم تنفسها طلع من عندها وهو حاس بتعب بعد ما نبه عذوب انها تقعده على صلاة الظهر ..
بالصاله عذبي واقف مجابل الدريشه ومعطيهم مقفاه و مازن قاعد على القنفه ومنزل راسه وايده على ويهه وصقر الي ينقل نظراته بين الاثنين لين قطع الصمت : ممكن افهم شلي خلى اجياد تركب العنيد
مازن وهو يوخر ايده عن ويهه ويرفع راسه وملامحه توحي بغضبه على اخوه وهو يوجه نظراته حق عذبي : اسأل هالياهل
بقوه لف عذبي عليهم متنرفز من كلمة مازن وقال بصوت عالي شوي كابت الغضب فيه من نفسه : ماني ياهل انزين
مازن فز على طوله كلش ولا خواته والعصبيه عنده واصله حدها : ياهل وستين الف ياهل الريال مايسوي سواتك ممكن تفهمني ليش خليتها تركبه وانت ادرا فيه انا وانا ريال ما يطاوعني شحال هالبنت ولابس بتستقوي على هالفقيره
مازن كان صوته عالي وحاد من الصوب الثاني عذبي قاضب عمره عارف غلطته وماعنده شي يرد فيه على اخوه
وبوسط كلام مازن دشت عذوب عليهم وهي تقول : مازن
مازن : هلا
عذوب : تكفى قصروا حسكم اجياد وابوي نايمين
تنهد مازن وقال : ان شاء الله
ولف وعطى عذبي نظره تسم البدن وطلع
صقر وهو يشوف الي صار جدامه قال بصوته الهادي وهو يحط ايده على القنفه الي يمه: تعال عذبي تعال اقعد يمي
بانسياق للأمر الي صدر من صقر راح عذبي يمه وقعد وهو يقول : والله ماكان قصدي السالفه كانت تحدي منو يسبق الثاني ماتوقعت توصل لهالدرجه
صقر باسلوب تفهم و نصح: اومالقيت الا العنيد
عذبي : اعترف بهاذي انا السبب
- الله يهديك بس دوم مستعيل ما تفكر بالنتايج عالعموم اتمنى ان الي صار ما يتكرر ويكون درس لك هالمره ربك عداها والله يستر من اليايه وبعدين ترى العقل يمدحونه خلك رزين وبلا سوالف المصبنه فيك خير ومافيك خير وهالخرابيط تراني ماني مستعد افقد وحده من خواتي واحمد ربك ان ماصابها شي ولا محد بفكك مني وانت ابخص بويهي الثاني مايحتاي اعلمك
وهني وقف صقر وهو يلف ويهه صوب عذوب بابتسامه مريحه للناظر: ها عذوبه تامرين بشي
عذوب بابتسامه عذبه : سلامتك الغالي
صقر : الله يسلمج اشوفكم على خير
التوم : وانت من اهله
بومازن من راح غرفته والنوم يهدد و يوعد فيه وينه و وين النوم الي طار من لامست المخده راسه افكار تييبه و توديه لين طار بذيك الليله
" ما صاره ساعه من غفت عينه الا وصوت مازن يصحيه : يبا قوم يبا جيود مريضه لازم نوديها الطبيب
فتح عينه و النوم يغطيها عشره ومره لأ وشوي شوي استوعب : شتقول
مازن : اجياد يبا مريضه حاره وايد
اهني بومازن فز على طوله وراح صوب غرفة عياله وشاف اجياد الي متلحفه بمليون كفر من البرد ودرجة الحراره ضاربه فوق ما يدري شلون بدل وشلون ساق حق المستشفى الدنيا ضبابيه بذاكرته كل الي ريح باله يوم طمنه الدكتور عليها وانزلت حرارتها و قدر يرجع معاها "
من بعد الي صار تعكر مزاج الكل ورجعوا حدرو الديره وقبل لايدخلون بيتهم مرو على بيت يدهم ..
كل واحد بروح البنات بدارهم و مازن طالع وعذبي مع ربعه ..
عمتهم ابتسام من دخلو عليهم وهي حاسه ان في شي وهذا كله استوعبته من ملامح ويه اجياد المصفره فما كان منها الا انها تروح لها وفعلا ثواني وهي عند باب دارها
اجياد وهي منسدحه على فراشها انتبهت على صوت الباب ينطق اعتدلت وهي تقول :تفضل
العمه ابتسام وهي تطل مبتسمه : دام فضلج
هلا عمتي
العمه وهي تروح صوب بنت اخوها وتقعد على طرف سريرها :هلا فيج حبيبتي
وقبل لا تكمل يقطع عليهم صوت التلفون بنغمه مميزه حاطتها اجياد حق الصقر :
اخي انت لحن صفاء الزمان
اخي انت بلسم قلبي الحزين
اخي انت لي مثل بر الامان
اتيت اسير بطرف كسير
وصدر من الهم مثل السعير
اذا ما ابتسمت تلوح المنى
ظلت اجياد بمكانها وهي تشوف تلفونها
العمه : منتي مراده ؟
اجياد : لا بعدين اتصل مو مشكله
العمه ابتسام : يمكن يبونج ضروري
اجياد : لا عادي هذا الصقر
العمه : اوو امس كان عرس اخته صح؟
أجياد : أي
العمه باستفسار : مارحتوا ؟
أجياد : ربي موكاتب ولا احنا متفقين بس سبحان الله توفا رفيج ابوي وحده مو حلوه ابوي متضايق واحنا مستانسين معنه قالنا روحو بس هونا وقلنا ان شاء الله نروح لهم مره ثانيه نبارك لها و نودي الهديه
العمه بتنبيه : أي عاد مو تنسوني
اجياد والتعب ماخذ كل مأخذ منها : افا عليج عمتي بس جم عميمه ابتسام عندنا انتي راس المال
العمه بطيبه مدموجه بخوف : حبيبتي والله ادري بس بحرك الجو شفيج جيود ويهج مو عاجبني فيج شي قالت كلماتها وهي تمسح على راس بنت اخوها
اجياد كانت فيها غصه من الي صار توها بس تستوعب الموضوع حدها تحس مالها ويه جدام اخوانها حست بفشله و قهر وحرقة ويه نظراتها كانت تتبعثر يمين و يسار وشوي وتبجي تحاول ما تتذكر شي من الي صارلها موقادره تتكلم مهما كان عذبي حبيب العمه صج انها بتزفه بس مايهون عليها اخوها تدري اكيد ياله الي يكفيه من مازن بس همن تحس في شي بصدرها والغصه ضاربتها بس ماتبي تبجي جدام عمتها قاضبه عمرها بالغصب وما ساعدها الا والتلفون يرن مره ثانيه وكان الصقر داق مره ثانيه
العمه : قومي يمه اكيد يبيج ضروري
وقامت وهي ناويه ترجع مره ثانيه اما اجياد الي راحت ترد وهي عارفه الموضوع ومن اول المكالمه ومن سمعت صوت الصقرالا وتقعد على الارض وتطقها بجيه من قلب ظلت لمدة فتره وصقر مايسمع غير صوت بجيها ما يدري شسوي لها اهو بعيد مو قريب ولا جان ثواني وهو يمها بس مابيده حيله وبعد ما هدت قالت بصوتها المرتعش : آسفه الصقر والله ماكان قصدي صدقني آسفه
الصقر وهو يمسح على راسه ونظرات تعجب غشت عيونه من كلمات اخته : جيود حبيبتي بسج بجي ليش تتاسفين الي صار صار
أجياد من بين شهقاتها : بس
الصقر بحنية الاخو : لا بس ولا شي
أجياد بأسف : يعني انته مو زعلان
الصقر : يعني انتي حاسه جذي
أجياد بحسافه : أي
الصقر : انزين اتوقع اذا بزعل طبيعي بزعل منج على الي سويتيه انتي كبيره وكان المفروض ما ترتكبين مثل هالغلطه وتكبرين راسج وما تنزلين حق افكار عذبي المتهور صح ولا انا غلطان
اجياد الي شوي وهدت وقعدت تمسح دموعها بظهر كفها وارتاحت ان الي ببالها كلش مو على بال اخوها وشي ثاني اهو متضايق منه : صح
الصقر : حلو و الحين انتي تعرفين شنو المفروض تسوين لان عذبي خذا نصيبه و نصيبج من الزف وغسال الشراع
أجياد بصوت خافت : أي
الصقر وهو يبتسم : عفيه هذي اختي الي اعرفها ويلا ضحكي بدال منتي مويمه ومسحي دموعج وترى احنا نطالبكم بتعويض عشان عروسنا
اجياد وهي تبتسم : ان شاء الله احنا ناوين ومالكم الا طيبة الخاطر
الصقر : حياكم باي وقت
اجياد بابتسامه انرسمت على محياها واخر خط من الدموع ينمسح : الله يحييك
الصقر : على العموم اهي بتظل بالكويت لمدة اسبوع وعقبها بروحون ايطاليا لمدة شهرين
أجياد بفرحه وحالميه : اوب اوب واخيرا يالها الي بحقق حلمها
الصقر وهو يضحك : هههههههههه مولله هذي دوره من شغله ولا اهم ما يستغنون عنه بس على قولة مديره انت تستاهل هذي هدية الزواج منها شغل و شهر عسل
أجياد بقلب صادق : الله يوفقهم ان شاء الله
الصقر : امين يلا عيل اخليج مع السلامه
أجياد : الله يسلمك وغاليك
الصقر بحب كبير لأخته اللي مايابتها امه :: محد غالي غيرج
وهي تبتسم : لا انا جذي ما اقدر ترى انتفخ عليكم
الصقر : يحقلج مو اخت الصقر
أجياد : او شكلك خلاص اقتنعت بالصقر
الصقر : اصلا محد يناديني فيه الا انت وركون
أجياد و بدت تتناسى اللي صار وشبه ضحكه ترفرف على شفايفها الكرزيه : يحليله لي الحين متحلف فيك بزوجك
الصقر وهو يضحك : هههههه وازيدج من الشعر بيت خلاص انا مخطوب رسميا حق اخته نواره
أجياد : واي زوقه هذي اصلا تحمد ربك وتحب ايدك عدله و مقلوبه جان هذي خطيبتك
الصقر : خلاص نشرت بالعايله اني خطيبها تخيلي عمها يقولها انا بخطبج حق ولدي فارس تقوله لا انا مخطوبه حق صقر رفيج راكان
واهو بروح شوي الكويت و بعدين يرجع الرياض يتزوجني خلاص اصلا قررت البنت
اجياد وهي فاطسة من الضحك : ههههههه اتخيل شكلك ماخذها
الصقر وهو فرحان لأن اخته نست اللي صار واندمجت بالكلام : يا حلوي والله ياهل شسوي فيها اربيها
أجياد بمكر : شنو وراك
الصقر وهو يرد عليها : ابد فاضي انا حق اليهال
أجياد : الحين الي يسمعك خلاص خاطيبها رسمي بس بقى الملجه
صقر وهو يبتسم : لا وركون يتمسخر علي يقولي لا تحطم قلب اختي من الحين قولي اذا ما تبيها عشان تتهيأ اذا كبرت تتزوج غيرك
اجياد وهي مستانسه انها سمعت صوت اخوها الغالي : يحليله ربي يخليكم حق بعض
الصقر بدعوه صادقه : آميييييييييييييييييين
اجياد : اجمعين وسلم
الصقر : يوصل فمان الله
أجياد : فمان الكريم
العمه من طلعت من اجياد راحت صوب عذوب ومن سالفه لي سالفه لين وصلو عن الاخوان وانطق الباب على كلمة عذوب : والله مشكله هالاخوان
ولا مازن يطل وهو مبتسم ويقول : شفيهم الاخوان مثل العسل على قلوب خواتهم
عذوب بحب تحملة لأخوها الكبير :مثلك أي مثل عذبي بصل
مازن بعتب بسيط : افا اشدعوى
عذوب : أي اصلا لازم يطلع حق الوحده اخو يعل القلب والمشكله كل بنت تدري ان عندج اخو كبير تقول واي وناسه يا بختج ما ادري اهو كنز وانا ما ادري
مازن : طبعا منو يحصلها اخو ترى الاخوان بالتفق الحين
عذوب : هتلر وانت الصاج
مازن و هو يضحك : هههههه جد شايلا علينا
عذوب وهي تطمنه : لا تخاف اخو عن اخو يفرق مو كل اخو بالقلب يلبق
مازن وهو يتسند على الباب : الحمدلله معترفه
على الساعه 11 بالليل اجياد كانت توها طالعه من غرفتها بتنزل الصاله وصادفها عذبي وقفوا اثنيناتهم جدام بعض اجياد نزلت راسها وقالت آسفه ما تاسفت بروحها بنفس الوقت قال عذبي : آسف
بنفس الوقت اعتذرو من بعض وبنفس الوقت ابتسمو بويوه بعضهم وقالو : صج لي قالو القلوب عند بعضها
اهني عاد انفجرو ضحك كل شي سووه بهاللحظات ويا بعض و بنفس الوقت
شفت مهما صار بنتم اخوان
اهني جدم عذبي وحبها على راسها واهي مثل الشي وكل الي صار كان جدام مازن الي توه كان مبطل الباب بيطلع ورا اخوه
طبعا الي صار جدامه كان كفيل انه يمسح بقايا اليوم و يغسل روحه ويجدد حبه لاخوانه مهما سوو وعصب يظلون بقلبه عياله اكثر من اخوانه خاصه هالعذوب ..
اجتعت العايله بالصاله واول ما نزلو عذبي واجياد راحو صوب ابوهم وحبوه على راسه واعتذروله على الي صار منهم اليوم
طبعا بومازن ماكنا شايل شي بقلبه عياله واهو ادرى فيهم وبالهفات الي تييهم لمهم بحب و حنان ابوي وقعد كل واحد على يمينه و يساره
اما مازن راح صوب عذوب والابتسامه شاقه الويه قعد يمها وهو يقول بصوت مسموع : لنا الله عذوب شوفي بسافر ومعطيني سكب
اهني ضحكو عليه ورجع عذبي لمناجر اخوه : تكفى انت منو مسكبك انت هالعذوب 24 ساعه مجابلتك ماتسويلي ربع الي تسويلك اياه وبلندن تركي شايلك بعيونه اتوقع اصلا باجر لي تزوج مرته بتغار منك ماشاء الله عليكم ماتفجون عن بعض وهني رن تلفون مازن بنغمه خلته يرد وهو يبتسم وحتى بدون لا يشوف الرقم
كم تآخينا سويا رغم اشواك الطريقي
وفؤادي باشتياق صادق نحو صديقي
همسات النصح مازالت تدوي في فؤادي
ودماء العزم تجري بين انياط العروقي
غاب عني وتوارى بدره خلف غيومي
جف منه النهر اضحى
الزهر في وادي سحيقي
مازن :الطيب عند ذكره
تركي : افا تحش فيني يعني
مازن وهو يبتسم بحب وشوق حق خوي العمر : ماعاش الي يحش فيك بس شسوي الرازق في السماء و الحاسدون في الارض
تركي: اكيد ما غيره عذبي خله يذكر ربه لا يحصل فينا شي
مازن : لا حرام عليك ذكر ربه ولا بوقف ببلعومه لاتخاف ما اطوف شي
تركي : طيب و الله السلام عليكم ولو انها جت متاخره
مازن : وعليكم السلام والرحمه وقام طالع الحوش يكمل مكالمته
عذبي وهو يشوف مقفى اخوه وهو طالع يقول : الله يتمم عليهم
الكل : آمين
اجياد : احسهم ما شاء الله مثل الصقر و راكان
بومازن : لي الحين معا بعض
اجياد : لي باجر تصدق يبا ما يواطن الرياض خير شر ومايسميها الا بقلعة وادرين تعقد من ايام دراسته يقول من اطبها خلاص اصير خارج نطاق التغطيه العائليه ابد مو بالحسبه وما ادري عن علومهم الا يوم ارجع الكويت وكله آخر من يدري بالدنيا ومحد يرده لها غير راكان يحبها غصب طيب عشان راكان فيها ..
عند تركي ومازن
تركي: يلا هالحين اشوف حلتلك الجلسه ترى قسم بالله لندن اظلمت بدونك
مازن بغرور : ادري انا لمبتها
تركي وهو يردها له : خلاص نغيرها
مازن : افا اهون عليك يالخوي
تركي يحاول يبين انه زعلان : لا ماتهون بس شكلنا هنا عليك
مازن ببسمه وهو فاهم صديقه وخويه : لا والله الا بعد باجر الطياره الفير صوبكم
تركي : طيب عاد ارسل لي مسج مو تعملها فيني زي المره الفاتت ما ارفع راسي الا وانت فوق راسي
مازن : ولا يهمك بس ما بغيت اتعبك
تركي : اقول بلا اتعبك ووما اتعبك انا وانت واحد ما بيناتنا هالكلام
مازن و هو يبتسم : ان شاء الله
تركي : بعدي والله هذا الكلام السنع
مازن : شخبار الربع
تركي ويبي يفجع خويه : بخير دامك بخير أي سمعت آخر الفواجع
مازن بخوف وفجعه : اعوذ بالله فواجع
تركي وهو يضحك : ههههه لاتخاف فواجع فرحيه
مازن بعد ماتطمن : خير غرد
تركي : متعب جاله ولد
مازن ببشاشه انرسمت على محياه الحلو : احلف قول والله
تركي وهو فاتح عيونه على الاخير : بزر انا اضحك عليك
مازن وهو ينفي الشبهه عنه : لا مو عن بس يحليله هذا احسه توه ياهل وينه و وين يصير ابو
تركي : بعد ربك و النصيب
مازن ببسمه بس هذي المره بسمه ابويه : يحليله الله يبارك له فيه يحليلهم شبابنا والله كبروا
تركي وهو يحاول يتنقرش بخوي روحه : ماغيري و غيرك الشياب
مازن : أي انت قول جذي من الاول مولله فاتح الطاري
تركي : الكذب خيبه والله كانت على طرف لساني اقول لامي تخطبها لي بس غيرت رايي بآخر لحظه
مازن وهو يحاول يفهم تفكيره : ليش يعني خايف ترفضك
تركي : جايز و جايز انخطبت
مازن : انت سمعت شي
تركي وبقوه ومجرد الطاري شب نار بداخله : لا
مازن : خلاص لو مخطوبه جان دريت
تركي : صح بس الي ردني اني ابي اخطب بس والزواج بعد سنه على الاقل
مازن : شنو سنه حلاو تعلق البنت ماعندك سالفه لو انا منك جان ملجة بهالعطله والعرس بعد هالكورس وكان الله غفورا رحيما ليش تطولها و هي قصيره
تركي وعقله تشتت وقلبه تفتت : مدري مدري خلاص
مازن ويحاول يسند رفيقه : اقول انت بس لو طرالك هالطاري ثاني مره استخير ربك و ما خاب من استخار
تركي بعد ما ضاق صدره من هالطاري : ان شاء الله وربي يكتب الي فيه الخير
مازن وهو متفهم ضيق خويه : آمين يلا عيل اسلم و سلم
تركي : الله يسلمك فمان الله
مازن : فمان الكريم
جده
بيت محمد آل ( بوتركي )
------------------------
البيت هدوووووووء عزيز دوم معا عيال عمانه الي يتجمعون في بيت جده الي مقابل بيتهم و ما يفصل بينهم و بينه الا شارع ونقدر نقول قصر ما يقل فخامه عن قصرهم ..
اما وجد ماغير تحوس بالبيت وغرفتها ياشايله يا حاطه وكل ساعه تغير ديكور غرفتها وما تمر فتره والا وهي حاطه شي يديد يحلي غرفتها الي ما يسميها تركي الا بجناح الاميره من وسعها وطريقة تقسيمها
طبعا هالكم يوم زهبت اغراض المدرسه وهي تحلم انها مخلصه ثانويه خاصه ان مابقى لها غير سنتين وتتخرج ومجابله النت على قولتها اعوض لان من تبدى المدارس تقلل ساعات قعدتها على النت ومن كثر ماهي مجابله النت كل ما دخل تركي شافها اون لاين عاد لازم يعذبها شوي فعلى طول يدخل عليها ويكتب لها
تركي " تُنَاغِيهِ تَعَبَاً .. ُتبَعْثِرُهُ أَلَمَاَ .. يُسْكِنُهَا حُباً فَتُسْكِنُهُ وَجَعَاً "
مبروك يقولون بكرا دوامات
عاد هنا شوفوا تعابير وملامح وجد شلون مأساويه من قلب بروحها تبي تنسى الدراسه تلقى احد يذكرها ان ايامها قربت تنقهر موت لي لقت احد غيره صكته بلوك على قولتها عقابا له واحيانا يتعمد اهو من يدخل يبلكها لي شافها اونلاين عاد اهي اذا لمحته ومحد عندها اشتغلت بالمسجات جايز يرأف بحالها و يفتح البلوك و يسولف معها طبعا ما يفتحه الا بعد ما يذلها شوي طبعا مو كل مره لانها ما تهون عليه وما كان مقصرمعاها لا بمكالمات ولا مسجات ..
حطم اليأس ولا تستسلمي
عبث الحزن باحلام فتاه .
ارفعي الرأس شموخاً وارسمي
بسمة تطغى على كل الشفاه .
That,s my mobile where is it ????
ام تركي ( بقعدتها في غرفة التلفزيون _ او نقدر نقول صاله مفتوحه تفتح على غرفة الطعام _ اللي جنب الدرج من جهه اليسار بينما في جهه اليمين صالات مفتوحه في بعض وفي أقصى ركن باليمين صالون رسمي للضيوف الحريم الاجانب وجنبها حمامها ( الله يعزكم ) بمثابة جناح وملحق باللجناح طبعاً غرفه للعبايات فيها مرايه كبيره تعرض الجسم كله وبجهة الغرفة اليسار مصلى صغير ومفرشة الغرفه بالموكيت الايراني البيج يتناسب مع الممر البيج الداكن اللي يؤدي للصالون )
وهي تضحك على بنتها المضيعه : هنا يمه عندي جوالك ؟؟
وجد وهي ونازله مثل الخطافه من درج البيت الحلزوني وتشقح بالدرج بعد مانصفت الدرج ورجعت على نداء امها
وجد وهي فحمانه من الجري تدور جوالها : يووووه عندك نسيت وين حطيته حسبالي فغرفتي ؟؟؟
ام تركي وهي مستمره بالضحك : بغرفتكي وتسمعينه ؟؟؟؟
وجد ببلاهه غريبه على وجهها : خخخخخخ شلون مافكرت ؟؟؟
ام تركي : ماادري عنك ...
ناظرت وجد بجوالها واستغربت الرقم لأنها ماتعرفه فما رجعت دقت لانها الرقم اللي ماتعرفه ماترد عليه ولاترجع تتصل عليه الا بالحاجه ...
وجد : يما ...
فاقت عاليه من سرحانها : هلا يما ...
وجد ؟؟ بنروح لبيت عمي اليوم
ام تركي ونظرتها تحولت للحزن والألم من تلك الذكرى : :ليش يما عندك شي ...
وجد وهي حزينه ومقهوره في نفس الوقت : لا بس اسأل ؟؟؟
ام تركي وهي محتاره : والله ما ادري ياوجوده انتي تبين تروحين ؟؟؟
وجد : لاااااااا يمه عادي اذا تبين تروحين انا اروح و اذا ماتبين براحتس اهم ماعلي راحتكي يالغاليه ..
عاليه بداخلها
تقولين انت في راحه .. واقول من القهر هيهات انا لا جـيت للراحـه .. تطـاردني مسـافـاتك !
: والله ما ادري اهم الاسبوع اللي فات كانوا عندنا ومو حلوه مانروح لهم ذا الاسبوع وش تقول عمتكي ام نواف بعدين ؟.؟
وجد باشمئزاز وشراسة لبوه : عساها بأم العمى قال عمه قال خليها تفتح فمها بكلمه تخسي ويخسى اللي جابوها ..
ام تركي بحده صوت نادراً ماتطلع منها ... وجد وش ذا الكلام يابنت عيبببب ؟؟
وجد بحميه عن نفسها وعن امها : اجل اخليها ترمي سمها وكل مره عايرت ودقت بالهرج ..
ام تركي بصبر : وش السواة طيب هي مرت عمك ومره كبيره بالسن ؟
وجد : ماراح اسمح لها تفتح فمها بكلمة شينه بحقك او حقي ...
ام تركي بطيبة قلب وبلسان انسانه عاقله صقلتها االحياه على الحكمه : ياوجد يايمه الانسان مايرد على السفيه وينقص من قيمه نفسه الواحد يرفع من حاله ولايرد على كل شي تقوله الحرمه ..
وجد : لازم ارد اجل تبيني اخليها تشرق وتغرب براحتها ..
ام تركي وتبي تفهم وجد طبيعة الحياه وان القوه مو شرط بالرد ولكن الاقوى هو اللي يسفه الشخص اللي يتحرش فيه :
سيبيها يمه لاتردين نفسك لها خليها تقول اللي تقوله ماضرتنا بشي هرجتها ..
وجد : مثل الحية الرقطه عمى بعينها ..
ام تركي بعتب : وجد وش قلنا الله يصلحها ويخليها لعيالها ويخلي عيالها لها ..
وجد : يما انتي طيبه وبنت حلال علشانك تسكتين لها تمادت وزودتها ...
ام تركي : يمه ترضين تقول ام نواف ان عاليه ماعرفت تربي عيالها ؟؟؟
وجد وقامت واقفه من زود القهر والحمية عن امها الغاليه فبانت اشبه بأبوها في نظرته الحارقه : تعقب وتخسى قطع لسانها لو فكرت بس ...
ام تركي وهي عجزانه في بنتها العنيده : اجل طنشي كل الي يجي منها لاقالت شي ولاتردين على كل كلمه يايمه الواحد يندم على كلامه بس مايندم على سكوته ...
وجد : بحاول يما بس علشان ماتقول ام تركي ماتعرف تربي عيالها ..
ام تركي : الله يرضى عليكي يمه خليكي عاقله ولايهزك شي ..
وجد بابتسامه بينت جمال مبسمها وحلاوة ملامحها وهي ترفع شعرها اللي يوصل لين تحت كتوفها بشوي وقصتها تتناثر على جبهتها الصغيره تلي الجبهه عيون لوزيه مرسومه بأعجاز المنشئ وبشره كبشرة طفل في ايامة الاولى ناعم ورقيق وانف صغير ومبسم فراولي صغير يحتوي على صف من الؤلؤ المرتب فبانت سبحان من خلق بابدع وشفايف ورديه انسابت من بينها الحروف : اعجبكي انا يااميمتي ...
وقعدوا يسولفون شوي ...
السلاااااااااااااااام عليكوووووووووووم ..
هلا وغلا بنور عيوني وعليك السلام والرحمه ..
عبدالعزيز : هلا يا نور دنيتي انتي مو بس عيوني
ام تركي وهي يقال زعلانه من ولدها : انت لا تكلمني ابد ......
دخل عزيز بعد ماتعدى وجد ودفها بعيد عن امه تحت نظرات الدهشه والاستغراب من وجد : افاياالغاليه تزعلين من عزوزك حبيبك يهون عليكي يعني ؟؟؟
ام تركي : اجل يهون عليك ما تسأل عني ؟؟؟
عزيز وهو معترف بغلطته في قرارة نفسه : لاوالله يايمه مايهون علي يانبض قلبي انتي يا ماضيي وحاضري والله اني ما اعرف اعيش بدونك ..
ام تركي وبداخلها هزتها كلماته : الا يهون خلاص انا زعلانه عليك ..
عزيز وهو يقال بيقوم من عند امه : خلاص انا بروح ارمي نفسي من فوق برج دله واذكريني اذا حبيتي غيري ...
وجد وهي فاطسة من الضحك .. ههههههههههههههههههههههه حلوه اذا حبيتي غيري استح على وجهك ...
ام تركي تضحك ..... هههههههههههه
عزيز وهو واقف عند الباب : ها تبيني ولا اروح ارمي نفسي تراني تعبت من الوقفه ...
وجد وهي تأشر بيدها : روح ارمي نفسك بس لا تتأخر ....
ام تركي وهي تنظر في بنتها نظرة اللي يقول اقطعي : لا يمه تعال ياقلبي انت ولاترمي نفسك ولاشي ابيك يايمه ....
عزيز وهو راجع لأمه وبطريقه يدوس على رجل وجد اللي لابسه شبشب ( الله يعزكم ) البيت الخفيفه : مابغيتي تقولينها ...
وجد : ااااااااااااااااااااي يامال البلا ماتشوف ...
عزيز وهو يمثل البرائه : وجوده اختي حبيبتي شفيكي ؟؟؟؟؟؟؟؟؟
وجد : عمى بعين العدو دايسني برجلك اللي كأنها تريله وتقول شفيكي ....
عزوز : اااااااااااااه ياقلبي من الخرط يما بنتك هذي تموت بالخراط تحب تظلم الناس ترا الظلم ظلمات يوم القيامه اذا نسيتي ...
وجد : خراط يالحمار و ظلمت عيشتك يا...........
قاطعتها امها : استغفري ربك ياوجد هالحين لي ساعه قاعده أعلم الجدار يايمه لاتردين على أي كلمه ويايمه لاتردين نفسك لأحد وكلها ظاعت بالهوا .......
هالمره عزيز هو اللي رد : أنا أي احد يايمه ؟؟؟؟؟؟؟؟؟؟؟
وجد وهي تضحك : خخخخخخخخخخ فشلوووووووووووووووك ياصبي ....
عزوز وكأي ولد بهذي المرحله حس كلمة صبي كبيره بحقه : يالحماره انتي الصبيه مو أنا ...
وجد وهي ترفع نفسها بغرور : شور انا صبيه ودلوعه بعد ....
عزيز : شوفي بنتك يايمه تقول عني صبي وانا رجال وعمها بعد ...
ام تركي بنظرة سكتت بنتها : اتركها وانا امك انت رجال ومافيك هرجه ...
عزيز والثقه رجعت له شوي شوي : من جد ولا تبين تسكتيني بس ....
ام تركي : لا والله يما انت رجال وتسد مطلع الشمس بعد ارتحت ؟؟؟؟؟؟؟؟
نهاية الجزء الاول ......
