ماصارلي7شهور مملجه و يخون!!!

[نشيج الروح]

كثري استغفار وادعي له ،،،، وبين فترة وفترة لازم تدزين له مسجات دينية وتذكرون بعض بربكم ،،،، عينيه على الصلاح........

 

[امـل لاينتهي]

صبري لاتتسرعين بزواج واثقلي ولاتسالين عنه تمي فترة حقريه وراقبي من بعيد لبعيد واذا ماتسنع جوفي حل مع اختج او احد عاقل من اهلج وصدقيني مدام متعلق فيها مابيهدها حتى لوتزوجتو الا اذا هي عرست هذا الحل الوحيد جان تتعرفين عليها وتقهرينه ولاتدورين لها معرس خخخخ

 

[يؤ !!]

حبيبتي لاتنقهرين ولا شي لو كان يحبها من سنه كان تزوجها اهي
اساليني عن الشباب والله يحتقرون هالنوعيه من البنات
وعشان ترتاحين اكثر روحي على الفولوينغ تبع البنت وشوفي كم رجال تتابع تلقينها مع كل الرياييل جذي
لاتقهرين عمرج حبيبتي والغلط اللي يسويه ريلج هذي وز من ابليس الله يدحره
خليج واثقه من نفسج ولاتحسسينه انج تغارين عليه خليج عاااادي ادري كونج تحبينه ماتتحملين
بس يكفي انج علمتيه انج جكيتيه بتويتر يغازل وبيكون حريص انه مايدز اشياء مثل اول لانه بيخمن انج ممكن تراقبينه
والله يسخره لج ونصييييحه لاتتركينه بسبب وحده ماتسوى حتى ظفر رجلك

 

[mi corazon]

الله يسخر لج إياه

 

[رقـة الاحسـآس]

ما بقول انسي جمالج و اهتمامج بنفسج
هالشي حلو و حافظي عليه
بس ركزي ع اسلوبج فالكلام و تفكيرج
لان واضح انه ما ينجذب لسوالفج بدليل قالج خلاص عرفنا بعض ماله داعي نتكلم وايد
وما في انسان يعرف انسان بهالسرعه
خلي سوالفج متجدده معاه و ابتعدي عن العتاب الزايد تراه بيطفر منج

وعن سوالف التويتر دامج سكتي عن الموضوع خلاص لا تردين تبطلينه الحين
ويوم ايي وقت مناسب تكلمي
سواء كان تويتر والا انستقرام والا فيس بوك والا واتس اب شو ما يكون
اللي ما يرضاه ع نفسه لا يرضاه لج
يعني اكيد ما بيرضا تكلمين رياييل و حتى لو كانت سوالف عاديه!
بس من يصير هالكلام لا ادورين وراه
مب عشانه عشانج انتي


ودام عرسكم قريب انتي بعد اشغلي نفسج بباقي التجهيزات
ولا تنسين تدعين ربج انه الله يسخره لج و يهديه و يصلحه

 

[النظال]

هو من الاساس خائن من قبل
بس الان يختبرك وعاود على طريقته لانه شبع منك
بوطبيع ما يوز عن طبعه

 

[عسل سل]

شالي حادج !!

 

[~mmm~]

تدرين اني نفسج بالضبط بالضبط نفس المشكله
لدرجه وصلت قلتله نفصخ الخطوبه وخلاص
ووعدني مايكلمها وهم يكلمها
مادري ليش يسوي جذي
المشكله مو مغصوب علي اهوا اللي مختارني
والله الحين افكر صج صج اتركه

اذا لقيتي حل قوليلي

 

[Om_Ksha]

والله انا بالحج ودعيتلج عسى الله يتقبل

 

[Om_Ksha]

لا حول ولا قوة الا بالله

دام انتي علا بر حطي حد لهلشي و كوني حازمه ولا بتتعذبين معاه طول عمرج !

هذا زواج طول العمر ..

 

[Om_Ksha]

اهم شي اختي راده عليج مسكينه حتى و اهي بالحج ههههه

 

[ch.ch]

حبيبتي توج صغيره الحياة جدامج لا تقهرين نفسج وتكبرين نفسج من القهر من الحين
ترا صج الحب يعمي وماتشوفين غيره وتمشين له كل غلطاته
صارلي نفس الشي لمى كنت بعمرج وماكنت ارضى عليه وكنت اخاف اقول شي يزعله واخاف اصارحه بغلطاته عشان لا يعصب علي على ابونه اتبلى عليه وعلى كل هذا احبه بس بعدين فهموني اللي اكبر مني والافهم مني لان اهما شايفين شي انا مو شايفته مثلج الحب عامي عيني
انتي صغيره والحياة جدامج والقرار اللي بتاخذينه الحين بيتم طول العمر , تبين تضلين معاه ويقولج انه مايخونج ويحبج واهوا من وراج ماخذ راحته والا تهدينه وتشوفين حياتج وان شاء الله بيرزقج الله باللي احسن منه
الريال ما يسوي شي قصب يقول من جدامج عطيتها بلوك ويعطيها ويبطل اكاونت ثاني من وراج محد يدري عنه ودام يحاجيها من وراج ليش مايحاجي غيرها من وراها !!​

 

[شغفني حبآ.~]

يا حبيبتي عادي جدااااا

دامه للحين ماعاش معاج ماالج اي حق تحاسبينه على علاقاته

لأنه مارح يحس بالمسؤليه ولا بقيمتج الا لمن تكوونون تحت سقف واحد

وبعد في احتمال كبييير على حسب خبرتي يعني

انه هالعلاقات راح تستمر تقريبا اول سنه وانتي وشطارتج عاد اذا قدرتي تعلقينه فيج

وتملين عينه اهو من نفسه بيترك سوالف المراهقه هذي لان كل شاب لازم يمر بهالمرحله

وانتي مالج الا الصبر والدعاء وخلي الطلاق يولي عمره ماكان أول حل بأي مشكله زوجيه..

 

[al-musk]

الله يعينج مو سهله وتوج صغيرة عالمغثة وتلاقين البنت الثانية ماتدري حتى انه متزوج

 

[أم خشم]

الله يعينج و ربي يسخره لج

صدقيني اختي الغالية ,, الريال ممكن في البداية يهتم بالشكل والجمال لكن اذا ما لقى اللاسلوب اللي يجذبه اكثر من الشكل راح يمل بعد فترة و لو كانت زوجته ملكة جمال .. يمكن في شي ناقص عندج ,, حاولي تفيرين من نفسج من طريقة كلامج و اسلوبج و حواراتج ,, حسسيه انج ناضجة و فاهمة و ثقلي و خليه يفهم انج عارفة قيمة حالج .. خلج متنوعة بسوالفج و راقية وكوني متجددة و عندج اطلاع و ثقافة
اجذبيه لج ,, صدقيني راح يرجع لج بس شوفي انتي شنو اللي يدوره و يبيه لان كل رجل يبحث عن شي معين في المراة
الله يسخره لج و يهديهكم لبعض و يهنيكم بحياتكم ,, قلبي معاج وتوج صغيرة على مثل هالقهر و اهوا بعمر يبحث عن النضج و العقل

 

[انت مناي]

الله يسخره لج

 

[::روح النادر::]

هذا عيب الملگه اللي فترتهااا طوويله

 

[meen_ana]

شلون تاكدتي انه يكلم وحدة لو كان صج يحبها ويبيها جان خطبها

 

[أروح فدوه لك]

دام هاي بدايته ينعاف تاليها حبيبتي مانصحج بالريال اللي يخون هاي الله يرويج وجدامج فما بالج فالمستقبل اكره شي الخيانة

تحملي تتسرعين وفكري عدل والقرار لج

 

[orkeda]

هيدا حقير اصلا مابيستحي على وجهه ايش يعني مفكركي لعبه بسألك سؤال هو شايفك ؟؟؟