مارك جاكوب او بلنسياقا

[ii DareeN ii]

السلام عليكم

الي اعرفه اني اقدر احصلهم بالثريا بس جم اسعارهم حاليا واقدر احصلهم بمكان غير الثريا

وشكرا

 

[بنت جنيف]

مارك جاكوبس تلاقينهم بعد برج السحاب الي يم الصالحيه واسعارهم مادري عنها الحين من زمااان مورايحه السوق

 

[qa6wa_q8]

الاسعار من 450 وفوق ةانصحج بلبلنسياغا

 

[كويتية نايس]

اب اب اب

 

[addict to me]

ال marc jacobs الصغار الكروس يبدون ب 145 دينار و العادين يبدون من 250 و فوق

ال marc by marc jacobs الصغار الكروس يبدون من 50 دينار و العادين يبدون من 70 او 80 تقريبا

ال Balenciaga يبدون من 240 هذول الخوص اليدد و الجلد يبون من 300 و الكلتش يبون من 200 تقريبا


هالاسعار اذا تبين تشترين اون لاين

وانا انصحج تطلبين اون لاين

بالكويت زيدي على الاسعار الي انا ذاكرتها مابين ال 15 - 30 دينار


بالنسياغا ممكن تحصلينهم في مجمع زهره عند S Style

والمارك باي مارك جيكبز بالافنيو فيز 2

مارك جيكبز مادري

 

[هنـــد]

مارك جاكوب تحصلينه بالافنيوز اقبال سيفورا

 

[شيخه و طيبه]

شوفي انا توني ماخذه فره على هالماركتين و بالخير استقريت على مارك جاكوب لانه استايلها عجبني و اللي اخترتها اب٧٤٢ دينار و ابصراحه اللي اسعارهم رخيصه مو حلوين كلش حتى اليلد ذايب و انا شفتها بالثريا و البلنسياغا حلوه و الاسعار حسب الجلد و تتراوح الاسعار من ٥٦٠ لي ٧٠٠ و الرخاص اللي تكون خوص و ابصراحه مو حلوه كلش و الكلتش اب ٣٠٠ وشي
روحي شوفي بوتيك الاسطوره بالثريا و ابرج السحاب كلهم فيهم الجناط اللي تبينها و في موديلات موجوده ابفرع الصالحيه بس

 

[ii DareeN ii]

مشكورين بنات باجر بروح اشوف

 

[مس كاليفورنيا]

ابسراحه الله باليكم ياللي اتقطوون 500 و700 على جنطه وباجر اتحاسبون عليها انا حدي حدي 120 وهذي اكوون شاريتها يالزووور مومساله اني بخيله لااااااااااا عندي خير الحمدالله بس احب انووع وبسرعه امل