ماذا يقول المدرس الأمريكي عن الكويت !!

[*Toota*]

السلام عليكم كويتيات


بصراحه أنا حدي مصدومه و مقهوووره من شخص أمريكي يشتغل في مدرسة خاصة في الكويت أسمه
Ian Horsewood كاتب مدونة أسمها Released in the middle east طاب فيها بالكويت و شعبها و تقاليدها و حتى الدين !! أنا أقترح انكم تدخلون المدونة مالته و تقرونها و تردون عليه أو القيام بأي اجرء ثاني عشان تصكر المدونه صجج ما يستحي على ويهه ماكل منا خيرنا و يذمونا تخيلو يا بنات يتطنز على طريقة صلاة الجمعه و أن صوت مكرفون الصلاة مزعجه وايد
ما اقول الا وعليه عليج يا كويت :eh_s(1):
هذا الرابط :
http://iansfateinkuwait.blogspot.com/

 

[نونا**]

وين الرابط

 

[*Toota*]

http://iansfateinkuwait.blogspot.com/

 

[*Toota*]

....

 

[الام المحبه]

سؤال
ليش مضايقيين
اذا الحكومة راضية .. والناس تقول حريه التعبير عن الراي ... والناس ما تتكلم .. والصحافة والاعلام يبي يربح ويلفت الانظار ... والحكومة والمجلس كل واحد لاهي بربحه من بيعة الديرة واهلها .. والي مو عاجبه سياسه بلاده ايي الكويت ويسوي مظاهرات ويقول انا اعبر عن راي ... ووووووو

لو ان الحكومة تضرب بعصا من حديد ونار جان الكل احترمها وعمل لها الف حساب

 

[*Toota*]

اي و الله صاجه

 

[أم حمد 4]

ايية حق ناس وناس يعني لو كوييييييييييييييتي متكلم هلكلام شان راح فيها سوولة قضيييييييييييييية ما قول الاحسبي اللة ونعم الوكيل على الادخل هالاشكال الكويت ولا ياكلون من خيرها بعد اذا مو عاجبتك الكويت بكبرها ليش قاعد اصدقون لما امشي بالشوارع يضيج خلقي من هالاجانب ولا شوفوا وضعهم اول ما يوونا وشصيرون بعد سنة عايشين احسن عييييييييييييشة احسن من الكويتيييييين مساكين

 

[+بسبوسة+]

حبيبتي


امريكي!!!

محد يقرب يمه

 

[آلسحرآلحلال]

يآكل من خيرنا ويسبنآ ...

لله كريم ...~

 

[Maryomah_q8]

حسبي الله عليه

 

[وهج الحب]

السلام:
حبيبتي طنش تعش تنتعش ..اكو احنا عندنا مدونات لعمال نظافة ويسبون فينا ليل نهار وعادي مخلينهم واقصد مش امريكين لا نيبال وغيرهم اتشوفينهم على الكورنيش عشان البلاش ويطقطقون ..خل اللي يقول يقول لا تلتفت للناس مش شرط الجميع يحبك او يحب بلادك ..هم يجون يشتغلون وولائهم لبلادهم ولو مأكلتهم الظيم ..

 

[الــــراسيـه]

حسبي الله عليه
بس حاولت ادخل لازم اسجل

 

[ماعاد فيني]

عادي شي طبيعي


الخونه وايد

اذا موعاجبته الكويت خل ينقلع لديرته اصرف له


: )

 

[قمر^خالد]

صج مااا يستحي ................

توتا .. شلوونج ...؟؟؟ من زمان عنج

 

[راعية الطويلة]

شخص واحد مضطرب من بين الملايين

اللي كتبوا حبهم و عشقهم للكويت و أهلها

و هو لا يقدم و لايأخر


و يأثر على غيره من الأسوياء اللي حبوها و يكنون لها بالعرفان


أشكرج حبيبتي

 

[عاشقهH]

حسبي الله عليه

 

[صباح الليل]

حسبي الله عليه ونعم الوكيل
صج اللي قالوا الكويت عومه ماكوله مذمومه

 

[دلوعة vvip]

هاذي اسمها





















غيرة

امثالهم وايد حبوبة
مالج شغل بس رفعي راسج انتي كويتية

 

[حناينq8]

ولا راح ادخل المدونه

ان كان يبي الشهره

خل يدور طريج ثاني غير ذم ديرتنا

 

[غرور المطيري]

أستغفرالله العلي العظيم ..!!
ناس يتم سجنهم على شان كلمة الحّـق وعلى شان مصلحة الكويت ..!
وناس يذمون مو بالكويت بس بــ [ ربي سبحانه ] ومخلينهم برآحتهم !

الشكوى لله .. لو أتكلم الإنجليزي بطلاقة كان وريته الحق وينه ..
بنات الشاطرة بالإنجليزي لا تنسَ حق الكويت في ذمتها