ماذا عن زين الاتات

[الفراشة_البيضاء]

الصراحه انا احب منتجات زين الاتات انا شخصياً استعملت منتجين حق العيون واي حلو واختي استعملت الاحبوب ومشو معاها الحمدلله بس مثل ماقلتوا لازم سوائل معاها واهم اصلاً يعطونج جاي الزهورات معاه
انصحكم بمنتجاته لان اولاً طبيعي 100% ومامنه اي ضرر
والله يوفقكم انشالله

 

[قبوله]

شكرا حبايبي علي المشاركه
انا اختي استعملته وايد ارتاحت عليه
وهم صديقتي ارتاحت عليه
وان شاء الله انا راح اشتريه واستعمله
بس بالكويت سعره 12دينار وبلبنان 6دينار
بشوف احد يروح لبنان أيوبولي​

 

[الدانه77]

انا بصراحه استعملت كريم التخسيس مانفع معاي واختي استعملت كريم تكبير الصدر على ويها وهم مانفع

 

[قبوله]

انا بصراحه استعملت كريم التخسيس مانفع معاي واختي استعملت كريم تكبير الصدر على ويها وهم مانفع

اتصدقين في بنات نفع معاهم وفي ما نفع
بس يمكن انتي ما استمريتي عليه عدل
​

 

[dalprincess]

انا استخدمت حبوب قاطع الشهيه ... العلبه الاولى نزلت عليها 5 كيلو والحين مبلشه بالعلبه الثانيه .. وماشي معاي حمدالله

 

[كويتيه مذهله 87]

انا الصراحة ابي اشتري علبه وحده من حبوب قاطع الشهيه وبجرب اذا نفع معاي بشتري علبه ثانيه

لان الي معاي بالدوام الكل يمدحة ومستخدمينه ومفعوله زين وبين عليهم الضعف وماله ضرر
بس يقولون لازم تشربين ما ي وايد والي شجعني اني اشتريه انتوا والله ما قصرتوا وانا شهر 3 بسافر سوريا وبشتري منه

 

[سفيرة العشق]

والله ودي اشتري قاطع الشهية
بس الخبيرة اللي عندهم قالت لي لازم ام يكون عندج ضغط أو تكونين حامل ...

شكلي بجربهم ... ينشف الريج خل ينشف عسى نضعف بس ...

انا الحين ماخذة كورس مال البشرة ( الحماية + المرمم+ الثلاثي) لأن بشرتي تعبانة ...

وانشالله يبين فيها ...

 

[نورالدنيا***]

بنات سوو سيرج بقوقل وشوفو دكتور الاعشاب القحطاني شيقول عن المستحضرات مو مرخصه من الصحه بسعوديه وقالو حبوب قاطع الشهيه تنشف الكليه والاعشاب اللي استخدمهم زين غير صالحه عاد انا كنت ودي اجرب شي منه
بس خفت عقب اللي قريته

 

[غلطة حياتي]

شكلي بجربهم ثانكس على المعلومات بالدوام عندنا يسولفون عنهم ويقولون انهم يضعفون وايد

 

[قبوله]

انا الصراحة ابي اشتري علبه وحده من حبوب قاطع الشهيه وبجرب اذا نفع معاي بشتري علبه ثانيه

لان الي معاي بالدوام الكل يمدحة ومستخدمينه ومفعوله زين وبين عليهم الضعف وماله ضرر
بس يقولون لازم تشربين ما ي وايد والي شجعني اني اشتريه انتوا والله ما قصرتوا وانا شهر 3 بسافر سوريا وبشتري منه

تروحين وترجعين بالسلامه
بس يقولون بسوريا في تقليد منه عاد انتي حطي بالج
او اخذي رقمهم من برنامج زين الاتات وايد احسن لج
البرنامج يطلع علي قناه هي الساعه 11 بالليل​

 

[قبوله]

بنات سوو سيرج بقوقل وشوفو دكتور الاعشاب القحطاني شيقول عن المستحضرات مو مرخصه من الصحه بسعوديه وقالو حبوب قاطع الشهيه تنشف الكليه والاعشاب اللي استخدمهم زين غير صالحه عاد انا كنت ودي اجرب شي منه
بس خفت عقب اللي قريته

اشلون بسعوديه مو مرخص واهو قال ببرنامجه فتح مصنع اعشاب بالسعوديه​

 

[النبع الصافي]

انا ماأثق في منتجاته ولو همنا الضعف وبس ميخالف.... بس الخوف من البلاوي الي تطلع بعدين

 

[نورالدنيا***]

حبيبتي سوي سيرج عن الدكتور القحطاني واقري شيقول عن مستحضرات زين

وانتو حريين مافي شي اغلي من الصحه

 

[نــور1]

انا بليه ما نفع وياي الا اخذ حبتين قاطع شهية

 

[hayam alsadoon]

صراحه خواتى يستخدمون قاطع الشهيه مو طبيعى ومافى أى أعراض

 

[قبوله]

:33_1185028183: :33_1185028183:


تري وايد ناس امدحوووووووووووووووووووه
وشوفو برنامجه
يتصلون وايد عليه ويشكرونه علي منتجاته​

 

[ريميــه]

استعملت اللى يكبر الصدر
ولا سوى شى

 

[جوك احلى جو]

زين الاتات خرب بشرتي حسبي الله عليه قبل سنتين كنت بلبنان وشريت منه واااااااااااايد اشياء قلت الاتات ثقه مالت ................. شريت ماسك للبشره الدهنيه يلوع الجبد خربوطه وشريت لوشن ببذور العنب ابدااااااااماكو فايده ويقزز شاريه 2 منهم وشريت 6 علب تونيك مقوي الشعر لا فاد ولاضر وشريت مقوي رموش 2 ولا سوى شي

وشريت كريم التقشير الثلاثي خررررررررررررررررررب ويهي من اول استعمال تشقق ويهي خفت تخيلو شهرين متقشر وانا بس مستعملته مره وحده والكريم المرمم المفروض يسميه الكريم المخرب قطععععععععععععععععع صج يبهت والله يعني نصيحه موشي ودشي قوقل وسوي سيرج ووايد يدكاتره يحذرون من منتجاته نصيحه بعدي عنه

 

[yam_yam]

مانفع معاي شي

 

[شمع تحترق]

حبيبتي أنا جربت لزقة زين الاتات اللي ضعف
ثالث يوم يت أشيلها شالت الجلد معاها

يعني صلخت الجلد و مت على ما لتم الجرح و صار مكانه أسود


عاد مرت حماي طلعت فيها و قالت لي عطيني أياهم و عطيتها

قامت شرت ربطة مهاد و قصت الخام من النص و تربط المهاد على بطنها و تلصق عليه اللزقه

خلصت 3 علب و لا تغير شي بالعكس متنت زياده

أما رفيجتي لما رحت أشتري اللزقات قالت لي تبي من الكريم اللي يتفخ الخدود و لما سألتهم قالوا لي أهو نفسه مال الصدر و شريت لها 2 قالت تبي واحد حق صدرها و واحد حق خدودها

و جربتهم لما خلصوا و ما أثروا فيها مع أنه كانت ماشيه عليهم عدل بس حشي ان جان تغير فيها شي