مادري وين احط موضوعي ,,احتررررررت

[cute_mama83]

حبيبتي لا تحاااااتين صدقيني اذا رحتي معااه وجربتي العيشه هناك بترتاحين وماودج تردين

انا كنت متغربه 6 ونص وماصارلي فتره مستقره بالكويت

اللي اعرفه عن كاليفورنيا ان مستوي المعيشه فيها غالي شوي

واذا علي وقت دراسته وانشغاله عنكم ان شاءالله تحصلين لج خليجيات او كويتيات هناك تتسلين معاهم لمن يكون مشغول
واعيالج شوفي لهم حضانه مو شرط دوام يومي كل يوم وترك جذي عشان تقدرين تخلصين شغل البيت ومنها راحه لج اذا حبيتي تطلعين

مووفقين برحلتكم ان شاءالله

 

[cute_mama83]

بالنسبه شنوو تاخذين معاج كل شي متفور هناك اللهم الا البخور والقهوه والشيره

واذا في بهارات معينه انتي متعوده عليها

والطبخ سهالااااااات بتحصلين اغلب الاشياء مقصصصه ولا مفرومه بالجمعيه

او الاكل الجاهز اللي بس ينحط بالفرن

 

[طريق السعاده]

عادي سنه و8 شهور مو مده طويله انتي بس تحمسي وجهزي نفسك ورتبي افكارك فرصه صدقيني تغيير جو ومنها سياحه وترا هناك كل شيء بنت خالي بامريكا من 3 سنين واعتقد باقي لها سنه بس مادري اي ولايه هي لكن كل شيء موجود هناك وبالعكس حاابه المجتمع ترا كثيير عرب وخليجين شقق كامله كلها خليجين يعني مرح تحسين بالغربه ان شاء الله

مثل ماقالو البنات البهارات اذا في شيء خاص وتحبينه خذيه معك وبعد اللبخور والسوالف الشرقيه هذي خذي معك من هنا
وخلي زوجك يروح قبلكم يجهز لكم شقه ويشوف الوضع كيف ويشوف المستشفى والروضه وكل شيء وكذا عشان ماتتبهذلون بالبدايه


الله يسهل لك امورك يارب

 

[امـ خــزامـى]

اقمااري حبيبتي انت بس مصدووومه ومو مستعده نفسياااا
ولا السالللفه سهااااااااااااااااااااااااااااااااااااااااااااااااااالات


الله يكتبلكم الخير ويحفظكم ويرجعكم سالمين وتمر هالشهووور مثل لمح البصر


ومتأكده اذا رجعتي بتشتاقين لها وبتقولين هااا ماعندك دووره ثانيه ؟؟؟



روحي ووكلي امرك لرب العالمين واستخيريه


^^
ان شاءالله اسير عليكم وانت اللي تسوين جدولي السيااحي

 

[انصاريه قمره]

رووووووحي دربج خضر فرصه حلوه ولا تطوفينها

 

[الشهد كله]

حبيبتي أقماري

حسستيني إنج رايحة البصرة مو كاليفورنيا :bbbiu::bbbiu:

امدة مو قصيرة عشان تخلين ريلج بروحه بهالديرة

وتبين الصج من طيبه قالج أبيكم وما أستغنى عنكم

أما بالنسبة للمصاريف والمعيشة بإذن الله تقدرين تتكيفين

روحي وشدي حيلج وعسى الله يوفقج :yaaaaaarb::yaaaaaarb::yaaaaaarb:​

 

[Pinky -cat]

حبوبه مكانج وين ما يكون ريلج ، وريلج على ريله اصلا زين منه قالج تعالي وياي واحسن واضمن لج ، عيل تمين هني
ييلج الف تفكير وتفكير وتحاتين وما تدرين شسويي ولا وينه وشلون مدبر روحه لا طبعا روحي وياه واذا على المكان
عادي سئلي الناس ، دشي النت شوفي ، دشي اقسام المنتدى ما يقصرون واخذي وياج كل اللي تبينه مو ماسكج

وبالعكس تجربة حلوة ودام لها فايدة على مستقبلة وشغله عيل من امه تروحين وياه وتشجعينه بعد .

 

[*E.B.D.A.3*]

فرصه للتغيير وبالعكسس يتلج لي ريووولج ...
لا تخافين او توسوسين لان امية بالامية راح تلقين كويتين اهناك يمج او حولينج لان هالمنطقه الكل يروحلها ويدرس فيها
بس ديربالج على عيالج راعي صحتهم عن المرض لان شوي نظام الصحة عندهم يقص الظهر ..
خلي معاج الادوية الضرورية من الحين ،، حق الحرارة والسهال والبرد "الامراض الشائعه"
او حفظي اسمائهم واشكالهم عشان لي رحتي اهناك الا وانتي عارفه شغلج ..
قد ماتقدرين عالجي بوادر كل مرض اول بأول ..

بخصوص الملابس .. انصحج اخذي الي ايزي معاج بو اسبوعين او ثلاث
اماالباجي كله اخذيه من عندهم لا اتعبون نفسكم بشيلة الجناط ..
عندهم هناك سوق عود اسمه Walmart
حطي اسم منطقتج بالموقع مالهم وشوفي اقرب ستور يمكم ..
معروف عنه حييييل اقتصادي يذكرني بطقه ماكس وسنتربوينت عندنا هني ..
وهم فيه كل شي .. من اجهزة والكترونيات إلـخ ..

وبشكل عام ..
كل شي تشترونه من تلفزيون وسوالف ، خشو فواتيرة وكراتينـة .. وقبل طلعتكم بيعوه بموقع E-bay

ونصيحه مهمه لج وايد وايد ..
اخذي مكينة الشعر مالت براون او اي ماركة ..
راح تسويلج اكتفاء ذاتي عن حوسة صوالين فيها شيرة .. لان مو مضمون اكو،، مو كل الصوالين اهناك فيها طريقة الواكس ..
ماتشوفينهم بالافلام كله دايرينه موس ؟؟

هم اخذي معاج علبله او علبتين كلنكسات الكيرفري الرطبة ..
لان هم ماتدرين اذا الحمامات هناك بيكون فيها نظام تويلت الغسيل او لا .

هذا الي يحضرني الحين حبي :*

 

[فانيليا برتقال]

توكلي على الله وين مايرووح ريلج روحي معااه هاذي غربه مب سهله

 

[August Night]

خل ريلج يسافر اول جم اسبوع ويامن كل شي وبعدين انتي وعيالج لحقيه ..

 

[om.aboodi]

كاليفورنيا كلها سعوديين وكويتين متروووووووووووسه حتي ماراح تكلمون انجليزي وايد ههههههههه

 

[متفائلة خيرا]

السلام عليكم ورحمة الله وبركاتة
قولي الحمد لله وادا تغربتي علشان زوجك
احمدي ربي ان زوجك متعلق فيكم وبي عياله
لاتخلين زوجك يتعود علي البعد وبعد عياله والمسؤليه ترا ادا اخد علي بعدكم يمكن حياتك تتلخبط لا اضيعين هالفرصة
وبعدين يا اختي تفكررين في اكل والحياة انت رايحه امريكيا فيها الغريب والعجيب وحتي عيالك يتعلمون لغة ودخليهم روضات وانت رح تغيرين نفسيتك وبيوتهم حلوه والله جنه علي الارض لا تخافين وصلي صلاة استخاره وبادن الله فيه خير
واقول تفكرين في شغالة بيعي اي شيئ المهم زوجك يكون قريب منك وما يتعود علي بعدك
لا تتهوري انت يمكن ماتعرفين اللي صاير في هالدنيا فتن وجفاف وبعد
اسال الله ان يوفقكم سافري ولا تفكري في اتات ولا شغالة ولا بيت ولا اكل ولا روتين
كل هدا شي يتعود وتحصلين احسن منه
تروحي وتجي بسلامة
سلاااااااااااااااااااام
اتمني تمري علي مشكلتي وتشوفينهاااااااااااا

 

[شطانه طفله]

انصحج تروحين وانتي مغمضه العين حته لو كلكم تقعدون بنص غرفه

 

[طيبة83]

رووووووووحي معاه

فوضي امرج لله واستدعي ان الله ايسر امورج


هناك تقدرون تاجرون شقه فيها كل المستلزمات والحمددله انتي رايحه كالفورنيا احلى ولايه وكل شي متوفر

اذا راح زوجك هناك في شيين ضروري لازم لازم لازم تسونهم اول شي التامين الصحي لكم كلكم لان هناك المستشفيا والادويه سعرها خيااااالي

ومدام اهو رايح عن طريق العمل خل جهة العمل يسوون له

وثاني شي لازم ياجر سياره لان الاماكن بعيييده ما تقدون تمشون او تستعملون المواصلات

واخر شي روحي استانسي وودي عيالج ديزني

بسالج سويتوا فيزا؟

 

[مناير ...!]

لو قايل بيروح بدونج قومتي الدنيا وقعدتيها الاتروحين معاه
حمدي ربج وحطي خدامتج عند امج
وعمج منو الي يستاجر شقه 8 شهور؟؟

 

[قلب الزعابي]

أنا أترىجى ريلي عشان يكلم دوامه يعطونه دوره برع عشان نروح هههههه
روحي ولا تحاتين البنات ما قصروا
الافضل يروح بروحه يرتب لكم السكن ويعرف المنطقه
وعقب ايي يشلكم