مادري وين احط موضوعي ,,احتررررررت

[اقماري]

السلام عليكم ..

بنات لحقووووووني ريلي يبي يدرس بكليفورنا بياخذ دوره اهناك مدتها ثمان اشهر ..

وايقول تعالي وياي بنات وين اروح انا وعيالي ثلاثه صغار قتله ماقدر اخلي حياتي وامشي ع عمياني قال مايقدر يقعد كل هالمده بدوننا وبدون لعياال خايف ع نفسيتهم يفقدونه ع قولته المشكله اهو بيدرس وينشغل احنا شنسوي ؟؟

ماعمري رحتلها وحتى اهو مابعد طبها ؟؟

مانعرف ولا شيء عنها ولا باي مكان راح نسكن ؟

لازم انسافر 22 هالشهر لانه حجز بالدوره وايقول حييييل مهمه له ولشغله..

احس ضاااااايعه فجاءه جذي؟

مادري حر والا برد مادري شلون نظام السكن مادري شنو اخذ وشنو اخلي؟

مادري بيكون السكن مجهز بأجهزه وادوات سنعه والا بتمرمط لان مستحيل اقدر اخذ الخدامه وياي ؟
مادري شلون ع الاكل بلاقي شيء اعرفه والا بعاني %انا وريلي مو مشكله المشكله اليهال والله خايفه عليهم مو كل شيء ياكلونه؟



احترت احس راسي بينفجر من التفكييييييييييييييييييييييير رايحه مكان مجهووووول بالنسبه لي تمامآ ؟

اللي تعرف ابي اماكن راقيه وسنعه وبنفس الوقت اسعارها معقوله ..

واي شيء اتعرفونه لاتبخلون علي فيه ..

وابو ريلي ايقول بأجر شقتكم لانها ملكه اذا سافرتو ؟
وووووين اودي اغراضي حرااااااام الصاله ودار اليهال توهم جدد؟

والخدامه وين احطها ؟

ثمان شهور مستحيل احد ياخذها كل هالمده ريلي ايقول ببيعها بعرضها ع ربعي الليله بالدوانيه ؟

مووووومقتنعه بولا شيء بالموضوع كله تشتت ,,

يارب الفرج من عندك يااااااااكريم ..

بليز بنات اي معلومه لو صغيره لاتبخلون فيها بعد قلبي اي شيء اي شيء ممكن ايفيدني بهالموضوع؟

اعذروني الموضوع مخربط ومو مرتب هذا اللي براسي حاليا زززززحمة افكاااااااار

 

[ناتشوو]

اشفيج محتارة ومكبرة السالفة
كلها ٨ شهور
اذا عيالج مو بسن دراسة
سهالات
بالعكس
من طيبه مافكر بانانية
لانكم اصلا بتثقلون عليه لي رحتو معاه
وبيحاتيكم

بس سالفة شقتكم بياخذها عمج
شوي غريبة
خل يقنع ابوه بس يخليها لكم
واذا اصر
دوري مكان عند حمولتج ولت ف بيت اهلج حق تخزين اثاثج اللي تبينه
هوني امورج وعيشي التجربه الجديدة

 

[طريق السعاده]

عادي روحي مع زوجك وين مايروح !

الخدامه اعرضيها للبيع الحين يدورون خدامات دواره او عطيها احد خواتك او احد تعرفينه
ومافيها شيء اهو يروح قبلكم باسبوع يدور لكم بيت ويرتب اوضاعه ويشوف مكان يدرس فيه عياله بالسفاره ويخلص الاجراءات ويرجع ياخذكم وتعيشون معه تحطين عينك ع زوجك ويكون قريب منك ..!

بصراحه حبيت انه هو بادر ومصر عليها لانه يبيك ويبي عياله قريب احمدي ربك ماطقها سفره وخلاك تقابلينهم بلحالك هنا بالعكس وجودك يحميه عن الحرام ويصونه لك ! وبنفس الوقت استفيدي خذي كورس لغه هناك او اي كورس 8 شهور حلوه صدقيني مو طويله لهدرجه ّ!

حتى عيالك بيستفيدون ونفسيتهم بتكون حلوه مرح يستفقدون ابوهم ورح يتعلمون لغه من العيشه هناك


خذي الموضوع ببساطه وتحمسي وحمسيه لاتحبطينه وتحسسينه انك ماتبين


اكره ماعلي الزوجه الي تخلي زوجها يسافر بلحاله والله لو يومين انشبي فيه وروحي معه رجلك ع رجله لان الرجال ماينتركون بلحالهم !

 

[Nonono83]

هونيها وبتهون
امريكا العالم الاول واحنا عالم ثالث كل شي عندهم ادوات وانا سافرت لها وايد من الثمانينيات ان الوالد كان يدرس هناك ورحنا معاه حتى عندي اختي امريكيه ههههههه وكل اهلي سافرو امريكا وعندي الحين ناس تدرس هناك بالعكس سهالات عيشتهم وهم ماعندهم خدم اصلا وممنوع نظام الخدم عندهم اصلا واليهال بيستانسون وانتي صدقيني لارحتي بتتمنين ماتردين ههههههههه
سالفة الخدامة بيعيها ولاييتي ييبي غيرها عادي
سالفة الاثاث شوفي احد يفججه وخزنيه بمكان
الجو تقدرين تدشين النت وتشوفين الفتره اللي بتكونين فيها شنو بيكون جوهم هناك وكل شي تقدرين تحصلينه هناك اصلا يعني لاتثقلين بالاغراض اللي ماخذتها هناك احسن وارخص واجود
الاكل لج ولعيالج متوفر بكل مكان حتى بهاراتنا موجود شدعوا انتي وين رايحه هذي امريكا كل شي فيها ووايد مسلمين وعندهم اشياء حلال لا ومن طيبتهم ترا لاطلبتي يقولون لج ترا فيه شي مايصلح لكم هذي صارت معاي شخصيا واحد كنت باخذ منه معجنات اذكر قالي لا الدهن اللي فيها مو حلال تخيلي هو نبهني ترا هم شعب حليوووو وطيبين وعشرتهم حلوه وايد
وحرام تحسسين زوجج بالغربه روحي معاه وخلي عند عياله
وسالفة شتسوين اذا هو بيدرس كل شي حلو عندهم نزلي المولات روحي الحدايق بجوهم الحلو يلعبون اليهال وانتي تغيرين جو وهم كل مكان مشهور بشي ودامج بتروحين كالفورنيا وناسه فيها ديزني لاند روحولها بويك اند مع زوجج واليهال
المدن اللي هناك وايده يعني انتي قلتي كالفورنيا بس ماحددتي وين
لوس انجلوس و سان دييقو و انيهايم هذي المدينة حلوه وكبيره وكلها عرب
فيه بالم سبرنق وفيه اوت ليت كبيير اسمه ديسرت هيل يبعد نص ساعه بالسياره
وعندج اللونج بيتش و سانتا مونيكا و سانتا بربرا
كله اقول عيشو حياتكم بتفاؤل وبتلقين شي حلو باذن الله
وعقب هذا كله احتسبي الاجر لانج رايحه مع زوجج بشغل الله يوفقكم ان شاء الله

 

[ورد فاخر]

اختي عادي الموضوع
انا ريلي جاته دورت بريطانيا سنه
اول شهر راح بروحه ضبط لنا شقه محترمه في مجمع سكني محترم وراقي بسكيورتي كله عوائل..
عرف المنطقه عدل
من حيث المستشفيات و المجمعات و السوبر ماركت الي يبيع اكل حلال
يعني درس الوضع كامل ..
شاف ان المكان امان من كل النواحي..
رجع سوا لنا الفيز

ورحنا عادي بالنسبه للمدارس
اخذت اجازه لبنتي اهي توها اول سنه ف المدرسه ارسلت لها كتاب وودوه وزارة التعليم ووافقوا ع الاجازه ..
بس وقت الامتحانات ترجع ولا بيحسون لها غير مكتمل .. فترة الامتحانات رجعنا قدمت وتمينا شوي ورجعنا
وولدي روضه عادي
والنتوف توه
طبعاً الخدامه ماخذتها لان خدامتي الاولى كانت في اجازه ل اهلها ومددت لها
والجداد ارسلتهم عند اختي ..

وبس الحمد لله عدت السنه وخلص ريلي

اهم شي يسوي لكم تامين صحي واقامه عشان لاقدر الله حد تعب فيكم ما يشحططونكم

والله يوفقه وترجعون سالمين غانمين



​

 

[~Diva~]

عزيزتي خليه يروح قبلج يسنع أموره وأمور السكن وانتي روحيله بعدها زياره شهر إيه وشهر لا مع اليهال
عيالج محد منهم في مدارس ؟
الشغالات في الغربه قابليه الشرده بسم الله عليج أكثر
أخبار انجليزيتج؟ إذا ميح لا تفكرين تروحين أصلا لان دامه طول النهار محد وما تعرفين حتى تقرين شنو على العلب في السوبر ماركت رحتي وطي ههههه
،

 

[hazel eyes]

وين بكالفورنيا اذا بلوس انجلوس سهالات انا سكنت فيها مده طويله ونيسه وجوها حار وفي هناك بقالات عربيه كل شي موجود بس اللي تاخذينه اذا انتي من اللي يحبون القهوه قهوه وترامس القهوه لان هناك ماعندهم والا الباجي كل شي موجود واذا ع الاثاث كل امريكا نظامهم حلو بالاجهزه اذا شريتي جهاز لاتقطين كرتونه واستخدميه بس حافظي عليه ورديه نفس المحل اذا مامر عليه سنه يردونه اغلب المغتربين يسوون هالطريقه يشترون كل اللي يحتاجونه من اجهزه ويردونه قبل لايسافرون اي سؤال دشي علي خاص واخذي راحتج
واذا بيدرس باليو سي ال اي اعرف شقق قريبه وحلوه وموؤثثه يمها
لاتحاتين ولايضيق خلقج بالعكس بتستانسين حيييل لان امريكا مو نفس اوربا امريكا ونيسه حييل والله يوفق زوجج

 

[نـعـومـه]

ريلج وين مايروح لازم تروحين معاه

 

[M!SS.LOBY]

ما أحس الموضوع صعب سهالات

بس المشكلة ابو زوجج ليش يأجر شقتكم وأغراضكم

 

[Patcholli]

سالفة السفر سهله كلها 8 شهور تعدي مثل لمح البصر ان شاء الله

بس اشدعوه عليه ابو ريلج بيبع اغراضكم يعني اشكره لي رديتو دورولكم سكن برا

بيعي شقتج طالما ان ريلج راضي ومتكفل انه يشتريلكم اثاث يديد بعدين

وشجعي ريلج حبيبتي وساعديه بدراسته لا تتذمرين ولاتتحسينه انج متظايقه من روحتج معاه

احسن مايروح يروحه وتقعدين تحاتين وماتدرين شيصير اهناك

 

[Bnt-USA]

اول شي ماشاءالله عسى الله يحفظه لج ولعيالج
يارب

حيل حبيت موقفه شلون متعلق فيكم رغم ان عارف ان المعيشة هناك غالية وصعبة

وحبيبتي انا ولايتي يم ولاية كاليفورنيا

ومثل الجو والتوقيت

الجو مو وايد برد ولا حر

يعني درجات الحررارة بليل تكون من 5-14
والنهار حاليا شوي حر
يعني من 16-26


وبالنسبة للمعيشة هناك
غالية وايد من السكن والمصاريف
معروفة كاليفورنيا بالغلاء


وبالنسبة للخدامة عطيها اهلج تخدمهم واكيد بيدفعون نسبة عنج ؟؟

وبالنسبة لابو زوجج

شدعوه عليه طمعان ب8 شهور
انا اقول لو ريلج يكلمه ويقول له انا اعطيك شهريا اجار
بس لا تسكن احد فيها

كلش ما تسوى تبيعين اغراضج وتتمرمطين ! شدعععععععوة

واذا بخاطرة الدورة وما يقدر على مصاريفكم
خليه يروح بروحه وانتي بتلهين مع عيالج
وتكلمينه يوميا بالبرامج الحين متطورة صوت وصورة


واذا عن المكان وانج خايفة مكن غريب
ترى امريكا الشعب يهبل وطيييييييييييييييييييييب
وخدماتهم تهبل والجو والطبيعة حلوة ومتروسه عرب
ماراح تحسين بغربة ،،

وعيالج اذا فيهم روضة او ابتدائي هني الحضانات غالية وايد ،،
حسب ما اسمع من البنات



هذي نصيحتي لج حبيبتي
وموفقين خير

 

[al-musk]

بالعكس حياة جديدة وتغيير وسهالات باذن الله وحتى لو رحتو عالعمياني شهر وتضبط اموركم بس ابو ريلج شدعوة عليه كلها 8 أشهر خلي هذا شرطج

 

[مألوفة]

نصيحة لا تبيعين شقتج ولا تاجرينها

وابو ريلج مو شغله بشقتج قولي له عمي مااقدر اخلي شقتي حق احد وخدامتج خليها ابيت امج اذا ما تبين تخلينها ببيت ريلج على ما تردين وبالنسبة للسفر روحي لا تخلين ريلج بروحه وانتي بمكان واهوا بمكان روحي ولا تخافين احسبيها سفرة سياحة وطلعي عيالج ونسيهم بالالعاب واستانسي وياهم وخلي ريلج يشوف مستقبله ولا تكبرين الموضوع

 

[Tom ♥ Jerry]

,


وييييييييييه مآ عندج سالفه
لو انا منج ارووووح و جنه العيد
عادي كلها جم يوم و تتعودون وتعرفون المكان

 

[نوف الصقعبي]

تروحين معاه احسن

وله تخلينه يروح بروحه ويلفون عليه بنات الليل ؟

انتى براحتج​

 

[سندس 90]

^^^
والله نفسها

رووحي واستانسي وقولي بالعكس تغيير
خذيلج فيديوات وكتب لهي نفسج فيهم
وفرصة تتعلمين لغه اهناك في مدرسين خصوصيين
وونااسه هناك سياحه والعاب وعيالج بيستانسوون

نصيحه لا تتكدرين كلها ٨ شهور
وزوجج لو موخايف على نفسه ما قالج تعالي بالعكس ماشالله عليه
روحي واستانسي والله يسعدج مع زوجج وعيالج


مووفقه

 

[اقماري]

بعد عمري بنات ماقصرتووووو والله تسلمووون.

انا كاتبه المده غلط المده سنه وثمان شهور شكلي مسحت كلمة سنه !!

والله مادري كلامكم شجعني بس هم خايفه !
انا جذي اخاف من التغيير مااتقبل ابسرعه.

بس اهم شيء تطمنت انه الشغل راح ايكون اوكي بأذن الله.

انا عيالي روضه وانقليزيتهم حلوه بس مو حيل.

ديفا انقليزيتي الحمدلله زينه.
من هالناحيه ماكو خوف.

ابو ريلي مو عن سالفة طمعان بس ايقول المده مو قصيره وفي ناس من معارفه محتاجين شقق.

 

[Bnt-USA]

بعد عمري بنات ماقصرتووووو والله تسلمووون.

انا كاتبه المده غلط المده سنه وثمان شهور شكلي مسحت كلمة سنه !!

والله مادري كلامكم شجعني بس هم خايفه !
انا جذي اخاف من التغيير مااتقبل ابسرعه.

بس اهم شيء تطمنت انه الشغل راح ايكون اوكي بأذن الله.

انا عيالي روضه وانقليزيتهم حلوه بس مو حيل.

ديفا انقليزيتي الحمدلله زينه.
من هالناحيه ماكو خوف.

ابو ريلي مو عن سالفة طمعان بس ايقول المده مو قصيره وفي ناس من معارفه محتاجين شقق.

زين انج تطمنتي وارتحتي من كلام البنات


والشي الثاني انتو الزم و اولى من المعارف
انت زوجت ولده مو معقوله يشردكم من اغراضكم ومكانكم و خصوصية بيتكم


كا انا متغربه وبقالي 5 سنين مو كثر مدتج
ورفيجاتي المغتربات نفس الشي ما جردوننا من شقيقنا واغراضنا مثل ما اهي ومقفوله


الحمدلله على كل حال والله يسهل لكم يارب حلوه مدتج فرصة تتعلمين لغة و لاتحاتين اليهال اذكياء وبسرعه يتهلمون لغه

وماراح تحسين بالغربة واااايد بنات بكاليفورنيا

 

[مآيكبرني نك]

ﻻتهدينه رؤحي ويآه وخص لو عيالج مب مآل مدرسة

لو ع شقتج ادفعؤآ ايجار شهري دآم انه هؤ بكل اﻻحوآل بيآجرهآ

هونيها تهؤن ﻻتعطين االموضؤع آكبر من حجمه

 

[Mrs.H]

كاليفورنيا حيااة.. وامريكا فيها كل شي الا التمر والبهارات بس يكونون مجيسين من الجمعية عليهم تاريخ انتهاء

الملابس رخيييصة .. الديرة حلوة .. ومنها تجربة تستفيدون

ومنطقتكم سياحية تونس

واليهال بهالعمر ياكلون كل شي الصبح صمون وعصير والغدا سهالات معكرونية مع دياي وجبن وبالليل خفايف

هوونيها واستانسي