السلام عليكم
شلونكم بنات شخباركم شمسوين
انا اللي سويته مو مشكله كبيره ,, بس نوعا ما سويته والحين مادري شرقع
لوووول
القصه ان حاشتني حاله ملل اثناء الدوام .. فقمت ودشيت برنامج الهوز هير وكنت اسولف سوالف عاديه .. عاد واحد كلمني وعرفت مكان شغله اهو قالي .. تالي قلت له اييي انا اعرف فلانه وفلان وفلان اللي يشتغلون معاك.. وفي واحد ولد العايله الفلانيه سمعت عنه بس ما شفته
جان يقول هذا اناااااااا ..
طبعا انا انصدمت .. لان صج والله مادري ان اهو .. عاد قام يقولي انتي شعرفج فيني اكيد انتي واحد من العايله ومسويه فيني دقه قلت له لا والله ما اعرفك بس اسمع عنك .. قال شنو سمعتي قلت له يقولون حلو لوووووول
مع الوقت كنا نسولف تقريبا كل يوم بس مو وايد شويه لان بعدين زاد الشغل علي ولهيت ..
واهو بصراحه اخوه متزوج وحده من بنات عايلتنا .. فكنت حدي غامضه معاه ما علمته عن ولا شي لا دوامي ولا اسمي ولا شي .. عشان مابي اخرب حياة البنت حرام ما تستاهل
بس مادري ليش حطيته براسي .. مره طلعت من الدوام مبجر رحت صوب دوامه ووقفت عند سيارته عرفتها لان حاط صورتها بالبرنامج .. عاد كلمته بالبرنامج وقلت له تصدق عاد نجمه شوارفسكي اللي معلقها حلوه بس لو لون ثاني جان احلى لوووول .. قام يحن وينج وشدراج قلت له انا عند سيارتك .. قال الا بطلع بشوفج
قلت له انا رايحه الجمعيه وياني شفته من بعيد بس ما شافني وكل شوي يدزلي بالبرنامج وينج انتي اي بنت .. وبالنهايه ما شافني
ومره كنت ماره عند دوامه شفته يمشي بسيارته لحقته من بعيد ودليت بيتهم ... وايد قريب على دوامه وسجلت العنوان
تالي مره برمضان كنت رايحه اشتري حلو حق اهلي وسمعت ان عندهم دلفري جان اقوم واشتري كيكه وقلت لهم يوصلونها بيت الصبي
كتبت اسمه عالكرت .. ومن داخل كتبت صيام مقبول وافطار شهي
وكتبت هوز هير عشان يدري ان مني لوووووووول
وصلت ودش البرنامج يتشكر متشقق .. بس الا بعرف شلون عرفت عنوانه وقعد يحن عاد الفت عليه قصه .. وطافت السالفه وقعد يقول عاد امي اللي استلمت الكيكه وحدها مستانسه وامي واختي قاعدين الحين ياكلون الكيكه ويسلمون عليج لوووول
بعدها جان اقوم واسوي لهم قرقيعان وادزه لهم البيت
كنت واقفه بعييييد واشوف الريال يعطي جيس القرقيعان حق ام الصبي والام مستانسه وتضحك .. شوي واللي يدش علي يقول لا قاعده تحرجيني ما يصير جذي انتي تسوين كل هذا وانا ما اسوي شي امي توها دقت تقولي تصدق يما يعرفون جم عددنا بالبيت يايبين قرقيعان على عددنا
وبعدها بجم يوم يقول ترى اختي قاعده احن تقول قرقيعانج ريحته حلو شنو اسم العطر لوووول عاد قلت له
طبعا مره وحده كنا طالعين من الدوام بنفس الوقت وقال بشوفج قلت له اوكي بس ما اذكر اي يوم بالضبط شافني انا بسيارتي ونظارتي مغطية نص ويهي واهو بسيارته ومشينا
بس هم حسيت على كل هذا ان مو مايل لي .. انا ادري ان كان يحب وحده قبل وخطبها واهلها ما رضوا
عاد قلت له خلاص انا راح انسحب من حياتك لان الظاهر للحين انت تحبها وجذي ومسحته من البرنامج
بعد شهر وشوي .. دوامي دزوني بمهمه حق دوامه اول ما شافني بس يخزز واللي معاي تقولي هذا شفيه انثول لما شافج عرفينه قلت لها لا
وقام يدزلي بالبرنامج ليش يايه عندنا ومن هالكلام .. وردينا نسولف
المشكله
ان اهو الحين قام يتلزق .. ويحن علي انا ابيج ومن زمان ادورج بالبرنامج وما لقيتج لاني ما اعرف له غصب حصلتج .. وانا قلب فاضي .. واللي تبينه اسويه ..
وقعد يحن عالرقم قلت له ماقدر قال مو مشكله نظل بالبرنامج بس ظلي معاي انا ابيج واحب اشوفج عفيه الله يخليج .. اصلا حتى امي مستانسه عليج وتسال عنج ولما قلت لها مادري عن البنت زعلت .. تقول مبين خوش وحده .. انا ابيج الحين شلون .. شلون اوصل لج علميني
طبعا انا مو ياهل ما ينقص علي بهالكلام
بس لان انا اعرف اهله واهو ما يدري
وصلني كلام من اخته ان اهو في وحده شايفها ويبيها بس مو عارف اييب رقمها .. وتقول اخته يحليلها والله خوش بنيه انا حبيتها من قبل ما اشوفها كله تدزله سوالف البيت ... مادري شلون نخطبها له ..
انا تشققت طبعا .... بس شلوووون شلووووون
فشله اخر شي يدرون ان هالبنت انا
انا سويت الحركه من غير قصد يعني حتى ما كان قصدي زواج كنت العب
بس دام الصبي زين ليش لا
بس شلون يدرون ان انااااااا ... قمت الفشله
شرايكم ؟؟؟؟؟؟
شلونكم بنات شخباركم شمسوين
انا اللي سويته مو مشكله كبيره ,, بس نوعا ما سويته والحين مادري شرقع
لوووول
القصه ان حاشتني حاله ملل اثناء الدوام .. فقمت ودشيت برنامج الهوز هير وكنت اسولف سوالف عاديه .. عاد واحد كلمني وعرفت مكان شغله اهو قالي .. تالي قلت له اييي انا اعرف فلانه وفلان وفلان اللي يشتغلون معاك.. وفي واحد ولد العايله الفلانيه سمعت عنه بس ما شفته
جان يقول هذا اناااااااا ..
طبعا انا انصدمت .. لان صج والله مادري ان اهو .. عاد قام يقولي انتي شعرفج فيني اكيد انتي واحد من العايله ومسويه فيني دقه قلت له لا والله ما اعرفك بس اسمع عنك .. قال شنو سمعتي قلت له يقولون حلو لوووووول
مع الوقت كنا نسولف تقريبا كل يوم بس مو وايد شويه لان بعدين زاد الشغل علي ولهيت ..
واهو بصراحه اخوه متزوج وحده من بنات عايلتنا .. فكنت حدي غامضه معاه ما علمته عن ولا شي لا دوامي ولا اسمي ولا شي .. عشان مابي اخرب حياة البنت حرام ما تستاهل
بس مادري ليش حطيته براسي .. مره طلعت من الدوام مبجر رحت صوب دوامه ووقفت عند سيارته عرفتها لان حاط صورتها بالبرنامج .. عاد كلمته بالبرنامج وقلت له تصدق عاد نجمه شوارفسكي اللي معلقها حلوه بس لو لون ثاني جان احلى لوووول .. قام يحن وينج وشدراج قلت له انا عند سيارتك .. قال الا بطلع بشوفج
قلت له انا رايحه الجمعيه وياني شفته من بعيد بس ما شافني وكل شوي يدزلي بالبرنامج وينج انتي اي بنت .. وبالنهايه ما شافني
ومره كنت ماره عند دوامه شفته يمشي بسيارته لحقته من بعيد ودليت بيتهم ... وايد قريب على دوامه وسجلت العنوان
تالي مره برمضان كنت رايحه اشتري حلو حق اهلي وسمعت ان عندهم دلفري جان اقوم واشتري كيكه وقلت لهم يوصلونها بيت الصبي
كتبت اسمه عالكرت .. ومن داخل كتبت صيام مقبول وافطار شهي
وكتبت هوز هير عشان يدري ان مني لوووووووول
وصلت ودش البرنامج يتشكر متشقق .. بس الا بعرف شلون عرفت عنوانه وقعد يحن عاد الفت عليه قصه .. وطافت السالفه وقعد يقول عاد امي اللي استلمت الكيكه وحدها مستانسه وامي واختي قاعدين الحين ياكلون الكيكه ويسلمون عليج لوووول
بعدها جان اقوم واسوي لهم قرقيعان وادزه لهم البيت
كنت واقفه بعييييد واشوف الريال يعطي جيس القرقيعان حق ام الصبي والام مستانسه وتضحك .. شوي واللي يدش علي يقول لا قاعده تحرجيني ما يصير جذي انتي تسوين كل هذا وانا ما اسوي شي امي توها دقت تقولي تصدق يما يعرفون جم عددنا بالبيت يايبين قرقيعان على عددنا
وبعدها بجم يوم يقول ترى اختي قاعده احن تقول قرقيعانج ريحته حلو شنو اسم العطر لوووول عاد قلت له
طبعا مره وحده كنا طالعين من الدوام بنفس الوقت وقال بشوفج قلت له اوكي بس ما اذكر اي يوم بالضبط شافني انا بسيارتي ونظارتي مغطية نص ويهي واهو بسيارته ومشينا
بس هم حسيت على كل هذا ان مو مايل لي .. انا ادري ان كان يحب وحده قبل وخطبها واهلها ما رضوا
عاد قلت له خلاص انا راح انسحب من حياتك لان الظاهر للحين انت تحبها وجذي ومسحته من البرنامج
بعد شهر وشوي .. دوامي دزوني بمهمه حق دوامه اول ما شافني بس يخزز واللي معاي تقولي هذا شفيه انثول لما شافج عرفينه قلت لها لا
وقام يدزلي بالبرنامج ليش يايه عندنا ومن هالكلام .. وردينا نسولف
المشكله
ان اهو الحين قام يتلزق .. ويحن علي انا ابيج ومن زمان ادورج بالبرنامج وما لقيتج لاني ما اعرف له غصب حصلتج .. وانا قلب فاضي .. واللي تبينه اسويه ..
وقعد يحن عالرقم قلت له ماقدر قال مو مشكله نظل بالبرنامج بس ظلي معاي انا ابيج واحب اشوفج عفيه الله يخليج .. اصلا حتى امي مستانسه عليج وتسال عنج ولما قلت لها مادري عن البنت زعلت .. تقول مبين خوش وحده .. انا ابيج الحين شلون .. شلون اوصل لج علميني
طبعا انا مو ياهل ما ينقص علي بهالكلام
بس لان انا اعرف اهله واهو ما يدري
وصلني كلام من اخته ان اهو في وحده شايفها ويبيها بس مو عارف اييب رقمها .. وتقول اخته يحليلها والله خوش بنيه انا حبيتها من قبل ما اشوفها كله تدزله سوالف البيت ... مادري شلون نخطبها له ..
انا تشققت طبعا .... بس شلوووون شلووووون
فشله اخر شي يدرون ان هالبنت انا
انا سويت الحركه من غير قصد يعني حتى ما كان قصدي زواج كنت العب
بس دام الصبي زين ليش لا
بس شلون يدرون ان انااااااا ... قمت الفشله
شرايكم ؟؟؟؟؟؟
التعديل الأخير:
