مادري عنها Elf

[ميس هارودز]

[font=&quot]/ [/font][font=&quot]..[/font][font=&quot]~[/font][font=&quot]بـِـسـْـمـ [/font][font=&quot]،،[/font][font=&quot]الله الرّحـْـمـَـنْ[/font][font=&quot]،،[/font][font=&quot] الـرّحـِـيـْـمْـ [/font][font=&quot]}[/font][font=&quot]..[/font][font=&quot] \[/font]



[font=&quot]. [/font][font=&quot]: [/font][font=&quot]+[/font][font=&quot] :[/font][font=&quot] .[/font]

[font=&quot][/font]
بقوللكم تجاري مع هالماركة عاد أنا الحين بالدوام بحط اللي اتذكرهم واذا نسيت شي ورديت البيت وشفته برد احط لول

اول شي قصتي مع هالماركة كنت من زمااااان سامعة عنها وادري انه كل شي بدولار "قبل مايحطون الستيديو لاين واللي عقبه"

ودايما خاطري أجرب منهم بس ماكنت ذاك الوقت أعرف للطلب أونلاين فطلبت كذا مرة من تاجرات هني عندنا

لين بداية السنة هذي سويت طلبية.. تقريبا اخذت كل شي لوووول

أسعارهم تغري كل ماشوف شي اقول يالله الا دولار.. الا 3 دولار ويا الله في السلة هههههههه

مجموع طلباتي من عندهم كانت 3 طلبات

الحلو فيهم إن وايد يسوون عروض وسيل.. تحصلين الأشياء أرخص من سعرها "الرخيص أصلا"

إممممم أبتدي بشنو.. بالزين؟


- studio cool bronzer

هذا اللي ايي مات.. انا عندي الكول وعندي الوارم بس الوارم شيمري

الكول هذا استخدمه كل يوم تقريبا ودايما موجود بشنطة الميك اب.. استعمله مع شدو ماك كورك للكونتورنغ

كوالتي ماله لا بأس.. ويتم فترة معقولة

الثاني الشيمري استعملته مرة مرتين وبس ماعدت أستعمله.. لأني ماحب البرونزاج ومايصلح للكونتور لأنه شيمري

بس اللي معاي بالدوام تستعمله أحيانا ويطلع حلووو


- eyelid primer & mineral eyeshadow primer

مثبت شدو.. حلووو ويعطي مفعول.. عندهم واحد من اللاين العادي وواحد من اللاين المنيرال نفس الشكل والقوام مع اختلاف بسيط في العلبة.. بس ماحسيت في فرق بينهم في الفعالية اثنينهم يأدون الغرض


- all cover stick

الشي هذا وايد مشهور عندهم.. ستيك صغيرون ريحته برتقال يستخدم كـ كونسيلر وفاونديشن

بصراحة هبيت فيه لووول كنت كل يوم استخدمه وشريت منه كم حبة ستوك في طلبيتي الثانية

تغطيته حلووة وبنفس الوقت ماتحسينه ثقيل ويندمج بسهولة.. حلو لاستخدام كل يوم

<<<< ذكرتوني فيه هبيت فيه والحين ابي اتذكر ليش ماقمت استعمله؟


- tinted moisturiser

هذا أخو اللي فوق بس عصارة صغيرونة ويكون بين الكريمي والسائل وبعد ريحته برتقال ونفس تدرجات الستيك

يستعمل كمرطب وكفاونديشن خفيف.. هذا بعد هبيت فيه وخذت منه كم حبة ستوك ووقفته فجأة :|

بس حلووو للبنات اللي يحبون تغطية خفيفة وطبيعية ومايبون يستعملون فاونديشن وايد

هو يعتبر كريم مرطب مع لون خفيف وفيه حماية من الشمس بعد


- eyeshadow brush

هالبرش من اللاين العادي بو دولار.. عندي منها أربع يمكن

ثنتين من تاجرة من زمان اكثر من سنتين والباقين طلبتهم انا

أحبهــا للشدو المتحرك.. تاخذ لون كفاية وتحط عدل..

بس احلى طريقة لها التربيت بدون سحب التربيت يثبت اللون

وبعد حلو استعمل طرفها للضاءة تحت الحاجب

بشكل عام هالفرشاة وااايد احب استعملها تقريبا اذا بحط شدو كل مرة لازم استخدمها

جربت الثانية اللي من لاين الستيديو c نفس شكل وحجم الشعيرات بس تكون باللون الأسود كعادة لاين الستيديو

ورغم انها انعم بس ارتحت للي بدولار أكثر لووول


- studio powder brush

أشهر من ناااار على علم.. مسطحة من فوق

تدرون إني طلبتها اول مرة وحصلتها.. بعدين بطلبيتين كل مرة بطلبلي وحدة ثانية تكون اوت اوف ستوك!

صح اسمها باودر برش.. بس هي مشهورة لتوزيع الفاونديشن تأدي نفس غرض فرشة سيجما وسيفورا

انا الصراحة كنت استعملها وااااايد..

بس بعدين شريت فرش سيجما الديو فايبر واسفنجة بيوتي بليندر الوردية

فقل استخدامي لهذي.. بس مع ذلك للحين أحبها وسعرها يا بلاش


- studio complexion brush

شكلها جنها فرشاة باودر - بلاش كبيرة عادية

بس حلووة لتوزيع طبقة خفيفة من الباودر - اللون البودر أو بطرف واحد تحطين فيها بلاشر


- kabuki face brush

كيووووت ونااااعمة وااايد استعملها كلمسة نهائية إذا أبي أدمج كل شي وساعات أستعملها للوس باودر


- high definision powder

يقولون إنها منافسة بودرة فورإيفر البيضا.. صراحة ماجربت مالت فوإيفر فماقدر أحكم على هالنقطة

بس بشكل عام هالباودرة حلووة كلمسة نهائية.. هي بيضا ناصعة بس على الويه تصير شفافة

معاها اسفنجة انا ساعات اربتها بالاسفنجة وبعدين بالكبوكي اوزعها

تعطي للبشرة ملمس نااااعم واهم شي انها ماتشحب الويه

بس فيها عيب.. العلبة بسرعة تتناثر منها البودرة الفتحات كبار والبودرة وااايد ناعمة فإذا ماحاسبتي ممكن تبطلينها وتنتشر عليج بكل مكان

فـ قبل مابطلها لازم اطقها من فوق علشان البودرة المتناثرة تنزل


- healthy glow bronzing powder

هذي دوائر صغيرونة من لاينهم العادي

في اربعة ألوان 3 برونز وواحد إضاءة

وانا من الشفاحة ومن السعر الرخيص طلبتهم كلهم هههههههه

الاضاءة luminace حلووة وناعمة للويه ولتحت الحاجب بعد

البرونزر matt bronz هذا اللون الوحيد المات

استعمله احيانا للكونتور حلوو لونه

sun kissed هذا فيه شيمر بس كيووت كبلاشر تقريبا برتقالي جمسل للصيف

لكن استعملته مرتين وطاح وتخيلوا؟ تنتف كاااااامل كله كله صارت علبته فاضية جنها للحين ما تعبأت @_@

warn tan بني شيمر بصراحة مادري ليش طلبته.. بني واكثر واحد فيه شيمر

وماعجبني كبلاش لونه بني بحت.. ولا عجبني كبروزناج لأن قلتلكم ماحب البرونزاج

جانزين اهو اللي انكسر خخخخخ


- essential custom compact

علبة فاضية وداخلها 4 فراغات دائرية علشان تعبينها بالألوان اللي تحبينها

من إيلف يبيعون شدوات - بلاش - روج/غلوس بحجم دائري يتعبى في هالعلبة

شنو المميز فيها؟ إنها بدولار والحجم مناسب بالضبط لشدوات ماك الريفيل + فيها منظرة

انا خذيتلي 3.. أوفر من مالت ماك لووول في الأخير كلها علبة


- birghtening eye color

من اللاين الأساسي علبة صغيرة فيها 4 شدوات صغار

عندهم تدرجات وايد وفيهم مات وشيمر وبعضهم بقليتر

بس بصراحة الالوان حلوة وواااضحة.. تقريبا نفس العلبة وثباتها زين

وبدولار واحد تعتبر ممتااازة


- mechanical eyelash curler

عقاصة رموش من اللاين العادي.. استعملتها فترة وكانت عاجبتني

بس مرة وحدة وانا بستخدمها اعقص رموش احس شي غلط.. ماحس بضغط!!

أطالعها ولا الاسفنجة - المطاط مو موجودة @@

وين راحت؟ مادري هههههه


- therapeutic conditioning lip balm

صبع مرطب عادي نفس اللابيلو بس ضعيف وبعد بنكهات

ناااعم جنه زبدة وطعمه كيوووت



لي باااااك أحس مخي علّق هههههه

بعدين بكمل المنتجات الحلوة وعقبها المنتجات اللي لا بأس بها وآخر شي المنتجات السيئة



​

[font=&quot]. [/font][font=&quot]: [/font][font=&quot]+[/font][font=&quot] :[/font][font=&quot] .[/font]

[font=&quot]/ [/font][font=&quot]..[/font][font=&quot]~[/font][font=&quot]يـِحـْفـَـظكـُـم [/font][font=&quot]،،[/font][font=&quot]الله [/font][font=&quot]،،[/font][font=&quot] ويِـرعَـاكُـمْـ [/font][font=&quot]}[/font][font=&quot]..[/font][font=&quot] \[/font]




[font=&quot]. . . [/font]

[font=&quot]. .[/font]
[font=&quot].[/font]
[font=&quot]b y e[/font]
[font=&quot]❤[/font]​

حبيبتينيا في الماركة
يسلموا على المجهود

 

[AVE.NJ]

انه عشت بامريكا بنات
مو كل رخيص تاخذونه
انه شريت الشدو الاسود
ومشط ماالحواجب وشي ثاني مااذكر شنو
هوا مو جود بالجمعيات وتارجت وول مارت
بس مايسوا زيدو شوي واخذو شي يسوا
انه مو حريفه مكياج بس ماعجبني

 

[{ سحر الوَرد *]

[FONT=&quot]/ [/FONT][FONT=&quot]..[/FONT][FONT=&quot]~[/FONT][FONT=&quot]بـِـسـْـمـ [/FONT][FONT=&quot]،،[/FONT][FONT=&quot]الله الرّحـْـمـَـنْ[/FONT][FONT=&quot]،،[/FONT][FONT=&quot] الـرّحـِـيـْـمْـ [/FONT][FONT=&quot]}[/FONT][FONT=&quot]..[/FONT][FONT=&quot] \[/FONT]



[FONT=&quot]. [/FONT][FONT=&quot]: [/FONT][FONT=&quot]+[/FONT][FONT=&quot] :[/FONT][FONT=&quot] .[/FONT]


نكمل

المنتجات اللي لا بأس بها

- Studio Blush

الباكج ماله أسود شبيه باكج نارس

ألوانه حلووة وناعمة

لكـــن؟؟ الثبات صفررر.. والله ماياخذ له ساعة وشي ويختفي!!

حسافة لو بس يسوونه ثابت.. يطلع خووش شي..

احم وطبعا بعد من الشفاحة.. انا طالبة هالألوان "حزة اللي طلبت كان في كوبون 50% على منتجات ستيديو"

فحصلتهم بدولار ونص بدل 3 دولارات

Tickled Pink - لون وردي ناتشورال.. وااايد جمييل وناعم.. وتقريبا بدون شيمر

هذا اول ماطلبته كنت استعمله كل يووم بالدوام لدرجة انه بين القاع شوي لووول

Candied Coral بعد حلوو للاستخدام اليومي بس مايل للمشمشي.. وشيمره أكثر من القبلي

Pink Passion وردي باااربي ماات.. وايد شفت بالبلوقات الأجنبية يقارنونه بنارس Angelica بس ماجربته انا

حطيته كذا مرة بس الحين مودي مو وايد مع البلاش الوردي خاصة الوردي الباربي صرت اميل للوردي الهادئ والمشمشي أكثر

Blushing Rose هذا اللون غامج وفيه شيمر واول ماشفته قلت لا كللش مو ستايلي وماستعملته

عقب اللي معاي بالدوام كانت طالبة نفسه معاي وشفتها تستعمله وعجبني اللون.. فاستخدمته كذا مرة

مادري شلون أوصفه؟ بين البني والمشمشي الغامج؟ يبيله يد خفيفة شوي

Gotta Glow هذا صدفي وبعد يقارنونه بواحد من نارس نسيت اسمه

يستخدم كإضاءاة فوق عظمة الخد وانا فترة كنت استخدمه تحت الحاجب

انا بصراحة علقت عليهم فترة خاصة أول اثنين والاضاءة..

بس الحين مركونين في العلب يمكن 3 أشهر مالمستهم @@

مشكلة الثبات.. لازم اللون اللي تحطين منه تاخذينه معاج بالشنطة وكل ساعة وشي تعيدين عليه

مايصلح للي ماتحب تعدل ميك ابها كل شوي

- Contouring Blush & Bronzing Powder

طبعا هالديو مشهوووور عندهم ويقارنونه واايد بمال نارس اللي فيه

Orgasm & Laguna

أول الأيام حبيته وكنت استخدمه للكونتور "أول مابديت اتعلم على الكونتور"

بس عقب تركته خاصة عقب ماطلبت البرونزر المات اللي قلتلكم عنه بردي الأولي

لأنه شيمر مايصلح للصبح والدوام + مشكلة الثبات نفس البلاشرات

- Studio Trasnulent Mattifying Powder

هذي بودرة مضغوطة صغيرونة المفروض إنها بدون لون بس عشان تشيل الدهون

بس من استخدامي لها حسيت فيها لون خفيف.. ومشكلته فاتح نوعا ما ويمكن يقلب رمادي

بس زوينة تنفع اذا تبين تشيلين اللمعة وماعندج الا اهيا!

تربتين بخفـــة ويدج تكون خفيفة

- Blending Brush

من اللاين الأساسي بو دولار.. بعد شريتها من زمان من تاجرة ويا فرشاة الشدو

وقبل ماصير ممنة فرش وأوسع مجموعتي لووول

كنت وايد أستخدمها.. دمجها حلو وتصلح للكسرة

بس الحين استعمالي لها قليل.. عقب ماصاروا عندي فرش سيجما وايكو تولز وغيرهم

صار اعتمادي للدمج على فرشة سيجما الهدية E25

- Eyebrow Kit

ايي بصوبين صوب الغامج يكون واكس شمعي.. والفاتح بودرة

اهما المفروض اثنينهم تستخدمينهم مع بعض.. الواكس للتحديد والملىء والبودرة للتثبيت

زوين لا بأس بس في اللي أحسن منه.. ماستخدمه الحين







[FONT=&quot]. [/FONT][FONT=&quot]: [/FONT][FONT=&quot]+[/FONT][FONT=&quot] :[/FONT][FONT=&quot] .[/FONT]

[FONT=&quot]/ [/FONT][FONT=&quot]..[/FONT][FONT=&quot]~[/FONT][FONT=&quot]يـِحـْفـَـظكـُـم [/FONT][FONT=&quot]،،[/FONT][FONT=&quot]الله [/FONT][FONT=&quot]،،[/FONT][FONT=&quot] ويِـرعَـاكُـمْـ [/FONT][FONT=&quot]}[/FONT][FONT=&quot]..[/FONT][FONT=&quot] \[/FONT]




[FONT=&quot]. . . [/FONT]

[FONT=&quot]. .[/FONT]
[FONT=&quot].[/FONT]
[FONT=&quot]b y e[/FONT]
[FONT=&quot]❤[/FONT]​

 

[candice]

عندي منهم كم شغلة
بلشرين وقلوس ومزيل صبغ اظافر وكريم اضاءة وشدو كريمي مزدوج و3 اي شادو وكونسيلر
اممممم اتوقع بس

 

[UNICORNA]

هالماركه صراحه حلوه مدرى ليش مو معطينها حقها

جربت منها المانيكور والبلاشر الستيك رووووعه

وان شالله بشوفلى كم شغله منهم ومن ستيلا ودى فيهم )=

 

[مشتطـه]

انا بأمريكا تهببببببببببببببببببل توني شارية منها جم شغله

 

[مسك حياتي]

جربت باليت الشدو البرونز اللي فيه عشر الوان حلو حيل