ماحب زوجي

[alhnan]

ما عندج سالفه ما تحبينه عشان العمر
العمر مجرد رقم
دامه زين معاج احمدي ربج على النعمه
غيرج ازواجهم مو زينين ولا يخافون الله وفوق هذا جكر ..........ز افففف
المهم دام توج متزوجه عوديه على الاشياء الصح من البدااايه

 

[اميره1980]

قولي الحمدلله ان ما طلع اكبر من جذي
ترا الريال يدلع بهالعمر و تخيلي نفسج انج كتكوتة و اهوه كبير بيدلعج
بالعكس انا شايفتها نقطه حلوة صج انج تاثرتي بهالشغلة لكن نصيبج و خلاص و حمدي ربج ان زين وياج و مع العشرة راح تتغير طريقه تفكيرج
الله يوفقج و يسخركم لبعض

 

[زبــــــــدة]

هذي المشكله انج ماتشوفينه ولا يشووفج

بفهم في زواج جذي الحين

الله يعينج بصرااحه

حاولي تتأقلمين عالوضع اذا اهوا زين ومافي شي العمر موعيب

 

[بنت الكويت 25]

هذي بعض الاثار السيئة للعادات الخاطئة في مجتمعنا اذا سيدنا محمد صلى الله علية وسلم حث على النظرة الشرعية نجي احنا نحرمها ونقول

عيب اختي الحبيبة سامحيني الغلط من اهلج المفروض يسألون اكثر والاهم من هذا كان المفروض انتي تقعدين معاة وتشوفين اذا كنتي ترتاحين

لة او لا هذا زواج مو لعبة ورب العالمين ما شرع شي الا ولة فايدة

 

[آنا من دونك أندمر]

رد : ماحب زوجي

الحين الزواج صار.. دامه يحبج >> قوليله هالنقطه >>

قوليله اموت فيك >> بس ليش اهلك صغرو عمرك يوم يو يخطبون..

عشان لا يحس انج متضايجه من هالكلمه >> قوليله بس حبيتك بزياده يوم اعترفتلي بعمرك وما قلت مثل ماقالوا اهلك..

والحب يا حبيبتي يجي مع العشره.. والله يهنيج فيه ويهنيه فيج..

 

[قطووه حلووه]

رد : ماحب زوجي

انتواا خرعتووها زيااده


بناات عاادي دام الرجااال زيين لا تهدمييين حيااتج عشاان اكبر منج حييل عاادي دام عقليتج كبيييره


ترى مو عمره 50 يعني حتى لو 50 الرجاال يكوون بعز شبااااااابه حااولي تتاقلميين مالج الا جذي لو انا منج والله عااااادي ماوقف حيااتي عشاان عمر استوعبي الساالفه ماتسوي تحرقيين دمج عشااانها

 

[داريني]

الشرهه على الي قص عليج
بس الحين ماكو فايدة
و الريال عمره مو مقياس بالعكس الكبير يدلع ويدلل استغلي طيبته وحبه لج ترا مو كل حاصل لها
حاولي لا تحطين في بالج انج مو قادره تحبينه علشانه عمره لا تجذبين الاشيا سلبية صوبج و تنكدين على حياتج
خلج ايجابية

 

[حبيبي مالكني]

رد : ماحب زوجي

حبيبتي الوحدة ماتاخذ الى نصيبها
وهاي نصيبج وترى ريلج للحين شاب مافيها شي بالعكس اهوه بيحتويج
ويدلعج

 

[ام ميلافـ]

رد : ماحب زوجي

وش تبييين بواحد مراهق يشششوفك ويششوف عششر غييرك وماتملين عييييينه مهما كنتي من جمال وغيييره بيدوووور غييرك بس الكبييير خلاص مايكون بعينه الا زوجتتتتته وبسس ومسستحيل يدووور غيرها

حبيبتي لاتضيقيين صدررك انتي اذا قلتي كبير وماقدر احببه صدقييني ماراح يدخل قلبك

بس اذا قلتي مهما كان كبير بيصير كبيير بعقله وتصرفااته وتحببين نفسك فيه بتحبيييينه غصصصب

ربي يسسسسسسسسسسسعدك ويوفقك انشاء الله ولاتهتمييين بالمظهر والشكل اهتمي بالبااطن اهم شي اخلاااااااااقه وانه عازك ومارفضلك طلب

 

[shaikhat al-zain]

شلون الاهل يقولون عمره 28 واهوا 38
شنو هالغش؟؟؟

بعدين اهلج ليش ما شافوا بطاقته المدنيه وقت الملجه؟

 

[عذبه الصفات]

حبيبتي عمره 38 مو كبير ابداً بالعكس بعز شبابه وعلى فكره ترى المره تكبر الرجل بعشر سنين اذا كان من نفس عمرها
وتكون انضج منه ومع الحمل والولادة تكبرين اكثر انا اقول احمدي ربك على النعمة ولا تفرطين فيه علشان سبب بكل صراحة تافه
واخذيها عن تجربة انا اخذت واحد اكبر مني بثلاث سنين لكن الحمدالله والشكر ما قعدت عنده اكثر من شهرين بسبب سلوكة وصفات سيئة جداً
ماحد ملاحظها عليه اثناء الملكة واكتشفتها بعد الزواج وتخيلي قدرهو واهله انه يغش اهلي علشان كذا اقول احمد ربك لا بعدين اطحين بواحد وما تدرين عنة وماتقدرين تطلقين منه مره ثانية وانتبهي لا تحسسين زوجك بفارق العمر بينكم

 

[ايام وردية]

رد : ماحب زوجي

الله يجزاكم خير بنات اللي قالو لي اسالية ليش اهلك كذبو علي؟؟

سالتة قبل البارحة قلت لما جو اهلك يخطبوني قالو الولد عمره 28 ليش ماقالو الصدق

خرعني

ضحك باعلى صوتة واحس انة متفاجئ قال والله ماعرف هذا الخبر الامنك الحين مدري ليش اهلي قالو كذا

وقال لاتشيلين هم يمكن سالفة حريم

هو حس اني متضايقة وانا جد جد متضايقة وقتها دموعي بالعافية ماسكتة مابيها تنزل

لكن مثل ماقلتو يمكن الحب يجي مع الايام

والبنات اللي قالو ليش اهلك كذبو عليك

لا حبيباتي اهلي والله مايعرفو مثلي اهلة هم اللي ماقالو الصدق

من جديد اشكركم الله يسعدكم

 

[Fajory]

رد : ماحب زوجي

حبيبتي مدام يحبج خلاص .. احسن من انه يكون صغير ويعيشج بضيم

انا اقول حمدي الله ترى كل شي ربي يسويه فيه خيره حتى لو كان ظاهره يضايق..

وانا فهمت من كلامج انه زين معاج .. ترى العمر مو كل شي

ومثل ما قالوا الخوات الكبير يدلع اكثر ويحب اكثر وتفكيره ناضج

والله يوفقج حبيبتي

 

[sweet-love]

رد : ماحب زوجي

حبيبتي صبري صدقيني هذا نصيبج وكل شي مكتوب وتوكلي على رب العالمين وعالمليه مثل مايعاملج مع العشرة بتحبينه
الله يوفقج

 

[LOLETA]

حصل خيررر

واذا اهو يحبج

مع الوقت رح تحبينه وتموتين عليه بعد

وعلى قولة عبدالله رويشد مسألة وقت

وبالتوفيق انشالله

 

[المدينه]

اهم شي اخلاقه ولا العمر مومهم
دام يحبج خلاص هذا كافي

 

[ايام وردية]

رد : ماحب زوجي

فديتكم بنات الله يوفقكم

 

[حنان العيون]

رد : ماحب زوجي

الريال مو بعمره

الريال بأخلاقه

يمكن لو تاخذين صغير بكون مو زين

انتي تقولين خوش ريال و يحبج

حمدي ربج و حبيه و كسبيه دام اهوه زين

و خلي عنج حجي الافلام

 

[زوووز77]

رد : ماحب زوجي

اهما غشوكم

بس ولا يهمج مو كبير وايد والريال بهالعمر يدلل المره

احسن ماتخذين واحد صغير ويلعوزج الله يهنيكم