ماحب زوجي

[ايام وردية]

السلام عليكم

بقولكم سالفتي بنات وابيكم تساعدوني ماشاءاللة عليكم يد وحده الله لايغير عليكم وابي ادعي لكل وحده تعطي رايهاا

انا تزوجت بالعيد الماضي قبل شهر وكم يوم يعني

لما جاء زوجي يخطبني اهلة قالو ان عمر الولد 28 ونبي بنتكم ايام وردية وانا عمري بعد بالعشرين
اصغر منة طبعاااا


ملاحظة: ماعندنا شوفة شرعية عييييب في مجتمعنااا

الصدمة اللي وقفت قلبي يوم تزوجنا شفت شكلة كبير مو بعمر28 بس سكتت قلت يمكن لانة رجال والرجال غير مو مثل البنت جسمة يكبر بسرعه وابرر لنفسي من هالكلام

وماقدرت اصبر بعد يومين من زواجنااا سالتة قلت لة كم عمرك


قال 37 وقريب 38 يماااااه

انا سكتت مانطقت بحرف بس واللة يبنات حسيت شي بقلبي تجاهه ماقدرت احبة وهو ميت علي يعاملني بالطيب لحد الحين طيب والشهادة لله بس ماني قادرة اعاملة بحب مثل مايعاملني احسهم كذبو علي
وزوجوني واحد اكبر من عمري بكثثثييييرر

فشنو اعمل تنصحوني فية؟؟لو وحدة مثلي اكتشفت شتسوي

خاصة ان احلامي طاحت لان بنيت احلام علية وهو بعمر صغير 28
لكن احترمة وما ابين اني متضايقة بلمرة بس حب موقادرة احب

باللة عطوني ارائكم

 

[حلتيته]

رد : ماحب زوجي

يولي اهلج ليه جذابين عليج
فرق عمر والله

 

[ايام وردية]

رد : ماحب زوجي

يولي اهلج ليه جذابين عليج
فرق عمر والله

حبيبتي مو اهلي

اهلي مثلي مايعرفون السالفه

اهلة لما جوو بيتنا يطلبون قالو ان ولدهم عمرة 28عام وانا مسكينة ياغافل لك الله

قاعده بقلبي مساله العمر ماحسها هينه

 

[~LiBrA~]

رد : ماحب زوجي

امبيه من صجج مجذبين عليكم؟؟؟ يعني حتى على ابوج وامج؟؟

مستحيل ماتصير يعني اكيد وقت عقد الزواج شايفين اثباته وفي تاريخ الميلاد؟؟

شفيهم الناس حتى بالعمر يجذبون؟؟


لاحول الله

حبيبتي الزواج صار والحمدالله اهم ماجذبو بشي قوي مثلا بمرض لا سمح الله او سمعته مو زينه اكيد لا

بس اذا فكرتي فيها الريال الكبير يكون فاهم وعاقل وشايف الدنيا عدل

ومهما تكبرين بالعمر راح يشوفج صغيره بعينه وراح يدلعج اخر دلع

وانتي بنفسج قلتي ان طيب

وترا توكم متزوجين ماصارلكم شهرين يعني حبيبتي تو الناس مع العشره والمعرفه راح تحبون بعض

والله يتمم عليكم

 

[جـــواهر]

ليش يجذبون عليج ؟؟

شنو انتي طايحه بجبد نفسج عشان يقضبونج واحد كبر ابوج ؟؟


انتي تزوجتي الحين خلاص اذا الرجال ماعليه كلام وحبوب ماعليه مع العشره
والمواقف بتحبينه ...

واذا هم جذبو عليكم ليش انتو ماااسالتو عن الرجال ؟؟

 

[قوية الباس]

رد : ماحب زوجي

امبيييييييييييييييييه

الريال ماغلط بس الغلط اسمحيلي على اهلج شلون ماقالو لج الصج!!!!!!!!!!!!

بس دام الريال زين ويحبج وشاريج خلاص مايفرق العمر ويا حبيبتي عن تجربه اخ>ي اللي يحبج ولاتاخذين اللي تحبينه

وعطي الريال ونفسج فرصه مع الوقت بتحبينه بس شيلي سالفة العمر وصدقيني بتعيشين ان شا الله احلا حياة والله يوفقج

 

[ماكنتوشه بنفسجيه 12]

رد : ماحب زوجي

عادي حبيبتي
خلاص اللي صار صار
وانشاءالله تعيشون احلى حياة
بالعكس الكبير يكون فاهم وعاقل

سبحان الله وبحمده

سبحان الله العظيم

 

[ايام وردية]

رد : ماحب زوجي

امبيه من صجج مجذبين عليكم؟؟؟ يعني حتى على ابوج وامج؟؟

مستحيل ماتصير يعني اكيد وقت عقد الزواج شايفين اثباته وفي تاريخ الميلاد؟؟

شفيهم الناس حتى بالعمر يجذبون؟؟


لاحول الله

حبيبتي الزواج صار والحمدالله اهم ماجذبو بشي قوي مثلا بمرض لا سمح الله او سمعته مو زينه اكيد لا

بس اذا فكرتي فيها الريال الكبير يكون فاهم وعاقل وشايف الدنيا عدل

ومهما تكبرين بالعمر راح يشوفج صغيره بعينه وراح يدلعج اخر دلع

وانتي بنفسج قلتي ان طيب

وترا توكم متزوجين ماصارلكم شهرين يعني حبيبتي تو الناس مع العشره والمعرفه راح تحبون بعض

والله يتمم عليكم

ام حيدر حبيبتي اللة يرزقك بحيدر يارب

مدري كيف طافت اخواني المفروض يشوفون عمرة بشهادة الميلاد بس مانتبهوو

هو طيب ويحبني بس موقادرة احبة يمكن مع الايام على قولتك احبة

 

[ايام وردية]

رد : رد: ماحب زوجي

ليش يجذبون عليج ؟؟

شنو انتي طايحه بجبد نفسج عشان يقضبونج واحد كبر ابوج ؟؟


انتي تزوجتي الحين خلاص اذا الرجال ماعليه كلام وحبوب ماعليه مع العشره
والمواقف بتحبينه ...

واذا هم جذبو عليكم ليش انتو ماااسالتو عن الرجال ؟؟

والله نفس تفكيري

لحد البارحة احس عيوني بتطلع من البكي اقول شلون نصيبي صار معاه بس ماهمني لو انا وافقت من نفسي علية اتحمل واصبر ويمكن احبة

لكن لانهم كذبو علي وماقالو الصدق احس موقادرة اتحمل حتى اهله لان هم السبب

 

[ايام وردية]

رد : ماحب زوجي

عادي حبيبتي
خلاص اللي صار صار
وانشاءالله تعيشون احلى حياة
بالعكس الكبير يكون فاهم وعاقل

سبحان الله وبحمده

سبحان الله العظيم[/quote

ياقلبي عليك ان شاءالله مع الايام اتعدل

اهم شي الحب اما اذا كان من طرف واحد مايسوى

 

[i'm so happy]

خلاص الحين اللي صار صـار ماتقدرين تغيرين شي ولا تقولين شي
ومدام معاج زوجج طيب واحبج شتبين اكثر من جذي ياقلبي اهم شي طيبة القلب والاخلاق ومصلي وخايف ربه
وحطج فيه عيونة ولا العمر مايأثـــر أبد أبد وفعلا هله مايستحون واللي سوووه غلط لكن ربج كريم الله يسامحهم

 

[شمس 20]

مالومج من الصدمه والله حاسه فيج =(

خلاص ارضي بنصيبج تزوجتي الحين والله موحلوه تتطلقين عشان عمره يمكن بعدين رااح يجيج واحد بعمره بعد ماتدرين !!

قولي قدر الله وماشاء فعل ، وانتي الحين بحالة صدمه ، مع الايام بتتعودين عليه وان شالله اتحبينه عاادي

بس المساله يبيلها وقت شوي

والله يوفقج يا ايام ورديه

 

[ايام وردية]

رد : ماحب زوجي

امبيييييييييييييييييه

الريال ماغلط بس الغلط اسمحيلي على اهلج شلون ماقالو لج الصج!!!!!!!!!!!!

بس دام الريال زين ويحبج وشاريج خلاص مايفرق العمر ويا حبيبتي عن تجربه اخ>ي اللي يحبج ولاتاخذين اللي تحبينه

وعطي الريال ونفسج فرصه مع الوقت بتحبينه بس شيلي سالفة العمر وصدقيني بتعيشين ان شا الله احلا حياة والله يوفقج

حبيبتي اهلي مالهم شغل بالموضوع
اهلي مثلي حسبالنا عمرو 28
لا اهلة لما جو يطلبون قالو عمر ولدنا 28 ونبي البنت اصغر من 28 وانا اصغر من هالعمر بكم سنة

وحنا وافقنا وبعد الزواج انا شفت شكلة انة كبير حتى ماشفت لاشهادة ميلاد او كرت عائلة لان بعد يومين من الزواج سالتة

الله يسعدك مشكورة حبيبتي

 

[~LiBrA~]

رد : ماحب زوجي

ام حيدر حبيبتي اللة يرزقك بحيدر يارب

مدري كيف طافت اخواني المفروض يشوفون عمرة بشهادة الميلاد بس مانتبهوو

هو طيب ويحبني بس موقادرة احبة يمكن مع الايام على قولتك احبة

حبيبتي لاتحاتين صج الفرق كبير

بس راح تحبينه مع الوقت اذا اهو خوش ريال

وصدقيني راح تتذكرين كلامي بعدين

اشتبين بالشباب الي يأذيج بسوالفه وطلعاته لان للحين يبي يعيش حياته ويستانس

لكن الكبير خلاص شايف الدنيا وشبعان وانشالله راح يعوضج

بس اذا السالفه بخاطرج

قعدي معاه كلميه قوليله ليش جذبتو علي؟؟ بس بدون عصبيه بس تشرهي عليه

وفهمي وجهة نظرهم بالموضوع

 

[ايام وردية]

رد : رد: ماحب زوجي

خلاص الحين اللي صار صـار ماتقدرين تغيرين شي ولا تقولين شي
ومدام معاج زوجج طيب واحبج شتبين اكثر من جذي ياقلبي اهم شي طيبة القلب والاخلاق ومصلي وخايف ربه
وحطج فيه عيونة ولا العمر مايأثـــر أبد أبد وفعلا هله مايستحون واللي سوووه غلط لكن ربج كريم الله يسامحهم

اي والله ماقدر اغير شي بس طايحة بكى مع نفسي

وانا مابي اظلمة يحبني بشكل مو طبيعي حتى من العمل يرجع يقول بس بشوفك
بس ماعرف ادير قلبي بيدي واغصبة اني احبة
الله المستعان

حبيبتي مشكورة الله يوفقك

 

[.،:"$الـعـوبــــة$":،.]

رد : ماحب زوجي

بعد عمري والله ،
ادري صدمة ! بس يمكن اذا الأم كبيرة بالسن خارتها ! تبي تقول 38 قالت 28 !!
<< يعني بترقعلهم !!:eh_s(1):
بس شوفي ، هذا نصيبك ، يمكن خيرة إنك ماعرفتي عمره عشان ماترفضينه !
وانتي ماشفتي منه شي غلط للحين ؟
يمكن الرجال تكانة وثقيل ويحبك ويعزك ويخليك تقولين ( ابرك كذبة جمعتني فيه ) !!
اصبري وشوفي ،،
وترى ياكثر البنات اللي ياخذون رياجيل اكبر منهم بواجد ! وتلقينهم عايشين احسن عيشة !!
عكس اللي تاخذ كبرها ويكون صغير بالعمر ومطفوق وملقوف يطلع عويناتك من طقة فرض شخصية !!
أنا أقول تعوذي من ابليس وعطي الرجال فرصة ، وعسى الله يسخره لك يارب ويوفقك ويهنيك ،
<< والله ادعي لك من كل قلبي .​

 

[sweet dashttya]

رد : ماحب زوجي

الله يعينج

الحب ايي مع العشره ومع الايام راح تتعودين عليه وتحبينه بس الحين لان توكم متزوجين

 

[غمزه وإبتسامه]

اهلج يوم الملجه مااشاافووو عمره اخوانج مااسالوه جم عمره ؟؟

 

[ريشه123]

حبيبتي ترى فرق العمر مو مهم .. بالعمر هذا بالعكس يكون تفكيره ناضج ولا ياهل وتوووه يبي يفرض شخصيته
حبيبتي ترى الحب ماايجي على طول .. يتكون ويبين مع الايام والعشره ... وشنو تفرق 10 سنوات ؟؟؟
وانتي خذي هالنقطه ميزه لج انتهزيهااا تدلعي وتدللي عليه وصدقيني بذكائج راح يحبج اكثر وانتي بعدين اللي بتلززززقين فيه
وقووولي ماقلت لج

اختي حبيبتي لاتحطين حواجز مالها اي فايده ولاتضيعين عمرج بسوالف تقدرين انتي تشكلينها وتكيفين عمرج عليها ترى مو صعبه ابد ابد ابد

ساليني انا فرق بيني وبين ريلي 10 سنوووات
هذا هو الحين مااناديه الا ياااشااايب ( اتحلى عليه ) وهذا انا للحين الحمدالله صغيره

 

[عاشقة-الكفيل]

رد : ماحب زوجي

لاحول ولا صوة الا بالله العلي العظيم
انزين وقت الزواج ماطلبو اثباته بطاقته المدنيه ؟؟
واهلج ماشافو بطاقته ..؟؟