ماحب خالتي ومجبورة أعيش معاها

[اميره1980]

حرام و الله
انتي حاطه في بالج عنها مو زينة و كل حريم حموانج خلوها بروحها و تبين تقلدينهم و تطلعين منها
حطي روحج مكانها و عيالج يخلونج بهالعمر بروحج و لا احد من عيالج رغم كثرتهم بعيدين عنج شتسوين ؟
تدرين لج ثواب على مداراتج لها و كملي جميلج و اعتبريها امج و ترا محبتها من محبه زوجج
و ترا هي مسكينة قاعدة تتدخل باموركم من الفراغ و قله الزيارات لها تبي تلهي نفسها باي شي حتى لو تتهاوش وياكم تفكيرها على قدها جذي
اعتبريها امج و صبري و حاولي تشترين خاطرها

 

[BubbLe87]

اف اكسرت خاطري
واي يا رب لا تعاقبنا
شكثر اناجر امي على سوالف تافهة
لاحول و لا قوة الا بالله مدري ليش صرنا مانتحمل شي
ا رب تسامحني والله عورت قلبي

 

[انثى عاشقة]

مبين ان فيج الخير
اذا عندج القدرة تتحملينها لاتقصري
واحتسبي الاجر من الله
سبحان الله اختي تزوجت واحدعسسسسسسسل
بس امه عسرة نسرة
وسوت في اختي الي ما يتسوى
واختي ضلت تعاملها بالطيب
لحد ما تغيرت ام زوجها وصارت تغليها حييييييييييييييل
يمكن الله يبدل حالها ماتدرين ​

 

[ام الشقى]

تهادوا تحابوا >>كلام الرسول صل الله عليه وسلم صلوا ع حيبب
اهديها سوالف معها لاغثتج اضحكي ابتسمي اعزميها ع طلعه بحديقه عاامه مو مجمعات غمته
الحريم كبار يحبون لاماكن المفتوحه لو تسوين قهوتج وجاي وحلو وتروحين للحديقه العامه عشان تاخذ راحتها اكثر ماكو ناس واجد
مالت المنطقه او البحر ...خليها عاده هندج مرة بالاسبوع

والله يهديها

 

[Vous jamais]

الله يعطيج العافية

ميخالف حبيبتي احتسبي الأجر

 

[ام فواازي]

تحمليها واخذي اجر من ربج وتكبرين بعين زوجج لو شافج باره بامه

 

[سمراء كويتية]

احتسبي الاجر وطولي بالج عليها

 

[صمت المرافئ]

الله يعينج ...
حاسة بالوضع اللي تعيشينه ...
إذا عيالها ما يبونها ولا يجتمعون عندها !!!
أعرف وحدة نفس حالتج ... جان مو انت ؟؟؟
مالج إلا الصبر ...
ينطبق عليج المثل :
اصبر على جار السوء يا يرحل يا تجيله مصيبة تاخذه !!!
​

 

[NZaKa]

من ناحية مجبوره لا انتي مو مجبوره لكن احتسبي الاجر وتخيليانها امج !! ترا يمكن بسبب الضغوط النفسيه اهي جذي
مهما قالت طوفي

وحاولي تكلمين ريلج يحاجي بناتها او اخوانه ويمعهم ويقولهم هذي امنا مايصير مهما تسوي ترا هذي عامود البيت

 

[noorالدنيا]

حبيبتي أصبري وتحملي , واجرك على الله . وبتشوفينها بتوفيق عيالك وصلاحهم ..... وتذكري إن الحياة قصيرة . وبيجي يوم يصير فيه كل شئ مجرد ذكريات .

 

[عهدالرياض]

معهااااااااااا
>>>

تهادوا تحابوا >>كلام الرسول صل الله عليه وسلم صلوا ع حيبب
اهديها سوالف معها لاغثتج اضحكي ابتسمي اعزميها ع طلعه بحديقه عاامه مو مجمعات غمته
الحريم كبار يحبون لاماكن المفتوحه لو تسوين قهوتج وجاي وحلو وتروحين للحديقه العامه عشان تاخذ راحتها اكثر ماكو ناس واجد
مالت المنطقه او البحر ...خليها عاده هندج مرة بالاسبوع

والله يهديها ​

لاكن بضيف ... حاولي تخلين حمواتك يجون .. وعيالهم .. مرة بالاسبوع على قهوة ..
قربيهم منها ,,ةلك لك اجر فرحتها ودخلتها عليهم ..

 

[زوجة عزيز]

الله يساعدج ويعينج

 

[مالي بالدنيا حظ]

(ماعليه) على جر ان شالله يمكن على ايدج تتغير !!

بس والله ماالومك الله يعينج

 

[طموحه بزياده]

الله يعينج



حلو تحتسبين الاجر بس هم من حقج تعيشين مرتاحه


الله يهديها يارب

 

[Koka_alotaibi]

الله يهديها لج ويسخرها
ويسعدج من زوجج

 

[Mjnont '3lay]

للاسف اجرج وصبرج راح بهالموضوع وبالذات بآخر كلمه




يمكن فراقج عند الله يصير قبل فراقها

وبروحج قلتي


يعني هي بأرذل العمر

كلامها عند الله مأجور وغير محاسبه عليه


يا بشر اتقوا الله بكبار السن

فما بالكم بامهات ازواجكم
وجدات عيالكم

تجاوزي عن اخطائها ....غضي النظر عن كلامها

ولكن اشره على عيالها وبناتها اللي تاركينها تحت رحمه الجناين

اللهم ترزقني بزوجات لعيالي يخافون ربهم فيني ولا تحرمني من بر عيالي واحفادي يا ارحم الراحمين

فوفو المنغثه منج

ههههههههههههههههههههههههه ضحكتني كلمتج الاخيره

امين الله يرزقج برهم ويرزقج جنات يخافون ربهم فيج

صاادقه عورني قلبي على خالة صاحبة الموضوع حرام مهما يكون كبيره مالها احد عيالهم تخلو عنها لو صاحبة الموضوع حطت نفسها مكانها جان ماقالت هالكلام
الله يعينج يا صاحبة الموضوع بس حرام اللي قلتيه بحقها شنو تبين فرقاها حطي نفسج مكانها عيالج كلهم تخلو عنج ومحد يبيج حتى لو انتي السبب بهالشي بس صرتي وبهالعمر وحيده شنو شعورج !!
حرام و الله احتسبي الاجر فيها وطنشي لو امج اللي مسويه جذي بتقولين ابي فرقاها !!
اعتبري خالتج امج الثانيه واقصري الشر حراااام و الله بيآجرج على تحملج وصبرج

 

[الغضى]

كبيره بالعمر تغافلي عنها
ومسكينه من البلاوي اللي فيها
تحط الحرة فيج.

 

[جـــواهر]

اولا لكي الأجر والثواب علي حسن معاملتها ومساعدة الزوج علي بر امه
ثاني شي بما ان الكل بيعرفها و ما حدا بيحبها وعارفين تصرفاتها و كلامها
بالتالي ما حد رح يصدقها لو تكلمت عنك او شوهت صورتك
انا مجربه وبعرف انو صعب جداً تحمل هالنوع من الناس لكن انتي مجبورة
وبالتالي لازم تتاقلمي علي الوضع و تحاولي تغيري منها ومن شخصيتها
واهم شي هالموضوع ما يأثر علي علاقتك بزوجك ولا تشتكي منها أمامه
و حاولي تتغافلي و تطنشي كل تصرفاتها والله بتريحي راااااسك
كثر الكلام والجدال والمشاكل ما منو فايدة
والله يعينك

عدل كلامج

 

[كارلوفي فاري]

احتسبي الاجر

 

[كميليا]

تصدقين انتي مثل حالتي بالظبط بس انا الفرق عنج اني الجنه الوحيده لها
لا بناتها يحبونها ولا عيالها ولا حتى اهلها حمدالله والشكر بيت مافي زوار ولا ظيوووف

بداية زواجي كنت احسبها المظلومه من كلامها وبعدين عرفت مع العشره انها نسره
و ماتعااااااااااشر ابدا وحتى انا الجنه الوحيده ماسلمت منها ومن رداها اللي ماله نهاااااااااايه

استغفر الله