ماتوقعت اني اتعذب بفراقك بس دحين اتمنى الموت ولا اعيش لحظة بدوونه

[سكوتي بذوقي]

ليش ساكته

الساكت عن الحق شيطان أخرس

وامك وجدتك غلطانين عاونوكِ على استمرار علاقهتم

على الفساد وخالتك مستمره بالغلط ماشافت أي أحد يوقفها عند حدها

سوي نسخ من الميموري وسمعيهم صوتها وريهم صورها

وري زوجها علشان تتأدب

 

[سكره مالحه]

حبيبتى خلج من الردود المتهوره
طالما تحبينه ويحبج
والمره عرفا ما لها الا زوجها
ردى له بس التصرف الصج مع خالتج
اردعيها وواجهيها لا تسكتين سكوتج كبر الموضوع وخلاها تتمادى
والله على الظالم
طالما عندج الدليل ليش ما تواجهينها
انتى ماسكه رقبتها بيدج ونهايتها ابدى بالستر اول بينج وبينها الله امرنا بالستر ا واذا ما تعدلت بعد الله معاج باللى تسوينه

 

[اسرار الغلا]

امحق خاله لاحول ولا قوة الا بالله

 

[Mrs Al-Nasser]

انتي من صجج !
كل هالبلاوي وساكته ؟ هذي خااالتج تعرفين يعني شنو خالتج
وتعرفين يعني شنو ريلج يخونج ويجامع وحده ثانيه فبيتج وعلى سريرج لااا ومو اي وحده خاالتج :|
وقاعده تحرج جذي وانتي ساكته؟
والله لو انا بدالج بس اعرف الموضوع اقلللب الدنيا كلهم على راسهم ثنينهم!
واهيا اوووول وحده اهددها بالصور والمكالمات اللي عندي واخليها بيزه ماتسوى ! مآ تستحي!
وعآدي والله .. مدام اهيا سوت جذي ولا احترمتني وماتستتتتحي اساساً وخربت بيتي , ليش انا استحي وما اوري احد صورها؟ اوري امي ويدتي واهددها بالباجي!

واهوآ بعد نفس الشي , لو صج تحبينه ماتخلينه جذيييه
عادي ساكته ولا جنه صاير شي !
اقلب البيت فوق راسه واسويها مصيييبه واهدده واهد البيت شهر شهرين ٣ ٤ لما يندددم عدل وايي يعتذر واتأكد ان تااب
واذا لأ .. مستحيل اعيش مع واحد جذي مايقدرني ولا يحترمني ومايخاااف الله ولا يخاف علي وعلى مشاعري ,

سووري شديت بالكلام شوي بس الصراحه السااااالفة تحرررررررر!
لاتقعدين ساكته , لاتهدمين بيتج وبنفس الوقت حسسيهم بالمصيبة اللي سووها
وخالتج لا تسكتين عنها لو شنو صار لما اتيي اهيا بنفسها تعتذر منج وتترجاج , لأن اللي سوته قوي حييييل حييل ماينسكت عنه مهمااا كان!

وسوووري تكلمت وايد
والله يحل السااالفه انشالله وتردين بييتج مع ريلج متفااهمين ومافيكم الا العافيه :eh_s(7):
​

 

[لحظآتَ]

لا حول ولا قوة الا باللللللللللللللللللله!!
الله يرحمنا برحمته شهالناس اللي ماتخاف ربها هذي !!

:

حبيبتي حنا مانقولج تطلقي ومدري شنو واتركيه ..
أوكيه زوجج وابو بنتج شي راجع لقوّة تحملج وصبرج على خيانته !!
لكن وين ردة فعلج الأساسيه؟؟
عبالج هذي طيبة قلب يعني؟؟
غلطـآآآآآآآآآآآآآآآآآآآآآآآآآآآآنـــه
اغلبيتنا طيبين قلب ولله الحمد وفينا رحمة . .. لكن مع الناس اللي تستاهل !!
مو مع [ خـَوَنه ] ...!!
بالذات خاااااااااااااااااالتج هذييييييييييييييييييي الله يرد كيدهـآ بنحرها يااااااارب
!!
حبيبتي انتي انظلمتي حيييييييل مو شوية ؟!
ليش مالج رد فعل؟؟
انتي متأكده [ انج تحبين زوجج ]؟؟؟
والله لو تحبينه صج .. جان استخفيتي وانهبلتي لا شفتيه [ يكلم ] بس [ يكلم ] غيرج !
فما بالج [ يزني ] وياها .. ومو اي وحده بعد .. [ خاااااااااالتج ] تخلخلت عظامها يارب وتفتتت عظمة عظمة .. :rgewrg:
يممممممممه مقهوره وربييييييي
مافيه انسان جذي اعصابه بارده
انتي يمكن للحين مصدومه ومو مصدقه اللي صار ..!!!!!!
يااختي البنات كلهم مااقصروا وكلهم نصائحهم عالجررررررررح
اختاري الحل اللي يعجبج .. والله يعينج ويوفقج ... :eh_s(11)::eh_s(16):

 

[بنت التمايمة]

بصراحه المفروض ماتسكتين
انتى معك سلاح قوي ضدها المموري حق زوجك اتصلي عليها وهدديها لو مابعدت عن زوجك بتفضحيها وارسلي لها صور من الممموري علشان تتاكد وهدديها انه بترسلين حق زوجها المكالمات والصور

خدي موقف بصراحه انتى مرره سلبيه

بكره تكون سبب بطلاقك وبنتك تتربى بعيد عن ابوها بسببها حسبي الله عليها

 

[موج-البحر]

حرام عليج اذا رجعتيله من صجج خليه بكيفهم الله يلعنه اذا اهو جذي استغفر الله

مالقى الا خالتج الحقيرة وهي متزوجة بعد حسبي الله ونعم الوكيل

اختي روحي لشيخ واستشيريه بالموضوع حرام تسكتين انتي ساكة عن حق ساكته عن

وحدة

لا ذمة ولاضمير تزني وهي متزوجة ؟؟؟؟ وتزني مع زوجج حلالج وانتي تقولين فاقدته ؟؟؟؟


استخيري واستشيري شيخ ​

 

[ميس لولو]

اسمحيلي حبيبتي على الكلام اللي بقوله بس لان اعتبرج مثل اختي بقوله لج
انتي انسانه بارده واللي سويتيه مافيه شي من العقل اشلون تسكتين على موضوع مثل جذي زوجج يخونج !!! لاااا وبعد مع منو خالتج وانتي مافي اي احساس اكيييد زوجج بيقول ان هالشي مايهمج وبعدين انتي طاح بيدج الميموري هذا بس يكفي تهددينهم فيه والله بيجونج راكعين لج بس انتي مسكينه وما تعرفين تتصرفين ونصيحه لوجه الله هالرجال شيليه من بالج دامه خانج مع اقرب الناس لج راح يخونج مع الغييير شتبين بواحد زاني وخاين اعوذ بالله شلون بتأمنين على بيتج وبنتج منه هذا ما يخاف الله وإن شاءالله خالتج ماتوفق لادنيا ولا اخره وانتي الله يوفقج ويرزقج باللي احسن منه

 

[نونه المنكوشه]

فوق كل هذا مشتاقتله اللي مثله ينطق بنعال اللي مثله ينداس انتي شلون ساكته اقلها فضحيهم تكفين شلون ساكته شنو انتي الوحده اذا خانها زوجها مع اي حثاله اتموت فمابالج اتكون قريبه وخالتج منحطه لووحده غيرج ماتطلب الطلاق لا اتروح تخلعه خلاص قولي حق نفسج اصحي ورب الكعبه قهرتيني ابرودج

 

[ღ كحلاء العين ღ]

،*

لـج خيآريـن مآلهم ثآلث


آلآووول تسگتين وتگتميين وتسگتيين ليييين مآ يصير فيج مرض لآ سمح آلله !

آو ليمآ تنفجريييين وتقطيين گللل آللي بقلبج وتصيرين نآآآآآآر مآ ترحميين آبدآ وبمگن حتي من آلحره تذبحينهم

لآ تستغربين آغلب آلجرآيم هذي بدآيتهآ آلسگوووت وآلگتمآآآن وفجآه تنفجرين وتسوين گل شي لآعقلآني …

خلصنآ من آلآول

آلثآنيے هو آلتصرف ومآ آدري ليش صعب هآلشي عندج ؟

آلعضوآت آقترحوآ عليج گذآ شي آقري آلردود آگثر من مره وآختآري وطبقي آللي ينآسبج !

من نآحية آمج وجدتج مآ آلومهم لآنه مآ يتصدق هآلشي حطي نفسج بموقعهم !!

روحي لآمج وجدتج وقولي لهم آسفه گآنت وحده تحط بيني وبينهآ شيلي هآلفگره من رآسهم …


وتعآآآآملي بسرييييييه تآآآآآآآآآمه لآتقولين لآحد آلآ آحنـآ وآحنآ آن شآء آلله بنقوم بآلوآجب ونفيدج بگل شي …


من نآحية حبج لزوجج ؟

آعتبريـه مييت وترحمـي عليـه


آلحب مآينفع بهآلحآلـه بهآلحآآآآله آلحب تآخذينه وتولعين فيـه بآنزين ليين مآيصير رمآآآد …


وهآلرمآآآآد تحرقيييينه مليوووووووون مره لين مآ يبقي آلآ قليل وتآخذه آلريح !

يعنيے بآلمختصر عنوآن آلموضوع قطيه ورآ ظهرج !

وغيريـه لـ " مآتوقعت آني آفرح بفرقآگ بس دحين آتمنى لك آلموت ولآ تعيش بنفس گوني "


هذآ آلتفگير آلآيجآبي وآلصح …


وبذگرج بصديق قديم لج آظن نآسيته يسمونه " گرآآآآآآآآمـــــه "


وآنتـي بگل سهووولـــه تنآزلتي عنهآ لوآحد مآ يسوي ظفر جللب ؟

ترآ آلسآلفه گلهآ خآآآآآربــــــه و معققده فلآزم تتوآصلين معآنآ وتردين علينآ عشآن نقدر نسآعدج …


وآلله يعينج يآقلبي ويسهل علييج ويفگ گربتج عآآآجلآآ غير آجلآآ يآآآرب …​

 

[ღ كحلاء العين ღ]

حبيبتى خلج من الردود المتهوره
طالما تحبينه ويحبج
والمره عرفا ما لها الا زوجها
ردى له بس التصرف الصج مع خالتج
اردعيها وواجهيها لا تسكتين سكوتج كبر الموضوع وخلاها تتمادى
والله على الظالم
طالما عندج الدليل ليش ما تواجهينها
انتى ماسكه رقبتها بيدج ونهايتها ابدى بالستر اول بينج وبينها الله امرنا بالستر ا واذا ما تعدلت بعد الله معاج باللى تسوينه

،*

گلآآآمج صح لو گآن آصلآ زوجهآ ؟


بس بآآآلللله علييج هذآ زوووج !!


يخسسسي ويعقب يگون زوج وآلله آمرنآ بآلستر وبعد آمرنآ بعدم آلتهآون فآلگبآير وآلحدود …

وهذول مآ آستروآ علے نفسهم شلون تطلبين منهآ تستر عليهم !!

آلآخت قآعده تهدد وآلثآني يبحي عشآن بنتـه !!

شنو تو آلآحسآس طلع عنـده وآلآ شسآلفـه ؟

ردود آلينآت جدآ عقلآنيه وتنآسب آلموقف وهي بتختآر آللي ينآسبهآ وتطبقهم …

وآنتي بنصيحتج هذي قآعده تشجعينهآ علي خرآب بيتهآ ؟

شنو تصرفي مع خآلتج و روجج ردي لـه !!!


ليش زوجهآ بيبي ينقص عليـه ؟

لآ يآ مآمآ هذآآآ رجآآل " آلگلمه مگآنهآ غلط " ويقص مآ ينقص علـيه …

وذگـيي وفيه خببث بعد …

مثلآ هددت خآلتهآ وآفتگت منهآ ؟

آلبنآآآت گثآآآآآر وبيخونهآ مع وحده ثآنيه دآم مآفيه رآدع …


آلتصرف لآزم يشمل آلآثنيييين …


حسستوني هآلزوج عمله نآدره ومآ يتعوض ومن نآحية آلعرف آسحب علي گل آلآعرآف عآآدي


آلعرف مآ يتطبق آلآ عآلمره آمآ زوجهآ لآ معفففي من گل شي گل شي يسويه صح مو ؟

آلله يعينهآآآ وآلله مصييبه آللي هي فيـه

​

 

[قلبي يتبعك]

الله لا يبلانا ان شاء الله

وفووق اللي يسوويه مشتااقه له ؟؟

 

[حكستار]

اعطيهم فرصة اسبوع... وهدديهم...اثنينهم ما يستحون انتي ليش تستحين؟؟؟ لو صارت فضيحه عليهم هم مو انتي...
ولو ما اعتذر وحلف بالقران انه يقطعها وما يعودها ما ترجعين له.... هذي مو اي وحده...هذي خالتج...و لا هو استحى ولا هي استحت....خليج قويه... انتي صاحبة حق.
الله ياخذ حقج منهم اثنينهم وينصرج عليهم.

 

[جود المري]

أختي الحبيبه اعانك الله وربط على قلبك ...

عجبت حقاً من سكوتك كل هذه المده لو ان الأمر كان مقتصراً على المكالمات أو ماشابه لقُلتُ لك أن الإصلاح قد يكون حلاً لكن إن كنتِ متأكده من دخولها منزلك وممارستهما الفاحشة والعياذ بالله فسكوتك عنهما وعدم وضعك حد لهذه الفواحش معصية لله ..

كيف يهدأ لك بال وانتي ترين بيتك يُعصى الله فيه ؟!

كيف تنامين قريرة العين وأنتي تعلمين أن سريرك مُورست الرذيلة عليه ؟!

كيف بالله عليك تغضين الطرف عن محارم تنتهك وأعراض يُلعب بها ويُلهى !!!

أختي الحبيبه واضح من كلامك أنك من اهل المملكه فأنا أقترح عليك أن تتصلي بإحدى فروع الهيئة أو أحد المشائخ العاملين بها وتشرحين له الوضع كاملاً وإن أردتي المساعده فأنا حاضره ..

 

[sKntyny]

حبيبتي وووووينج كل مرا اشيك الموضوع ماكو شي كلللش

شصااار عليج

 

[أو عبوش]

السالفه مو داشه مخي كلش



انزين انتي موقلتي لامج وجدتج؟؟ شنو موقفهم؟؟ اوكي عرفنا انهم سكتوج وقالو اسكتي لا تخربين بيتها لانها متزوجه.......... انزين شنو رده فعلهم تجاهها؟؟ مسحوا على قذلتها مثلا؟ ولا قالوا لها عفيه عالشاطره؟؟؟؟؟؟؟؟؟


ياقلبي اذا هي متزوجه ومو خايفه من اختها اللي هي امج ولا من امها اللي هي جدتج وفوق هذا كله موخايفه حتى من رجلها وتهدد وتطرش لج مسجات اتركي البيت برضااااج@@ صج عااااد ؟؟؟ شناطره ماتفضحينها
عندج مخفر عندج اهلج اخوانج ابوج اهلها الرياجيل
هي ماخافت على نفسها او يوم عرفت انج عرفتي عالاقل تبي تبجي وتقول زوجي لا يدري ولا لا تخربين بيتي ......هذي قاعده تماااااادى

وصراحه رجلج (.........) ماودي اطب فيه ماحلا بعينه الا خالت مرته!!!!!!!!!!! تعتبر جده بنته اصلا هههههههه عفيه شهوه الله يلوع جبده


انتي بيدج كل الحق ولج كل الفرص بس انتي ماتبين تتحركين...... اما انه عاجبج الوضع..... او انج..... مادري والله ماتوقع في ناس بهالطيبه او السذاجه اللي انتي فيها

الله يعينج على نفسج

 

[احلام مكبوته]

ياااااااالله وساااااااكته .... الله يعينك والله لو اناااا اقوم امه لااله الاالله عليه .

 

[سكره مالحه]

اختى كحلاء العين ......اشكرج على ردج
بس انا بالبدايه احتريت مثلج واكثر بس لمن كتبت ما اقدر على فراقه
معناته تبيه
وطالما المره بمجتمعنا دايما تغفر للرجل خطيئته
ومن باب ان الله بيسالنى عن اللى بكتبه لها
ذكرت لها ردى
يعنى المره تحبه ومسامحته خلاص مالا داعى نحتر وننقهر على شانها ولا له داعى الله يحاسبنى على جم حرف اكتبهم لها
ممكن ما يرضى رب العالمين
ولا تنسين ان اللى يفرق بين اثنين ما يدش الجنه
ممكن تسمع لنصيحة وحده قالت لها تطلقى منه وهالبنت خذت ذنبها انا شكو ؟؟

ترا ساعات انا ارد من ورا قلبى بس عشان ما اؤثم
اتمنى وصلت

 

[ღ كحلاء العين ღ]

اختى كحلاء العين ......اشكرج على ردج
بس انا بالبدايه احتريت مثلج واكثر بس لمن كتبت ما اقدر على فراقه
معناته تبيه
وطالما المره بمجتمعنا دايما تغفر للرجل خطيئته
ومن باب ان الله بيسالنى عن اللى بكتبه لها
ذكرت لها ردى
يعنى المره تحبه ومسامحته خلاص مالا داعى نحتر وننقهر على شانها ولا له داعى الله يحاسبنى على جم حرف اكتبهم لها
ممكن ما يرضى رب العالمين
ولا تنسين ان اللى يفرق بين اثنين ما يدش الجنه
ممكن تسمع لنصيحة وحده قالت لها تطلقى منه وهالبنت خذت ذنبها انا شكو ؟؟

ترا ساعات انا ارد من ورا قلبى بس عشان ما اؤثم
اتمنى وصلت

،*

يآ حيآتي آنآ فآهمتج وفآهمه دآفعج …

وحتي لو كآنت تبيه وتحبه آلحُب مو ابدآ مبرر آنهآ تقعد في علآآقه فآشله !

مثل مآ طلآقهآ له سلبيآته هم له آيجآبيآته …

آنآ شآيله هم بنتهآ وهم نفسيتهآ ومحآتآتهآ آذآ آللي سوآه مو دآفع للطلآق آجل ليش موجود آلطلآق ؟

من حق آلبنت عليهآ آنهآ تختآر لهآ آلآبو آلزين وآبوهآ للآسف طلع تحت آلمستوي بكثير !

لو تسئلين آي بنت لهآ تجربه مع آبو سكير ويخون آمهآ مو بتكرهه هو بس !

لآ بتتعقد وتحققد و تكره نفسهآ فمآ بآلج وحده آبوهآ جذي ؟

وآلمشكله آصلآ مآ آنحلت !

يعني آنطري لين مآ حضرته يحس علي نفسه ويخليهآ

وآلثآنيـه تهدد ؟

آنآ مآ آقول تخلـيه لهآ ؟

آنآ آقول تهددهم وتعيشهم برعب ليين مآ تخليه خآلتهآ !


ووقتهآ هي بعد تخليـه وتعطيه آكبر طآآف بآلحيآه بس آهم شي مآ تسكت عن هآلوضع !

وتتفرغ عشآن تربي بنيتهآ وترتآح من هآلصدمـه شوي


مشكوورهـ :eh_s(17):

​

 

[Laidy n3ooma]

عمري ماشفت وحده ببرووووووووووووووودج

انتي السبب اللي خليتيهم يتمادوووون ويكسرووون راسج

ولا تعطينها مجال تستفزززززج بعد !!!!!!!!!!!

والله لراوي خلق الله الصووور كلها واراوي زوجهااا بعد

خربي حياتها مثل ماخربت حياتج

انتي حتى لو رجعتي عادي مع زوجج

بتظل العلاقه متوتره وخالتج فبيت زوجها متهنيه !!!!!!

اقول بلا هل بروووووود احسن