اللي تتحلطم من مستوى عيالها ,,,
يعني تبون عيالكم كله امتياز ومن الاوائل ؟؟؟
لازم في طلبه شطار وفي طلبه كسالى ,,,
وبعدين احنا مالنا ذنب الذنب ذنب الوزاره ومناهجها الدايخه
مو مثل مناهج قبل القويه اللي درسناها ,,,
والمعلمه مسكينه وين تلقاها من منو مالا من منو ؟؟؟
تخيلوا مدرستنا صارلهم اكثر من 3 اسابيع مهيتين البنات بدون تدريس
فعلي عشان يتدربون على حفلة التخرج ؟؟؟
اي ليش عاااااد ؟؟؟
تعب على المعلمات من تدريب ومتابعه للحفله ومراقبه ويشترون مستلزمات الحفله
والله ان الوكيله طلبت من بعض الابلات يشترون الحلو والفطاير على حسابهم
وصرف فلوس على غير معنى بس عشان يقولون بالجرايد المدرسه الفلانيه
سوت حفلة تخرج ؟؟؟
مو حرااام ,,,
واذا التدريس تدنى مستوى مثل ماتقولون من تدني مستوى المناهج
وتشتيت للمعلمات باشياء غير التدريس ,,,
من ورش ودروس ومعارض وندوات وغيرها شقول شخلي ,,,
واللي تقول 3 ساعات عمل ؟؟؟
عبالج شويه 3 ساعات توقفين وممنوع تشرحين وانتي قاعده عساج بتموتين
لأ لازم واقفه ,,,
ترى مو شويه توقفين وصوتج شطوله ينبح على البنات اللي حتى ما يحترمونج
وبعدين تقولون عيالنا يسقطون منكم ,,,
شلون تبون اشرح عدل وانا من قبل الساعه 7 اوقف بالشمس والا بالبرد
عشان مناوبه ؟؟؟
وبالهده اقعد لي الساعه 3 او اكثر ؟؟؟
واركض بال5 دقايق اشرف على الفصول ؟؟؟
وغيره وغيره وغيره ,,,
لا واذا صارت رئيسة القسم او الناظره او الموجهه من النوع اللعين
ويا كثرهم لا ما رحم ربي ,,,
وتظلمج بالتقدير عشان ما جاملتيها عدل ,,,
او رفضتي تسوين شي فوق طاقتج ومو من صميم عملج ,,,
او رفضتي تدفين مبالغ زايده ,,,
يا ويلج ويا سواد ليلج تخفس بتقديرج ,,,
وغير سوالف بعض المعلمات من نقل الحجي والتحرش ,,,
والقرارات السخيفه من طقة لحد يقعد بقسم ثاني ,,,
ممنوع تطلبون ريوق ,,,
ممنوع تسوين شاي وقهوه ,,, ممنوع تلبسين كذا ,,,
والله ثم والله ثم والله ان مره الناظره زفتني وكتبتني افاده لأنها شافتني
واقفه اسلم على ابله كانت توها جايه من اجازة وضع ؟؟؟؟
بس ما اقول الا عساها بذمتكم ياللي تقولون المعلمات مايستاهلون
احنا نستاهل اكثر من هالرواتب ,,,
لأنه المعلمه تشتغل الف شغله تحت مسمى وظيفي واحد ,,,
الله المستعان ...
