ماتستاهلون الكادر يامعلمات............

[+بسبوسة+]

السلام عليكم




اختي قارئة كلماتي...


سألخص لكي ما افعله في مدرستي...ولا تقولي لي ان هناك مدرسات لايعملون ما اعمل
لان في كل وظيفة هناك الصالح والطالح...

1- العمل الاساسي ( التدريس) متوسط الانصبة للمدرسات...12 حصة لصاحبة الجدول الخفيف..
اي 3 حصص يوميا...(45دقيقة 3x )

2-التحضير المسبق للدرس وليس كتابته فقط بل البحث عن وسيلة او ورقة عمل او عمل باوربوينت...

3- اشراف او مربية فصل...
اشراف بمعنى المسؤولية عن 3 فصول منذ بداية الدوام صباحا واخذ الغياب وتسليمه للسكرتارية وتأكد بين كل حصة واخرى من النظام في هذة الفصول والتبليغ عن اي معلمة تتأخر..
واي كلما اسمع الجرس اذهب لهذة الصفوف لاتاكد من نظام المعلمات ووصلهن.

مربية:عمل الشهادات.وتجميعها من المدرسات مادة مادة

4-اخذ حصص احتياط... (اتعجب الديرة ممتلئة بفتيات بيحثن عن وظيفة لم لا يتوظفن بمسمى معلمة احتياط وبراتب اقل؟؟)

5-توقع حضور المشرفة او الناظرة او الموجه في اي وقت للتقييم.

6-الذهاب مع الطالبات بعد الحصة الثانية لاستلام الوجبات... اذا ابلة ضميرها حي بنات تبدأبنصائح حول النظافة والاكل الصحي.

7-كتابة تقارير عن الطلبة المميزين والضعاف وتسليمه للادارة.

8-عمل ورشة عمل مصغرة مرة في السنة لمدرسات القسم

9-استدعاء اولياء الامور حين تنزل درجات بناتهم حتى لا تلومني الناظرة لعدم التبليغ!

10-عمل برنامج اذاعة.

11-مناوبة يوم في الاسبوع في الفرص للتأكد من سلامة الطالبات.

12- مناوبة اول الدوام واخر الدوام مرتين في الكورس...تصل احيانا للساعة 3 العصر

13-المشاركة في الفعاليات التي تقيمها المدرسة بصورة مشرفة وقوية
مثل يوم الام. يوم المعلم.

14-تفعيل القيمة...كل اسبوع هناك قيمة مثلا الصدق...اول 5 دقايق من الحصة نتحدث مع الطالبات عن القيمة.

15- عمل اختبارات.
16-عمل نماذج اختبارات ومراجعة
17-نسيت مهارات الحياة..مادة نتحدث بها عن مهارات الحياة مثل الاعاقة والمساواة...حصة اسبوعيا لكل فصل مدة شهر ونص لكل معلمة

طبعا كل ما سبق لا يعتبر انجاز امام الادارات المدرسية... الانجاز هو عمل ورشة عمل او درس نموذجي وندعو فيه المسؤولين واهم شي البوفيه!!!

هذة هي وظيفتي ...

التي اتعب بها...لكني احبها اكثر مماتتخيلون..بل مما اتخيل انا..
وظيفتي التي اجد فيها طعم السعادة بين طالباتي وفرحتهم ومشاغبتهم...


احب وظيفتي....


واحزن حين اسمع شخصا يجرح معلمة....


وصج صج ماتستاهلون الكادر الي حاطينه....

لان مافي اي مبلغ يعادل كرفنا احنا نحتاج تقدير قبل اي شي!

 

[كرز حالي.]

اي والله
يعطيج العااااافيه
المعلمه تقوم بألللف وظيفه غير وظيفتها الأساسيه اللي اهيا التدريس
مثلا الدكتور فقط يعالج
والمهندس فقط يصمم
والمحامي فقط يترفع عن المتهمين
لكن احنااااااااااااااااااا
كل شيييي نسويء
لنا الأجر ان شاء الله

 

[lovely jojo]

الله يعطيج العافيه فعلا كلامج صحيح والوحده ماتبي الا التقدير والكلمه الطيبه ..

 

[+بسبوسة+]

اصلا مسمانا الجديد

(سوبر وومن))

 

[الأميرة كيرارا]

تستاهلون التقدير صج مهنة متعبة
الله يعينكم و لكم الاجر

 

[الدلال]

اي والله صدقتي

ماكو ثمن يعادل تعبنا

اجرنا على الله

 

[كويتية222]

المهنة رائعة لما تكون تعليم وتربية وتوجيه . . .

لكن لما تكون تعليم واشراف واحتياط ومراقبة وغياب وحضور وانصراف وبهذلة اهنيه بتكون متعبة !

للاسف المعلمة والمعلم ما اخذوا حقهم لا من تقدير ولامن كادر حتى الكادر الاكثر للي يديرون المدرسة من ع الكرسي

انا اللي واقفين 45 دقيقة ليس لهم اي عزاء

 

[مـــامى]

محد ينكر ان الوظيفه متعبه ويارب يعطى العافيه لكل معلم فاهم رسالته ومخلص فيها ومع احترامى للكل لكن المدرسين سبب رئيسى لتدهور التعليم بالكويت واغلب اولياء الامور يشكون من مستوى التدريس بمدارسنا وطريقه تعامل المدرسه مع مشاكل ابنائهم التعليميه ومحد ينكر ان عندنا مدرسين زينين بس للاسف الاغلبيه لا وهذا الى خرب على المدرسين وخلى الاغلبيه ما تتعاطف معاهم ولا تقتنع باى زياده ماليه لهم ...الله يوفق الكل

 

[@ نجمة العطااا @]

الشكوى لغير الله مذله

 

[جان دارك]

ليت كل المدرسات مثلج
عالعموم انا مو مدرسه بس كلمة حق بقولها
بعض المدرسات تستاهل بدال الكادر
كادرين والبعض ماتستاهل حتى راتبها الاساسي
والله يوفق المخلصين

 

[أثير88]

كلامــج صح ،،،،
وتسلمين اهم شي التقديـــــر،،،،،،،،،،،

 

[رضاهم جنه]

محد ينكر ان الوظيفه متعبه ويارب يعطى العافيه لكل معلم فاهم رسالته ومخلص فيها ومع احترامى للكل لكن المدرسين سبب رئيسى لتدهور التعليم بالكويت واغلب اولياء الامور يشكون من مستوى التدريس بمدارسنا وطريقه تعامل المدرسه مع مشاكل ابنائهم التعليميه ومحد ينكر ان عندنا مدرسين زينين بس للاسف الاغلبيه لا وهذا الى خرب على المدرسين وخلى الاغلبيه ما تتعاطف معاهم ولا تقتنع باى زياده ماليه لهم ...الله يوفق الكل

تدرين ليش المستوى قل انا اقولج

قبل ماكانت فيه خرابيط قيم وورش وندوات ومسابقات ومطويات وبروشرات الخ الخ

الحين اذا تبين امتياز ويقدرونج المدرسه لازم تسوين شي يدرون فيه المنطقه والوزاره!!!

وتعبج الي بالحصه هذا مو ملقينه بال فشقعد يسوون المعلمات يطنشون بالتدريس واوراق العمل الي تقوي الطلبه ويتجهون لخرابيط الاداره
يعني الحين المعلمه بدال لا تعطي جهدها وتفكيرها لوسيله تخدم الطلبه للاسف تفكر بشي شلون ترضي الناظره ويعرفونها المنطقه
مثلا انا مره سويت ستاند حق مناسبه وقلت حق الناظره المراسل مو راضي يودي الاستاند للمنطقه تدرين شنو قالت : خلاص ننزل حصصج احتياط وتروحين !!!!:eh_s(1):
قلت لا انا ابي حصصي وبعدين اطلع
لو انا ابله بايعه ضميري كان قلت يا الله نزلوها احتياط ورحت اتمشى للمنطقه ومن باجر ادمج درسين مع بعض بالطقاق الطلبه
هذا الي صاير الحين يعطوني احتياط حق الابله فلانه واقول انا هذي شايفتها اليوم شلون تنزلون حصصها احتياط !!! يقولون الناظره مرسلتها تشتري علم !! شنو ماتعرف تشتري العصر او على نهايه الدوام وبعدين تجيج المعلمه تدمج الدروس مع بعض منو راح يعاقبها وهذي الي تاخذ امتياز وبجداره

 

[swarvoski^girl]

اييه والله صج صح لسانچ


نحتاج التقدير والتقدير والتقدير
الاحترام والاحترام والاحترام

 

[nadoy]

مبروك الكادر لكم

وبقولكم شغله

تحمدو ربكم غيركم مو محصل حتى 50 دينار

احنا شغلنا العن منكم وكراف حتى انداوم بنص الليل ويقولون لنا ماتستاهلون الكادر

احنا بيدنا حياتكم وماعطونا

ارضو باللي الله كتبه لكم

ولاتطالبون بالكثير لانه الحمدالله على النعمه اللي الله عطاها لكم

غيركم وايد شغلتهم خطره ومافي لهم حتى بدل عدوى او بدل خطر او حتى بدل شاشه

والفال لنا يارب

ادري الحين بتقولون هذي محتره لووووووووول

بس كلامي مافيه شي غلط

الحمدالله انهم ذكروكم بالكوادر

لانه في غيركم منسيين

 

[BlackRose]

بصراحة وتمنى محد يزعل من كلامي

منو قال ان الدكتور وظيفته يعالج وبس

ومنو قال ان المهندس وظيفته يصمم وبس

انا مهندسة

من صباح الله خير الف لف بالشوارع بين المواقع بالشمس والحر والغبار ماارجع البيت الا راسي مفتر غير كفخة الشمس براسي وغير ريحة العمال الارف

وبالاخير مدرسة قاعدة بمدرستها ومو طالعة تاخذ نفس راتبي

بصراحة ظلم

غير تعب الدراسة اللي درسناه وتعبنا فيه

ولا تقولون لي ان دراسة الهندسة نفس التربية

بصراحة ظلم

 

[كويتيه في روما]

بصراحة وتمنى محد يزعل من كلامي

منو قال ان الدكتور وظيفته يعالج وبس

ومنو قال ان المهندس وظيفته يصمم وبس

انا مهندسة

من صباح الله خير الف لف بالشوارع بين المواقع بالشمس والحر والغبار ماارجع البيت الا راسي مفتر غير كفخة الشمس براسي وغير ريحة العمال الارف

وبالاخير مدرسة قاعدة بمدرستها ومو طالعة تاخذ نفس راتبي

بصراحة ظلم

غير تعب الدراسة اللي درسناه وتعبنا فيه

ولا تقولون لي ان دراسة الهندسة نفس التربية

بصراحة ظلم

حبيبتي مو بس الهندسه الي تعبوا بالدراسه .. انا مدرسه بس خريجة كلية علوم تخصص جيولوجيا ... يعني كرفت كرف بدراستي كافي بس كورس حقلية عمان و الرحلات الاسبوعيه للبر وانتي ادرى بمواد كلية العلوم .. و غيري تخصص رياضيات او فيزيا او كيمياء ... ترا كلنا تعبنا بالدراسه

و بالنسبة للوظيفه ترا والله عن تجربه التدريس تعب محد يحس فيه الا الي جربه

نستاهل اكثر ...

وتحيه لكل موظف يحب الكويت :eh_s(7):

 

[كلنا نحب الكويت]

اب اب اب

 

[-مذهلهـ-]

عليكم بالف عافيه الكادر وتستاهلون اكثر
بصراحه في نقطه غابت عن الجميع
الي هي
ان لا المدرسه راضيه ولا السكرتيره راضيه ولا المهنده ولا المحاميه ولا القاضيه ولا حتى الوزيره بمعاشاتهم
الكل يشوف غيره ويقول احنا نستاهل اكثر منهم
واحنا نتعب اكثر منهم
يا بناااات هذي ارزاق كاتبها ربي لكم
تحمدو ربكم على النعمه
ولو كل وحده اقتنعت بمعاشها ربي بيبارك لها فيه
بدال ما تشوفين غيرك وكم معاشه انبسطي بمعاشك وصراحه
كافي كافي انكم موظفات وتستلمون رواتب
غيركم ياحرام عنده شهاده ومنقعه بالبيت لا وظيفه ولا هم يحزنون بعد
اللي ابي اوصله لكم
كل وحده تحمد ربها ولاتطالع غيرها لاوظيفتها ولا رتبتها ولا كم معاشها
ويعطيك الف عافيه صاحبه الموضوع

 

[خيشة شكر@]

قف للمعلم وفه التبجيلا عاد المعلم ان يكون رسولا
الدين الاسلامي اول مانطق به الوحي جبريل عليه السلام اقرأ

 

[zqertya]

اي والله كلامج صح على هالكرف مانشتغل لوعوا جبدنا وعلى فكرنا نصابنا 16 حصه بالاسبوع