ماتخيلت رجال يبكي الا لمن شفت بعيوني تعالو اسمعوا السالفه

[dectora 7elwa]

اللهم يخليهم لبعض

 

[نورالقمر24]

عادي زوجي باول ولاده لي دمعت عينه

 

[>>مرووم<<]

الحلو بالبنات يمشون مع المايه يعنى مشاءالله صاروا كل البنات ريايلهم يبجون كاااااااااااااااااااااااااااااك مشاءالله الله يديم المحبه واذا انكتب موضوع عن الجمال ومنو اتشابهين كل البنات طلعوا ملكات جمال هههههه واذا عن اللى اشباهه بيبى فيس الكل طلع اشباهه بيبى فيس احلى شى الواحد يكون مع الخيل ياشقرا

:krkrkr::eh_s(15):

يا حليله الله يخليهم لبعض:yaaaaaarb:

 

[Zen&7ala]

والله عور قلبي الله يخلييييها له يا رب والله احسه حنوون


انا دشيت و ريلي عندي لين امي يت و اهوا راح يناام -____- و قبل لا اولد يالي و قعد معاي بغرفة العمليات بس ما بجى

و عادي كان لووووووووول

 

[توام قلبه]

الله يخليهم لبعض...
شفتي السعودي احساسه مرهف فديييته ماكو مثله
​

 

[honey 2010]

وااااااااااااااي فديتكم والله ضحكتووووني الله يهني سعيد بسعيده

 

[تعبت اداري...~]

انا زوجي اجهش بالبكاء جدا

والرجال يجون يقولون يارجال هونها وتهون ان شاء الله تقوم بالسلامه

وزوجي لا هذي دام عزي الغاليه الحبيبه شريكة حياتي

ومن كثر البكاء طاح عليهم وحطو له درب وشلع الابرة وجاني لغرفة الولاده الله لايحرمني منه


<<<< احلام طموشه خخخخخخخخخخخخخخ

<< مافيه شي مستحيل عسى ربي يرزقنا بالزوج اللي مثله

لووووووووووووووول انتي سيم سيم انا
انا قعدت اتخيل اولد وسستر تقولي بوش يوش وانا مو اعارفه اولد
وريلي يمي والله اني دمعت عيني :eh_s(2):

 

[Mia_mIa_miA]

مسجين يمكن يحبها وايد

 

[ام الحلوااات]

بدون مقدمات بقول لكم السالفه:d أمس وبالتحديد الصباح أختي جاها طلق ورحت معاها المستشفى عشان كانت بتولد وأخوي وصلنا المشفى المهم قالو عمليه لازم وأحنا واقفين برا نتظر في الانتظار كان فيه رجال ملتزم ملتحي وكان سبحان الله النور في وجهه وفجئه هالرجال أجهش بالبكاء << متعوب عليها اجهش:eh_s(7): ​

لفت انتباهي وجلست اتمقل احاول أعرف شفيه يبكي يابنات يبكي بكا بصوت وأنين قطع قلبي قلت لأخوي شكل أحد مات عليهم المهم شوي جو أربع رجال عنده ويقولون له صل عالنبي شفيك مافيها الا العافيه ومدري وشو ويهدونه وهو يبكي وبعد شووي جلس جنب أخوي عاد أنا القافه قطعت قلبي قلت لأخوي اسئله سلامات وفعلا اخوي قاله سلامات قال ابد زوجتي تولد ونا قلقان مره وخايف انا تنحت معقووله يبكي بكاء قدام الله وخلقه عشان زوجته تولد والمصيبه سعودي لو اجنبي بمشيها قاله اخوي عمليه قال لا مو عمليه بس خايف عليها وعيونه تدمع اه وربي قلت بنفسي الله لايضره ويخليهم لبعض وتمنيت اتزوج واحد يحبني زي مايحب زوجته هالرجال :eh_s(2): لكن ماظنتي لان اغلب رجالنا قلوب متحجره:rgewrg::rgewrg::rgewrg: وبس حبيت اقولكم هالسولافه لاني مستغربه انو فيه رجال تبكي ع الحريم:eh_s(16):​

وش دعـــوة اخـــتــي الــرجـــال الــســعــودي مـــو رجـــال حــال الــرجـــاجـــبــل عـــنــده احـــســاس ووعـــواطــف ويــعــبــر عــن احــساســه بــدمــوعـــه ولا الســـعــودي طــايــح مــن عـــينــك اللـــي واضـــح انـــهــا مــليـــانـــة بــاالاجـــنــبــــي اللـــي مــاعـــنــده الا الــحـــكـــي وكـــلام الغـــزل الـــفــاضـــي مــثــل الـمــســـلــســـلات ودمـــوعـــــه اللـــي تنـــزل حــق الـــفـــراااغـــه قــبــل الحـــاجـــة يــس تـــعـــالـــي دوريـــه وقـــت الــجـــد !!!! اخـــتــي هاالــمـــواقـــف لهـــا اهــلــهــا لــهــا الــرحـــل الســـعـــودي و االــرجــل الخــليجـــي اهــل الــفــزعـــااات والــعـــواطـــف الجــياااشـــة واللــي دمــعــتهــم مــاتــنــزل الا للــشـديـــد الـــقــوي واذا انــتي فــــــي بــيــئــــج مــو شــايــفة رجــال يــبكــي لا لا لا لا تـــعــميـــن الــرجـــاجــيــل الســـعـــوديـــن كـــلهـــم ​

 

[ام الحلوااات]

كبيرات السن مو انبياء و ينزل عليهم الوحي من السما علشان تخلين كلامهم مسمار بلوح


ترى رسولنا الكريم عليه الصلاة و السلام بجي واهو ارجل الرجال

​

تـــســـلــم ايــــديــــك واللـــــــــه يــــــرحـــــــم مــــــن جـــابـــتـــك​

 

[كويتية222]

’​

عاآد الحين الاغلب بيقولون آنا ريلي بجى وآنا اوولد يا سبحاآآن الله .,!​

وهذا الله يخليه لمرته ويخليها له يمكن المره مريضه او فيها شي عشان جذي خايف عليها .,!​

هههههههههههههههههه اي والله انج صاجه يبتيها 2ردين قالوا :krkrkr:

وانا بعد وياااهم ريلي جذي فديته :eh_s(7):

 

[ام الحلوااات]

انا اجذب عليكم لو اقول انه يبجي بولادتي .. ولآ بكل ولاداتي يكون معاي​

بس لما تعبت عندي الكلى وكنت ابجي قالي عيب شكبرج وتبجين ​

وبعدين طلع وراح للدكتور وتهاوش معاه قاله مرتي تتألم سو لها شي ​

جاني الدكتور مبتسم يقولي زوجج هاوشني وعيونه تدمع كل هذا خوف عليج​

ولما جاني وقلت له اللي قال لي الدكتور ​

ضحك وعيونه مغورقه وقالي مصيبه إذا بعد هالسنين ما تعرفين غلاتج عندي ​

عسى الله لآ يخليني منه ​

ولو إنه مو شرط بالدموع والبجي يكون حب الزوج لزوجته يعني مو مقياس​

اللــــــه يـــقــــومــــــح بــاالــســـلامــــــة ويـــخــــليـــلـــج زووووجـــــج
الـــعـــشـــــرة مـــاتـــهــــــوووون حــتــى لــــو حـــاشـــــج بــــــرد
​

 

[حضرية وافتخر]

:krkrkr::krkrkr::krkrkr:
اشتغلت عيارة الحريم صارت كل وحده تقول زوجي امتلت عيونه با دموع وزاد خفاقن قلبه وارتفعت حرارته واغمى عليه
لووووووووول

 

[دلوعة حمني]

الله يهنيهم و يرزقج حبيبتي

 

[ملح الدنيآ.]

لا حبيبتي مو كل الرياييل قلوبهم متحجره ,, اتذكر يوم امي تولد اختي الصغيره ابوي ياحياتي كااان حييل متوكل على الله ويدعي لها بسم الله عليها بغت تروح منا لو مورحمه الله ,, مو شرط تشوفين دموع الريال عشان تحسين انه يحبج
وعسى الله يرزقج بالريال الصالح مثل ماتتمنينه ^_^​

 

[كويتية نايس]

ياسبحن الله اغلب البنات ازواجهم يبجوون


لوووول لاتزعلون الله يسخرهم لكم <<<وسامع يقول امين

 

[ناتشوو]

بنات
البجي مو دليل حب او معزة
بس في ناس دمعتهم قريبة
ويحاتون
حتى الحريم
في حريم بسرعة يبجون ويصرخون
وحريم دمعتهم صعبة
وناس حساسين وناس متماسكين
طرى علي واحد راح يزور رفيجه بالمستشفى
ولما شاف الطبيب يعطيه ابرة
طاح غشيان
وحطوه بالسرير اللي عنده على ما صحصح

واحنا الحريم مو سوى
انا اختي لو راحت الطبيب بياخذون تحليل دم من عيالها تقعد تبجي
انا لا ولا احساس عادي
بس كلنا نحب عيالنا
كل واحد عنده طريقته بالتعبير