ماتخافون الله حسبى الله ونعم الوكيل

[الحراير]

السلام عليكم

المناهج الموجوده حالياً تواكب العصر والكثير من مواضيعها تكون عن آخر ما توصل له العلم ......... بس وين المشكلة ؟؟

مشكلة وزارة التربية انها تبي توصل المعلومه لكن مع الاسف بطريقه مكثفه جداً ما يلحق الطالب انه يفهم أو يحفظ

مثلا كتاب العلوم للصف الخامس الجزء الثاني فيه 75 مفهوم وأكثر -لازم يحفظهم طبعا هذا غير المعلومات الثانيه يعني تحول منهج العلوم من مادة مختبر ومادة عملية صارت مادة حفظ مثل المواد الادبيه

في شي ثاني // تكرار نفس الموضوع بأكثر من مادة

شوفي كتاب الاجتماعيات يحتوي على مواضيع موجودة بمادة الوطنيه ومادة العلوم

وكتاب الدين نفس المواضيع في كتاب الوطنية والحياتية واللغة العربية

بالنسبة للغة الانجليزيه مع الاسف مجرد حفظ لمجموعه ضخمه من الكلمات لا يستفيد منها الطالب >> لو حاطين قصص مغامرات او قصص تاريخيه منها يتمتع الطالب ويستفيد من الحوارات الموجوده بالقصص علشان يقدر يصيغ حوارات بحياته اليومية اذ اضطر انه يتكلم انجليزي



بالنسبة لطريقة الامتحانات فااااااااااشله بكل المعايير

لأنها تعلم الطالب الاهمال وما عنده الا امتحانين بالكورس وضامن ان المدرسات راح يغششونه لأنه ما تدرب على الاختبارات وطريقتهم وفوق هذا كمية الاختبار كبيرة عليه


الخلاصه >> المناهج مو صعبه لكنها مكثفه بطريقة لا يستفيد منها الطالب، ولازم تعاد طريقة الاختبارات القديمة كل 4 اسابيع مع الاختبارات القصيرة

صاجه والله كثر الامتحانات تعلمهم اما العلوووووووم شي ثاني الكتاب شكبره مو مثل الاجتماعيات والوطنيه الواحد يقدر يستوعبها

 

[كربلائية]

[COLOR="كفيتوا ووفيتوا وكل واحد له وجهة نظر بس الاغلبيه يشتكى من المناهج والله يعين عيالنا وانا عن نفسى قبل كنت ابيهم امتيازات وتفوق بس الحين خل ينجحون ويمشون ومشكورين على ردودكمRed"][/والله يعين:j013:B][/COLOR]

 

[شيــوخه]

صراحه المناهج صعبه صعبه

وحسبي الله عليهم ونعم الوكييييييييييييل صراحه الي عنده برابعه وخامس وسادس وسابع وثامن شنو نسوي ندرس منو ولا منو انتابع منو ولا منو كل الاوادم تشتكييييييي كلهااااااااااااااا ولا حياه لمن تنادي حنا مالنا شغل بدول الي برى مناهجهم صعبه سهله مالنا شغل فيهم الي علينا ابديرتنا صراحه شي يغثثثثثثثثثث ومحد ماكلها غير الام ثم الام ثم الام هي الي اتودي وهي الي اتيب وهي الي اتجابل فوق هتدريس هذا كله شوفي الطلباااااااااات الي يطلبونها يعني الواحده تشق روحها بنص نص يدرس ونص يخلص طلباتهم حشى شنو اوادم احنا الي حامل والي عندها ياهل اصغير والي مريضه شنو انهد اشغالنا وعمرنا ونقعد بس على طلبات المدرسه وتدريس وبس

 

[يمة يادلبي]

بصراحة يعني
انتو مايعجبكم العجب
لو ظالين عالمناهج القديمة هم تحلطمتوا وقلتوا عن المناهج متخلفة
والحين ليش ان حاطين مناهج يديدة وتواكب التقدم والتطور هم مو عاجبكم
بس تدرون وين الغلط :
أول شي المفروض يطبقون هالمناهج على الي داشين اولى ابتدائي وبعدين يمشي معاهم
وثاني شي المفروض يحطون مدرسات شطار مو الي ععندنا الله بالخير اهي مو قاعدة تفهم شلون اليهال بيفتهمون
ثالث شي المفروض يقووون الروضة مالتهم عشان الياهل لا راح اولى ابتدائي يكون متأسس عدل مو بالروضة لعب وووناسة وياكلها لا راح الابتدائي

 

[الدلال]

ادرس ولدي يوم بيووم

ونهاية كل اسبووع اسوي له اختبار علشان اثبت معلوماته

وولدي ذكي وشاطر اسم الله عليه

ومع جذي يبجي تعقد من صعووبة المناهج

والادهى والامر طريقة الاسئله الغير مباشره

شنو على بالهم عيالنا؟؟؟ هل بعد خامس ابتدائي راح يرووح الطب ولا سادس؟؟

بلا تطوير بلا بطيخ

المفروض قبل لا نطور انجهز بيئه ملائمه للتطور

المعلمات مو فاهمين المنهج عدل, ومتوهقين والسنه الدراسيه مو مكفيه حق هالمجلدات اللي يقولون انها منهج!!

 

[غلا الروح79]

اب اب اب اب
اب اب

اب

 

[حروف من ذهب*]

اي والله صعبه حيييييييييل
بس العلوم حدث ولا حرج انا ماني فاهمه منه شي

 

[حنونه بطبعها]

مو كل المناهج صعبة بعضها سهل بعضها مناسب وبعضها صعب و ولكن الخلل بكمية المعلومات (حشو ) + الممدرسين الي ما يدرسون باخلاص مثل اول +طريقة توصيل المعلومه ( كروته ) + عيالنا وغيابهم الي ماله معنى قبل وبعد الاجازة شكل ضغط علي سلاسة توصيل المعلومه الوقت ما يكفي لتغطية المنهج ( كربلائية لا تتحسبين عليهم ادعي لعيالنا يالتوفيق ابرك )
وسلامتكم

 

[بنت الوفا]

صعبه وبعدين اهم ضيعوا عيالنا كل يوم مغير مناهج وحطي اشيا صعبه بعض إحنا مااخذنها شلون ندرس عيالنا عيالنا تخربطو ماقدرين يركزون كل سنه مطلعليه كتاب ومناهج غير

 

[كربلائية]

[/مبروك للناجحين وبشروا عيالكم شيابوا والله يوفق اللى ياب دور ثانتىb]

 

[كربلائية]

[/وابشركم بيغيرون المناهج بعدb]هذة حاله

 

[شيــوخه]

[/مبروك للناجحين وبشروا عيالكم شيابوا والله يوفق اللى ياب دور ثانتىb]

الله يبارك فيج عندي 2 انجحو والثالثه بصف خامس دور ثاني برياضيات :0bee2e8d89:

الله كريم ان شاءالله

 

[q879]

3 ناجحين والرابعة بصف الخامس دور ثاني بالانجليزي نبي موضوع بروحة حق الدور الثاني

 

[همسات ليالي]

المناهج صعبة مووووووت والمشكلة المعلمات مو متهيئين ولا فاهمين ضايعين ومعتمدين على انهم يغششون الطالب علشان نسب النحاج ما تنزل في المدرسة

 

[سمسم الجميلة]

وعليكم السلام ~

انا من وجهه نظري ...
المناااهج مو هينه ولا هي شوي ....انا بعاشر وبمدرسة خااااصة
وااااااايد حلوو المنهج .. بس يبيله درآسة قوية .. ومدرسين اوادم .. يعني صراحة اتحسب على ابلتي الفيزيا 24 ساعة .. لانها والله تدش تسولف ويا نفسها .. وقنالها شرحي نفس الاوادم تقوول وانا مااالي .. وقلنا حق الادارة ..قالو احنا مو مستغنيين عنها ..

يعني لازم يكون من الطرفين ... الاستاذ قاعد ما يشرح ولا شي ...ياخذ معاااشة .. ام القهر والله
بس بيض الله ويه احمد المليفي .. والله رااافع راااسنا .. زين شااال هالـ حاسوب والالعاااب النظري ..

انا خلصت امتحاناتي الحين ..والحمدلله وااااااااايد سهههل ..
صرااحة موضوووع وااايد حلو .. بس اقوول لو يشيلون نظام التراكمي اللي مسوي لي افلام رعب وايد ابرك (((

:eh_s(17):

 

[EleGanZa]

تبون الصراحه الخلل من الروضه !!!

لو في تاسيس من الروضه ويعلمونهم عالاحرف والكتابه بدال الرقص والهز والغناوي جان إحنا بخير

شنو بنت بأولى ابتدائي ماتعرف حتى تمسك القلم صح !!!

المدارس الخاصه من الروضه تاسيس ماكو دلع


وفوق هذا إحنا مدلعين عيالنا تلفونات طلعات هدايا فلوس مطاعم ماعليهم قاصر

لو انحرمو مثل غيرهم وحسوا بنعمه وأهميه آلشهاده جان شدو حيلهم مثل بعض الدول


ما انكر ان المناهج شوي صعبه بس اذا ماكو تاسيس من الصغر أكيد بتصير عليهم اصعب واصعب

والله خواتي انا اشوف ان الخلل موجود بالمعلم نفسه مايقدر يوصل المعلومه للطالب في مدرسين من دول عربيه حتى ما تفهمين شيقول

وفي خلل في ولي الامر وأسبابها كثيره

وخلل بالمناهج

وخلل بالطالب وكل طالب درجه استيعابه تختلف عن الثاني

وخلل بالوزاره


صج الله يعين !!! *

 

[عيون سارة]

اتشرف اني اكون اول وحده ترد على موضوعج

من وجهة نظري :

المناهج معقوله ما فيها شي بس اللي تدرس عيالها اخر الايام وطول السنه ما تدري عنهم اكيد تبي تدعي عاللي حط المناهج بس العيب مو من التربيه منكم ما تدرون عن عيالكم الا باخر السنه لا قربت الامتحانات

لازم نطور مناهجنا لي متى بنظل عالدروس القديمه والتافهه لازم نواكب التعليم شوفي الدول اللي يمنا والدول المتقدمه مو تدورون مناهج ومواضيع ودروس حال عليها الدهر مع اني طالبه بالجامعة بس عادي اساعد اخواني وخواتي الصغار ودروسهم مو صعبه حيل مثل ما قلتي مستواها وسط

وشكرا على الموضوع ولازم التربيه تجدد المناهج لي متى عيالنا ما يبون يتعلمون هذا من كثر الدلع والله ما خرب عيالنا غير الدلع

انا معاج
والمناهج على فكرة لو قريت من برا الكتاب تلقينها مترجمه من كتب اجنبيه

بصراحه لازم نتطور بعيالنا
بس الاهم والمهم مايغفلونا عن تدريبنا نحن المعلمات على الارتقاء بالعمليه التدريبيه

نحن نبي نتطور

اكثر واكثر

 

[حلم الطفولة]

3 ناجحين والرابعة بصف الخامس دور ثاني بالانجليزي نبي موضوع بروحة حق الدور الثاني

يالله فتحي موضوع حق الدور الثاني ،، هذا تصريح من المشرفه

 

[حلم الطفولة]

لحد الحين ماشالله الردود لبقة
أشكركم ،،
إذا تحبون يستمر الموضوع استمرو على نقاشكم كما أنتم ،، بدون سباب ولا جدال حاد.
بهدوء ،، ودون استخفاف ولا اسفاف


كملو ...

 

[تكييف]

صراحه الموضوع يعور القلب لان هذا موضوعنا واهتمامنا في كل وقت ومكان ؟؟؟ وانا اوافق الاخت المستغفره بكل حرف والثانيه نسيت جنه القران؟؟؟ المهم صج كلامهم حنا ندرس ليش ماندرس ونهتم حيل ونروح للمدرسات وماعندنا اهتمام الا اعيالنا بس حرام اهم شي المدرسه المدرسه؟؟ التقصير كله من المدرسه لازم لها الدور الكبير نفس قبل مو الحين كله على الام والبيت ولا شي عالمدرسه ؟؟ وبالاخير صج يغششونهم بالامتحانات وتخرب الدنيا ؟؟؟؟ والله قهر