عادي ليش شايله هم
انا منقبه و الحين مسافره سياحه أمريكا و اتمشى بنقابي و سعيده و الحمد لله
بالعكس اصلا في بعضهم اذا شافوني يبتسمون و يسلمون يستانسون على شكلي
و في بعضهم يطالعون مستغربين و مالومهم صج اول مره يشوفون نقاب فيستغربون
نفس لما احنا مثلا يايه ديرتنا راهبه و لابسه لبسها اكيد نطالع مستغربين لبسها
دايما حطي فبالج ان انتي الصح و مالج شغل باحد
فكري ان انتي لابسته طاعه و عشان ترضين ربج مو خايفه من نظرات ناس ماتعرف الله
صدقيني سهاله
انا فصلت لي اوفرول ملون الوان هاديه مثل ( بيج - بني فاتح - رمادي ) مع لفه فاتحه بيضه و بيج و نقابي الاسود
لان اهما يتشائمون من الاسود عندهم هذا لبس الساحرات
فصلتهم عند خياط شريت خام من البلوكات اسمه ( دمردين ) و فصلته و خليته واسع شوي
بالعكس طلع شكلي مرتب و حلو
سافري و استانسي ولا تحرمين نفسج من شي
