مابي مابي اتزوج اييي مو قصب ترا والله ابجي :"(

[انكسر خاطري]

رد : مابي مابي اتزوج اييي مو قصب ترا والله ابجي :"(

والله اخر زمن

صايرين مثل الغرب حب وغرام قبل الزواج وين حنا يبا اصحو
ترى والله نصيحة لكم من قلبي انتم في معصية وفي معصية كبيرة بعد
صارت الوحده تجاهر بالمعصية وبعد تزعل اذا احد نصحها وتزعل اذا احد قال لها اللي تسوينة كلة حرام في حرام
كيف بتكون حياتك المستقبلية مع انسان بداتي معه علاقة محرمة(لو بالتلفون) يمكن رب العالمين مايبارك لك فيها لانها بالحرام

امبييييية صج صج حنا في زمان المعصية والمجاهرة فيها شي عادي لاخر شي وبالعكس اللي ينصح هو اللي غلطان

يبا اتقو الله
اتقو الله اتقو الله
والله كل وحده لها علاقة مع واحد تدري انها حرام وتدري انها عايشة بمعصية بس اذا احد تكلم عليها زعلت وطنقرت

استغفرالله

ملاحظة الكلام عام مو بس لصاحبة الموضوع

 

[QT]

رد : مابي مابي اتزوج اييي مو قصب ترا والله ابجي :"(

شوفي

انا متحسفة قد شعر راسي

لانه كان يوم من الايام في خطاب يطقون البيت

والحين من ثلاث سنين

ولا احد طق الباب ولا احد يجيب لي طاري العرس او خطبة


واتوقع خلاص عن نفسي غسلت ايدي من شي (( الفستان الابيض والعرس ))


خلاص وصلت ثلاثين

ومااتوقع احد راح يذكرني بالمرة

او ان طريت في بالهم

بيقولون كبيرة











نصيحة ان جالج النصيب لا تريده

بخاطري اقول لج دزيه لي وانا اعطيه المهر


بس شنسوي


خلاص راح العمر


تعوذي من ابليس وروحي
وحسي بالزواج
والزوج

روحي يا بنت الحلال

روحي

 

[QT]

رد : مابي مابي اتزوج اييي مو قصب ترا والله ابجي :"(

9 سنين؟

من صجج انتي؟












تزوجي من واحد خاطبج

ولا تاخذين واحد يتسلى فيج

تسع سنين؟


كان الحين انتي متزوجة وعندج بنت او ولد بالابتدائي

منتي صاحية صراحة على هالتصرف

 

[Vouge]

رد : مابي مابي اتزوج اييي مو قصب ترا والله ابجي :"(

شكلج متيمه



أنا بقولج شي .. حطيه مثل التراجي بأذونج
كبري مخج معاي .. و فهمي اللي بقوله زييييييين



الرياااال .. قبل الزوااااج شي .. و بعد الزواااج شي ثاااااااااااااااني
و الريال بعد الزواج شي .. و بعد البيبي شي ثااااااااااالث



يعني .. لا تحطين ببالج إن هالصبي اللي معاملته معاج من 9 سنين حلوة
ما راح تتغير بعد الزواج و إنج واثقة بكون نفسه


أنا ما أقولج بينقلب 180 درجة .. لأ .. مو هذا اللي أقوله
لكن راح يتغير عليج .. و راح توقفين مع نفسج وقفات بتسئلين نفسج
"ليش تغير؟"


و الصج .. إن هاذي طبيعه الريال .. لما ما يكون الشي بيده و هو صج يبيه
يصيرلج سوبرمان و قرندايز و الرجل الحديدي و زورو عشان يوصل للي يبيه


و إن حصله .. يصير الريال عادي .. و بتشوفون بشريته.(من كلمة بشر) ... بمعنى
بتشوفين عيوبه و أغلاطه و يمكن تتساءلين "شلون كنت عميه لي هالدرجة؟ !!





صج الحب شي حلو .. و إن كنت ما أأيد إن يكون الحب غير شرعي
لكن محد يقدر ينكر إن الحب حلوو



لكن .. الحب في الزواج مو كااافي .. هل إنتي واثقة 100% إن هالصبي
عنده مقومات الزوج .. غير الحب؟


إذا متأكدة .. و متيقنه إن هو رجل بمعنى الكلمة
و فامهه إن الحب بعد ما كان ضارب مخكم بصير متوازن
و بعد ما كانت دقات قلوبكم ترقص و تطبل .. بتدق دقات منتظمة


عطيه 2011 كلها
يتخرج .. و يتوظف و يتقدم لج
كلها ب2011


1-1-2012
إذا ما تقدم لج رسمي


خلاص .. حطي X عليه و إن كان عنده أكبر عذر بالعالم
حتى لو كان عذره يهز اللي ما يهتز
حتى لو اهو خلص سنه 2011 مرافق أبوه ولا أمه علاج عشان جذي ما لقاله وظيفه



لا تقبلين أي عذرر عطيتيه 10 سنين من عمرج .. و أعتقد 10 سنين كفاية .. مو !


لأنج إنتي اللي بتخسرين في النهاية
احنا كبنات مو بس محتاجين الزوج .. محتاجين اليهال

لا تقولين لأ .. مهما كنتي حجر بالنسبة لليهال .. يوم بفز قلبج على البيبي
و البيبي ما ايي إلا بالزواج !


و لي كبرتي و ما تزوجتي .. و رفيجاتج تزوجو .. عبالج بظلون رفيجاتج
لا .. كل وحدة بتخاف على ريلها منج .. حتى لو إنتي أحسن أخلاق
بس البنات بخافون منج


و و مشكله البنات.. مو مثلهم كصبيان

اهو بس يطق راسه يتزوج .. يدور و ياخذ على هواه
لكن البنات .. نطري أحد يذكرج .. نطري اييج اللي ماشي مع نظامج

هذا إذا ياج !!!

قصة!




الود ودي أقولج هديه و اخذي اللي يتقدم لج
بس أدري .. إن الحب عمي !

 

[حبيبه بدر]

الله يرزقج الي فيه الخير

 

[MISS-_-FLOWER]

رد : رد: مابي مابي اتزوج اييي مو قصب ترا والله ابجي :"(

اكثر ردين عجبوني كنت افكر جذي انا بس المشكله انه كان يدري ويعصب ويزعل

و قايلي لو قعدتي وشفتي غيري ابيج تنسيني والله معاج

لان كل يقولي انا مو طوفه ولعبه عندج

اتخيل روحي لمه اقعد معه الخطاطيب ويشوفني شلون يسألوني يمه احسه بيذبحني :krkrkr:

شنو مايرحم ولا يخلي رحمة الله تنزل
قوليله هذا الحل الوحيد عشان أسكت أهلي وعشان مايشكون بخلاقي و أمهد الطريج حقك مايصير أرفض الكل ولين أتيي أرضى عليك راح بشكون وإذا موراضي سووو شي

 

[فيونكه حمره]

بنــــــــــــــــات

بعضكم مو فاهم شسالفه انا توني عمري 22 والعمر بعده جدامي يعني لو بقعد انطر بعد 3 شهور راح اعنس ليمه يتخرج وهذا الوعد بينه!! شي غريب ليش مو فاهمين ترا والله انا مو ميته على الزواج ولا خايفه اني اعنس بالعكس انا من بعد حبيبي وييييع مابي الرياييل كلهم شحقه اتزوج ليش اعيش اسلي عمري بمشاريع اشتري عقارات وارتقي بوظيفتي واعيش كل يوم بحياتي بس عشان ارضي امي واخليها راضيه عني والله مااتحسف على ريال اوكي ممكن اشتاق يكون لي ياهل بس هذا النقطه الوحيده !!


الي تقولي لو انتي متزوجه جان عندج ياهل بالابتدائي شلووون جذي يعني اتزوج لمه كان عمري 13 ؟!

انا اثق بحبيبي واعرف اخلاقه سالت عنه وايد وشفت بعيني وايد واعرف منو ربعه ومنو يماشي واعرف اهله وطبايعهم واعرف كلشي فيه حتى عيوبه اعرفها وادري انه بعد الزواج فيه اشياء بتتغير بس اكيد الي اعرفه انه معدنه وطيبته و اصله وقلبه الطيب راح يبقون وفووق هذا يخااف الله فيني واهو خاايف وعارف ربه

هذا شي محد يحسه فيكم ولو مهما اكتب مراح تحسون

الموضوع بدايه كان عن اهلي وشلون اقنعهم مابي الزواج الحين بس انتو دشيتو باخلاق الريال وقصب قصب تبوني اتزوجه
الحين

 

[غير كل الناس]

ودي ودي صج هذا الشي وايد افكر واضمن امي انه مااطلع سري لاحد

بس تخيلي كل هلسنين اكلمه وعمره امي حتى ماطاحت علي ولاجكت فيني بشي وثقتها فيني كبيره لابعد الحدوود


تتوقعين بتتفهمني لو قلت لها واهي طيبه وهمن ساعات اكيد اقول راح تفهمني ؟

ماله داعي تقولين 9 سنين والقصه كامله <<<< الله يهديج مدبلج مب قصه حب

((قولي يمه في شخص انا احبه ويبي يتقدم لي وشاريني وبالنهايه الراي الاول والاخير لكم انتو اذا شفتوه تقررون بس يايما انا ابيه وابي تساعديني ))​

 

[MISS-_-FLOWER]

رد : مابي مابي اتزوج اييي مو قصب ترا والله ابجي :"(

عارفين وين المشكله انتي ما تبين غيره واهو الحين موستحيل يبادر اباي شي وممكن باي وقت اي شخص راح يتقدملج
جذي الحل يا انج اتصارحين امج اتطلعيلها قصه ما تكون قويه يعني اخو ارفيجتي مرتاحتله وداش بقلبي وارفيجتي قالتلي بس يشتغل اخوي راح يتقدملي وبصراحه انا مو مستعيله
طبعا تصارحين امج شويه صعبه
امن تجارينها قولي انشالله الي اتشوفينها ولمن يدقون عليكم اي احد سالي امج الصبي شنو يشتغل داخليه لا مابي
يعني طلعي اعذار على مكان شغلهم
مثلاا خل تسالهم يدخن مابي
يعني بدون ما تستقبلينهم طلعي عذر عشان لا يزعل و تسكتين امج لين يي فارس الاحلام اي اوكي مناسب هذا ما عندي مشكله

 

[Mona Lisa]

الله يرزقج اللى فيه الخير

 

[shai5at al3arab]

ليش تعصبين الخطاطيب اهم رفضوج قبل لا ترفضينهم

يعني يات منهم

 

[M!sS_D!oR]

الله يرزقج الي فيه الخير

 

[أزهار الربيع]

اتمنى في مثل هالامر تحكمين عقلج مو عاطفتج

الله يكتبلج الخيره في امرج

 

[إستبرق]

الله يسهل دربكم يارب ويتمم حبكم على خير ويكتبكم لبعض يارب
ماتقدرين تصارحين امج

 

[Dubai-Girl85]

رد : مابي مابي اتزوج اييي مو قصب ترا والله ابجي :"(

وااااااااااااااااااااي أنا حاسه فييييييييج والله ... أنا وريلي كنا نحب بعض من يوم ما كان عمري 16 ...
و هو اكبر عني بـ6 سنين.. كنت صغيرة وطبعا ما بتزوج ولا اهلي بيزوجوني في هالعمر..
وعقب يوم كبرت شوية ودخلت الجامعه.. امكانياته المادية مووووووووووول ما كانت تسمح انه يتقدم
تمينا 7 سنين على هالوضع... وعقب مادياته تحسنت.. وعقب سنتين نقنع في هالاهل.. يعني شراتج
9 سنين واحنا صابرين ومرابطين .. لوووووووول وان شاء الله عقب كمن شهر العرس....

شوفي انا اشوف انه صعب غيرج يحكم على الريال .. لأنج انتي معاشرتنه وعارفه طبعه ومحتكه فيه
انا واااايدين اللي شككو في مصداقية ريلي.. كانو يقولون هذا قاص عليج.. ويلعب.. و ما بيتقدم و و و
ويا حليله كلم اخواني عقب ما انرفض عسب يقنعهم..
بس لأني انا اعرف كيف هالانسان.. وشفت فيه مقومات الزوج.. حكمت قلبي وعقلي.. ساهمت في اقناع أهلي
وكلمتهم.. والصراحه عرفو انه نحب بعض.. وقلتلهم لو الريال يبا يلعب.. ما يه ودق الباب وبغاني بالحلال..
سوري مع احترامي.. بس يا كثر بنات الحرام وعيال الحرام!!
اسالي نفسج.. هل الريال مستعد يتحمل المسؤولية؟؟ علاقته ويا اهله اوكي؟؟ متفهم؟؟ يعني وايد اشيا تسألين نفسج وانتي بس بتعرفين الجواب..
أنا اشوف صبرتي 9 سنين.. وما اعتقد هالكمن شهر بيفرقون!!!!!!!!!!!!.. مثلج انا رفضت عرسان بعد.. بس خذت اللي قلبي وعقلي بغاه.. ماطلي أهلج .. وعقب من يخلص الدراسة.. على طول امه تكلم امج.. وعقب خلاص لا تقبلين أي عذر.. خله على الاقل بس يصير كلام وينفتح الموضوع.. ما تدرين سبحان الله يمكن يرفضون (الله لا يقول) وتحتايون وقت تقنعون اهلج .. مثل ما استوى ويايي.. بس ان شاء الله لا ..
قولي حق امج انا مب شاله فكرة الزواج من بالي.. بس احس بعدني مب متهيئة نفسيا للمسؤولية.. وما حسيت الشخص المناسب تقدملي لين الحين.. بس فهمي امج انج مب متعقده من الزواج...
وإن شاء الله جريب نسمع خبر حلوووووووووووووووووووووووووووووووو.. بالتوفيق غناتي​

 

[بنننت أبوووهااا]

رد : مابي مابي اتزوج اييي مو قصب ترا والله ابجي :"(

فكري عد ماما ترى محد بتحسف غيرج صدقيني

 

[ba6bo6a1]

alla ywafgech o yaktib lig el 5er

 

[عِشْقٌ وَلَائِي]

رد : مابي مابي اتزوج اييي مو قصب ترا والله ابجي :"(

الله يوفقج ويرزقج الي تحبينه وتصيرون حق بعض

 

[شمس 20]

فكري عدل وخليه يخطبج من الحين قبل لاترفضين اللي جاايج
ويمكن يكون احسن من حبيبج فكري بعقلج مو بعواطفج
فكري فكري فكري فكري فكري

 

[one two 3]

ابي اسأل سؤال انتي جم عمرج الحين ؟؟

وطول ال9سنين مافي خلاف بينكم؟؟
مافي هوشات ؟ شكوك ؟ اي شي