مابي مابي اتزوج اييي مو قصب ترا والله ابجي :"(

[فيونكه حمره]

انا متزوجه عن حب
و عارفه الوضع
و هم ريلي ما كان يرضى اقعد مع احد
بس كنت استفزه عشان اطلع الغيره كل ما احد خطبني انا ريلي خطبني بسرعه
بس لو صادف ان صارلي هالموقف معاه كنت راح اقعد مع الي بيخطبني و مو لزوم تقولين له
يعني امانه تشترين رضاه اهو و ما تراضين امج 0 خو اهو ما راح يدري

صح كلامج بس بحاول اقنعه وان شاءالله يوافق ماتعودت اسوي شي من وراه

وبعدين اخااف اذا شفت خاطب يرضى فيني و اهلي مايشوفون فيه عيب ويقعدون يقنعوني فيه صج الحمدالله محد من اهلي يجبرني على شي


بس اخاااف اشووف نفسي عند غيره

 

[فيونكه حمره]

رد: رد : مابي مابي اتزوج اييي مو قصب ترا والله ابجي :"(

حبيبتي ترا عادي يخطبج واهو طالب شنو المشكلة؟؟

حتى لو بس تملجون وبعدين تتزوجون

بس تفتكين من الحنه

أنا مريت بنفس معاناتج فحاسه فيج

وصدقيني هذا اهو الحل الأفضلللل لأن راح يطول على مايلقى وظيفة

والله يسهل


نبض السعاده وراحيل العبدلي بسكم كرهتونا بالدين استغفر الله

حبيبتي انا ماارضاها على نفسي شلون اهو الريال

يعني ماابي اعيش معاه وعلينه قاصر داام كلها فتره وتعدي ليش مااصبر وبعدين كلشي سهالات

 

[فيونكه حمره]

بنات كل الي دشو ودعولي مشكورين وماتقصرون

وهمن الي نصحتني بقولها مشكوره والحمدالله انا عارفه حدودي وعارفه ربي قبل اي شي


وانا دايم اقوول يارب اجعل فيه خير واجعله من نصيبي

ويارب اجعلني زوجه صالحه وزوجا صالحه لي واجمعني وياه

مااحب اقول اذا كان فيه خير قربه لا لان مابي غيره لو شنو صار وانا طماعه ابيه وابيه يكون فيه خير لي ومايرد القضاء الا الدعاء ان شاءالله

شكرا مره ثانيه

 

[7andoosa]

اللة يوفقج حبيبتي :*

 

[لوولووة]

الله يوفقج عادي اي عرس بتروحون قولي حق امج شافتني وحده وخذت رقمي واهو خل يقنع اهله ان اهو يبيج واذا ما نفع الحل خل يقول حق اخته شفت وحده بدوامها عندي معامله ابيج اتين اتشوفينها وتكلمينها عجبتني ودشت خاطري سهالات

 

[منيرة خالد]

الله يكتب اللي فيه الخير

(( ظنيت انج كارهه الزواج طلعتي تحبين >>> عسى الطرف الثاني يكون قد كلمته ))

 

[شقرديـه عالطل]

ييه يه يه اكيد انتي مو وحده غيرج نفس سالفت وحده اعرفها
طلعوا بنات المعهد حبيبه

 

[~احلامي~]

رد : مابي مابي اتزوج اييي مو قصب ترا والله ابجي :"(

اختي الله يستـــــــــــر عليج ..

كان المفروض من الأول ماتسمحين لرجل يكلمج وياخذ ويعطي معج ..
لأن اهلج واثقين فيج وكان المفروض تكونين قد ثقتهم ..

مادري شقولج بس دوري احد كبير من عايلتج او من معارفج يكون ثقه وعنده خبره في الحياة وقولي له
سالفتج وشوفي رايه بالموضوع ..

بس نصيحتي لج انتبهي على نفسج يالغاليه ..لأنج انسانه صج غاليه عند اهلج

وناااس وايد قالوهااا الحب الحقيقي مايصير إلا بعد الزواج

 

[poom poom]

مثل حالتي بس انا اشوه 3 سنين؟؟؟؟؟

 

[شقرديـه عالطل]

الله يكتب اللي فيه خير لج ولكل عزابيات المنتدى

 

[خضرة ام الليف]

واي موقفج كلش مو شي الله يعينج مالج الا انج تدعين وحاولي بهالفتره ماتروحين عروس وزوارات وايد عشان محد يشوفج ويخطبج صيري اشوي بيتوتيه غيبي عن الانظار عشان محد يخطبج ويمكن ينسونج اشوي على مايتخرج

 

[دمرت كياني]

رد : مابي مابي اتزوج اييي مو قصب ترا والله ابجي :"(

الله يوفقج
أنشاءالله نسمع أخبار طيبه عن قريب

 

[sweet december]

رد : مابي مابي اتزوج اييي مو قصب ترا والله ابجي :"(

حبيبتي انا كنت احب واحد وكان بالجامعه وكان ما يشتغل وولد عمي ميت يبيني وانا اطلع اعذار نفس القصه مالتج

وانا كلمته تقريبا 7 شهور بس قبل الزواج وكنت اشوفه طبعا كل يوم بالجامعه وامي تدري عن كل شي عشان لا وحده اتيي وتتفلسف وتقولي خنتي اهلج لا يبا ما خنت احد امي تدري

المهم قتله شوف انا ابوي يبي ولدد عمي وبصراحه اهو زين ومافيه شي ويحبني اذا تبيني خل امك انيي عالاقل تحجزني ونملج ولكل حادث حديث

ويا وياب امه وخطبتني وابوي وافق بعد ثالث مره لوووول لانه كان يدرس وابوي بباله ولد عمي يعني لو مو امي جان علوم

المهم ملجنا اونا ادرس وهو يدرس وعشت ببيت اهله وحياتنا جامعه وبيت ونادي وبس بعدها تخرج واشتغل وانا طبعا كنت عايشه على فلوس الوديعه الي ابوه حاطله اياه بالبنك يعني كان يطلعه بالشهر 350 والاعانه يصيرون 450 وانا اعانتي 100 كله 550 وكانو يكفونا وزياده

لاتقولين شغل ودوام الريال لو يبي المره يسوي كل شي عشانهاااا


سوي نفس ماسويت قوليله اناا حبك وابيك بس الخطاب اكثرو اوانا خلصو كل الاعذار وشنو 9 سنين احنا بمصر ولا وين عشان يكون نفسه

انا 7 شهور وخيرته يبيني زواج او لااا

اذا يبيج خل ايي يسوي كل شي رسمي ما يبيج خلاص سمعي كلام اهلج ولا تعاندينهم ترا صدقيني الريال يروح ويرد بس الاهل ما يتعوضون

عن تجربه والله مو كلام وحده مو حاسه فيييييييج لانه انا لوا بوي ما كان موافق والله العظيم ما كنت راح اتزوجه لو شنو واهو بنفسه يقوليييييييي انتيييي ما وقفتي معاي لما ابوج ردني 3 مرات لاني كنت ابنيله اني اسمع كلام اهلي وناطره كلمتهم وانا بالخش والدس قاعده اضغط على امي عشان تضغظ على ابوي واهو مايدري يعني الريال يحترم البنيه الي تسمع كلام اهلها وتسمع شورهم

والله يوفقج وخبريني شنو صار معاج

باختصار بعد قصت حياتي الريال لو يبي

 

[گـحِـلْ |~]

رد : مابي مابي اتزوج اييي مو قصب ترا والله ابجي :"(

,

اذا هو صادق بمشاعره يجي يطق الباب
حتى لو ماعنده شهاده أو وظيفه

علاقتكم غلط

انتبهي يروح شبابج والبنت مو كل يوم يتقدم لها واحد
ويمكن هو يخون فيج ويخطب غيرج

واجد اللي سووها ,

نصيحه وافقي ع اللي متقدمين لج اللي تشوفين ان مافي عيوب
وصدقيني راح تنسينه مع الوقت

تعوذي من الشيطان


,

 

[zo'3a girl]

رد : مابي مابي اتزوج اييي مو قصب ترا والله ابجي :"(

على الاقل امه ادق على امج انه يبيج بس يتوظف وراح يرد يخطبج رسمي
كا انا تدرين من متى خاطبني ماشاءالله من شهر 7- 2009 بعد كان يدرس وباقيله
توه الحين اسمه طلع بالديوان وناطر الوظيفه هههههههه
مايصير على الاقل بالكلام عشان انتي ترتاحين !

 

[فيونكه حمره]

sweet december


بس اكيد ماتتمنين ترجعين العيشه الي كانت باول ايامج والوقت الحين فرق عن قبل والمعيشه صارت صعبه

وانا طالعه من بيت اهلي وكلشي ابيه اخذه ارووح اقصر بروحي ليش اوكي احبه وصج لازم اضحي بس هلكلام مو الحين لمه صار مابقى الا شهور وكلشي بنحل يعني لو ادري قبل 9 سنين بطول هلكثر جان يمكن اقنعت بهسالفه

واهو كان يفكر فيها انه يتزوج ويدرس بس كان يتردد لان لمه يحسبها مابيطلع لنا شي

واهو يدري شكثر انا احب اهلي واحترمهم ويدري انه اهلي قبله باي شي

 

[غير كل الناس]

صارحي الوالده

 

[فيونكه حمره]

صارحي الوالده

ودي ودي صج هذا الشي وايد افكر واضمن امي انه مااطلع سري لاحد

بس تخيلي كل هلسنين اكلمه وعمره امي حتى ماطاحت علي ولاجكت فيني بشي وثقتها فيني كبيره لابعد الحدوود


تتوقعين بتتفهمني لو قلت لها واهي طيبه وهمن ساعات اكيد اقول راح تفهمني ؟

 

[LOLETA]

امبيه

دقي عليه

والا اقولج الحين الحين دقي

عليه

خل يتقدم


لاتطوفين على نفسج

وشنو عذره بالتأخيرررر


9 سنين مو شوية


اتصلي عليه واضغطي عليه

انزين


بالتوفيق ياقلبي

 

[فـرفـر]

عسي ربي يجمعكم بالحلال ياااارب