مابي صوغـــــتج :ّ(

[بشتخته]

السلام عليكم

بنات بموت من الحره والله ضغطي ارتفع
انا لما اسافر مو كل مره ايب صوايغ الا اذا كانت السفره مدتها أسبوع وفوق
المهم عندي وحده من رفيجاتي دوووم ايب لها صوايغ ، وما ايب اي شي والله
كله شغلات اهي تحبها وراقيه .. حتى لو ما يكون لبس ايب لها حق بيتها او عيالها
العاب او غيره، انصدمت من صوغتها يابت لي جنطة بو 3 دنانير .. وموديلاها خواره
انا مو مهم ان عندي تكون الصوغه ماركة بس شي حلو حتى لو بو دينار
واهي تبارك الرحمن مو على قد حالها .. اذا مو يايبه وايد احسن
يعني الواحد يحب مثل ما يعطي ياخذ وله انتوا شرايكم ؟؟

عطيت الجنطة حق شغالتي .. لأنها صج تفشل لآ موديل لا لون حلو

ضيقت خلقي بتصرفها

مادري اشتقصد من هالحركة
:0bee2e8d89:


تهقون ليش سويت جذي ؟؟؟​

 

[يابختي]

بصراحة... انا اشوفها مسأله ذوق... ساعات تحز بالخاطر ايي... بس اذا اهيا مو عارفة بالاصول ولا بالذوق..شنو بتسوين لها... الواحد يسوي اللي عليه وبس...انتي تعطينها هذا من طيب اصلج...

 

[Maltesers]

يمكن ذووووقها جذي .. أو اذا انتي عارفه ان ذوقها راقي ومو جذي .. ترى مرات الواحد يخورها ويشتري شي عند روحه حلوو والناس اللي حوالينه ما يعجبهم او تشترين شي و بالبيت تشوفينه ويييع اشلون شريتيه


ميخاااالف وهم ماتدرين الحين اشلووون وضعهم يمكن الحين عندها التزامات ومضغوطه .. ومع هذا ما حبت ترد من غير شي

هونيها وتهون .. وهذي أشياء تحصل ياما شرينا حق الناس وعلى قولتج اشياء حلوة وغاليه وبكل سفره تذكرينهم والناس ما اتيييب شي بس الواحد ما يعرف ظروفهم فنعذرهم

 

[el3aNoOoNa]

عيل اشرايج برفيجتي الي سافرت ولا يابت لي ولااااااااااااااااااا شيء وكانت مسافره شهرين ويابت حق الكل الا انا !!!!

 

[كوب حليب]

انا صار لي موقف بعدها حرمت اييب صوغه ألا أذا رحت العمرة

أنا مره يتني صوغه شحاطه تلوع الجبد لا وطبعه الريل مبينه فيها يعني ملبوسه ولا بطلت حلجي ولا قلت شي حق راعية الصوغة

وصارت لي سفره عقبها يبت لها بجامه تيين وعطورات وما اذكر بعد شنو تصدقين حطت لي مسج تقول لي فيه المقاس كبير و عطيتها حق اختي ....

 

[ودي***أفرح]

أنا أعتقد إن ذوقها جذي وإنتي رفيجتها وعارفه ذوقها يعني لا تحطينها فبالج المسأله عاديه .......

 

[sweet barbi]

عاادى حبيبتى وايد جذى ويمكن مثل ماقالو يمكن ذوقها ويمكن صارلها ظرف وماقددرت تاخذلج شى ارقى لوووول يبه لايظيق خلقج المهم اذكرتج

 

[fajer-85]

جوفي اختي اذا بقيتي الصج الموضوع مايستاهل كل هاذه

من البدايه ماله داعي كل هالهدايه يعني موشرط كل مرا تيبين لها هديه يعني سفره اي وسفره لأ وماله داعي تييبين الشي الغالي صح رفيجتج وتعزينها بس بحدود حته لو تعتبرينها اختج وبعدين تقولين مو على قد حالها انزين يمكن عندها بس ماجوف ان هالشي ضروري المهم اني كرمت صديقتي عبرتها يمكن اهيه اجوف الي شرته لج شي زين ونتي اجوفينه موزين

انا بنظري انتي اهني جرحتي الصداقه الي بينكم لي مجرد بس انج فكرتي في هالتفكير تدرين ان انا عندي وجهة نظر لو شنو ماكانت الهديه احتفظ فيها حته لو بنظري ارخيصه دام انها من اعز صديقه

وبعدين يا اختي ترا السفر يقص الميزانيه حته لو الواحد عنده خير يمكن استحت ترجع ايدها خاليه وقالت على الاقل اعز صدقاتي اييب لها

بس عندي سؤالين :

1- هل اهيه اول مرا بحياتها تهديج ؟؟؟
2- هل انتي بس تهدين لمن ترجعين من السفر ولا حته طول السنه ؟؟؟

 

[oM_iLZeez]

حرام عليج يمكن ذوقها جذي ولا متدودها شصار بالدنيا؟!!! حمدي ربج ذكرتج بشي.. عجبتج ولا ما عجبتج شي راجعلج .. المهم اهي ما قصرت يابتلج شي..

 

[بشتخته]

بصراحة... انا اشوفها مسأله ذوق... ساعات تحز بالخاطر ايي... بس اذا اهيا مو عارفة بالاصول ولا بالذوق..شنو بتسوين لها... الواحد يسوي اللي عليه وبس...انتي تعطينها هذا من طيب اصلج...

لا حبوبه اهي ذوقها حلو .. وسنعه
بس الي ضيق خلقي لما عطتني الصوغه دزت لي مسج اشرايج بالجنطه
عليج بالعافيه تنفعج كشخي فيها بالدوام
:tomato2:

يعني شنو ؟؟
مو يحر مسجها وتصرفها ؟؟

 

[el3aNoOoNa]

هههههههههههههههههههههه حبيبتي والله احسها على نياتها امممبين اصلا من المسج حححسني النيه

 

[بشتخته]

يمكن ذووووقها جذي .. أو اذا انتي عارفه ان ذوقها راقي ومو جذي .. ترى مرات الواحد يخورها ويشتري شي عند روحه حلوو والناس اللي حوالينه ما يعجبهم او تشترين شي و بالبيت تشوفينه ويييع اشلون شريتيه


ميخاااالف وهم ماتدرين الحين اشلووون وضعهم يمكن الحين عندها التزامات ومضغوطه .. ومع هذا ما حبت ترد من غير شي

هونيها وتهون .. وهذي أشياء تحصل ياما شرينا حق الناس وعلى قولتج اشياء حلوة وغاليه وبكل سفره تذكرينهم والناس ما اتيييب شي بس الواحد ما يعرف ظروفهم فنعذرهم

لا ما عندها ايي التزامات كل اسرارها عندي

ما فيها الا العافيه


مشكورة حبوبه

 

[galaxy]

شغله تحر صراحه

عموما انا لا احب اشتري صوايغ لاحد ولا احب احد يشتري لي صوغه

كافه خيري شري
ههههههههههههههه

بس الحين تعلمتي ماتكلفين على نفسج بالصوغه

في ناس ماتحب تشتري نفس اغراضها لاحد ثاني
ويمكن اهي من هالنوع

 

[بشتخته]

عيل اشرايج برفيجتي الي سافرت ولا يابت لي ولااااااااااااااااااا شيء وكانت مسافره شهرين ويابت حق الكل الا انا !!!!

ياليت ما يبت شي .. أهون ولا تيب شي جذي
لو يايبتلي دلاغ طبجه وحده احسن\لووووووول

 

[بشتخته]

انا صار لي موقف بعدها حرمت اييب صوغه ألا أذا رحت العمرة

أنا مره يتني صوغه شحاطه تلوع الجبد لا وطبعه الريل مبينه فيها يعني ملبوسه ولا بطلت حلجي ولا قلت شي حق راعية الصوغة

وصارت لي سفره عقبها يبت لها بجامه تيين وعطورات وما اذكر بعد شنو تصدقين حطت لي مسج تقول لي فيه المقاس كبير و عطيتها حق اختي ....

شكلي انا بعد ما راح ايب حق احد غير امي وخواتي

حتى انا ما قلت لها شي ولا لمحت لها ...

 

[LA TROO7]

صارت فيني وغصبا عني كشيت منها كنت مهديتها بعرسها طقم ذهب وفوقه 200 دينار

تخيلوا شنوو اهدتني بعرسي ؟؟؟؟؟؟؟؟؟؟؟؟؟؟؟؟؟؟؟؟؟؟

صندوق عطورات بوطقه سعره مايتعدا 20 دينار والله انصدمت وكانت رفيقه عمر ومو قاصرها شي بالعكس وضعها ممتاز

صـــــــــــــــــــــــــــــــــدمــــــــــــــــــــــه

 

[بشتخته]

أنا أعتقد إن ذوقها جذي وإنتي رفيجتها وعارفه ذوقها يعني لا تحطينها فبالج المسأله عاديه .......

بالعكس ذوقها راقي وحلو

لو كنت عارفه ان ذوقها جذي جان عادي ما همني


مشكورة حبوبه

 

[بشتخته]

عاادى حبيبتى وايد جذى ويمكن مثل ماقالو يمكن ذوقها ويمكن صارلها ظرف وماقددرت تاخذلج شى ارقى لوووول يبه لايظيق خلقج المهم اذكرتج

لو م يايبه شي احسن ولا تيب شغله هيلقيه جذي

وصح كلامج انها اذكرتني بس تذكرني مثل ما انا ذكرتها .. مو جذي

 

[بشتخته]

جوفي اختي اذا بقيتي الصج الموضوع مايستاهل كل هاذه

من البدايه ماله داعي كل هالهدايه يعني موشرط كل مرا تيبين لها هديه يعني سفره اي وسفره لأ وماله داعي تييبين الشي الغالي صح رفيجتج وتعزينها بس بحدود حته لو تعتبرينها اختج وبعدين تقولين مو على قد حالها انزين يمكن عندها بس ماجوف ان هالشي ضروري المهم اني كرمت صديقتي عبرتها يمكن اهيه اجوف الي شرته لج شي زين ونتي اجوفينه موزين

انا بنظري انتي اهني جرحتي الصداقه الي بينكم لي مجرد بس انج فكرتي في هالتفكير تدرين ان انا عندي وجهة نظر لو شنو ماكانت الهديه احتفظ فيها حته لو بنظري ارخيصه دام انها من اعز صديقه

وبعدين يا اختي ترا السفر يقص الميزانيه حته لو الواحد عنده خير يمكن استحت ترجع ايدها خاليه وقالت على الاقل اعز صدقاتي اييب لها

بس عندي سؤالين :

1- هل اهيه اول مرا بحياتها تهديج ؟؟؟
2- هل انتي بس تهدين لمن ترجعين من السفر ولا حته طول السنه ؟؟؟

حبيبتي الدنيا اخذ وعطا وحلو اني مثل ما اهدي يهادوني
ودينا وصى ع هالشي
واهي ذوقها راقي وحلو .. وحتى روحتنا السوق يميع وكل وحده فينا تشتري نفس الثانيه يعني انا اعرف ذوقها واهي تعرف ذوقي .. ومو شرط ايب لها كل سفره .. لا ..
ولا كنت راح اتضايق لو انها ما يبات لي شي .. بس مو تيب شي بالمستوى هذا واهي تعرف ذوقي عدل

احتفظ فيها اشحقه .. اقطها بالكبت بس .. ع الأقل غيري يستخدمها لأني ماراح استخدمها
وبالنسبة حق سؤالج
1- لا مو أول مره
2-لا طول السنه بالأعياد والمنسبات ومرات من غير مناسبه
كل وحده فينا اذا شافت شي حلو وتدري ان الثانيه تحبه تيبه لها



ومشكورة أختي على ردج

 

[بشتخته]

حرام عليج يمكن ذوقها جذي ولا متدودها شصار بالدنيا؟!!! حمدي ربج ذكرتج بشي.. عجبتج ولا ما عجبتج شي راجعلج .. المهم اهي ما قصرت يابتلج شي..

بسمله عليج
واشفيج معصبه اختي ؟؟؟


هههههههه صلي ع النبي
انا صاحبه المشكله مو معصبه مثلج


لا حول ولا قوة الا بالله العلي العظيم

صايرين كباريت​