مابي صوغـــــتج :ّ(

[C'est La Vie]

بالنسبة لي انا ما اعطي عشان آخذ
ياما شريت حق رفيجاتي وما شرولي
ماكو مشكلة
الهدية الهدف منها انها رسالة تقول ترى انتي على بالي وتنقصتلج هالشغلة
ياما يتنا هدايا ما عجبتنا بس ما شرهنا عليهم وعلى ذوقهم اخذيها من ايدها وانتي مبتسمة وتصرفي فيها
يعني لو اهي ما شرتلج جان تشرهتي وقلتي ما شرت
الحمدالله انها ذكرتج وشرتلج شي
يعطيج العافية

 

[^SwEeTa^]

و الله حبوبة ما تدرين عن ظروف الناس اشلون قايله

يمكن مادياتها قصرت أو ما راحت السوق!! التمسي لها العذر

أو يمكن اهي تبي توصل لج رسالة .. يمكن شافتج وايد تتكلفين بالصوايغ عشان جذي قالت خل أييب شي بسيط عشان ما تستحين منها مره ثانية و تييبين شي بسيط بدال لا تتكلفين .. انا من رايي .. هذا اهو السبب .. أكيد تبيج ما تتكلفين .. تبي توصل لج ان الهدية و الصوغة مو بقيمتها !!

 

[رايقة1980]

ما ادري عن ظروفها

لكن المفروض انتي ماتتعبين نفسك بالهدااايااااا

 

[ع ــندك / خ ــبر]

يمكن ذوووق << من باب احسان الظن

ويمكن .. << بخيلة

في ناس بخيلة على الناس بس على نفسها لا


مجرد راي

 

[بشتخته]

نصيحه حبيبتي ..

طوفي ولاتحطين ببالج دام رفيجتج زينه معاج ..

ادري الشغله تحز بالخاطر .. بس ماتدرين يمكن ماتقصد ..

حطي ببالج سو خير وقطه بحر ..

اهي زينه بس فيها انانية شوي بس انا اطوف عادي مافي احد منا كامل

وياااااماااااااا قطينا بحر ...

الله كريم

 

[بشتخته]

جوفي اختي اذا تبين نصيحتي خفي عن العطايا هاذي النقطه الاولى

النقطه الثانيه لاتحكمين نطري مناسبه يايه بطريج جوفي اذا هدتج ولا لأ اذا هدتج شي قيم وحلو عذريها على الجنطه الي يابتها يمكن حاشتها ظروف واذا هدتج شي رخيص تقدرين تقولين ان اهيه ملت من سالفت العطايه يعني بينها وبين نفسها تقول ان ااذا جذي يبيلي ميزانيه بس حق هدايه وبجذي ماراح اخلص

بس دربالج تخسرين صديقتج علشان هدايا ونصيحه مني يا اختي خفي شوي من الهدايا حته لو تموتين عليها انتي تقدرين تعطين غيرج مايقدر حته لو عنده ملايين ترا الناس عندها التزامات وترا الهدايا تكلف واذا تبين نصيحتي اكثر انا اقول لاتهدين خلاص الا مناسابات ضروريه يعني عرس ملجه استقبال وهني اشتري هديه زينه وحلوه يعني خليج رسميه

صاجه يمكن اهي ملت من الهدايا وماتبي تلتزم فيها

يمكن كل شي جايز

مشكورة يا قلبي

 

[بشتخته]

اذا تحسين انها قاصدتها حقريها و لا تجيبين لها و لالالالا شي

انا اول كنت اسافر و لو اروح ليلة البحرين اجيب كلللللللل شي و كل مايخطر في بالج
و لا عيد ميلاد اخلي و لا عيد زواج و لا عيد ام

و يوم عيد ميلادي هديه و الله ماجذب عليج ب 300 فلس و سعرها عليها ووحده ثانية ب نص دينار
معاهم طقم ملابس داخليه ب 3 دنانير و يمكن اقل

عقب ماقمت اجيب الهدايا بال70 و ال80 و اكثر بعد


يوم سافرت هالسنة لندن و المانيا ترست لي 6 جناط بالشحن و 2 معاي ماجبت لاحد غير اخوي

صاجه وانا بصدر قرار انب ما يب غير حق امي وابوي وخالتي وعمي وخواتي واخواني وحمواتي وحمواني
ميرسوووووو حبوبه

 

[بشتخته]

والله ما أدري شقولج

بس يمكن اهي طبعه بخيله

ما أتحب تودي حق الناس شي غالي

ترى في ناس وايد جذي

صاجه حبوبه
يمكن

مشكورة

 

[بشتخته]

ويي عادي انا صار عندي مناعه من هالموضوع
مره وحده يابت لي جنطه وتقولي ترى مو اي شي سعرها 18 دينار عندهم ؟؟
شنو يعني محد قالج ييبيها واصلا تلوع الجبد عطيتها حق الشغاله

وعمري محد يابلي صوغه سنعه غير خواتي

عادي عادي تعودي في ناس ماتستحي والله

هههه وااااي هالبشر

شكو تقول السعر .. عيب


مشكورة

 

[بشتخته]

والله شكريهاا والمره الياايه اييبيلهاا صووغه بمستوى صووغتهااااا

شكرتها بس ما سافرت عقبها

يبيله والله ايب لها شئ بنفس مستوى الجنطة اللي يابتها لي



مشكوووورة حبوبه

 

[بشتخته]

الناس اذواق المهم انك قبلتي الهديه

مشكورة حبوبه

 

[بشتخته]

لوووووول انفعلت من كلااااامج .. ليش بتموتين من الحره عشان هديتها بايخه ؟؟ الدنيااا حلوه طوفي لاتكبرين المواضيع
واخذي الموضووع بحسن نيه ليش تفترضين انها تبي تحرج ..

حصل خير يا قلبي
مو ياااااامه خذيت بحسن نيه ويطلعون اهم يقصدون شي مو زين
قلت اشوركم


مشكورة اختي

 

[$ صمت الشفايف $]

اختي الله يعينج ترى انتي ابخص

ونصيحتي لج من اخت لاختها لا تقطعين علاقتج لانه العشره ما تهون

بس خلي كل شي له حدود ولا تامنينها على سرج ولا تاخذين رايها بشي

 

[بشتخته]

قوليلها كلج ذوق
والمره اليايه لاتيبين لها شيئ

شكرتها بس لا بيب لها هالمرة شي بمستوى اللي يابته لي
وعقبها خلاص ما ايب لها شي ب

مشكورة حبوبه

 

[بشتخته]

ان احس ان الهديه مو بالقيمه حبي ~.^ يعني خلي نيتج زينه وقولي " يكفي انها ذكرتني بشي !!

والله ناس عينهم قويه يروحون ويردون واهم شي عندهم وناستهم .. مايذكرون اقرب الناس لهم حتى بقلم @@

تذكرني بمثل ما ذكرتها او شوي اقل
مو جذي ...

لو ما ياب شي ابرك .. ولا جذي .. عيب

 

[بشتخته]

لو أقولج عن خالتي وبناتها لما يروحون تايلاند شييبون لنا ؟!

والله شغلات خايسه واتلوع الجبد ومو من ذوقنا

بيت خالتي ما شاء الله ذوقهم حلو

راحوا تايلاند 3 مرات

كل مره إييبون لنا صوايغ وكل صوغه أتعس من اللي قبلها

والله العظيم آخر مره يابوا لنا قميص انا أول ما شفته حسبالي لبس الخدم القطعتين بنطرون مع قميصه الطويل

ضاق خلقي لما شفته , يعني مو هذا مستوانا ولا حتى مستواهم انهم إييبون شي جذي

وكل كلمه والثانيه يقولون تايلاند ما فيها شي وتايلاند ما فيها شي

ولما نشوفهم عقب السفره كل وحده لابسه قميص أحلى من الثاني ولا سألتيهم من وين .. قالوا من تايلاند ! عليهم بألف عافيه

بس ليش جذي يسوون فينا , هذا واحنا قراب حيل منهم

طلعاتنا وروحاتنا كلها معاهم

لا ومو بس جذي .. امي وايد طيبه وعلى نياتها , عطت خالتي فلوس و وصتها على جم شغله من هناك , خو تدرون يعني الخوات ما بينهم حواجز

والله انه من أول ما ردوا عطوا امي الفلوس وقالوا لها ما لقينا اللي وصيتينا عليه

ومن ثاني يوم خالتي ماسكه نفس الجنطه اللي امي موصيتها عليها , شاريتها من هناك

احنا الحمد لله نلبس ونشتري ومو بحاجتهم ولا نبي صوايغهم , بس مهما كان الواحد يحز بخاطره إذا أهله القراب منه جذي

منبطه جبدي من هالسالفه يعني الواحد يا انه إييب شي سنع , أو لاييب شي بالمره

احنا يوم رحنا العمره واعليه علينا رحنا محل الشرقيه وشرينا لهم أحسن الشيلات .. على نياتنا

بس الواحد شيقول

____


عذريني عالاطاله

جبيبتي حاسة فيج
صاجه شي يقهر والله

 

[بشتخته]

مادري عن طبع صديقتج

بس لو انا جان فهمت ان قصدها من هالصوغة التعيسه انها تقول لج " لاتكلفين نفسج بصوايغ مره ثانيه "

ترى وايد ناس مايحبون يشترون صوغة وهدايا .. واعرفهم شخصيا .. تقول انا مسافره و اذا بشتري اشتري حق نفسي ماله داعي اشتري حق الناس .. خساير و وزن

فـ انتي ياتج كاش .. لا تييبين لها شي مره ثانيه عشان ماتغثج عقبها

و الله كريم

صاجه بس ايب لها شي بمستوى اللي يابته لي
وعقبها راح تفهم .. وما راح ايب لها شي بعد كلش

 

[حبيبته آنا]

يمكن ذوقها جذي وتشوفها حلوه
المهم انها تذكرتج ومانستج والهديه بمعناها مو بقيمتها ولاحطين في بالج ان لها قصد مو زين من ورا هالهديه
وانتي دايما تعودي تعطين الشخص على حسب اللي يعطيج لابزياه ولابنقصان

 

[الحزن عنواني]

تدرين حبيبتي انا بقولج شي

أولا لاتعورين راسج

والشي الثاني مره ثانيه لاتييبين لها ولاحتا اكلنكسه

لوووووول

صج والله ماتستاهل أنس أعابل وأييب لها شي وشكلها بمسجها تصتغرج والله أعلم

والحق معاج ياالغاليه

 

[كويتيه متغربه]

الحمدلله انها ذكرتج اختي .....ليش ماتاخذينها من جانب اخرانها من غلاتج دارت السوق وجابت لج هديه .......حبيبتي انا أشوف ماله داعي للصوغات الا للأهل وبس وارتاحوا ..........واعتبري الجنطه صدقه لشغالتج .........