مابي احد يمسك بنتي

[Emanii]

بنات بنتي عمرها 4 شهور و نص اسم الله عليها و اهي بجري
مادري ليش احس جذي :eh_s(16):
مابي احد يشيلها الا انا و ابوها كله اخاف تطيح اخاف تستبرد
خالتي لمه تاخذها فوق عندها مرات ماااا ارتااااح اهي توديها فوق عمها يشوفها و يدها
بس كله اخاااف يصير فيها شي
و خالتي شوي مهمله يعني عادي التكييف شغال و تشيل عنها الغطا و تفصخها دلاغاتها:eh_s(14):
اتنرررفزززز وااااايد و جم مره تييبها خشمها يصب واااااااي احس بنفجر حزتها :eh_s(14):
مادري شسوي مادري ليش احس جذي
يمكن لاني فبيت ابوي تربيت على انه الياهل له بيئه معينه
ابوي واااايد حساس عاليهال يعني لمه تنام بنتي و اكون هناك خلاااص لازم الليتات تتصكر و هدوووء و الي يتكلم بصوت عالي يزفه و كل اهلي جذي الياهل عندهم شي لازم تهتمين فيه وايد و ما تعرضينه لاي شي يضره
بس هني بيت عمي كلللللللش لا
كل شي عادي عبالهم الياهل عادي يمرض عاادي نفصخه
خالتي فيها ضغط كله حرانه و عبالها الكل حران مثلها
هذي بيبي تستبرد بسرعه حراام ماكو فايده كلش
عيزت وانا اتحجى صرت ماحبها تمسكها شسوي انا غبطانه ولا شنو فهموووني نوروووني

 

[ناتشوو]

لا
انت وسواسية
وماحبيت وصفج لها بالمهملة وتطنزج ع الضغط
وبعدين انت الخسرانه
بتخسرين ناس يساعدونح عليها
ولا تخلينها تطول
عندهم علشان لا تستبرد
او دايما
تحججي بسبحها برضعها وخليها عندج
بس الاختلاف عن اهل زوجج
مايعني انتي احسن
مجرد فروق
وبعدين كصحة
الطفل اللي دايما مخشوش
ومغطينه وملابسه ثقيلة
امراضه اكثر
وبسرعه يستمرض

 

[دلع24]

حبيبتي انتي فعلا واااايد توسوسيين


ومثل مااقاالت اختي نااتشووو تراا موو زيين لا علييج ولا عليهااا


والاهتماام الزاايد يمرض اليااهل ما يحمييه وبعديين هاذي ام رييلج يعني مستحييل تهملهاا او تقصد تمرضهاا


تعووذي من الشيطاان وخلي بنتج تعييش اجوااء ديرتهاا وبيئتهاا الي عاايشه فيهاا

 

[Emanii]

اختي ناتشووو انا ما تطنزت عليها امي فيها ضغط بعد
بس قصدت موضوع انها دايما حرانه
عموما مشكورين على الردوود

 

[Emanii]

و ماكو شي اسمه اهتمام الزايد يمرض الياهل ! يعني هذي ياهل افصخها بالتكييف البارد مثلا؟؟ و البنيه فيها ربو و اي نزلة برد ينزل بصدرها و تاخذ كمام كل ٤ ساعات ، و البيبي لازم يلبس طويل و دلاغ بعد لانه اذا مرض بهالعمر راح يظل مريض اشهر و البيبي بهالعمر مو لازم يمرض لانه ماعنده مناعه و راح يتعب
و احنا الكبار ما نستحمل المرض شلوون هذيله الصغار ؟؟ اهتمامي ابنتي عمره ماكان زايد عن حده هذا الطبيعي

 

[~Diva~]

الله يحفظ لج بنتج
فيج شوي وسواسيه بس يمكن لان انتي من بيئة بروتكتف زياده عن اللزوم على الياهل ورحتي لبيئه العكس تقريبا
على فكره البروتكتف الزائد يمرض الياهل وما يعطيه مناعه كفايه

لو أنا مكانج يا بخلي الخدامه تشيل بنتي توديها بدالها وأقول لها أخاف عليج تركبين الدري شايلتها وأبي أخفف عليج
وعادي ما فيها شي وصيها ما تفججها لان تخافين تأخذ برد ! او قصي عليهم وقولي الدكتور موصي الخ الخ

 

[mafio98]

ههههه ذكرتيني بنفسي انا تقريبا نفس طبعج بس مو مع الكل اللي ادري ان حريص عليه اخليه عنده اما اذا مو حريصه تلقيني اتعذر باي شي بس ترى هالطريقة غلط ان ولدي عمره ٤ سنين وكان مايمر اسبوع الا بالطبيب اي هوى يمرضه وبالمقابل اللي هاملين عيالهم مشالله صحتهم احسن منها مافي عالعموم اللي تقدرين تسوينه اذا قالت باخذها لبسيها اوفرول عشان ماتقدر تفصخ الدلاغات ولبسيه تبان جم طويل وانتهت مشكلة التفصخ وخليها عندها ربع او نص ساعه ودقيً قولي لها حزة رضعتها او نومتها او اي شي اذا انتي خايفه عليها

 

[ReD&FoSHia]

وايد مبالغة بوصف الاهمال
مو اهمال اذا فصخت دلاغ البيبي او شالت المهاد
تعوذي من ابليس
لو بين عليج هاللي اتقولينه صدقيني بيزعلون منج و اتلاقينهم يشيلون ايدهم منج و من بنتج
وانتي من البداية وصفتي انج ماتبين احد يشيلها خير او يمسكها
يعني مو اهمالهم اهو السبب
داخلج انتي مو قادرة انج اتخلينها خالتج تاخذها شوي واتردها
ومو علشان طريقتكم ببيت اهلج يعني بيت اهل ريلج غلطانين
تعوذي من ابليس يالغلا و استمتعي باهل ريل يموتون فيج و بعيالج

 

[اذوب بكلامه]

بصراحه ياقلبي انا شايفه بعيني سلفاتي الي مهتمين بعيالهم ويغطونهم ويلبسونهم ثقيل ويعقمون رضاعاتهم كل شوي والعابهم ومستحيل يأكلونهم بارد دايما مريضين ومن مستشفى لمستشفى وانا الحمد لله بنتي صحتها زينه من اول ماجبتها وانا مااثقل عليها الملابس وعودتها على البارد يعني اطلع الزبادي من الثلاجه وااكلها عادي وحتى الادول عطيتها يمكن مرتين بس وسلفاتي كل شوي معطينه عيالهم والعابها عادي عندي اذا حطتهم بفمها مع ان عمتي دايم تهاوشني اغسلي العاب بنتك بتمرض والحمد لله لامرضت ولاشي الاهتمام الزايد يضعف مناعه الجسم فما يقدر يقاوم الامراض وخير الامور اوسطها

 

[Emanii]

يعطيكم العافيه فديتكم انشالله بشوي الي تقولونه

 

[Mrs.H]

حرام اهما اكيد يحبونها ويخافون عليها خلج واثقة فيهم واستودعي بنتج ولاتخافين

 

[مسكنهم روحي]

لا يااختي انصحك تخففين على نفسك وصدقيني مو اهمال بالعكس هم الصح وانتي الغلط اااه بس ذكرتيني ببنتي البكر كنت مااخلي احد يشيلها حتى وانا مريضه ماابي احد يمسكها بنتي كبرت ماتبي الرجججه ولا الصوت العالي ولا النور واذا نسمه من المكيف وصلتها على طول تمرض زكام وكحه كله من كثر ماادفيها واغطيها كله انا السبب ماعودتها من البدايه

 

[احلى ديما]

ههههههه حبيبتي خففي وسواس مو زين عليج ولا على البيبي اليده ام مثل ما انتي ام فلا تحاتين وتوسوسين تراها ربت وكبرت وتعبت يعني مو مثلج بجر وتوها باديه المشوار ثقي فيها وخليها تحب البنت احسن ما تكش منج ومنها

 

[مشتطـه]

انتي الغلط
شدعوه ماتبينها تبرد وماتبينها تنشال

لا يبه غلط بالعكس البيبي لازم يمرض عشان تقوى مناعته

واي بيبي بيمرض من اقل شي وبيرد يشفى بإذن الله

الوسواس الزايد مو زين خليها على الله

شوفي الهنود شلون يسبحون الياهل ويبدلونه وينومونه دفاشة لا مثيل لها ومافيهم الا العافيه

بالعكس انا كنت اتمنى ولدي يفج عني شوي ما احب 24 ساعه مجابلني ومجابلته احس ازهق وتتعب نفسيتي

انا خدامتي طباخه تخيلي ماتعرف للبيبي وعلمتها عليه ومسكته
وكا ولدي تبارك الرحمن لا اله الا الله شزينة ويركض ويلعب تبارك الرحمن حبيبي والله


توكلي على الله وعادي ترى اللي انتي فيه لانج تربيتي على جذي


وخالتج يايبه عيال من قبل وأخبررر منج بهالاشياء

 

[تمني]

بالعكس حلو الظفل يتعود على كل الاجواء لانه الحياه مو بس صيف في شتاء بعد

خليها تصير عندها مناعه وتتعود باالذات الاجواء متقلبه

غير كدا في مثل بيقول مااعز من الولد الا ولد الولد يعني ام زووجك اكيد بتخاف عليها مثلك واكثر لانها امانه عندها

بس يمكن انتي متحسسه من امزوجك ... ومافي طفل مابيزكم ويكح ويرجع واكثر كمان طبيعي هاالشي

وكممان الحرص الزايد مو حلو بالذات لو كبرت على كدا ماراح تكون عندها شخصيه واسلوبها الخاص اللي راح تعتمد فيه على نفسها

اتمنى اكون افدتك تقبلي مروري

 

[الكريستال]

مادري بس لازم تخففين شوي
انا بنتي لان مولودة بالسابع فالكل كان يدري ان ما يصير يمسكها الا لما يغسل ايده
وحليبها لازم الماي مغلي واخليه يفتر ما يصير ماي دافي او مخلوط حار و بارد
طبعا رضعتها كانت ١٥ ملي تقريبا يعني اقل من رقم
يعني فيه اشياء غصبن عني لازم احرص لان ارشادات الطبيب
بس ما كنت اوسوس بالعكس عادي واصلا مافيه احد يمسك البيبي دفاشة
كل الناس حريصين بمسكة البيبي ، الا اذا بتخلينه بيد ياهل صغير مااعتقد طبعا
وحتى المهاد كنت اخلي راخي بس ان يدفي لان مو زين تضغطين الياهل حسب ماقريت بمستشفى شيخان الفارسي
اللي كنت احرص عليع اسكر التكييف قبل سباحتهم لما يدفى المكان اسبحهم واذا حسيتهم نشفو
افتح الدريشة هم الشمس زينك حق البيبي
انا اقولج اللي فيج يمكن انج تشتاقين لها ما تبينها توخر عنج من جذي

 

[الكريستال]

على فكرة انا يوم بناتي كبرو شوي قمت اخاف لان في يهال ممكن يطقون ممكن يدزون
بس هالعمر الياهل بس بالخضن بعيد عن متناول الاطفال ههههههع

 

[++صدفة++]

حبيبتي اكبر غلط انج ما تخلين احد يشيل البنت غيرج انتي وابوها .. جذي راح تستاحش من الناس
هذي يدتها اكيد ما تبي تأذيها ... واذا خايفة من سالفة الدلاغ لبسيها بربتوز كامل اللي يغطي ريلها عشان تتطمنين اكثر
خلي بنتج تألف الناس لأن ما تدرين يمكن بيوم من الايام تضطرين تخلينها عند احد مثل لو تمرضين بعيد الشر ولا عندج سفرة طارئة .. الا تكون متعودة عالناس الللي بتكون معاهم

 

[Um Tuki]

معذورة حياتي بجرج
انا في ولدي ما احب احد ياخذه ابدا

يا انا يا ابوه و بس

ليما الحين عمره سنتين و لما احد يغسله اتضايق وااااااايد ما احب احد يشوفه او يتكشف عليه !

حتى هو ما شاء الله عليه ما يرضى اي احد يفصخه ثيابه او يغسله ..

انا و ابوه وعمتي وامي .. بـــــــــــــس !

وهذا جدا مريحني خصوصا بهالزمن الغبر

 

[Bloom]

عبالج كثر الحكره واللبس زين ؟
مرت خالي كانت تسوي بعيالها جذي وكلهم الحين لو نسمه استمرضوا !
حبيبتي كنت احس نفس شعورج كله ابيها يمي لانها اول ياهل وكنت في صراع بداخلي
ما ابي اصير انانيه فكنت احس اني اتصارع مع نفسي لكن شهر مع شهر راح تخفين وايد