مااكل حبة الغدة عالفطور عشان حمولتي؟؟؟؟؟

[<miss botamba>]

عاادي والي يقول الحين مرض مستعصي كل الناس فيهم غده
ترا نفس الانفلونزا وعلاجها ترا تركيبته فيتامينات مو انه دوا دوا

وانا عندي عادي لو متزوجه عادي اكل جدامهم الدوا بالعكس بكسر خاطرهم ويصيرون يحاتوني لووول اضرب عصفورين بحجر

 

[فوفا العوبه]

اشوفها عاااادي واذا عرفوااا ان فيج غده انا فيني غده
وتاخرت بالحمال عقب بنتي وتعالجت وحملت وجبت وحملت والحمدالله
وعلي فكره الغده صارت شي عادي كل بيت لازم تلقين احد فيه غده
عندنا بالبيت ام زوجي فيها غده ومرت حماي وانا
وبيت اهلي اختي واخوي وبنت اختي ومرت اخوي
ربج شافي ....

 

[الكرملين]

رد : مااكل حبة الغدة عالفطور عشان حمولتي؟؟؟؟؟

بنات حبيباتي انا ماقصدت مرض الغده بالذات قصدي المرض عموما اسم الله عليكم ربي حافظكم

سواء كان غده سكري ضغط دسك

ومثل ماقلتوا محد خالي

 

[هيبة ملك]

لا ماراح أقول

شئ يخصني أنا بس

 

[الكرملين]

رد : مااكل حبة الغدة عالفطور عشان حمولتي؟؟؟؟؟

وماننسى اكثر مرض منتشر بالكويت القولون العصبي

عسى الله يشافي كل كويتي وكويتيه يارب

 

[فـديـت ^-^ روحـي]

لو فيني أكيد استحي آكل الحبه جدامهم

ماحب نظرات الرحمه والعطف

أما انفلونزا لو ماقول أكيد بيلاحظون

اللي فيها تآكلها قبل آذان الفجر أحسن

 

[ام فله]

حسب الحموله اذا هم طيبين واجاويد عادي

اما إذا هم النوع اللي زاهبين حق الشماته والقيل والقال لأ ولأ

 

[الكرملين]

رد : مااكل حبة الغدة عالفطور عشان حمولتي؟؟؟؟؟

تسلمون بنات

 

[حجيه هيونه]

يمكن لو انا ما اقول مو عشان شي

بس عشان مالي خلق كل شوي ها شلونج الحين ها عسى مو تابعج الموضوع ها مادري شنو


مالي خلق

غير جذي مايهموني بصراحه دروا ولا مادروا مو فارقين معاي

 

[chanel N22]

احس ماله داعي تعلم شي خاص

 

[Pixels]

والله هذي حرية شخصية إذا ما قلتي إنج مريضة ما فيها شي وهذي خصوصيتج ومحد يقدر يلومج إذا ما قلتي بكيفج

وأعتقد على حسب الحمولة وطريقة تفكيرهم وعلاقتج معاهم

 

[ام هيونه]

الوحده تقول الحمدلله على امر الله سواء مرض او غيره وتاكدي انه ان شاء الله تخفيف ذنوب
وانا وحده فينى غدة وحاطه علبة الحبوب مع علاج عمتى ام زوجي وكل ما اذن اكلت حبيتى واهي كلت حبوبها
ودي اعرف وين المشكله عشان مايتشمتون او يضحكون هذا امر الله والمرض مهو عيب العيب ان حنا نستحى من المرض
لا تعليق اكثر من كذاااااااااااااااااااااااااااااااا