مااعرف اطبخ الا بكتب؟

[مروقه على الكوفي]

السلام عليكم
أنا الحمدلله أعرف اطبخ وتعلمت كل شي من الكتب والنت
لان أمي ماتحب الطبخ وماتتقنه مجرد ايدامات ورز عيش مثل ماتسمونه و كلهاقديمه اكل زمان
بس تعودت على اني اسوي الاكل من طريقة
شلون اترك الكتب ولاعادي فيه أحد مثلي
ويوم اسوي من دون طريقه أوقات انسى شي
بكره وتزوجت شلون اخلي الكتب؟
يمكن تقولون مشكله غبيه بس الكثير من اهلي يعلقون على هالنقطه

 

[جوي غيرررررررر]

بلعكس عادي انا كل طبخاتي ياامن الكتب يا من النت عادي يعني ماتعتبر مشكله وبتوفيق لك

 

[M!SS.LOBY]

بالعكس كتب الطبخ مهمه والنت كذلك كلهم يفيدون

 

[ام غازي 2012]

هذي البدايه


وباجر تصيرين فنانه بطبخ

 

[جارة القمر]

ماشاء الله البنات ما قصروا

 

[غصون ق]

انه والله بعد مثلج ولو اني مو حق العيش وجذي انه احب اسوي حلويات وسلطات
فلا تخافين في بعد مثلج وبتدعودين وتنسين الكتب والنت

 

[hala999]

وانا بعد صعب اترك الكتب. اشلون احفظ ٥٠٠ طبخه براسي خخخخخ صعب جداً

 

[الغلا غلاكـ]

انا الحمد لله شاطره بالطبخ و ما استغني عن الكتب والنت بس مع الخبر ه شي ازيده وشي انقصه او احط بديل بحالة نقصني شي اما تستغنين عنها نهائي صعبه

 

[طريق السعاده]

انا نفسك مستحيل اطبخ بدون كتب او نت المهم اشوف مكتوب قدامي وصفه واطبقها بضبط واحيننا ازيد عليها شي من عندي او الغي شيء وعادي ماحسها مشكله لو تزوجت ..

 

[سحرالعيوون]

عادي اختي احسن من الكسل اللي بالمرة مادش مطبخ وزوجها وهلها كل يو يتكلمون عليها
وان جان علي زوج المستقبل مايهمه اهم شي تتطبخين مو مشكلة كلشش الكتب