ماادري الى متى مع هالمشاكل اللي ماتخلص

[سعادة قلبي وياه]

السﻻم عليكم بنات اخباركم عساكم بخير

وحشتوني من زمااااااان مادخلت المنتدى اضطريت ادخل اليوم افضفض
عن اللي فيني مشكلتي مع زوجة اخ زوجي
مللتني وتبغى اطفرني من تشوفني مبسوطة مع زوجي ووالدته
تسوي اي شي عشان المشاكل لي درجة اليوم تمثل انها تلعب ابني وقرصته
ومات من البكى صار يخاف منها توه صغير بس من اشوفها يصيح
تقول هاتيه امسكه وتقرصه واستغرب مع الكل يضحك ومن تجلسه بحضنها يمووووت
قلت لها رجاء بس ابني ﻻ تلمسيه ابد قام ترسل لي من رقم مجهول كﻻم سيء لي ولزوجي
عرفنا انها هي بس مانبي مشاكل ماتخاف الله ابد صارت ترسل لي الخدامة وكسرت مواعيني اللي بالمطبخ
المﻻعق ماحصلهم والكاسات مكسره وتخشهم وحالتها حاله ...
الخدامة تجيني تقل ادبها وتدخل قسمي بدون ماتطرق الباب اخذتها بهدوء قلت لها ليه تسوين جي بعطيج
فلوس كم تبين فتحت لها محفضتي وطلعت لها فلوس انبسطت وقالت لي المدام هي قالت اسوي جي جي
انززززعجت ليه مابيني وبينها اﻻ كل الموده والخير بس لعانه فيها قلت لزوجي بس زوجي تعب من المشاكل
وﻻ تقولون نطلع مو حل اﻻجار غالي وبيتنا على وشك الجهاز

 

[Aloe Vera]

مادري قللي احتكاكج فيهم كثر ماتقدرين و لا تتعاملين مع الخدم و صبري لين تطلعين بيتكم و استعجلي على الطلعة لانها الحل برايي

 

[Ro7_alwfa]

يسعد لي مساج حبيبتي .،

هاذي اغلب مشاكل السكن مع أهل الرجل لازم احد يطلع لج ويحاول يشوش العلاقة
اللي لازم تسوينه معاها الصبر والحمد الله انه ريلج واقف معاج ويعرف حركاتها

وإنتي بعد في يدج متخلينها تتمادى ولدج سوي له جو مب لازم 24 ساعه يقعد معاج
خلي أبوه ها لفتره يتعبل فيه ولما تكون موجوده روحي فسمج وتشغيل نفسج

وأغراضج الغاليه خليهم في قسمج وأي كسر أخصمي من الخدامه بتخاف

ونصيحه لا تخليدها محور حديثج ويومج وإذا تمادت خلي ريلج يكلم ريلها

والله يوفقج في حياتج

 

[Ro7_alwfa]

يسعد لي مساج حبيبتي .،

هاذي اغلب مشاكل السكن مع أهل الرجل لازم احد يطلع لج ويحاول يشوش العلاقة
اللي لازم تسوينه معاها الصبر والحمد الله انه ريلج واقف معاج ويعرف حركاتها

وإنتي بعد في يدج متخلينها تتمادى ولدج سوي له جو مب لازم 24 ساعه يقعد معاج
خلي أبوه ها لفتره يتعبل فيه ولما تكون موجوده روحي قسمج وتشغيل روحج
وأغراضج الغاليه خليهم في قسمج وأي كسر أخصمي من الخدامه بتخاف

ونصيحه لا تخلينها محور حديثج ويومج وإذا تمادت خلي ريلج يكلم ريلها

والله يوفقج في حياتج​

 

[سعادة قلبي وياه]

ليش الردود قليله الله يجازي اللي ردو علي

 

[ظبية بوظبي]

لان مافي كلام اكثر من الي قالوه وحل المكشله مجرد مساله وقت
خلاص بيتش بيجهز وبتفتكين من شرها
ربي يصلحها

 

[mona q8]

الله يعينج ويصبرج عليها
اهي اكيد تغار منج
بس انا ما اقدر اقولج شي لان كل بيت وله طبيعه معينه
بس لازم توقفينها عند حدها
لان انتي سكتي وايد عنها
كان من المفروض تخلين زوجج ياخذ الخدامه ويخليها تعترف جدام اخوه
ويخلي زوجها يوقفها عند حدها
هي ما شافت احد يوقفها
حاولي تصورين الخدامه وهي تعترف او اي دليل عشان زوجج يوريه لزوجها
واذا زوجها واقف معاها روحي لام زوجج او ابو زوجج وفهميه السالفه كلها ويوقفها عند حدها