ماابي البيبي

[جذابه بنت ذيابه]

اذكري ربج وقولي الحمدالله عالنعمه

 

[Maraya85]

غيرج يحلمونً بطفر بيبي وانتي تتكبرين على النعمة .. قال الله سبحانه وتعالى في سورة الأنعام: {وَلَا تَقْتُلُوا أَوْلَادَكُمْ مِنْ إِمْلَاقٍ نَحْنُ نَرْزُقُكُمْ وَإِيَّاهُمْ ( 151)}.

كل طفل يجي رزقه معاه .. احمدي ربج وتعوذي من ابليس .. والله يرزق كل محروم يارب.

 

[نوفلتي]

نفس حالتي بس انا بنتي عمرها 10 شهور ياربي شلون صار الحمل مادري اللهم لك الحمد مت مت من الصياح وانا ماستخدم مانع استخدم طريقة العزل والحمدلله كانت مضبوطه معاي من عقب بجري ماحملت عليها الا عقب 4 سنين وهالمره الطريقه خونت فيني بس شاسوي الحمدلله على كل حال ومستحيل اني انزل البيبي لانه حرام بس تره كلمتج انا قلتها بعد قلت مابي مابي مابي والله يسوي اللي فيه خير وصلاح لنا ماعطانا الياهل الا عارف انه احنا قادرين على تربيته والحمدلله على كل حاااااال..

 

[ملاك لبنان]

حبيبتي انا حاسة فيكي وبشعورك وما اقول الا ربي يصبرك ويقوكي ويقدرك على الي عاطيكي اياه وكوني على ثقة لا يحمل الله نفسا الا وسعها وربي اعطاكي وماعنده الا الخير طبعا

انا صار فيني اكتر منك انا اول ما خلصت الاربعين حملت وكنت ابكي كل يوم عشان وحامي وحملي وولادتي صعبين بس ربك تمم وجبت احلى ولد خلاني اندم على كل كلمة ودمعة ولهلا بقول ربي سامحني والحمدلله هلا ولادي كبرو وصارو 5 سنين و 4 سنين وكبرو مع بعض وارتحت

وانتي اكيد نفس الشي ربي رح يقوكي وتخلفي وتفرحي فيهم سوا ومع بعض وادعي ربك يعينك ويقوكي ورح يكون معك

 

[حوريه ...]

قولي الحمدالله

انا تاخرت بالحمل وعقب علاج حملت

ولما وصلت الخامس اجهضت مت مت مت بكي

تعبت نفسيتي وحالتي حاله

والحمدالله الحين حامل

ولو رحمي يتحمل كان اخذت منشطات وحملت بتوم

مرت حماي لما صار بنتها عمرها 6 شهور حملت
جابت ولدها وبنتها تو ام سنه

والحين كانهم توم واعمارهم متقاربه وربتهم ويا بعض
تقول بس يدخلون روضه بجيب 2 ورا بعض نفس وضعهم

واربيهم مع بعض

فكري بالايجابيات بالحمل والاطفال مو بالسلبيات

هذا ابليس اعوذ بالله منه

وانتي بنعمه كبيررررره مايعرف قيمتها الا اللي فقدتها


وع قولتهم متزوجه وماخذتي مانع

شنو تتوقعين يعني اكيد بتحملين

قولي الحمدالله والحمدالله والحمدالله مليون مره

 

[اريـ الكويت ـاف]

و الله يختي الفسق مو زين هذي نعمة محد يعرف قيمتها الا اللي انحرموا منها لانا عندي خير من الله و لا عندي خدامة و يهالي دعلة و حوسة و حامدة ربي على النعمة لا و لي 3اشهر احاول احمل و انشالله ربي يرزقني ياعمري شفتي هالطفل اللي ما تبينه يمكن هو اللي يشيلك باجر بكبرتك على شنو تهويل الامور مافي اللي العافية اشدعوة جذي اقصاه ياهل واحد لو صار عندك خمسة ستة اشبتسوين ما اقول الا الله يهداك

 

[wajan]

اختي هاذي نعمة من رب العالمين انا بنت عمتي احملت ع بنتها وكانت تتذمم وتتمنى تسقط وربك ماراد لها تسقط لين وصلت التاسع وتوفى الطفل ببطنها والله انها تقول انا اللي رفضته قبل وربي حرمني منه لليوم متحسفة هالموضوع صارله اكثر من سنوات

 

[امـ خــزامـى]

حبيبتي ارضي باللي ربك كاتبه لك

لكن انا مستغربه ماتبين حمل فيه اختراع اسمه حبوب او لولب


غير هالكلااام مااقتنع انا عندي العزل والعدد هذا مو مضمووون ولعب بزران اصلا وماتسويه الا اللي عادي تحمل
ومتقبله الفكره بس متردده وتبي تحمل وتقول بالغلط

 

[omal7lo]

قولي الحمدالله ترى الله يعاقبج لان انا مريت بهالتجربه بس ماقلت بسقطه يوم حللت شوي ضاق خلقي قلت بضعف
وحملي صار خارج الرحم واليوم رخصوني تعذببببت جريب الشهر والله ابجي ندم لان نزل البيبي بموت الحين ابي ريحته بس

قولي الحمدالله اذا ربج عطاج نعمه يشكرونه ما يزعلون من نعمه اللله لج عقاب وحساب قولي الحمدالله يارب وبس واذا ماتبين ياقلبي فيه شي اسمه مانع واذا ولدتي راح تشوفين بعينج ان ربج عطاج احلي نعمه ويكونون ربع لاتحاتين

 

[Canon~]

حاسك فيك لانك نففس حالتي حملت وانا ادرس زعلت وتضايقت وابكي

بس وربي الحييين احمددددد رررربي،،اللهم لك الحمد والشكر


عسى ان تكرهوا شيئاً وهو خير لكم...

 

[مشتطـه]

ما الومج بس ماعجبني اسلوبج


لو تنطبق السما عالارض لو اطر بالشوارع من الفقر

وحللت وطلعت حامل بحمد ربي

حتى لو تضايقت من داخلي ما راح اقول لاحد

اخااااااااااااف من ربي يحرمني منه بالتاسع والا الثامن واموت من الحره


هذا وانتي بالكويت وبديرتج وبين اهلج جذي

لو بالغربه شتسوين

الله يهديج على هالكلام ولا يحاسبج

 

[مشتطـه]

اختي هاذي نعمة من رب العالمين انا بنت عمتي احملت ع بنتها وكانت تتذمم وتتمنى تسقط وربك ماراد لها تسقط لين وصلت التاسع وتوفى الطفل ببطنها والله انها تقول انا اللي رفضته قبل وربي حرمني منه لليوم متحسفة هالموضوع صارله اكثر من سنوات

سبحان الله دايم اللي ترفس نعمة الحمل يصير بالبيبي شي

لي حد الحين ما اعرف وحده تحلطمت لانها حملت الا ومات الجنين وبجت دم

عقاب من الله

لان هالنعمه كبيرة حييييييل

 

[اخت خالتهم]

حاسة فيج
بس تاكدي كل شي مكتوب لج من وانتي في بطن امج
الي عليج انج تديرين بالج عالبيبي وتدارينه

 

[دانة_ دبي]

استغفري ربج مثل ما عطاج قادر يحرمج نعمة الانجاب لا تقولين جي


مفروض تكونين مسوية حسابج و تاخذين حبوب منع بانتظام او اي شي ثاني


و دام صار و حملتي قولي الحمد الله
و الله يقويج ع تربيتهم و خلي زوجج يساعدج في تربيتهم

 

[ربيع_الروح]

استغفر الله ياربي

الله يهديج يَ اختي

بس طقي فرّه بـ قسم تأخر الانجاب ، يمكن تحسين بالنعمه اللي رازقج ربي فيها

ايي والله صاجه

 

[راحيل العبدلي]

حبيبتي ارضي باللي ربك كاتبه لك

لكن انا مستغربه ماتبين حمل فيه اختراع اسمه حبوب او لولب


غير هالكلااام مااقتنع انا عندي العزل والعدد هذا مو مضمووون ولعب بزران اصلا وماتسويه الا اللي عادي تحمل
ومتقبله الفكره بس متردده وتبي تحمل وتقول بالغلط

العزل لعب بزران !!!
لو لعب بزران ما اتوقع الرسول صل الله عليه وسلم
اباحه للمتزوجين للي مايبيون يحملون ع طول ..
.

استغفر الله الوحده اذا تبي تتكلم خلتنقي خوش مفردات
.