ماابي اعصي ربي

[خل وملح]

هذي امج جنتج ونارج هذي اللي اذا دعت ربج يستجاب لدعاءها الا الأم لاتقولين ماقدر اتعذر لها اذا تزاعلتي انتي ورفيجتج اكيد انتي تروحين وتراضين رفيجتج فما بالج بامج ؟؟
استغفري ربج وتعوذي من ابليس واذا كنتي عصبيه لاطولين السانج على امج واذا تكرر هالموقف مره ثانيه تبسمي بوجهها بينى لها انج ماتزعلين منها وطول الوقت استغري ربج وكرري الاستغفار عشان تبتعد العصبيه الزايده عنج ،، دامها موجوده وعايشه بينكم روحي تسامحي منها على اللي راح وطلبي رضاها واكبر غلط اطولين السانج عليها سوا على مرت اخوج او احد ثاني هذا بدال مادورين رضاها وتقعدين معاها وتسولفين وتضاحيكنها وتشوفين ابتسامتها تبتعدين عنها ؟؟؟
والله حريتي قلبي ربي يصلح بالج وتفكيرج ويبعد عنج وسواس كلمه انا مومتعوده اروح اتسامح منها (فلا تقل لهما اف ولا تنهرهما وقل لهم قولا كريما ) ،،

 

[طولت بااالي]

الله يهدييج يارب

 

[فديت شماغك]

عليكـ بالاستغفااااااااااااااار
والله يهديكــ................​

 

[ابدا يالغالي مانساك]

الشخص اللي تتكلمين عنهاااا
حملتج ببطنهااا وشالتج وتحملت كل الالام 9 شهور
نست الرااااااحه بس عشان تشوفج بين ايدينهااااا
وتجزينهااا بهالمعاملله
وتصرخين عليهاا عند كل هالنااااااااااس
وزود عند مرة اخووووووج
للاسف ماقدر اقول شي اكثر
وانتي كبيره وعقلج براسج وتعرفي شنو الصح وشنو الخطاء وشنو اللي يغضب ربج ويرضيه

 

[ربي محتاجتك]

انا بقولج شغلة وحدة الدنيا دين وعقوبة الوالدين بالدنيا واللي بتسوينه بامج عيالج راح يسوونه فيج
عاد انتي حرة
عسا الله يهديج

 

[om-3azo-83z]

حتى لو مو متعوده جبري نفسج هذي امج لو شتسوي ما توفين حقها

 

[عويتقة]

ياربي يهديك هذا كله وساوس شيطان انتي لما تحسين بنفسك على وشك الصراخ على امك استغفري الله وتعودي من ابليس وتنفسي بعمق يعني حاولي انك تتحكمين بروحك و تحكمي بأعصابك ترى باشر بتندمين خليها اهي تعصب عليك وانتي اسكتي وأستغفري فداخلك وتقربي من امك ولميها وبسي على راسها ويسي يدينها فكل مرة وماتقولي ما اقدر مو متعودة ترى المرة الاولى صعبة شوي بس بعدين راح يعجبك الموضوع بتحسين برااااحة تعرفين انا كل مرة ابوس امي وحتا في بعض الاحيان انحني وابوس ريولها واهي كل مرة تضحك علي بس شسوي احبببببببببببببببببببببببببببها الله يخليها لي ويخلي لك امك ويخلي امهات المسلمين

 

[~Unreachable]

لسانج طويل يبيله قص

روحي طيحي على راسها و اعتذري

 

[(( الذهب ))]

ماشاءالله
الحين عادي تبوسين رفيجاتج وتعتذرين وامج اندريالين الكبرياء يرتفع عندج ؟؟؟
تدرين لو يصير فيها شي >> اسم الله عليها ويعطيها طولت العمر
عمرج كله مراح تسامحين نفسج وبتبكين دم عليها
انتي جربي انج ولو بالكذب جربي انج تروحين لها وتتسامحين منها وتحبين راسها
شوفي شلون بتحسين فيه بعد هالشي
ما قدرتي الا تستقوين علي امج ؟؟ الله يهديج
ماكو شي اسمه مقدر اتحمل تصرفتها كافي اهي متحملتج ولسانج الطويل
استغفري ربج
والبنات اللي يشجعون ويقولون طنشي ؟ بالله وين احترامكم لامهاتكم وش انتو عشان تقولون تحمليها شتسوين هذي امج
واحنا بعد ما بيننا الا السلام وبس ؟؟
ماقول الا الله يهديكم ويسامحكم علي قله ادبكم مع امهاتكم
تادبو او تعلمو الادب معاهم تراهم مبتلين فيكم ويدعون لكم ولو بيدهم يبونكم تصيرون احسن منهم وما يعصبون عليكم الا
من فعايلكم
معليش ادري كلامي بيزعل وبصراحه ما يهمني رايكم لان اللي تسوونه بيجيكم يوم بتتحسفون علي كل كلمه قلتوها بحق امهاتكم
ممكن تكون امج عصبيه بس انتي المفروض ما تعصبينها او تقولين بكلمها نفس اسلوبها اجل شالفرق بينكم ؟ لازم فيه حدود
انتي تتكلمين مع امج مو رفيجتج
انتبهو علي امهاتكم
ترا بهالدنيا بتتعرفون علي صديقات كثر شعر راسج بس مالج الا ام وحده ومو قادرين تتحملونها ؟؟
الله يرزقكم برهم ترا مافي احلي من صداقت الام وهالشي قاعدين تطوفونه من عمركم

 

[سمو الغلآ]

امسسكي نفسسج وصوت لايعلا ع امج

والله يهديج..

 

[جوانا2010]

ياقلبي اكسبي رضى امك والله ماتحسين بالراحه والسعاده الا برضى الوالدين...
حرام ترفعين صوتك عليها وتغلطين بالكلام
هذي امك حملت وتعبت وربت وهذي اخرتها.....:eh_s(11):
ومهما عصبت عليك تحملي واسكتي او ردي وخذي واعطي معاها باادب ...
وبعدين كيف تقولين مو متعوده تسلمين على امك ولا تعتذرين....:bbbiu:
حبيبتي مفروض ماتطلعين من البيت قبل ماتسلمين عليها واذا رجعتي تسلمين ...
سبحان الله الا حضن الام ماينشبع منه مهما كبرنا ... :eh_s(2):
ياعمري انتي بكره تتزوجين ويجونك عيال ,,,
ترضين انهم بعد التعب يرفعون صوتهم عليك ولايحترمونك؟؟؟
انتبهي ترى الدنيا دواره ....
الله يهديك ويهدينا اجمعين....:eh_s(7):

 

[قمر كويتي]

شوفي حبيبتي دامج متضايقه يعني انتي ودج تتغيرين والحمدلله هذا شي حلووو
خلج من اليوم ابدي صفحه يديده والله اذا انتي تستحين تبوسينها او تلمينها يمكن اهي مومعودتكم ماعليه في وايد طرق تبين لها انج تغيرتي وانج تحبينها حيل وانج ماتبين تزعلينها مو بس باللم والبوس لالا اهم شي الاحترام والتقدير
والله صدقيني عندج فرصه ذهبيه تصلحين كل الى فات غيرج مايقدر
اذا انتي عصبيه بالطلعه معاها ماعليه اذا ماقدرتي تطلعين مواله تطلعين قولي لها عندي دراسه عندي اي شي بس موتقولين انتي ماعندج ذوق حرام عليج
اذا قالت لج شي سمعي كلامها شوي شوي وراح تتعودين وراح تحسين نفسج قريبه منها حييييل
اشتري لها شغلات تحبها تعبر عن حبج حتى لو مثلا ابسط شي اذا رحتي الجمعية واهي تحب شي ككاو اخذي لها
والله والله حتى ابسط شي هذا يعبر عن الحب
في ناس وايد تستحى من انها تقول احبك والا انها تلم والا انها تعبر
انتي عبري بالشغلات الي اهي تحبها
وصقيني اذا انتي من داخلج ناويه تتغيرين راح تتغيرين والله يوفقج ويسعدج وامج من اليوم لاتزعلينها وحاولي كثر ماتقدرين تكونين زينه معاها وبشرينا عنج

 

[om salooom5]

السلام عليكم .................ترى الدنيا عطا ودين ومثل ما بتسوين بامج عيالج بسوون فيه فانا اقولج من الحين وانتي تقرين الرساله روحي عند امج وحاولي ادربين نفسج شوي شوي انج تتقربين منها اهي راح تستغرب بس ميخالف الله يعينج على نفسج ترى اقوى جهاد جهاد النفس ودايما بصلاتك ادعي ربج ان يعينج على رضا امج وان يسخرج لها