ماابي اعصي ربي

[شقـــرديه]

ممممم نفس ابوي الله يرحمه وامي كانو حييل يعصبووني بس بعد وفاة ابوي هديييت لان حييل متضايقه ولي يوومج لاني كنت اعصب والحمدالله صرت اخاف على امي ومااعصبها ولاا اخليها تعصب بعد مافقدت ابوي
دير بالج عليها

 

[كـــــآترينـــآ]

،​

عسى ينقص السااني اذا فيوم قطيت عليها كلمه تزعلهااا
هالدور تصصصاارخين عليهآآ​

يآكبببرهااا عنند الله​

روحي بوسي راس امج وريوولهاا بعد اذا تبين رضا ربج والجنننه​

واذا كنتي معصبه ومتضايقه خليج بغرفتج مو تفرغين غضبج على هالمسيجينه .ْ

 

[هاديه احمد]

حرام عليج هذا امج جنتك ونارك

حطي في بالك يا قلبي ان أمج هي الشيء الوحيد اللي إذا ذهب لا يعود أبدا

 

[ســتارز]

انتي تبين حل للعصبية

اهم شي لما تطلعين تقولين دعاء الخروج من المنزل

بسم اللَّهِ، توكَّلْتُ عَلَى اللَّهِ، اللَّهُمَّ إِنِّي أعوذُ بِكَ أنْ أَضِلَّ أو أُضَلَّ ، أَوْ أَزِلَّ أوْ أُزلَّ ، أوْ أظلِمَ أوْ أُظلَم ، أوْ أَجْهَلَ أو يُجهَلَ عَلَيَّ »

ليش تعصبين .. لانج من البداية ماخذة فكرة انج عصبية

وعندج استنفار للعصبية لما امج تطلع معاكم

مع ان تلقين المسكينة مستانسة بتطلع مع بناتها تجهز لعرس بنتها

لكن قدري نفسيتها

يمكن عندها مشاكل ماتعرفونها

يمكن متوترة او تحاتي شي .. ومو قايلة لكم

حاولي تحطين ببالج انج طالعة مع امج حتى تونسينها وتخففين عنها همومها

حاولي تخففين الضغط بينكم وتلطفين الجو بنكتة بسالفة حلوة ورح تلاحظين باذن

الله تحسنت العلاقة بينكم

 

[Lode]

,,

البنات كفو ووفو بنصايحهم لك ...بس انا بقولك شي ثاني

الله يسعدك دنيا وآخره
كنت اتخيل بس انا اللي اعاني من هالشغله ..آثاري في غيري :eh_s(2):
نفس المواقف اللي تصير لي واحنا فالسوق ونفس كلللل شي ..!

(وتصير هواشات بيني وبين امي الله يخليها لي ,,بسسس مااجرحها بالكلام )لالالالا مثل اي نقاش عادي

انتي قلبك طيب واكيد ضميرك يأنبك ...يمكن عندك ضغوطات هالايام ,

ومانتي قادره تتحملين ..؟؟

عووودي نفسك تكلمينها بصوت واااطي وابدا مااااترفعينه ...واذا مومتعودة تلمينها ولا تبوسين راسها

من لك غير امك تبوسين راسها وتحترمينها ...؟ علميـــني

__ع الاقل راضيها بكلمه حلوة والا ساعديها بأي شي تطلبه منك___ , خليها ترضى عليك





الله يخليها لك ويخلي كل امهاتنا لنا ويعطيهم الصحه والعــــافيه
​

 

[ام زهقانه]

استغفر اللههذي امك مو اختك
تعودتي تزعلينها وما تقدرين تسامحيني منها

صراحه فيج كبر

 

[*الهنوف*]

اتوقع انتي وارثه العصبيه منها
نفسنا بالبيت كلنا جباريت ورثنا العصبيه من امي وابوي
وضحي شوي هل افعال امج تخليج تعصبين ولا انتي جذي طبعج تعصبين بسرعه

يعني انا عندج من كثر مشاكل امي معاي لان اهيا اللي تفتعل المشاكل صارت علاقتي فيها سلام وعليكم السلام وارتحت ،بس مو معناته زعلانه منها..بس خليت علاقتي فيهامحدوده حيل

 

[دلوعة أبوهآ]

الله يهديكِ ..

 

[أم أحلى البنات.]

امج ما اشوف فيها غلط ...انتي اللي فيج غلط ...العيب منج مو منها ...

 

[wahaj]

في بناات وااايد يتمنون يشمون ريحة الام بسسسس

وانتي عندج وماتعرفين قدرها

تخيلي نفسج بعد سنين بنتج تسوي فيج جذي شنو بيكون موقفج ؟؟!

فكـري حبيبتـي

 

[رواااااح]

الام بسرعه ترضى ع ضنها روحي بوسي راسها شنو مو متعوده مايبيلها تعود هاذا انا لو اشك انها زعلت من كلامي سيده بوسة الراس ترا ماتوفقين لابدنيا ولا بآخره اذا زعلتيها ولا بس مجرد ضايقتيها بشي رضى ربج من رضى الوالدين

ليش العصبيه وطوالت اللسان مافي شي يستاهل انتي موداشه حرب احس من كلامج صغيره حاولي تعدلين من نفسج واضبطي اعصابج

 

[حرير28]

انصدمت من اللي قريته اعوذ بالله
ي بنت هذي امج وشلون ترفعين صوتج عليها
وقدام مرت اخوج لعلمج مرت الاخو كل شي تقوله لاهلها
واهلها يقولون لكذا شخص -- اختج اللي اصغر منج تزوجت لان ربي هاديها
تسمع كلام امها
ترى مرت اخوج يمكن نقلت كلام انج عوبه وجذي
فيمكن احد من اهلهم او جماعتهم لو يفكر يخطبج تقوله روح لايحوشك
هذي عوبه وترادد امها فينتشر عنج خبر انج عوبه
ولسانج طويل ويبيله قص
وهذا يمكن يوقف حظج ونصيبج
وترى كما تدين تدان
بكرا لاجبتي بنت فضحتج قدام الله وخلقه
تزفج وتخليج بيزه ماتسوين
وتذكري كلامي


دام امج لالحين معاج قومي بوسي راسها
ترى رفيجاتج مو مثل امج
امج سترج وغطاج
ورفيجاتج لو شافوا عليج شي بينشرونه بين الكل
اما امج وخواتج سترج وغطاج

تخيلي بكرا بعد عمرن طويل توفت
شبتسوين حزتها ؟؟؟
بتكونين تحت امر اخوج يالحلوه


قومي بوسي راس امج الله يهديج غصبن عليج

 

[سفيره الكويت]

حاولي اذا عصبتي تكتمين غيضج والرسول عليه الصلاه والسلام يقول ليس الشديد بالغضب الشديد للي يمسك نفسه وقت الغضب

طبعا ذكرت الحديث بمعناه وليس بتفصيله عموما هذي امج وانتي قطعه منها لا تنسين يوم كنتي صغيره وماعندج القدره توكلين نفسج

كانت اهي اللي توكلج وتشربج تحرص عليج هذا جزاها يوم كبرتي..!

اذا تبين رضاها اعتذري منها بشكل مباشر او غيير مباشر اذا عصبتي عليها اعتذري وقولي اسفه او حاولي تقربين منها سوالف وضحك

وتحسسينها انج قريبه منها وتحبينها ..!

 

[فلنتينو]

ماقصروو لبنات

 

[حبيبي فهوودي]

مالت بس مالت انا امي اقعد تحت رجولها واغسلها

الشرهه مو عليج على امج اللي ماعرفت توقفج عند حدج

الله يعينا على هالدنيا كلها مشاكل وبلاوي ربي استر علينا

 

[جذابه بنت ذيابه]

حبيبتي




استهدي بالله واستغفري ربج







صدقيني لو ان عندج اعيال بتحسين .. بالام عدل




حسي بأمج مالج غيرها بعد الله ويكفي الرسول عليه الصلاة والسلام وصانا بالام
امك ثم امك ثم امك




روحي لها بوسيها تعذري لها لا تخلين كبريائج وغرورج يبعدونج عن امج





وعسى ربي يهديج بهالاذان يااارب

 

[قل علها خيره]

الله يهديييج ,,,,*

 

[ليدي الحاره]

ماشاء اللله انتي نفسك اللوامه <<وضميرك حي

ادعي دايم الله اعني على بر والدي والاحسان اليهما

 

[شوق الوليف]

عاملي امج مثل ماتحبين عيالج يعاملونج ترضين عيالج باجر يصارخون عليج وما يلمونج وما يحترمونج ؟؟؟؟

 

[mf6nt el3lat]

ريحي اعصابج قبل لا تقولين الكلمه عدي للعشره وبعدين تكلمي واي شي يخليج تعصبييين بعدي عنه ع الاقل هالفتره وتعوووودييين وهاذي امج شلزن يطاوعج قلبج تسوين فيها جذي وقدام مرت اخوووج حرام علييج والله

روحي اشتري لها هديه تهااادو تحابووو


وبس الله يكون بعونج ويهدي سرج