السلام يااااحلوات ،،،،
كلمة " ماعندي افلوس " ماتغثكم اذا قالوها رياييلكم ؟
انا ريلي هذي سالفته ماعندي فلوس ، وبصراحه انا مو معتازه ، موظفه ومعاشي
الحمد الله عندي ، بس وودي انه يتكرم ويعطيني بحكم العلاقه الزوجيه اللي بينا،،،
اتصوروا صار موقف ، قلته قبل المنحه زيدني 30 د.ك واشترلي اي فون 32 قيقا بدال 16 قيقا
قال ماعندي فلوس وراح من فلوسي وشرالي اي فون 16 قيقا وانصدمت لما شفت معاه اي فون ثاني 32 قيقا
شراه حق نفسه ؟؟؟؟ ويقول خذيت افلوسه من اختي ؟؟؟
وقبل لاتنزل الرواتب والمنحه رحت اشتري شويه مكياج عطاني فلوس بس قال سلف ؟؟ وصج بعد جم يوم طلبهم مني وعطيته !
ولما انزلت الاف اتصل على اخته وصج انا اسمع صوتها ، ومن المكالمه عرف انها تطلبه 750 د. ك ؟؟؟ يعني قصده ان يتني
الاف وكاهي جدامج راحت ؟؟؟؟؟
يعني بيقنعني انه " ماعنده افلوس " ؟؟؟
انا مو معتازه والله مو معتازه ،،،
انا ماسويت منها سالفه ، بس هذا يخليني ما اثق فيه واضطر اعامله بالمثل ، يعني مرات ودي
اشتري من حسابي اغراض لبيتي وما اشتريهم لاني اتذكر مواقفه واقول بيني وبين نفسي خل يدفع اهوا ،
انا يا بنات حياتي معاه زينه ومعديه كل هالامور معاه ، ولا ابين له شي ، لان بس اللي ماسكني ان لسانه
حلو معاي وطيب ،،،،
بس هالموقف تثير الريبه فيني ،،،
بصراحه انتوا شنوا تقييمكم للوضع هذا ؟؟؟ وخصوصا اني صرت اسمع اخوي اللي وظيفته معاشها
محترم يقول هالكلمه " ماعندي فلوس " ،،،
بصراحه انا اقول ماعوزه الحمد الله ، الله مغنينا من فضله ،،،
.
.
.
