|| مؤامره العنوســـه !!! ||

[هب العطر]

السلام عليكم و رحمه الله و بركاته


اي نعم !! العنوان اللي قريتوه ... صحيح 100 %


و الدلائل موجودة من الماضي و الحاضر , و الله يستر من المستقبل


سؤال , سألته وحده بدوامي , سؤال بريء جدا


منو اللي اختار عمر العنوسه , ريال و الا مره ؟


منو اللي قال ان المره لما توصل لها العمر تصير على قولتهم عانس


ريال والا مره ؟


هل الريال يعتقد فعلا ان المره بعد سن الــ 25 , يعتقد من قمه راسه , ان المره


ما تصلح للزواج ؟


ام ان السالفة وراها عيوز معقده طلعت هالفكره و جنت على بنات جيلها ؟






بنات انتو ملاحظين شيء ؟


البنات الحلوات , و الذكيات ,


و البنات المحترمات , و اللي شخصيتهم قويه ,


ينرفضون


تدرون اني مستعدة ابصم بالمليون ان السبب ورا الرفض هم الحريم


ام الريال , اخته ,


و ان الريال ماله شغل بالسالفه , و السالفه هذي تدبير ؟؟


و السبب امراض نفسيه و غيره , و يخافون ان الريال يطير فيها و ينساهم




عيل


ليش نستبعد ان سالفه عمر البنات هذي , وراها مره حاقده


نشرت هالفكره ,, و خربت الدنيا ؟؟




سؤال بريء آخر :


الحين الريال لما يشوف وحده عمرها 30 بالسوق , حلوة و مرتبه , مو يطالعها ؟


و يمكن ينعجب فيها ؟ و اذا قص عليه ابليس لحقها لباب سيارتها بعد ؟


( هذي تصرفات شخص رافض هالعمر في البنت ؟؟ )




أكيد لأ !


مو ملاحظين شيء ثاني ؟


وايد حريم امهات الخاطبين , الولد تلاقينه مقتنع بالبنت , و الام تحاول تغير رايه ؟


او الاخت ؟ او بنت الخاله ؟ او الخالة ؟


و الاسباب وايد , و اغلبها اسباب واهيه ؟


ترا الريال اذا حب وحده , او شافها و انعجب فيها ,


لا راح يسأل عن عمر


و لا عن فلوس


و لا عن بيتها وين صاير ؟ و لا عن ابوها يعرف منو , و اخوها يقعد بديوانيه منو


الريال يبي شيئين : شكل كويس , و وحده تسمع الكلام و تطيع


و بس




عيل من وين يت سالفه عمرها ؟


و لازم مو اكثر من كيت , و اقل من كيت ؟



​

 

[جيرازksa]

كلامك صحيح الاهل واكثر شي الام الاخوات يمكن باعتقادهم الي فوق الثلاثين فرصها بالحمل والانجاب محدوده وكبرت وحتعجز قبله واعتقادات مالها اساس وصحه ولا الدين قال عليها استغفر الله

ويمكن سبب انه زمان كانت الوحده مايوصل عمرها 20 الاا هيا متزوجه ومخلفه فعشان كدا يشوفو دحين الي فوق هذا العمر عانس

بس حبيبتي لكل واحد نصيب من قبل مايولد مكتوب

 

[بنت الأجوااد]

اختى بسنة كان عمرها 27 سنه كان يبي يتقدم لها واحد وخالته ضلت وراه عشان مايروح يخطبها بسبب انها كبيره وهذى اعذار

السبب الحقيقي الحسد والغيره

ولما جاء عمر اختى 29 تزوجت والحمدالله جابت عيال اختى عمر زواجها 6 سنوات

واللى خطبها قبل او كان بيخطبها عمر زواجه 11 سنه ماعنده عيال الخيره محد يدرى وين

بنى ادم يكون قاصد شر وبالاخير يطلع خير

المؤامرات كثيره

انحاكت على مؤامرات كثيره بالهبل وطنشت حتى اتهمونى بشرفى وسوى قصص وافلام والله وحده عارف انى شريفه واهلى وهذا يكفينى

انا جميلة بلسان الكل وانا مؤمنه ان الجمال ماينفع صاحبه وانه نقمه عليه

وانه مايبقي للواحد الا اخلاقه وسمعته الطيبه والواحد يفرض احترامه غصب عن الكل

والدعاء الدعاء هو سلاح المؤمن والله لو بعد حين يستجاب دعائج بس بنى ادم يصاحب احيانا بيأس والحمدالله نتغلب عليه بالايمان والصبر

هالايام الوحده تحقد لاماتخطب فلانه لان ابوها كان يبي يخطبنى وابوى رفض ؟ ابوج رافض هى وش ذنبها
او امها ماتوجبنى ؟ او امها ماتحبنى ؟ او ماتسلم على بالمناسبات ؟ او ولا مره هم اخطبوا منا ؟
او امها شايفه نفسها ؟ او هى مو متوظفه ؟ هى موظفه يعنى بتصرف عليج مثلا او شنو توقعين منها انها تعطيج راتبها ؟

عقد عقد عقد هالحريم وفيها تخلف الجاهليه الاولى

 

[امولة الخليج]

هلا ياقلبي والله كلامك كله اللي قلتيه صح ويدل على انك صاحبه راي سليييييييييييييييييييم وعقل نااااااااضج تسلم ايدك وياليت الكل يفكر تفكيرك يعطيك العافيه ياقلبي

 

[منو انت]

معاج حق اغلب الامهات تعتقد جمال البنت اللي راح تخطبها بصغر سنها يعني تحصلين ولدها عمره ٣٥ وتبي له بنت عمرها ١٩ يعني بالله وين التوافق بينهم صحيح في بنات متزوجين ناس اكبر منهم وممكن يوصل فرق بينها وبين زوجها ١٥ وعشرين سنه بس بعد حلو لو كانت اعمارهم قريبه من بعض ومن جيل واحد اهم شي تكون البنت سنعه وبنت ناس



بصراحه بعض الامهات الله يصلحهم امرهم غرريب

 

[Lemon Juice]

كلامج صحيح

ودايماً أقول البنت كل ماكبرت زادت قيمتها ومكانتها

بعض البنات تتأثر بكلام المجتمع وتنعزل وتحس بنقص ، بالعكس المفروض تهتم بنفسها وفكرها وتنمي قدراتها في أي مجال تحبه ..

والحين ما شاء الله وايد مروا علي بنات بالثلاثين الله وفقهم وتزوجوا ،،

الأهل اللي بيخطبون لعيالهم من يسمعون انه البنت هذا عمرها كشوا واسحبوا نفسهم ليش ان شاء الله؟ ولدكم اللي بيتزوج وهو صاحب الشوفة والقرار

مو زين تنرفض البنت عشان عمرها اذا كانت ذات دين وأخلاق وسنع وسمعة طيبة

واذا على الانجاب هذا بيد رب العالمين ، والحين منو يبي كوكش يهال ، التربية صعبة والإنسان مُساءل عن تربية عياله ..

البنت الكبيرة مرغوبة لدى الشباب في وقتنا الحالي ، والأهل واجب عليهم يعطون فرصة لعيالهم يشوفون البنت

 

[ام سعود ديكسون]

اي شخباري العمر !!!! تخلف ؟؟؟
ما ادري منو يقول العمر مقياس للزواج؟

خزعبلات و معتقدات قديمة >> اعتقادات المجتمع فرضها ع البنات متناسي ان لكل زمان ظروفه

درسنا و سقنا سيايير و اشتغلنا بمهن رجالية بحتة
و للحين يعاملوننا بعقلية الخمسينيات من القرن الماضي
معادلة غير عادلة

ليش الريال العزوبي !! ما يوصفونه بوصف مشابه للعنوسة عند الحريم
والا كله شايل عيبه !! لوووووول

عموما نصيحتي للبنات : عيشي حياتج عدل و هالكلمة لا تحطينها بقاموسج كلش
لا تقولينها حق بنت جيرانكم ولا عن وحدة تعرفينها ولا زميلة بالدوام
ترا عييييييييب

ولو تجري جري الوحوش غير رزقك ما تحوش

 

[بنت العقربيه]

كلامج صحيح

ودايماً أقول البنت كل ماكبرت زادت قيمتها ومكانتها

بعض البنات تتأثر بكلام المجتمع وتنعزل وتحس بنقص ، بالعكس المفروض تهتم بنفسها وفكرها وتنمي قدراتها في أي مجال تحبه ..

والحين ما شاء الله وايد مروا علي بنات بالثلاثين الله وفقهم وتزوجوا ،،

الأهل اللي بيخطبون لعيالهم من يسمعون انه البنت هذا عمرها كشوا واسحبوا نفسهم ليش ان شاء الله؟ ولدكم اللي بيتزوج وهو صاحب الشوفة والقرار

مو زين تنرفض البنت عشان عمرها اذا كانت ذات دين وأخلاق وسنع وسمعة طيبة

واذا على الانجاب هذا بيد رب العالمين ، والحين منو يبي كوكش يهال ، التربية صعبة والإنسان مُساءل عن تربية عياله ..

البنت الكبيرة مرغوبة لدى الشباب في وقتنا الحالي ، والأهل واجب عليهم يعطون فرصة لعيالهم يشوفون البنت

كلامك رائع الله يسعدك يارب والله يجزاك خير فماراح ازيد علية وفيتي وكفيتي

 

[الحللللوه]

صححححح ماافيه شئ اسمه عمر محدد

اللي مكتووب عالجبين بتشووفه العييين

والله يكتبلنا اللي فييه الخيير

 

[manoooram]

نظرة المجتمع الحين تغيرت بشكل افضل بشي بسيط لموضوع العنوسه
بس يتم الى الآن نشوف بيننا هالنوعيه من البشر اللي تشوف العمر داااايما مقياس للزواج !!
أحيانا أصادف بنات يا حلوووهم كبار بالعمر شوي لكن أخلاق وجمال لا اله الا الله (في منهم أشكالهم بيبي فيس)
ما ينكتب لهم الزواج على شان عمرهم حسافه عليهم ..
شاللي يمنع الزواج على شان العمر بذمه هذا منطق ولا تفكير ؟؟
عطوا الخاطب المجال ان يشوف بعينه ويحكم على البنت اللي دار موضوع الزواج عنها .
يمكن تدش بقلبه ليش لأ ، تصير ..
لأن نظرة الريال غير عن نظرة المرأه ..
لا تكونين انتي يا الأم أو الخاله أو البنت الحكم أو حجر عثرة بهالموضوع .

 

[هب العطر]

السلام عليكم و رحمه الله و بركاته

حبيباتي كلامكم يفتح النفس


وأرائكم سليمه 100 %


الحين ,


طيب ليش ما نسوي توعيه بالموضوع هذا ؟؟


و نحث جميع البنات على تصحيح مفاهيمهم ,,


و نضغط على كل وحده حاقده و حساده و نفشل مخططاتها التخريبية هههههههههه


ليش ما نتساعد كلنا عشان نغير هالفكره الحقيره من هالمجتمع


الفكره كلها غلط بغلط , و الراي الاول و الاخير للخاطب , مو لاخته او لأمه


الام مالها حق ترفض البنت الا اذا فيه سبب شرعي , يعني اخلاق البنت مو زينه , او فيها شيء يعيبها


غير ذلك مالها حق توقف نصيب اي بنت من البنات , و تهدم سعادة ولدها .


الراي الاول والاخير للخاطب


لازم تكون فيه توعيه كافيه للرجال و النساء بخصوص هذا الموضوع


خصوصا النساء ,,


و في الوقت ذاته , لازم توعيه للبنات اللي اعمارهم تعدت هالسن المجحف اللي حطوه لهم بلا علم و لا سلطان مبين


لازم هالبنات يعرفون و يثقون بأنفسهم ,, و اذا ما يبيهم ولد البلد , فألف مليون غيره يتمنونهم !


و الاب و الاخ مالهم حق يرفضون المسلم بحجه انه مو كويتي او موخليجي , هذا اسمه عضل و العضل حرام شرعا .


و لا فضل لعربي على اعجمي الا بالتقوى ,, هذا كلام سيد المرسلين , مو كلام زوير و عوير !


اذا ابو سروال وفانيله ما يبي البنت اللي فوق الــ 25 , فألف مليون غيره يتمنونها , و تلاقين هالشباب دين و اخلاق و ثقافه و جمال . وفوق هذا يعزها و يرزها و يدللها


هذيك الساعه وقت ما يلاقون نفسهم مرفوضين , و هالعيايز يشوفون عيالهم طايحين بجبودهم هذيك الساعه بيراكضون ورا بنت الديره \\




اللي موافقتني بكلامي ترفع ايدها عشان نوسع الموضوع شوي

 

[قلبي وينك]

صحيح في مؤامره
انا شخصيا صارت لي كنت اروح بيت رفيجتي ونفس الشئ امي تعرف امها وبينها زيارات وعزايم مره بنتها الصغيره قالت لي تدرين انه اخوي يبي يتزوجج وسبحان الله كنت قبلها حالمه انه انا واقفه وقاعده تمطر علي والحرمه هاذي قاعده تدزني برع الدايره الي فيها مطر .......؟؟؟؟ صح انه ما صار نصيب وزعلت بس كله خيره قبل فتره عرفت انه الريال هذا قاعد يخون زوجته الحمدلله الله ما يمنع الخير على الناس ولو الناس بيدها تمنع الرزق والخير كانت سوتها

 

[اميره1980]

اذا عمر البنت مناسب للريال ليش لا؟
بس انا ضد ان اخوي مثلا يتزوج وحدة اكبر منه بالسن لان البنت يبين عليها الكبر بسرعه
مثلا الحين احنا خاطبين حق اخوي و عمره 25 سنة و مو معقولة اذا في وحدة زينة بس عمرها 30 ياخذها
خو مو زواج حب علشان ناخذها له
تناسبه اللي بعمره و اصغر و هم اخوي طالب جذي ما يبي اكبر منه مو منا احنا

 

[عادت ذكرياتي]

لو تجري جري الوحوش غير رزقك ما تحوش

 

[! هُوْ وِينِه !]

هذي آرزآق مقسمه
وآلزوآج مآله عمر
وآعرف نآس شكثر آلمرآة آكبر من آلرجآل بـ 5 سنوآت وآكثر
ومشآءالله عآيشين حيآة حلو الله يهنيهم

 

[ما كو اسم]

اوافقج ان الريال اذا حب وحده ما شاف شئ الا هي تارسه عينه وقلبه ...بس اذا خطبه عائليه الوضع غير تكون على المواصفات العامه ويكون الراي للاهل

 

[نجداويه نجد]

~

السلام عليكم ورحمة الله وبركاته


أختي أولا الله يحفظني ويحفظك ويرضي علّي وعليك ويرفع قدريّ وقدرك ..

ثانيا أعذريني ان ضحكت علي عنوان موضوعك [ مؤامرة العنوسه ] .. طيب ياأختي انتي لوجاك خاطب عمره 22 سنه أصغر منك بسنين تقبلينه ..!! المنطق والعقل يقول لا ..!! لعدة اسباب وابرزها سببين فكري وعمري .. ومن غير مااكتب فلسفة كلاميه قد يمل القارئ منها .. طيب لو نظرنا للهذه المؤامره زي ماسميتها بزاوية أخري وهو بكثرة النساء وقلة الرجال وهذا حديث صريح من النبي عليه صلوات ربي وسلامه وهو من علامة الساعه هل راح تسمينها مؤامره لا والله فكري بسب انتشار العنوسه في المجتمع يمكن السبب اللي ذكرتيه موب سبب رئيسي هناك اسباب كثيره سبب العنوسه .. وله أنا أجعل هاجسي ومن أولوياتي [ الزواج ] طيب له مايكون لي دور أخر له قوقعة أفكاري وحصرتها وربطتها بالزواج .. لا بد ان أرقى بنفسي عن طاعة رجل عربي رجعّي ولربما لايستحق ان اعيش انا وهو تحت سقف واحد .. فتنئ نفسي بالعيش معه .. يااختي ان حصل زواج هذا الخير وإن ماأحصل لا أحطم نفسي وأخسر ثقتي بذاتي من أجل هذه المؤامره كما أسلفتي ..


يمكن يُزعجنا نظرة المجتمع في تحديد العمر ولكن زي مانقول ماضر السحاب وأكملي .. !!
أختي الغاليه اذا استقر في قلب الأنسان حُب الله والشوق لرؤيته والله هان عليه كُل شي ..!!
والله لوصدقنا الله بصدق لجؤنا له لعشنا بإطمئنانيه .. وراحه ..


|| نجداويه نجد ||

 

[هب العطر]

~

السلام عليكم ورحمة الله وبركاته


أختي أولا الله يحفظني ويحفظك ويرضي علّي وعليك ويرفع قدريّ وقدرك ..

ثانيا أعذريني ان ضحكت علي عنوان موضوعك [ مؤامرة العنوسه ] ..

حبيبتي من حقج تضحكين و تفطسين من الضحك بعد


المجتمع خلاص غرس افكاره الهدامه بعقولنا , اذا شفنا الصح نضحك عليه


سيد المرسلين , و أفضل ما خلق رب العالمين , تزوج خديجه رضي الله عنها وعمرها بالاربعينات و هو ابن الــ 25


يمكن احنا احسن من السيده خديجه ما نرضى بالصغير !!


او يمكن شبابنا احسن من رسول الله , عشان جذي نرفض بنات الناس عشان العمر !


مآدري . :eh_s(10):




طيب ياأختي انتي لوجاك خاطب عمره 22 سنه أصغر منك بسنين تقبلينه ..!! المنطق والعقل يقول لا ..!!


و الله لو مالي عيني و قلبي ,, أتزوجه ليش لأ


انا مو افضل من السيده خديجه ,, و لا هو افضل من نبينا محمد


اقبل فيه و اتزوجه , و اعتبره وسام شرف على صدري انه ترك البنات الصغار و اختارني


من بينهم :eh_s(22):


تدرين منو اللي يقول لا ؟ مو العقل و المنطق , الا كلام الناس اللي نحسب له الف حساب


نحسب له حساب اكثر من كلام الله و سيره الرسول للأسف !


نسمع كلام زوير و عوير و المنكسر و اللي ما فيه خير , و نقط ورا ظهورنا سيره الرسول و انه تزوج خديجه رضي الله عنها اللي اكبر منه بخمس عشر سنه او عشرين سنه الله اعلم .


و تدرين منو بعد اللي يقول لا


ضعف ثقه المرأه بنفسها : و الله اخاف يعايرني بعدين يقول يالعجوز , مو صح ؟؟ :eh_s(9):
و الله لو بيعايرج , ما اختارج من بين البنات كلهم و تزوجج وانتي اكبر منه


بس عقل بعض الحريم مصيبه المصايب .


لعدة اسباب وابرزها سببين فكري وعمري


العمر الزمني لا يرتبط بالضروره بالعمر العقلي


ياما شباب بالعشرين و يديرون بيوت , و ياما مراهقين فتحوا بيوت , شوفي شباب اليمن ما شاء الله , يتزوج و عمره 16 سنه و يفتح بيت و يديره


و ربعنا بعضهم يصك الخمسين و عقله ترللي هههههههه


.. ومن غير مااكتب فلسفة كلاميه قد يمل القارئ منها .. طيب لو نظرنا للهذه المؤامره زي ماسميتها بزاوية أخري وهو بكثرة النساء وقلة الرجال وهذا حديث صريح من النبي عليه صلوات ربي وسلامه وهو من علامة الساعه هل راح تسمينها مؤامره لا والله




انتي قاعده تضيفين لموضوعي اشياء انا ما قلتها , روحي اقري الموضوع حبوبه .


الموضوع بأكمله عن ( تحديد عمر المرأه ) و اعتبارها بعد عمر معين ( غير صالحه للزواج )


اشدخل عدد الحريم و عدد الرياييل ؟








فكري بسب انتشار العنوسه في المجتمع يمكن السبب اللي ذكرتيه موب سبب رئيسي هناك اسباب كثيره سبب العنوسه .. وله أنا أجعل هاجسي ومن أولوياتي [ الزواج ] طيب له مايكون لي دور أخر له قوقعة أفكاري وحصرتها وربطتها بالزواج .. لا بد ان أرقى بنفسي عن طاعة رجل عربي رجعّي ولربما لايستحق ان اعيش انا وهو تحت سقف واحد .. فتنئ نفسي بالعيش معه .. يااختي ان حصل زواج هذا الخير وإن ماأحصل لا أحطم نفسي وأخسر ثقتي بذاتي من أجل هذه المؤامره كما أسلفتي ..

يوه , انتي ضفتي وايد اشياء لموضوعي


خليتيني مقوقعه افكاري بالزواج , و محطمه نفسي , و خسرانه ذاتي , و كل هذا بموضوعي


و انا كل اللي قلته ان مجتمعنا معتقد بشيء بعيد عن الدين


لا يبا , اذا بتقوليني كلام ما قلته , فهذه مصيبه .


يمكن يُزعجنا نظرة المجتمع في تحديد العمر ولكن زي مانقول ماضر السحاب وأكملي .. !!
أختي الغاليه اذا استقر في قلب الأنسان حُب الله والشوق لرؤيته والله هان عليه كُل شي ..!!
والله لوصدقنا الله بصدق لجؤنا له لعشنا بإطمئنانيه .. وراحه ..


|| نجداويه نجد ||

حبيبتي , الموضوع كله بوادي , و انتي و كلامج بوادي ثاني


انا اتكلم عن الخطأ الحاصل في تحديد الاعمار و هذا خطأ .


و انتي تبين تجبريني اقول هذا صح مو غلط , و احسن لي اصرف نظري و اهتم بأشياء احسن


صرتي مثل اللي كلما شافوا خطأ بالمجتمع بدال ما يصلحونه يحطون راسهم بالتراب مثل النعام


لا


عماد الدين حب الله و السعي لمرضاتهه


لكن ما نشوف الغلط و نسكت عليه ,


ما نشوف الظلم و نتركه


ما نبدي كلام البشر على كلام الله


اذا شفنا خطأ بالمجتمع نصلحه , و اذا حريمنا غدارات نوقفهم عند حدهم , و اذا فيه اخطاء بالفهم و التفكير لازم نحط نقطه و ستوب و نبدأ من جديد و نصوب الاخطاء .


مجتمعنا يقرأ سيره الرسول و السيده خديجه و بعدين يعتقد و ( يؤمن ) ان المرأه بعد الـ 25 خلاص نقطها بالزباله , و تيين تقولين لي : اصرفي نظرج و فكري بشيء ثاني .


وايد اخطاء بمجتمعاتنا العربية تصلحت بعد ما تحرك احد لتصحيحها


اولها تعليم البنات , يعني لو كل البنات مسوين مثلج و قايلين : خلاص اتقي الله يا بنت و فكري بشيء اهم من التعليم , كان للحيننا ما نعرف نكتب اسامينا !


التعليم حق مشروع بالدين , لما المجتمع يطبق اشياء تتعارض مع الدين و احنا نتكتم على العلم , راح نلجم بلجام من نار يوم القيامه .


لما نشوف الخطأ و نسكت عليه , اوشك ان يعمنا الله بعقاب .


انتي تبين تحطين راسج بالتراب و ترضين بالغلط و تظلمين نفسج , فهذا امر يتعلق فيج


لو كل وحده بالمجتمع لما تشوف الغلط توقف له وقفه , كان وايد من امور الحريم تعدلت


و ظروف المرأه صارت احسن و اجمل