مأقدر عليه تعبني

[دموع الظلام]

واقعيه كويتيه أمس قريت كلامج و الله عيوني دمعت :*(

تغيرين الشي من نفسج وماتنتظرين مقابل بتلاحظين ان الناس اللي حولج تغيرت معاملتهم لج بسبب اسلوبج الراقي او كيكه سويتيها او طبخه معينها

تدرين هالشي مااقدر اسويه لان انجرحت منها وااايد واحاول مانجرح زياده
من زمان كنت اسمع البنات يسون حق امهاتهم مفاجاه بعيد ميلادهم
قعدت انبش بغراضها عشان اعرف عيدميلادها
وعقب سويت لها بطاقه بيدي
ويووم عطيتها قعدت تزفني تقول مااحب حد يعرف متى عيدميلادي
و حذفت البطاقه من غير ماتشوفها عالارض
على الاقل خالي على انه عصبي لكن لما اعطيه بطاقه او اي شي يستانس ويحتفظ فيه مايحذفه بويهي
تخيلي أمي ماترضى ارسم أنا اموت عالرسم بس لان ابوي بعد يحب الرسم
أنا ممنوع ارسم قبل كنت ابي اتعرف على ابووي تقول هو مايبيج لو يبيج بييج لا تنزلين نفسج
لين الموضوع صار مايهني مثل قبل

تكسبين الثقه من جد وجديد عن طريق اهتمامج بصلاتج

وبخصوص خالي لمن يشوفني حاطه على العفاسي اسمع قران يقعد
يقول نزل عليج الوحي يضحك ويغير القناه و ممكن يكون طالع بس يغيرها ><
والصلاة الحمدالله مهتما فيها بس هو اساسا عادي ينام عن الصلاة ويقوم يصلي العصر مع المغرب
ولو بيسافر يصلي كل صلاوات اليوووم الناس يجمعون صلاتين هو يووم كامل والحمدالله ماخلها اسبوع هو مايعطيني مجال اراويه اني صج خلااص عدلت غلطتي

 

[دموع الظلام]

شوفي حبيبتي

انتي لاتطنشينه ولاتزودين بالكلام معاه

يعني احترميه احتراام كبير قدامه ووراه

لبي طلباته حاولي ماتسولفين كثير بس خليك مطيعه ومبتسمه اذا قالك شي لاتزعلين خوذيها بمزح ومشي السالفه

يعني حاولي انك تكوني مرحه وبشوشه وحاولي ماتشيلين عليه يعني وسعي صدرك

الله يهدي بالك

أنا احييين ماازيد معاه بالكلام بس هو طبعه ملقوف
ويحب يفشلني يعني لازم احط له حدود :eh_s(2):
صار يوصلني المدرسه و أنا ماابي
اروح معاه وهو ماخذ السالفه نحاسه
حتى بالسياره كل يوم يحط نفس الاغنيه اللي اكرها حق محمد عبدو
مااحبها اقوله لمن اوصل المدرسه قصر عالصوت فشله
يناحس اول مانزل يطووول عالصوت ويطلع لسانه يضحك :eh_s(14):

 

[منيرة بنت حمد]

السالفه وايد تقهر حبيبتي أنتي وايد معطه ويه وحجم خليه يولي ترا اذا ماراويتيه

العين الحمرا باجر بسوي فيج اشيا جايده صدقيني

بتنزلين موضوع خالي يغتصبني

لا تنطرين منه شي طلعاتج طلعي من غير مايدري مع ربعج تجنبي

تروحين معاه اي مكان لان بختصار بينشب لج وبينكد عليج

دوري راحتج يبه

وشتري كل شي بخاطرج و كل شي مايرضى تشترينه اشتريه وخشيه

عنه مب فغرفتج اي مكان مايدخله وااايد

رفيجتي اخوها مطلع روحها نفس خالج حتى الجوال خذاه شرت جوال وخشته عند الخدامه

اذا تبين جوال او اي مساعده انا حاضره بساعدج ولا تكدرين خاطرج حبي

تقدرين تسوين كل شي تبينه لا تصيرين غبييه وتنطرين الرحمه منه قطيييييييييييييعه >< هذولا مب اهل

أمج غريبة الاطوار وخالج مب كفوو يمد يده هذي فيها سجن

عيشي حق نفسج محد بينفعج توج صغيره 16 ومن احيين يبي يعقدج

واذا تبين ارقاام ناس تساعدج بسالفه انه يمد يده عليج بطلع لج ارقااام بس عطيني خبر

 

[Beautiful soul]

قولي حق امج :/

 

[كويتيه واقعيه]

بالعكس ياحبي لاتدمعين والله الدنيا ماتسوى حاولي تسوين اعمالج كلها لوجه الله وبنيه سليمه يعني اي شي تسوينه لاتنطرين مقابل والله ترتاحين حتى شكر لاتنطرين لانه كل شي مكتوب بصحيفتج ويوم القيامه راح تشوفين اعمالج وتفرحين انج سويتيها لوجه الله ورضا الوالدين من رضا الله ارضي امج حتى لو سوت اي شي لانج بتصرفج هذا تكسبين راحه الضمير والنفس في الدنيا والراحه بالاخره باذن الله وخلج شخصيه قويه لنفسج لاتغلطين على احد ولا تهتمين لكلام احد لان الكلام لايودي ولايجيب الواحد يقدر يتكلم من اليوم لي باجر بس وين الفعل ؟؟ وبالنسبه لخالج يقولج نازل عليج الوحي >> الكلام هذا انكتب بصحيفته مو بصحيفتج فليش زعلانه مره ثانيه اذا قالج جذي قولي له الله يهديك انا احاول ارضي ربي واهتم بديني لانه محد نافعني يوم القيامه صدقيني ماراح يقولج شي مره ثانيه ويمكن هو بعد يتغير لانج قلتي هالكلام بعد ترا الكلمه الطيبه والاسلوب الحلو له تاثير ع الكل دايم اذكري الله بصوت خفيف مثلا سبحان الله وبحمده سبحان الله العظيم او لا اله الا الله او الله اكبر او الحمدلله خليهم دايم يسمعونج تذكرين الله شوي شوي بيتعودون انج تغيرتي ووممكن يتغيرون معاج شغلي قران بالصاله سوره الرحمن او الفجر مؤثره جدا لانها في الاخير تتكلم عن الموت ويوم القيامه الواحد يتاثر بالقران سبحان الله اممم لاتستحين من دينج يعني اي شي تسوينه صلاه ذكر قران سويه وكلج فخر وبقوه لانج ترضين رب العباد ومحد من حقه يتكلم وخاصه اذا كان مسلم لانج انتي الصح واللي تسوينه طيب احنا خسرانين بالدنيا لانه مافي فرحه كامله مع راحه فليش مانحاول نكسب الاخره وطبعا نحاول نوازن بين الدارين مو معناته ننسى الدنيا بس مانخلي الدنيا اكبر همنا نخلي الاخره همنا عشان ننعم بنعيم الجنه باذن الله قولوا امين ..
اقري عن نعيم الجنه بتشتاقين لها وماتبين تفكرين الا فيها بعدين اقري عن عذاب جهنم وشوفي شلون الكفار فيها اعوذ بالله الله يعافينا ان شاءالله والله خطوات بسيطه تغيرين حياتج للاحسن ثقي بربج وشوفي شلون ينفتح لج باب استغفرررري كثير للاستغفار تاثير وحاولي تفكرين بايجابيه اكثر عشان يتعود العقل الباطن بهالشي طوري من نفسج تعرفي على صديقات صالحات وكثير ماشاءالله ادخلي دار قران احضري ندوات واذا ماتقدرين عندج النت فيه ندوات شكثر واحفظي من المصحف وفيه هني مسابقات اشتركي فيهم فيه حلوول كثيره بس محتاجه لاراده قويه وانتي قدها باذن الله ..