مآساتي مع قطوتي وهيجانها السخيف

[The Boutique]

:0bee2e8d89:


لاحول ولاقوه الا بالله العلي العظيم



قطوتي عمرها سنتين
ومن تييها حاله الهيجان وتبي تتزاوج
ماتخلي الذكر يجيسها تشمخ وتعفر
واروح اركض اعطيها حبوب الهرمونات عشان تطخ وطبعا هالحبوب تمنع الحمل
الدكتور يقولي حكريها 10 ايام معاها بالغرفه لحد يدش عليهم غير للاكل

قلبي مايطاوعني انا متعوده عليهم دار مداري شنو احكرهم

انا اقولك سبب اني اخاف وماخليها من تييها الحاله اعطيها مانع الحمل


لان يوم اهي صغيره يتها الحاله وقامت تحن تحن ماتسكت وتبجي طول الليل مانمت
ووقفت عن التنفس تقريبا 5 ثواني وتيبست فوقف قلبي انا
فاخاف تصيرلها حاله



وانا ابدا ما افكر اشيل رحمها حرام اول شي هذي روح تبي عيال باجر تدعي علي
وثاني شي بموت واشوف عيالها



همتكم ياخواتي ​

 

[أم حيدر]

لووووووووووووووووول

يحليلج كلمن بقلبة شقليلة

هيتيها يوم بره ترجعلج اوكي

 

[The Boutique]

اي والله وانا بقلبي شقا الغالي p:
يبه هذي بنت بيوت وين اهيتها بره
مره طلعتها بره لحقها عتوي انحاشت ركض برى البيت وانا ركض وراهم جدام الله وخلقه وابجي واصرخ ادورها
لالا ارجوكي ارفض هذا الحل !!

 

[FunKa]

سوي نفس ماقال الدكتور

خليهم بغرفه وحده موطول اليوم لأ يعني فترة الليل أوالفتره إلي ماتقعيدن معاهم

وشوفي

...

 

[anoore]

خلاص سوي اللي قالج الدكتور بس مو الا 10 ايام خليها يومين ثلاث جربي مني خسرانه
حرام كل مره تتعب وتعبج معاها

 

[القطانيه]

سبحان الله وله في خلقه شؤوون

 

[bint_looda]

الدكتور ابخص

 

[AmOoNa-]

حبيبتي هذا شي طبيعي كل القطاوه جذي!! بس انتي لمه تخلينهم حواليج وكل ما طقته وخرتيها ولا طالعتوهم ماراح يسون شي في قطاوه جذي والله النثيه تطق الذكر جدام الناس ومن يصيرون بروحهم تخليه سمعي كلام الدكتور وحطيلهم اكل ووحمامهم بغرفه وسكريها عليهم تره كله جم يوم ماراح يطولون وانتي كل مابغيتي تلعبين معاهم دخلي عندهم شالمشكله

 

[al7noona]

شوفي ترى كلهم جذي انا بعد قطوتي تحن وتحن وتموووووت من الحنه ولما اييب لها ذكر اطقه وتعصب بس سبحان الله بعد شهر اعرف انها حامل خليهم مع بعض بروحهم واهما يتفاهمون وانشالله بعد شهر تلقينها حاااامل اهما جذي طريقتهم ماعليج منها عياااره

 

[أمانيQ8]

يمه يمه قطوتج بااااازع قوية العين يبيلها ريلين

 

[Galaty]

حبيبتي حتى انا قطوتي جذي مع انها حملت من قبل يمكن 6 مرات! بس كللللللللل مره نفس المعاناه
تطقه وتنتف شعره وتصارخ عليه ومسكين يرد يحاول
بس اخر 3 حملات عرفتلها
مااخليهم بروحهم لان اهي تخاف... لما يقرب منها انا امسكها وامسح على راسها واحاول اهديها لما اهو ايي يعضها وشسمونه...
ماترضى ريلها يقرب يمها الا وانا موجوده تخيلي؟ طبعا عقب ماتحمل تصير عادي صديقته لووول بس قبلها تلعوزه مسكين
اذا ماتقدرين تخلينها 10 ايام مثل ماقال الدكتور يمكن طريقتي تنفعج ويمكن قطوتج نفس قطوتي خوافه اكثر
"يتمنعن وهن الراغبات" لووول واي استفسار عن التفاصيل تقدرين تراسليني عالخاص حبوبه وانا حاظرة

 

[The Boutique]

مشكورين وايد بنات
قطوتي خلتني فرجه للناس ياخراااااااابي

غلاتي للاسف انا سويت نفس الشي مع ان ماكان ودي اعترف
وطخت وحاولت الاستمتاع وحياتج بس شيسمونه هذا شيسمونه الللي مناك بيي مني وبيصير من مني لي مناك
مادري شخربط
صرخت صرخه وحياتج ونقزت
الا انا راده مترين لي ورى واهو طايح على ظهره

مسخرتنا بعزه نفسها وكبريائها
مع انها من جماعه يتمنعن وهن الراغبات :dddds:​

 

[×-Mjro7H-×]

امبيييييييييييييييييييه فشششششششششششششششششششله

 

[أميرة الحلا]

الدكتور ابخص

 

[بنت عبدالغني شربت]

نفس قطوتي القديمه كانت شايفه عمرها مع ويها بس مثل ما قال الدكتور حكريها بدااااااار 3 ايام ويصيرون ربع بعدين وتلقيناها حامل بعد

 

[The Boutique]

احكرها عيل وياه بليل ماكو الا هل حل

الخايسه تنفس علي اذا حكرتها ومانومتها عندي

 

[جوجو.]

هههههههه من صجج وهرمونات بعد لاحول ولا قوة الا بالله
انزين حكريها خليها ترتاح لانها راح اتهيج اكثر حرام والله

 

[kuwaitya_zoGaa]

واى مت من الضحك سورى ... بس والله قطوتج عياره . لووووووووووووووول

 

[AmOoNa-]

اشفيكم والله الموضوع عادي كل القطاوه جذي

 

[barbreeta]

حبيبتي شلون تبينها اتحمل وتعطينها حبوب قطعي الحبوب وبعدين اذا قطوتج مو عاجبها هالريل ييبيلها ريل ثاني من حقها تختار يمكن مو متقبلته لووووووووووووووووول شوفي اذا ما نفع معاها اجريلها ريل يديد وحلو تلقين بمحل هامستر او سوق الحمام واتربى بعزج انشالله