لٍك حَبيب يموت فيــــــــ بقلمي انا Um Sh'HaBii ــــــك

[Om sh'haBii]

السلام عليكم ورحمة الله وبركاته


هذي اول تجربه لي بكتابة قصه واتمنى الي تقرا القصه تحطلي رد ومابي اشوف مشاهدات من غير ردود حتى لو مو عاجبتج عادي انا اتقبل النقد

وخاصه انها اول تجربه يعني عادي

والي تبي تنقلها يا رييت تنقلها باسمي انا Um Sh'haBii

لان صج تعبت وانا اكتبها والبارتات انشالله بنزلهم كل يوم او يومين

انشالله القى تفاعل




يوم الاحد ( بداية الاسبوع )

الموقع : بيت بو محمد بمنطقة الرميثيه ....
الساعه 7 الصبح


ام محمد : يلاااااا يماااا محمد قوووم الساعه صارت 7 يلا يا وليدي

محمد : انشالله يما يلا كاني قايمه

ام محمد : قوم يا وليدي يلا عشان تودي اختك تاخرت على المدرسه ...

بو محمد : والله هذا ولدج ما ادري شنو اسوي فيه خلص دراسه وقعد بالبيت مجاابلج ومجابلني

ام محمد : ويييه خله شوي يستانس بشبابه ترى مو قاصرنا شي الحمدالله على كل حال



(( ينزل محمد ويمه اخته الجازي ))

وصف محمد : خريج جامعة الكويت من كلية الحقوق وكان طموحه من زمان ان يصير محامي و يرفع راس ابوه محمد انسان عادي كل طموحه رضا امه ابوه و شكله طويل و حنطاوي وشعره خفييف كلش وملامحه عاديه ويشتهر بعيونه الي تارسها الرموش ومكبره عيونه وعمره 22 سنه وسيارته كادلك سي تي اس


وصف الجازي : شعرها لي نص ظهرها اسود و عيونها صغيرونه وحنطاويه على لون اخوها وحاطه تقويم وملامحها ملامح ياهل عمره 7 سنين وعمرها 17 سنه تدرس بالثنويه وخريجة علمي عكس اخوها محمد

وصف ام محمد : عمرها 44 سنه وحبوبه من الكل وشايله بيتها وكانت مدرسه قبل بس قعادتج من قبل 3 سنين عشان مرض بنتها سجى

وصف بو محمد : عمره 47 سنه والكل يحترمه ويقدره ومربي عياله احسن تربيه من بين اخوانه ويحبهم ومو مقصر عنهم بشي ومتقاعد وعنده مشاريع تدر عليه بالرزق له ولعياله وما عليهم قاصر

محمد : صباح الخير يبا

بو محمد : يا صباح نور ... شلونك . شلون النومه ؟؟

محمد : الحمدالله وانتي يمه شلونج ؟

ام محمد : انا بخير يا وليدي يلا قوم اكل لك لقمه عشان تودي اختك

الجازي : قوه يبا قوه يما شلونكم ؟؟

بو محمد : الله يقويج يالغاليه وينج امس ما شفناج كل هذا دراسه رحمي روحج يا بنتي مو زين جذي عليج

ام محمد : وييييي شفييك على بنتي خلها تدرس مشالله عليها باجر تصير مثل اخوها محاميه وترفع راسنا

الجازي : لا يمه انا ابي ادرس هندسه مابي مثل حمود محاميه

محمد: وشفيهم المحامين مو تارسين عينج

الجازي : امبلا على عيني وراسي بس انا ابي هندسه عيل داشه علمي ليش؟

بو محمد : يلا يا عيال قوموا اكلوا لقمه وبلاها سوالف من الصبح وانت يا محمد ود اختك وارجع البيت ابيك بموضوع

محمد : على امرك يبا

 

[فافا7]

يشرفني اني اكون اول من يرد على القصه

وكبدايه حلوه ..واتمنى انج تكملينها

 

[Om sh'haBii]

مشكوره فيفا على المرور

وانشالله بنزل بارت

 

[Om sh'haBii]

الساعه 7:15 الصبح ... ام محمد ادش غرفة بنتها سجى

سجى عمرها 14 سنه و فيها سرطان بالدم وما فاد معاها العلاج وكل الدكاتره قالوا ان ايامها معدوده وراحوا 3 مرات علاج للخارج وما فاد معاها ولا لها علاج لان المرض نادر من سرطان الدم والكل راضي بقضاء الله وقدره وفيها المرض من 3 سنين وكله تعبانه عشان جذي ما تروح المدرسه


ام محمد : سجى حبيبتي يلا قومي الساعه 7:15

سجى : انشالله يما كاني قاعده

ام محمد : يا حلوج والله ,,, والله انج شيخة البنات

سجى تضحك : تسلمين لي يا يما والله انج احلى ام بالدنيا


وصف سجى : سجى ملامحها كله برائه ومالها شغل باحد وتحب اخوها واختها حييل ولان اهيه مريضه شعرها بوي خفييف يعني ما يبين كلش
وراضيه بالي يصير فيها لان شي من الله

ام محمد : يلا قومي بدلي انا وابوج قاعدين تحت ننطرج ونسينا بابتسامتج

سجى : انشالله يما


راحت ام محمد تحت وصكرت الباب وراها

سجى تقول في بالها : انا ما ادري متى راح اي يومي بس اتمنى من كل قلبي ان الله يسعد امي وابوي واخواني والله احبهم حييل وما اتمنى فرقاهم ( رفعت ايدها ) يا رب انك تخليهم يذكروني بالزينه يا رب انك تخليهم يرضون علي يا رب انك ترزق امي وابوي واخواني العافيه وما تحرمهم من رزقك ... وتنزل دمعتها البارده على خدودها











محمد والجازي بالسياره ....

الجازي : اقول حمود ابيك توديني اليوم المكتبه لمن اطلع من المدرسه ابي اشتري اشياء

محمد : انشالله بس انتي دشي المدرسه عشان تطلعين وبالهده يصير خير

الجازي : انشالله يلا كا وصلنا المدرسه باي حبي

محمد : فمان الله خيتو




الجازي بالمدرسه ....

دشت الصف وقاعدين فيه

ريان ورتاج التوأم وشيخه

الجازي : قوه بنات

ريان ورتاج وشيخه : هلاااو جاز

الجازي : بنات شنو علينا اول حصه

شيخه : كيمياااااااااااااااااااااااااااء ( ولايعه جبدها )

الجازي : ههههههههههه ليش لايعه جبدج مو احسن من الاحياء

شيخه : خخخخخخخخخخ وليش يمه شفيه الاحياء


خل اوصف لكم رفيجات الجازي الي اهيه حيل معاهم وما تقدر تتخيل حياتها بدونهم

شيخه : شعرها طويل وماخذ كل ظهرها ,,, ومترتبه و حنطاويه شويه و ويها بيبي فييس حده والي يقعد معاها لازم يموت ضحك على عبطها وخوش بنت وحبوبه من الكل واهيه بنت خالتج الجازي وابوها متوفي من 5 سنين وعايشه مع امها وناصر اخوها

ريان ورتاج : توأم ويشبهوون بعض لين درجه محد يفرق بينهم وايد بس رتاج شعرها طويل وريان قصير واثنينهم حلوين وشعورهم شقر على ابوهم

 

[جمال رباني]

بدايه موفقه .. ولا يوقف

 

[*Toota*]

شكلها خوش قصة ... ناطرينج

 

[Om sh'haBii]

مشكووورييييين على المرور والله ونستوني

انشالله بنزل بارت ايديد

 

[Om sh'haBii]

الجازي : اقول شيووخ تدرين منو يابني المدرسه ؟؟؟ ( وتقمز لها )

شيخه : ها اي منو ( حدها متوتره )

الجازي : لووووووووووووووول وييهج مو صج شفييج ترى ما قلت شي

شيخه: جزويي ترى مالي خلق قولي منو

الجازي : منو غير حبج الحول خخخخخخخ

شيخه: جب جب والله اينن امبييييييييييييه احبه يا ناااس

الجازي : لوووول من زينه عاد لا شاف الحله ولا هم يحزنون

شيخه : وااااااااااااااااااااااااااااااااااي اروحله فدوه ( وتضحك )

الجازي : ههههههههههههه قمتي تتحجين عراقي من الحب اشووف

شيخه : ومن الحب ما قتل اقول بس

الجازي : هههههههههههههههه والله موتيني ضحك من الصبح حسبي الله علي ابلييسج

ويطق الجرس ويبدا اليوم الدراسي



رجع محمد البيت وشاف ابوه وامه وسجى بالصاله

محمد : السلام عليهم مره ثانيه

كلهم : وعليكم السلام

سجى : حبيبي اخوي شلونك اليوم

محمد : بخيييييييير دااام القمر سجى بخير
سجى : حمود ابيك بموضوع
محمد : انشالله اخلص من الوالد وايلج
محمد وبو محمد طلعوا وعشان بو محمد يشوف مشاريعه وما رجع الا الساعه 1 وقط ابوه وراح حق الجازي

 

[كاسبرينوو]

تسلمين حبيبتي ويعطيج الف عافيه
بس يلا كمليها باسرع وقت اوكي ....

 

[كرسبي كريم]

شكل قصتك ووووووووووووايد حلوه
وياريت لو تنزلين البرتات بسرعه وناااااااااااااااااااااااااطرين علي احر من الجمر
لوووووووووووووووووووووووووول
لا يووووووووووووقف لا يووووووووووووووقف

 

[ماسيتي]

قصتج مبيه حلوه بس بارتاتج قصار ياليت لو طولينهم شووووي الله يعطيج العافيه

 

[Om sh'haBii]

الساعه 1 ونص الظهر




امحمد وقف عند باب المدرسه ينطر اخته ويرن تلفونه ( فراس )

محمد : هااااااااا فروووس عاااااااش من سمع هالصووت

فراس : ههههههههههه عاشت ايامك ,,, ترى امس شايفك

محمد : وشلوون ما اوله عليك يبا انت الغالي انتي الحبيييييييييييب

فراس : ههههههههههه زين اخلص وقولي وينك الحين ؟؟

محمد : والله رايح اخذ اختي من المدرسه و بويدها المكتبه ورادها البيت ليش تامر شي ؟؟

فراس : انزين حلو دامك مو بره رميثيه مر بيتنا ... بعطييك شي اليوم شريت لي ولك

محمد : هههههههههههههه ليش تحسسني ان احنا يهال كلل يوم والثاني شاريلي وشاريلك نفس الشي

فراس : انزين انا الحين بقولك شي

محمد ( مستغرب ): شنو ؟؟؟؟؟؟

فراس : انت مو كفووووووووووووووو شي تصدق ولا لا

محمد ( مات من الضحك ) : هههههههههههههههههههههههههههههههههههه افااااااا افاااا خلاص انا شوي وامرك يلا فمان الله

فراس : مع السلامه



اول ما طلعت الجازي من المدرسه ويمها شيخه ومحمد لمحها وقال بقلبه ( والله ما اقدر )






تتتوقعون ليش قال جذي ؟؟ وشحقه ؟؟؟؟؟؟


نرجع 4 سنين ورا

محمد : يبا والله ما كنت اخونج شفيج انتي ما تفهمين شنو اقولج والله اني احبج انتي

ريما : انت واحد جذاب ونصاب وما تستاهل

محمد: وراس امي اني ما اكلم غيرج فهمي يا بنت الاداوم والله شنو تبين اسويلج عشان تصدقين

ريما : اذلف عن ويهي وانا اصير بغيير

محمد يرد يدق ولين اليوم الجهاز مغلق


محمد كان يحب وحده اسمها ريما بس اهيه كله شاكه فيه ومن يومها واهم ما يدرون عن بعض
و ريما فيها ملامح من شيخه ومحمد بعد سنه من فراقه من ريما حس ان شيخه صج تشبها و فيها منها وايد و حتى تصرفاتها ... محمد من يومها حاول يحب شيخه بس ما قدر ينسى ريما او يتناساها




شيخه : ما اقدر احط عيني بعينه احس اني
قاطعها الجازي

الجازي : شيوووخ بس عااااااااد ترى حب من طرف واحد ما ينفع وصدقيني انشالله بتلقين الي يحبج

شيخه ( تحاول تغير الموضوع ) : جبي جبي ويييع اصلا ما احبه بس لان ملل

الجازي: خخخخخخ ويهج يلا انا بروح وادق عليج بعدين

شيخه : اوكي ناطرتج





شيخه توه خذاها السايق وراحت البيت

دشت البيت ولا امها قاعده مع اخوها ناصر

شيخه : السلام عليكم

ام ناصر وناصر : وعليكم السلام


ام ناصر عمرها 48 سنه وتحترم عيالها وما عندها شي اسمه اسامح الي يغلط يتحمل الغلط وهذا شعارها بس حنونه وطيبه

ناصر عمره 27 سنه ومتزوج وصارله سنتين بس ما عنده عيال وما يبي يسوي تحاليل وما يبي يعرف العيب منه ولا من مرته ويعتبر شيخه بنته ويخاف عليها من كل شي وخايف عليها من الدنيا


شيخه : شلونكم؟

اثنينهم : تمام انتي شخبارج وشنو سوييتي من المدرسه ؟؟

شيخه : ايييييييييييييييييييييييييييه يلا ما بقى شي واتخررج يا ربي دعواااتكم


ام ناصر : بالتوفيق انشالله

ناصر : اي بعد شيخه ما ينخاف عليج مشالله مشالله
ما ابي اصكج عين

شيخه : ها ها ها ها اسم الله علي


ام ناصر وناصر : هههههههههههههههههههههه لا اسم الله عليج


و راحت شيخه دارها تبدل ولمن بطلت الباب ...... شااااااافت ..........!!!!





توقعوا شنو صار :ggdw: :ggdw:

 

[Om sh'haBii]

يسلموووو بنااااااات على المرور وانشالله راح اطولهم كثر ما اقدر

 

[Om sh'haBii]

محمد والجازي بالسياره
الجازي : يلا حمود كا مصفط


ودشو المكتبه وحاسبو

واهم طالعين

ركبو السياره


محمد : اوووووووووووه نسيت فروس لازم اروح له بيتهم

شيخه : ليش ؟؟

محمد : ما ادري شنو يبي

شيخه : خلاص نمره بس مو تطول والله ميته يوع حرام عليك

محمد: اوكي انشالله كا بيتهم مو بعيد



بالبيت
ام محمد: شفيهم تأخروا ؟؟

بو محمد : ما عليه الشوارع شوي زحمه نطري

سجى : يمه انا مو يوعانه ممكن اروح انام ؟

ام محمد : يمه ما يصير انتي ما كليتي من الصبح نطري شوي خوانج وناكل مره وحده

سجى : لا يمه عادي تعبانه شوي بس بروح انسدح لي ساعه ما عليكم امر وعن اذنكم

ام محمد و بو محمد قلبهم يتعصر على بنتهم


سجى واهيه تصعد الدري .....





شيخه : يمااااااااااااااااااااااااااا .. ناااااااااااااااااااااااصر ( نازله ركض من الدري )

وااااااااااااااااااااي فديييييييييييتكم شدراكم ان عيد ميلادي ( وتلمهم )


ام ناصر : وفي احد ينساج انتي ؟؟

ناصر : كل عااااااام وانتي بخخيير


شوي ولا مرت ناصر توها داشه البيت

هند ( حبوووووووووووووبه وجميييله بشرتها بيضه و حلوه حيييل وناصر خذاها عن حب و تحب شيخه وام ناصر وما عايشه معاهم بنفس البيت مع ريلها و عمرها 24 سنه )


هند : السلام عليكم يا جماعه

ناصر : هلا هلا برووح ناااصر هلا

هند ( استحت )

ام ناصر وشيخه : وعليكم السلام

شيخه : ويييييييييه ترى اغااار على اخوي ( وتضحك )

ام ناصر ( تضحك ) : ويييييييي الله يتمم عليكم و لا يتغيركم عن بعض قولو امييين

كلهم : امييين

شيخه : هنود شوفي شنو سوولي امي وناصر اليوم عيد ميلادي

هند ( تخزهم ): وليش محد ذكر اسمي وانا صاحبه الفكره

شيخه : صج واااااااااااي بعد عمري انتي والله
وكلهم اضحكو وراحو يتغدون







بيت بو محمد

ام محمد : يمااااااااااااا سجى
بو محمد : سجى يباااا شفييييييييييج

سجى : ............

وسجى ما ترد وجسمها بارد حييل

ام محمد ركضت ودقت على الاسعاف




محمد يدق على فراس

محمد : يلا فروس انا بره اطلع

فراس : اي كاني


طلع لهم فراس لابس تيشرت ابيض و شورت احمر وفراس اسمر وشعره اسووود ومو ناعم يعني عادي وطويل ومجسم شوي و وحيد امه وابوه والمدلع و اهو ومحمد ربع من زمااان من الابتدائي



فراس لمن شاف الجازي نزل راسه

فراس : السلام عليكم

الجازي ومحمد : وعليكم السلام


محمد : يلا فروووس مستعييييييييل والله وهذي ميته يوع

الجازي : يعني توني طالعه من المدرسه ما ايوع

فراس : ههههههههه يلا عيل بالعافيه وما اطول عليكم يلا حمود دق علي بليل

محمد : مع السلامه

فراس تنح بوي الجازي بس اهيه ما حست بهالشي يعني كان عادي مثل اخوها





ومشوا بطريج البيت ,,,,

 

[جمال رباني]

شكله رووعه كملي ناطرينج

 

[كرسبي كريم]

ويييييييييييييييييييييييييييييييييييييييييييييييييين الباقي القصه ؟؟؟؟؟
لا طوووووووووووووووووووووووووووووووووووولين

 

[dr.tooota]

كملي حدها تينن واصلي

 

[كاسبرينوو]

كمليها حدها عجيبه ...
وحدي اندمجت ...

 

[Om sh'haBii]

يسلموووو على المروووور بنااااات وانشالله انا قاعده انزل كل يوم 2 او 3 بس ماكو تفاعل :0bee2e8d89:



واول ما شافوا سيارت الاسعاف عن باب بيتهم محمد انخبص و عقله طار
الجازي : محمد امببييييييييييه سجووووووووووووي لا يصير فيها شي ( وتبجي )


محمد : ,,,,,,,,,,,,,,,,,,,

وينزل ركض ويشووف ان امه تبجي وابوه مصدوم ودموعه بعينه

محمد :,,,,,,,,,,,

ويرووح حق امه

محمد : يما سجى وين
ام محمد : ,,,,,,,, ( تبجي بصراخ )

محمد : يمه تكفين قوليلي اختي وينها

ام محمد : سجى راحت يا محمد سجى راااااااحت يا وليدي


محمد : ,,,,,,,,,,,,,,,, ( ما قدر يستوعب شي )

الجازي واقفه ودموعها بساكت وما تدري شنو تسوي

تبي تستوعب

وتروح تلم امها وتقول لها بصوت مو مفهوووم

الجازي : ي______مه سجـ______و__ي وــــــين ؟؟؟ ( دموعها تنزل بسكات وبرود )


ام محمد : ,,,,,,,,,,, ( وتبجي بنواح وصراخ )

الجازي : ,,,,,,,,,,,,,,,,



الساعه 7 بليل


شيخه : امبييييييييييه جزووي وينها اليوم

مسكت تلفونها ودقت على الجازي

( الجهاز مغلق او خارج منطقة التغطيه )


شيخه : ويييييييييييييي هذي شفيها

ام ناصر : شيوووووووووووخ شيووووووووووووخه

شيخه : هلا يالغاليه ؟؟

ام ناصر : تعااااااالييي بسسسسسسسرعه ( وصوتها مبحوح )

شيخه : يما اسم الله عليج شفيج ؟؟؟

ام ناصر : سجى ........

شيخخه : سجى شفييها يمااا قووولي؟؟؟؟؟

ام ناصر : سجى عطتج عمرها

شيخه ( جنه احد طاقها طراق ) : امبييييييييييه امبيييييييييييييييييييييييه الله يرحمها سجوووووووووي وااااااااي

( وتبجي )




بعد 3 ايام العزا


شيخه : جزووي ؟؟؟

الجازي : ..........

شيخه : ججزووووي والي يعافيج ردي علي ( وفيها بجيه )

الجازي : ما اصدق ان سجى اختي خلاص ماراح اشوفها بعد

شيخه : حبيبتي جزوي تكفين والله انا معاج وسجى عند ربي
انتي تدرين اهيه شكثر مريضه والله حرام عليج طلبي لها الرحمه والله انها كانت تعاني ومحد حاس فيها
وايد تعبت واهيه توها صغيره بس الاعمار بايد الله

الجازي ( وتبجي ) : بس انا احبها وابيها بحياتي

شيخه : اهيه عند ربج محفوظه والله يرحمها

ويلمون بعض ويبجون ببرود




بعد 4 اشهر ....

شيخه : يمااااااااااا يمااااااااااااااااااااا
ام ناصر : هلا يماااا

شيخه : يماااااااااااااا تخررررررررجت خلااااااااااااااص
يماااااااااااااا يبت 93 باركييلييي

ام ناصر : كلولوللولللللللللللللللللللووووووووووووووووش مبرووووك يماا مبروك


ناصر : شدعوه شفييييييكم فرحوونا معاكم

شيخه : نصووووووووووور يبت 93 باركلييي

ناصر ( حده مستانس ) : ههههههههههههههههههه على البركه يلا عقبال الجامعه انشالله

بنت بو محمد ........

ام محمد : جاااازييييي جااااااازييي يلا قومي من النوم طلعت النتايج

الجازي ( فزت من النوم ) :: شنو شنو شصار انا جم؟؟؟؟


ام محمد : ماراح اقولج يلا قومي بدلي بسرعه ابوج يبيج تحت بس شكلج راح تنزفيين زف اليهد

الجازي ( مصدومه ) : من صجج .... امبيييييييييه جم يما جم

ام محمد : بدلي ابوج تحت

الجازي : بسرعه بدلت ونزلت ركض

بو محمد : انتي شنو مسويه ؟؟؟
وين الي تبي هندسه وشاد فيج الظهر واخير شي على ولا شي


الجازي : يبا لا تووقف قلبي قولي جم

ابو محمد ( قامت الضحكه ) : فييييييييييي بنت بالدنيا اتيب 95 %

الجازي ( واقفه على الدري مصعووقه ) : يبا شنو ؟؟؟!!!!!!!!!!

بو محمد : هههههههههههههههههه مبرووك يا مهندسه


الجازي : يبااااااااااااااااااااااااااااااااا ووقففففف قلبي ( وتروح تلم ابوها )

ام محمد : مبروك يا حلوه

الجازي : يبارك في حياتج وضاق خلقها لمن تذكر ,,,,,,


قبل سنه ...

سجى : يا مهندسه يا انتي هههههه
الجازي : مو عاجبج .... انا مهندسه انشالله ابني بيتج انتي وريلج

سجى : ههههههههههههههه انشالله يلا شدي حيلج

الجازي : انشالله بترقصين بحفلة تخرجي




ردت الجازي حق الواقع ودمعت عيونها وباست راس امها وابوها وراحت دارها واهيه تمشي بالممر الي فوق

دشت غرفة سجى وسكرت الباب

وبطلت الدريشه ونورت الغرفه

اقعدت على سرير اختها وقامت تشوف الغرفه

قامت بطلت الكبت وشافت الهدوم وتشم ريحة اختها

وتتذكر كل ايامهم مع بعض

ومره تبتسم ومره تبجي ومره تحس براحة اختها

واهيه تطلع هدوم اختها شافت شي بالكبت ,,,,,,,,,,,,,,,

 

[الاحاسيس المبهمه]

لايوقف لايوقف لايوقف

يالله حده شكلهااا عجييبه ويتنغ يوو سويتي