لي متى تحكمات الاطباء فينا يعني!!!!!!!!!!

[سبائك]

السلام عليكم



بنات انا بقولكم قصة طفلة عمرها سنتين وابيكم انتو تحكمون عالموقف


الام استنكرت على بنتها كثرة التبول مكرمين وكثرة شرب الماي والخدور كله تتقطط ودايخه

راحت المستوصف تبي تحاليل لها فقالت حق الدكتوره ( الي اهي من جنسيه عربيه مو كويتيه ) ابي تحليل سكر حق بنتي

قالت لها الدكتورة لا ما يحتاج بنتج معاها احتقان عشان جذي تشرب ماي وايد

قالت لها انزين بس عشان اتطمن

تهقون شردت عليها الدكتورة!!!!!!!!!!






ما تييجي تقعدي مكاني احسن:eh_s(13):


وتهاوشت الام وياها وطلعت


وراحت حق دكتور وثاني وعطاها بكل بساطه

ولما سوو لها التحليل خنت حيلي طلع فوق ال 34 اعلى معدلات السكر

والحين تاخذ 3 الى 4 ابر باليوم


الي بفهمه ليش رفضت تعطيها التحليل

ياربي مستوصفاتنا ويتحكمون فيها على كيفهم ليش!!!!!!

وترى هالموقف مو اول ولا آخر موقف وااااااااااايد يصير معاهم جذي يرفضون يعطوننا تحاليل ولا اشعه بس عشان نتطمن وحق ربعهم كل واحد ملفه امتن من الثاني والله شوف عيني

والله قهر


بنات لاتنسون تدعون حق البنوته ان ربي يشافيها ويعافيها

 

[الفدعى]

شقولج شخلي حسبي الله عليهم ونعم الوكيل

 

[كوشيه فوشيه]

رد : لي متى تحكمات الاطباء فينا يعني!!!!!!!!!!




حسبي الله ونعم الوكيل فيها


خسرانه من حلال ابوها شي :rgewrg:


مالها خلق تكتب عجزانه


بس ما اتعاجز تاخذ معاشها اخر الشهر


بس شنو نقول لاحول ولا قوه الا بالله


الله يشافي البنوته يآآرب

 

[الفدعى]

لا هونت رديت بقولج فيني حره

الله يسلمج خالي فيه سكر ويغز ابر المهم مع الوقت عزج الله النعول والجواتي صارت موقد ريله اليسار انتفخت وكل ماراح خالي للمستشفى

او المستوصف قالوله هذي لان انت تشرب سؤال واجد وعلى هلحال لين انتفخت ريله اليمين وهمن نفس الكلام لين اغمى عليه ووده المستشفى


طلع الي في ريوله زلال واصل للرئه وسبب ضعفان او ارتخاء في عضلات القلب يعني النبض عند خالي لمن اغمى عليه كان بطيء

والتنفس بصعوبه لانه رئته فيها ماي وحسبي الله عليهم

 

[الفدعى]

اي ونسيت اقولكم يابنات المصيبه بسالفه خالي ان سبب الزلال كان دكتور السكري معطيه جرعات غلط

 

[سبائك]

رد : لي متى تحكمات الاطباء فينا يعني!!!!!!!!!!

واي واي الفدعه عورتي قلبي

يارب يشافي خالج ويعافيه

 

[aṕriliå]

رد : لي متى تحكمات الاطباء فينا يعني!!!!!!!!!!

يااااااربي شنو هذا

اظن انها ماتشتغل لسواد عيونا

 

[حرم القيصركمودس]

رد : لي متى تحكمات الاطباء فينا يعني!!!!!!!!!!

الكويت للوافدين مو المواطنين
الله يسامحها

 

[أم حمودي**MALL**]

ترى مو كل الدكاتره سوا
في الزين وفي الشين

 

[LuLiTa]

عسى الله يشافي البنوته =)

 

[♥ąϻᴑŁ♥]

وآآآي والله في دكــآآترة ودج تذبحينهم .!!

يعني شخسرآآآنة لمى تسوين لهــآآ تحليل .~؟!

الله يشــآآفيــهــآآ ويعــآآفيــهــآآآ ~.

 

[الفدعى]

رد: رد : لي متى تحكمات الاطباء فينا يعني!!!!!!!!!!

الكويت للوافدين مو المواطنين
الله يسامحها

اي والله صاجه :bbbiu:

قهر وربي قهر :bbbiu:

اب اب اب

للموضوع نبي نشوف تجارب البنات

 

[الفدعى]

اي وبقول لكم سالفه بعد قهر تحر

بنت جيرانه حامل وياها الطلق الطلق يروح ويرد عليها راحت مستشفى العدان دخلوها ولاده على طول وقالو لها انتي بس مفتوحه 4 سانتي

ولبسوها لبس الولاده ودخلوها قعدت يوم كامل تقريبا تقول بس اشوف السسترات رايحين رادين ماكو دكتور واسم الدكتور ماجد

ياها الدكتور وقال لها انتي مافيج ولاده يلا روحي البيت للحين انتي على 4 سانتي مافي شي عاد اهي طلبت ملابسها قالو لها ظاعو

راح لها زوجها وياب لها ملابس المهم يالها عوااااااااااااااااااااار والم قوي ردت المستشفى بليل دخلوها ولاده قالو لها انتي الحين 7 سانتي

وتقول الدكتور ماطل علي السسترات بس انبط الماي وطلع منها دم يالها الدكتور حاول يولدها ماقدر قالو لها لازم عمليه قيصريه

قالت ولدوني خلاص بأي طريقه انا بموت قال لها لازم مواقفه زوجج <<<بله اذا زوجها مسافر او يدرس برا شلحل يعني

ويجي زوجها ويوقع على العمليه المهم ولدت بقيصريه وخلصت الحين نرد على الولد الدكتور قال حق الزوج ولدك في كسر بلجمجمه

ولازم يدخل شيشه صارت لويه وحوسه وشكاوي شلون الطفل زلق المرا ماولدت طبيعي ولدت فتح بطن طلع الطفل طايح من ايد الدكتور

وفي شهود وزوجها سوا شكوا الخ قعد ولدها ف مستشفى 4 شهور الحين عمره 3 سنوات وشرخ الي ف الجمجه التئم بس طلع الولد اطرم

واصقه لانه لمن طاح من ايد الدكتور الخلايا الي ف المخ مالت السمع والنطق اتلفت اي وصار الولد يلبس نظاره لانه في حوله هم من سبب

الطيحه تقول الام اشوه ان جت على جذي مو شي ثاني شلل لاقدر الله او عمى

عسى ربي يشفي لها ولدها يااااااااااااارب

وشكوى التحقيق طلعو الدكاتره براءه

 

[لؤلؤية]

رد : لي متى تحكمات الاطباء فينا يعني!!!!!!!!!!

الكويت للوافدين مو المواطنين
الله يسامحها

نفس اللي باقوووله

 

[كويتية و عتيبية]

رد : لي متى تحكمات الاطباء فينا يعني!!!!!!!!!!

صآجة نفس خدامتنااا كل شوي طاايحة علينا تعباانة ودتها امي الطبيب قالت كل يوم جايبينها اكتبيلها تحليل جان تعصب وتقوول منو الدكتورة انا والا انتي بس امي زفتهااا وخذت تحليل بالغصب..


الله يهديهم بس..