لي متى ببقى تحت رحمه الكيلوات الزايده نبيها رشاقه

[عليـاء]

عندي جهاز الاوبتراك بس بكرسي من زمان مااستخدمته
بس من سنتين كنت اخفف والعب فيه كان جسمي روعة ويطلع خصر غير انه ينحف اليد بعد
هذا نفس اللي عندي

 

[ام_ياسمين]

منوووووووووورة ام خدوج

اوكي انا باجر اول ما اقعد بشووووووووف وزني جم وبرسله لكويتيه وياااااااارب أكون نازله أو على الأقل نفس الوزن تهي

علياء فديتج انشاءالله توصلين للوزن اللي تبينه يارب أما بخصوص وزني أنا السبت اللي طاف >> 79

 

[عليـاء]

يارب ام ياسمين
نكون نازلين أو ثابتين فديتج
ويارب تنزلين عن وزنج وتوصلين للي تبينه

 

[عليـاء]

هذا دايت أتمنى يفيدكم
حلو وايد

الفطور:
-بيضة مسلوقه+توست أسمر حبة وحده+خيار أو طماطم
-قطعتين جبن دايت+توست أسمر حبة وحدة+ملعقة مربى لايت أو حبة خيار أو طماطم
-كوب حليب دايت + حبوب ( أي نوع من الحبوب ، كويكر او كورن فلكس ..الخ)
بين الفطور والغداء:
شيء واحد فقط:
كوب قهوه أو شاي أو عصيرطازج
حبة فاكهة ، حتى لو كان موز عادي ومهم التنويع يعني مو نفس الفاكهه كل يوم.
الغداء:
نص خبزه أو نص كوب عيش أو نص كوب معكرونة مسلوقه بدون اضافات
قطعة دجاج / لحم / سمك مشوي (حجم كف اليد )
سلطة خضراء.. بدون توابل ( ممكن ليمون + زيت زيتون) أو خضار مسلوقة على حسب الرغبة
بين والغداء والعشاء:
حبة فاكهة اوقطعة شوكولا مره في الاسبوع فقط
العشاء:
-شوربة خضار + خيارة مثلا
-خضار مسلوقة + 1 توست
-كوب روب + سلطة
-قطعتين جبن دايت + 1 توست أسمر ( ممكن لليوم اللي مافطرتي فيه جبن)
العشاء لازم يكون بدري قبل النوم بساعتين أو ثلاث
-مهم شرب المــاء بكثره تقريبا 8 اكواب في اليوم، ومهم جدا شرب الماء على الريق، وفي طريقه تنحف منطقة الخصر من الشحوم وهي: شرب كوب ماء بحرارة الغرفة يوميا على الريق ، مع قطرات ليمون.
-المشي مهم جدا عالأقل مرتين في الإسبوع .. والرياضه ساعه يوميا تقدرين تقسمين الساعه على اليوم كله عشان ماتحسين بالملل او التعب. مثلا : ربع ساعه الصبح ونص ساعه قبل العشا وربع ساعه بعد العشا وتكون للجسم كله .. مع التركيز أكثر على المنطقة اللي محتاجه تنحفينها في جسمك. خلى الحركه الدايمه إسلوب حياتك الجديد زيدي نشاطك اليومي . حتى لو بترتيب غرفتك او البيت.ومهم جدا يكون عندك اثقال خفيفه تساعد على شد الجسم و مايترهل خصوصا منطقة الزنود والابطين والصدر.
- للميزان حددي يوم واحد فقط تقيسين فيه وزنك في الإسبوع
-اليوم اللي انتي عارفه انك معزومه فيه ،، استبدلي الصبح البيضه ،، بقطعة جبن دايت مع توست وعالغداء استبدلي الدجاج .. بشوربه خضار خففي الفطور والغداء
-الاكل ببط ومضغ الطعام جيدا
-عدم الشرب أثناء تناول الطعام
-مضغ اللبان ( العلكة) والكاتشب والتباسكو يسوي كرش.
-إذا كان فيك بطن ( كرشة ) تعودي طول الوقت قد ماتقدرين تشدين بطنك على داخل .. وتكون جلستك صحيحه .
الممنوعات:
-الصوم عن الاكل طول اليوم واكل وجبة وحده
-امتعني من شرب العصائر حتى لو كانت فرش لان فيها كالوري كثير .. فالاحسن تاكلين الفاكهه وهي طازجه بدلا من العصير
-أمتنعي من أكل الشبس نهائيا وخففي من الملح في كل وجباتك
-استخدمي دايت سكر وخففي منه بعد إبتعدي عن الزبدة و المايونيزوالسلاد دريسنغ بانواعها
-تجبني ممارسة الرياضة بعد الأكل مباشرة ( طريقة غير صحية وغير نافعه)

 

[ام_ياسمين]

-مضغ اللبان ( العلكة) والكاتشب والتباسكو يسوي كرش.

معلومه جديده يسلموووووووو علووويه فديتج

 

[هـدوء]

السلام عليكم ....
شخباركم جميعا ...

كويتيه ...
علياء ...

هلا وغلا ....فديتكم والله ...

علياء مشكوره على روابط الرياضه ...إن شاء الله بطبقها ..

 

[ليمونه79]

مرحبا اشلونكم اليوم الوزن راح ادزه لكويتيه

 

[عليـاء]

بنات شلونكم
انا طرشت الوزن لكويتية
وصباحكم خير

اليوم سويت ريجيم تنظيف الجسم
وبديتها بماي فيه نص عصير ليمونة
قطعتين تفاح
شاي النعناع

 

[FuLL.MooN]

السلام عليكم
بنات احلى شي وزني قاعد ينزل اخيرا بدون ريجيم حدي مستانسة... قبل العيد كنت 117 الحين كسرت ال 115 الحمد الله وبعد ال114

 

[ام_ياسمين]

صباحكم عسل بنات انا توني قاعده

بشوووووووف وزني دعوااااااااتكم والله تعبت هالأسبوع يارب أنزل لو كيلو

 

[ام_ياسمين]

تم إرسال الوزن

ألحين بشرب قلاصين ماي وبعدها بشرب شوربة عدس

الله يثبتني ياااااااااااااااارب واوصل لحلمي بالصحه انا وانتوا قولوا آمين

 

[ليمونه79]

مساء الخير انا تريقت 3شابوره وجبنه لايت وحليب وبس

 

[عليـاء]

هلا بنات
فول مون
مبروك النزول فديتج

ام ياسمين
الله يثبتج والجميع ياقلبي

ليمونة
بالعافية أكلج

وين كويتية وحساسة ولوو وام خدوجة
وينكم بنات عسى المانع خير حبايبي

 

[عليـاء]

أنا رحت البيوتي سويت لفيتنغ وهو جهاز لشد البشرة
وخاصة من النحافة والمتن الويه يطيح ههههههههههههههه
حلو وحسيت ويهي تغير شوي

وتغديت في فرايدز
شوي كولا
ونص سندويشة شاورما

والحين باشرب شاي اخضر

 

[BiiShOoO]

قوووة يناات شلونكم شخباركم شمسوين


انا توني قاعده من النووم و بوزن و بدز وزني جق كويتيه و ان شاء الله يا رب نازلة


قبل يومين جذي ويهي حوالين حلجي انجرح من الحف و وويهي صار يخرع

رحينت الطبيب عطتني كريم يوخره و الحمدالله بده يخف وواييد

و الحين اكتشفت ان شقتي فيها نمل مع انه انا من سكنت ما طلع نمل و جم مره القى نملة داشة داخل هدومي و سالت امي قالتلي هذا حسد


الحمدالله على كل حال بس حبيت افضفض شوي

 

[om.5doja]

السلام عليكم شخبااااااااااااار الحلوين ؟؟؟


حبيبتي علويه وام ياسمين وليمونه عليييييييكم بالف عافيه ياااارب وان شاءالله تكونون كلكم نازلين

مبرووووك فل مون حبيبتي وعقبال ماتكسرين ال 100 ياااااارب

لوووو ياقلبي اشوه انه فاد معاج الكريم انا رفيجتي مسكينه شوهووو ويها بالحف وليمه الحين فيه اثر صوب شفايفها الحمدالله انه نفع معاج ومره ثانيه ديري بالج من هالحفافات

واسمالله عليج من الحسد الله يحفظج يارب ويبعد عنج الحساد قولي امين

يومياتي حق اليوم ياحلوين

ريوقي كان جبن ابيض مع طماط وخيار وخس وزيتون ونص خبزه سمره

وغداي كليت لحم مشوي ويه سلطه

وعشاي بإذن الله روب وخيار او اناناس

والله يسهل علينا جميعا يارب

موفقييييييييين ياحلوين

وتم ارسال الوزن لكويتيه


كويييييييييييييييييييييتيه ويييييييييييييييييينج @_@

 

[om.5doja]

وعليكم السلام اهلا اهلا هدوء

احنا بخير دامج بخير

 

[om.5doja]

علويه حبيبتي موجوووووووووووده بس اليوم زواره اهلي وتوني بس اللي قدرت اشبك

 

[ام_ياسمين]

شلونج ام خدووج ...؟

لووووووو الله يبعد عنج وعنا الحسد الله يكون بعونج

كثري من قراية المعوذات وشغلي القران بشقتج والله يبعد عنج العين يارب

بنات انا متشوقه أبي أعرف اشكثر نزلتوا هههههه وين كويتيه متى تنزل الأوزان ...!

 

[عليـاء]

هلا بنات شلونكم كلكم
ام ياسمين
ام خدوجة
بالعافية عليكم اكلكم فديتكم

لوو
ماتشوفين شر ياقلبي
واقري المعوذات على نفسج ولا تنسين الاستغفار
واذا تبين توخرين النمل يقولون السمسم زين تحطينه بمكان وجود النمل
الله يبعد عنج الشر يابعدي