ليلى الغفاريه مع الاسف ...

[الملكة فيكتوريا]

السلام عليكم
مع الاسف اني هالمدرسه ثانويه ليلي الغفاريه

انعداام الديمقراطيه ...+ سلب حقوق الطالب ...+ عنصريه من قبل الوكيله والناظره واشكره يقولونها بالوجه + المساومه على الطالبه !!!

بالله هذه مدرسه .. مع اني ما تمشكلت معاها طوول السنين بس شفت بلاوي منها
وبأول يووم لي فيها امي كانت معاي كان تسيب لا اداره لا وكيله والابلات هم اللي ينضمون الطالبات

اقول لكم اول مشكله العام ...2010
قالت الوكيله بالطابور يابنات مسوين مسابقه افضل وانظف واجمل فصل
والكل تحمس وقالت الهديه رحله للمكان اللي انتم تبوونه بس للفصل الفايز
ومر شهر .. وبهالشهر الكل يزين ويصبغ الطوفه واللي تجيب ورق جدران وسوي الطاولات ونسوي تلبيسه للكلاسي وقطينه قطيه وعلى كل فصل ابله مشرفه عليه
وخلص الشهر واعلنو بالطاابون انه فصلنا الفصل الفاايز :eh_s(9):
لا تشوفووون الفرحه وصيحه :eh_s(9)::eh_s(9): والابلات يضحكون والكل يضحك وونااااسه
وقعدنا نختار المكان اللي نبي
قالوا نبي نروح مدينه الترفيهيه وبعدين نبي نتغدا بمطعم ولما رحنا للوكيله
قالت مافيه رحلاات!!
ليش يا ابله حنا لنا شهر ننطر وودنا نروح نستانس والا تقول المنطقه التعليميه مانعه اي رحله بشهر 5
صج صج تضايقنا وقطعنا الشراشيف وباقي التحف والساعات اخذتها ابله مصريه لبيتها "دفعه بلا "
وهالسنه تعالوا شوفوا الرحلااات تهل على فصل واحد وبعض الطالباات المختاااره من بعض الفصول
بس فصل واحد كامل يروح رحلات من بداايه العاام هو فصل بنت الوكيله !!
والباقي حرييمه تطلعون برا المدرسه :rgewrg::rgewrg:

هذه مشكله المشكله الثانيه

في بنتين خوات وحده بعاشر والثانيه بـ 12
كانوا عند الوكيله مخالفات ويمرون من غرفه الناظره وشيء طبيعي يطالعون وهم يمشون ..
والا تصارخ الناظره تعالي انتي وياها !!
شهالنظرات !!
يالله كل وحده فصل وحرمااان من الامتحانات ثلاث ايام !!
والمساكين دافعوا لين اعجزوا
وجابوا ابوهم وعصب واخرتها قالت : خلاص مافيه حرمان بس فصل !!:eh_s(14)::eh_s(14):

وبنفس البنات الاخت الكبيره اللي بـ 12 كتبت ع الطوفه بخط صغير ما يبين حتى ووحده قالت للناظره
والناظره عااد معصبه وتجيبها وتروح تنادي اختها الصغيره اللي بـ10 .. ليش مادري!
قالت انتي كتبتي ع الطوفه والبنت الكبيره تقول لا مو انا وهواش لين زهقت وقالت ايه انا
قالت الناظره خلاص انتي واختج بنسوي لكم فصل إداري !!
قالت الكبيره زين انا اللي كتبت اختي شكوو معااي !
قالت الناظره : مو هي اختج خلاص معاااج اكيد كانت معاج !!!
وجت الام ترجت الناظره وقالت لها انا اصبغ لكم الطوفه
قالت الناظره : تبينا ما ننقل بنت الصغيره ادفعي للصبغ
قالت الام طيب بعطيكم 30
قالت الناظره لا 100 والا فصل
قالت الام : تساوميني ببنتي وهي مالها ذنب !!
ودفعت الام 100


صج قهر

السالفه الثالثه

بنات في 12 عندهم موهبه كتابه الشعر وكتبوا على كل بنت بيت شعر يعبر عنها تقريبا 20 طالبه
وكتبوا بعد عن ابلاتهم بس بشكل محترم والابلات ضحكوا واستانسوا
وابله العربي قالت هالموهبه مستحيل تندفن لازم لازم تقولينها بالطابور وانا ما شوف فيها ايه عيب
والبنت قالتها بالطابوا والبنات ستانسوا عليها والناظره والوكيلات ضحكوا

ومر اليوووم على خير الا اخر شيء تقول الناظره نادوا البنات اللي كتبوا القصيده !!
وهزأتهم وقالت منو قال لكم تكتبون على الابلات
وقالوا البنات حنا صحيح كتبنا بس ما قلينا ادبنا وسألنا كل الابلات قبل لا نطلع بالطابور فيه احد زعلان او مايبيني اقول البيت اللي فيه اسمه بالعكس الكل كان فرحان ويشجعنا
قال الناظره لا فيه ابلات زعلوا
وردوا البنات سألوا كل ابلاتهم محد زعلان !!
والا تقول الناظره يا انكم تعتذرون بالطابور او فصل
وقالت البنت اعتذار على ولا شيء محنا معتذرين
وفصل افصلي
اهنيه احترت الناظره وقالت منو اللي كتبت الشعر وكل الصف قالوا كلنا كتبنا << راعيين فزعات
واخذت اربع بنات اللي يرادونها وسوت لهم نقل لمدرسه ثانيه
وصارت نياح وبجي ...

السالفه الخامسه
12 على وجه تخرج صح :eh_s(15):

بنتين فكروا فكره وقالوا نبي نلقي حنا الكلمه بالحفله
بفكره حلوه تكون جمله بالعربي والثاني تحولها بالانجليزي حتى يبين ثقافتنا وطلاقتنا باللغتين
ورواحوا للناظره وقالوا لها الفكره
الناظره : الاولويه للفائقات الاوائل
قالوا البنات : حنا نستأذن منهم ( اعلـى وحده على الادبي و اعلى وحده على العلمي )
والبنات استأذوا واخذوا الموافقه
وقالوا للناظره خلااص وافقوا انه حنا نلقي كلمه التخرج
قالت الناظره : لا قراايبنا اوله <<<<:eh_s(14)::eh_s(14):

_____
السالفه السادسه
اختي بعاشر شافت امتحان القصير للرياضيات حيييل طويل فصل كااااامل
وراحت هي ومجموعه من البنات لرئيسه القسم اقترحوا اقتراح قالت يا تسونها امتحانين او تقللون الكميه
لانها وااايد ومو مخلين لنا مجال غير يومين ندرس فيه
قالت رئيسه القسم ما اقدر كلموا الوكيله
وراحوا للوكيله تدرون شقالت
قالت : احمدوا ربكم بسس اني مخليه بين امتحان وامتحان يوم راحه .. انا لو مو بنات بعاشر و12 جاان لعنت خيركم بالامتحانااات :rgewrg:

بذمتكم شنو رايكم بهالمدرسه

والله وثم والله هذا اللي صار
واللي مو مصدقني اسألوا بنات 12 وعواشر اما حادي عشر فما ادري عنهم والله يعينهم بسسس

 

[الملكة فيكتوريا]

بس امانة ً كل الابلاات عسسسسسسسسل
ويسااعدووون وحبوووبين

 

[سكريمزا]

استغفرالله
شهلاداره الله يعينكم والله
مفروض اولياء اموور الطالبات الي كانو بينفصلون علفاضي
يشتكووون بلمنطقه التعليميه
الحمدالله اني مارحتلها ولا كنت هسنه بروح ليلى بس اشواااااااا
مارحت الحمدالله .. الله يستر عليكم يبنات ويعينكم على هناااااضره

 

[Dam 3zi]

الله يعينكم على هالناظره

بس اذكر عندكم ابلة رياضيات اسمها ابله امل كويتيه<< مادري اذا للحين موجوده او لا عسسسسسسسسسسسسسسسسسل تهبل والله

الله يوفقها وين ماراحت ويستر عليها

 

[بنتmbc1]

ما أعرف المدرسة

بس الله يهيدهم

 

[aṕriliå]

انا درست كورس عام 2009 فيها

ماحبيت الاداريات كلش

والحين بنت عمتي فيها مو عاجبتها


الله يعين بس ..

 

[مضيعة برقعها]

ليلي الغفاريه اللي بالظهر؟؟؟؟؟؟؟؟؟؟

 

[~ miss NERD ~]

و انا اللي اقول عن مدرستنا ظيم!!!!
امبيه شــ الاداره!
المفروض هالشي ما تسكتون عنه!

 

[الملكة فيكتوريا]

هذا اللي صاير يا بناات

واللي مسكتنا عن حقنا الدرجات والا حتى لو نقلونا شنو يضمن لنا ما يكتبون بملفنا شيء يسود الوجه يخلي الكل ضدنا

على قوولت المثل وش حادك يالمسمار قال المطرقه
خلووها ع الله كلها اسابيع ونفتك من هالمدرسه
وانا كتبت هالموضوع لاني حلفت بلحظه غضب اكتب عنهم بالمنتدى وبعد للي ناويه ترووح لها
اقوول لها تشووف مدرسه ثانيه مثل مدرسه العداان سمعتها ذهب والله يابختهم بناظرتهم
والا هالمدرسه كتبوا عنها بقووقل وشوفوا العناوين اللي تطلع لكم

 

[انسه انيقه]

اي صح للامانه انا كنت بليلى الغفاريه وتخرجت ادارتهم مافي مثلها باللعانه لدرجه دايما اذا صار استدعاء ولي امر يبون يركبون البنت الغلط جدام اهلها ويتبلون عادي عندهم وفي بنت ياحرام راحت بشربتها مسكينه البنت كان عليها حاسوب وكانت مستاذنه هي ورفيجاتها علشان اييبون كتبهم لانهم وصلوا متاخرين فسمحت لهم ابله الحاسوب ونزلوا ولا تصيدهم الوكيله وتقولهم انتم مهربين وتسوي لهم سالفه ويوم قاموا يحلفون وقالوا امشي لابلتنا وفعلا الابله قالت اي استاذنوا مني بس الوكيله هم بعد براسها شر وتعطي استدعاء ولي امر للبنات ثنتين خوات ووحده رفيجتهم ووصلوا اولياء الامور والوكيله تعلم ابو الخوات انه بناته مهربين وقام الابوا وهزا الوكيله انها تحترم نفسها وانه بناته مو جذي اما البنت الثانيه يوم وصل ابوها قالت له بنتك انا صاديتها ورا مع رفيجاتها ترقص وهم يصورونها وهم مهربين من الحصه وقوم يالابووو وادفن بنتك ياحرام ماتسوى عليها واخر شي قعدت جم اسبوع ولا تقول انه ابوها ملجها على واحد غصبن عنها ومسكينه عاد هني ومااذكر بعدها شصار معاها لاني حيل مع الخوات مو معاها هي نفسها بس امبيه حوبات البنات ماراح تتعدى الادراه ​

 

[مستغانميـة]

امبييييييييه!!!

حسسسبي الله ونعم الوكيل حسبي الله على كل ظالم

رفيجاتي بهالمدرسه عاد

 

[*THBANH*]

×××××××××
الله يااخذ حق البنااات ان شاء الله <<

 

[shine girl]

امبييييه مووووووووووو صج
الله يعينكم شلون متحملين
انا مو بمدرستكم بس دايما الصراحه اسمع عنها حيل مشهوره مدرستكم لووول
بنت خالتي معاكم تقول كلش ماكو نظام وكله عبط × عبط
الله يعينكم الصراحه

 

[احب المدرسة]

اي اهوة صح الناظرة والوكيلة كلش مو شي بس والله اختي مدرسة هناك تدرس اجتماعيات عاشر و11 تقول الأبلات عسل هناك

 

[مسافرة بلا وداع]

ويييييييييييييييييييييييييييييييييع شهالمدرسة .. بس ترا كل مدرسة وادارة فيها خيرها

بس وين هالمدرسة باي منطقة !!

 

[زيتونه مرت باباي]

انا متخرجه منها سنه 2007
والله انه كنا نشووف الظلم جداامنااا .. انا انظلمت ظلم والله يشهد اني مظلوومه .. بس اقوول حسبي الله ونعم الوكيل ..

عندكم بالمدرسه في نادي الانجليزي موجود فوق اجبال المختبرات .. تدرين هذا الناادي سووه بفلووس البنات المدرسه كلهم ..
كل ابلات الانجليزي قالوا حق البنات اللي ماتدفع ماراح اعطيها الشفوي وراح اسقطهاا .. احناا خفناا ودفعناا ..
وخلووا بنات المدرسه كلهم يدفعووون .. وواعدتنا الابله انه توديناا فيه بس جذب مااشفنااا ..
وبس السنه اللي بعدهااا .. درستناا المدرسه الاولى مس سعااد على ماااعتقد موجووده لليحين ..
جان توديناا النادي .. سبحان الله حوبتنااا نص الاغراض مكسوووره وماي المطر مخرب الصبغ .. شفتي يوم جذبوا اصاار فيهم ..

على سالفة تزين الصف ..
احناا فزناا سنه من السنين ودونا معرض الكتااب .. كنت بثالثه ثانوي علمي وصفنااا رسمناا فيه وكاان واايد حلووو ..
والسنه اللي بعدهاا صكرووه وخلووه مخزن حق ابلات اللغه العربيه .. هههه تعبناا راح على الفااضي ..


بس كان في ابلات يهبلوون .. ماانسااهم ..

اي نسيت ..
اول سنه يوم فجواا المدرسه .. ماكان في ابلات واايد المهم درستناا ابله انجليزي توها متخرجه والله مااتعرف شي اخر شي
ولا تسقط البنات تخيلي عددنا كان 30 بس 7 بنات ناجحين والبااجي سقوووووووط
صدمه صح ..


اذا تذكرت شي برد واكتبه ..
والله يعينج ..
ادعي ربج تتخرجين وتتفكين ..

 

[q8_girl_s]

برردتي جبدي ياملكة فيكتوورياا بهالموضووع فيه ابلات اشتكووا عاللي قالو القصيده و النااظره و الوكيلتين كاانوا already حاطين ع 4 بناات من الصف و صرااحه اغبطههم لانهم فتكو من شر هالمدرسة الي مفرووض انها تربي بناات لكن للاسف اشووف العكس تماماا!!
ردا ع كلامج اختي مس نيرد ،، البنات اشتكو و حصلو جم بنت من نفس الصف نقل اداري عقبهاا ، هال 4 بنات كان لهم بصصصمه خاااااصه بالصف والكل يمووت فيهم صج شطاانة لكن مااكو صف يخلى من هالسوالف بس حمدلله انه ربي فكهم من شرر هالمدرسة
شي ثااني بقوول واشكي بهالموضوع لانهه صراحه هالمدرسة ماتستاهل الي يستر عليهاا ساالبيين حقوووقناا خااصه بنات 12
ووين يروحون من دعووه المظلووم!!
اولاا صبوره الصف خربانه اي قلم ينكتب عليهاا مااتنمسسح تلووع الجبد باختصار كلمو الاداره اكثر من مرره و كان وقتها الي نزلت فيه"المنحه" قالو نبي صبووره جديده مو عارفين يدررسون تخيلوو الناظره شقاالت:مو نزلت الالف ،، عيل كل وحده تدفع من الالف 50 مادري 100 و صلحوو الصبووره!!
قالو محنا ملزوومين فيهاا وهذي وظيفتكم طنشووا ولاا عبروو ولي يومكم يعانون منها
ودليل انهم حاطين ع نفس الصف ، بالامتحاناات القصيره والفتره "كل صف بالمدرسة عليه ابله وحده الا صفهم ابلتين"
وفووق هذاا مشووههين سمعتهم بالمدرسة انتوو صف الغشاشيين ووغيره
ويطلعوون اشاعاات ع بناات الصف ورفيجتي بالصف مطلعين عليها حجي ماينقااااال يصدمممممم يطعنوون بالشرف ولاا همهم​

كــــــــــــــــــــــــــــــافي ظلم ياليلى الغفااارية كاااااااااااااااااااااااااااااافيي​

والله ودي اكتب اساميهم "الاداره" لانه صج مووو كفووو احد يستر عليههم مثل مااهم يمشوون ويطلعون اشاعات عالطالباات
عنبووه دااركم خاااااااافو رببكمم بنت شرييفه عفييفه اهلهاا مطااوعه تطلعوون عليهاا اشااعااات وتطعنوونهاا بشرفهاا و تحاولون تثيرون مشاكل بينهاا وبين امها وياليييييييييت اكتفووو لا وبعد (عطووهاا فصلل !!)
اداره ظااااااااااااااالمه و صف من صفووف 12 فيه بنت اخت النااظره ،، بين فتره وفتره يجيبون اكل للصف ويسوون جمعاات ومححححد يكلمهم بالعكس الاداره تدري بموضوعهم و يسكتون يطبطبون عليهم عشاان بنت اخت المسمااه ناظره!
و لما صف رفيجتي جاب اكل والله ماتهنو فيه وخذووه منهم و الناظره دشت الصف انصدمت من جياس الاكل وماااااادرو انه ممنوووع وقامت تدور ع الطاولات مثل المجنونه وتطل بدرج درج تدور الاكل صرااحه اكتشفت حجم عقلها ع حركتها هذي وكلمتها الي صج ضحكتني :تصررخ "قوومو شيلوو الاكل لاا اعطي الصف كله فصل!" كسرت فرحتهم حسبي الله عليها ع كثر ما ظلمت بناات و طعنت بشرف بنات و تهاوشت ويا اولياء اموور ،، تكلم الابلاات بطريقة راااااقية وكل الابلات يمدحوونها ويدافعون عنها و لي جت عند البنات تعاملهم اهما والخدم وااحد!! الكل يدرري انه فصل صف كامل مستحييل و اصلاا يشوتون الناظره من كرسيها اذا فصلت بدون سبب لا وهالمره ع أكل! اقصااه اكل شالعقد والعنصريه ليه يعني ع ناس وناس؟؟؟ ولا بنت اختج كل شي يحلاالهاا واحنا حرام علينا!
الله عليكم يالادارة و عسى ربي يوريني فييكم عجاايب قدررته ع كثر مااظلمتونا وحسبي الله ونعم الوكيل فييكم
الصف فرحاااااااااااااااااااان لانهم ع قلب واااااااحد و همهم وفرحهم واحد حمدلله الي نصرهم عالظاالم بس الناظره نقلت من صفهم جم بنت بدوووووووون سبب!
مزاج الساالفه ولاا شنو؟؟؟
النقال ممنووع : عيل يا ،،،،،،، ويينج مااطبقتي هالشي ع بنت اختج ولاا الممنوعات ع ناس وناس!!
بنت اختتج بالحصه لي رن تلفوونها تجيج تركض تخااف الابله تمسكهاا وانتي تخشين الفوون عندج <<و الناظره انخططف لوونها و اختصبت لمن سمعت هالحجي > معنااااه صج!!
وبيوم من الايام جونا ضيووف للمدرسة و الاداره صار عندهم استنفار يبوون يطلعون مدرستهم بشكل كاامل وقالوو حجي و تحذير بالطابور انه حتىى الي تعبانه لاا تروح عياده المدرسة و صارت الرقابة مشددة بهاليووم بزيااده حتى قلناالهم اشكرره انتوو ماتستاهلوون الامتيااز اصلا لانه المدرسة قمممممممه في الفووضى ،، و لما صارت الفرصه شفنا الضيوف يتمشوون بالممرات مع الوكيلتين راحوو بناات من صف12 قالوو للوكيله "ابله متى تبدلوونلنا الصبورة خرباانه " قالت بكل وقااحه وبصوت وااطي "دفعو يامال الفقر" و تسووي حركه بإيدها جنها تقوول "ذلفوو يلاا" بدون مايشوفونها الضيوف.
و ايام الامتحانات الابلات بالطابور ياخذون من كل الطالبات اي كتاب او ورقه مراجعه الا بنت الوكيلة تووقف اوول وحده بالطابور و راازه ورقتها والكتاب وترااجع و ممحدد يكلمهاا!!
عنصرية + ظلم + مصلحــــة + اداره مزااج + مدرسة فوضى و مصخرررة = ثانوية ليلى الغفارية
للاماااااااانه الابلاات "الاغلب" عسسسسسسل و ينحطون عالجرح يبررى بس فيه ابلاات الله يستر عليهم و يصلحهم


الناظرة اذا فييه ابلاات حولهاا تصير ماما انيسه فجااااااه اما اذا بروحها مع طالبة وولي امر تطلع ع حقيقتهاا
شلون استنتجناا هالشي انه كل ما تحلطمنا عن الناظره جدام الابلاات قاموو الابلات يداافعون عنهاا و عيب ومدري شنوو و ابله فلانه "الناظره" محتررمه و طيبة <طل بعينهاا بس
ليين طفح الكيل وطلعنا كل خيااس الاداره عند الابلات بس عشان نطلعهم ع حقيقتهم ​

 

[الملكة فيكتوريا]

ياماال العااافيه والله

كل بنت عنها موقف من هالمدرسه وهالاداره تقووله لا يردها الا كيبوردها

وان شاء الله يشوف هالموضوع الوزير الجديد الله يخليه لنا يارب ويحفظه فعلا ونعم الوزير

الله يطول بعمره ان شاء الله


ورفع لكل بنت عندها شكوه او شيئ بخاطرها بتقووله

والف شكر للبنات اللي ردوا

مشكوورين حبايبي

 

[الملكة فيكتوريا]

واللي يسألون بأي منطقه المدرسه
اقوولهم المدرسه بمحافظه مبارك الكبير

 

[سر البسمه]

واللله صاجه الملكه فكتوريا :eh_s(7):
احنا مره صفنا يبي يسوي عيد ميلاد حق ابلتنا الانقلش :eh_s(7): ويوم صار يوم الحفله كل البنات معاهم الاكل ومستانسين وقايلين للابله على ان عاااادي كل المدارس تسوي واحنا سوينا لانا شفنا بنات بالمدرسه مسوين المهم ولا وحده من البنات على حسن نيه قالت لامها تييب الكيكه بالصبح ولا تجوفها الوكيله وتسالها هذي لمنو قالت امها كل السالفه قامت الوكيله ارسلت ابله قالة كل الاكل اطلعونه واللي ما تطلع فصللل الحمدلله والشكر كل شئ فصل .., ولا نعطيهم كل شئ ولا تعطيهم وحده من بنات صفنا اللي معاهها الهديه عطتهم الهديه تخيلوووو ودوها للناظره وما رضت تعطينا شئ وحتى الهديه عقب بالهده قلنالها قالت ماااا في ليش من البدايه ما قلتو لنا واللله مصخخخخخخخخره هالمدرسه ..


ثاني شئ اختي ب 12 لابسه جاكيت GAP ولا تقولها منو قاب ولد عمج شنو ولللللد عمج شهالصخره وما تبي بالجاكيت شئ شدعوه عليج صار شسجن مو مدرسه

وبعد مره الوكيله كنسلت رحله صف 11ع وحطه صف بنتها , و حرمت البنات لا وبنفس اليوم شهالظلم اللي فيها :eh_s(11)::eh_s(11):
لا ولا شفتوا حفلة التفوق حدث ولا حرج الحمدلله والشكر معطينها الليتات اللي يبيعونها بالدوارات نمسكها ونمشي فيها بطابور العرض والله مدرسه فاشله :"(
ولا الروب تقولين سديريه مو روب تفوق :eh_s(11)::eh_s(11):

وبعدين على طاري القصيده ترا في ابله خونت قالت اليوم اللي قبله ان القصده حلوووه وعادي وقرت القصيده كلها بس تخيلي اليوم اللي وراه مسويه نفسها معصبه وشايله على الصف ورايحه مشتكيه :eh_s(2)::eh_s(2)::eh_s(2):