ليلة في فيلجا - لمنى العنزي..

[.]

السلام..

اليوم بحط لكم اول تقرير كتبته بحياتي عن روايه

اسمها ليلة في فيلجا..

تأليف منى العنزي..

ويعتبر 2 عمل لها ..

امم توني شفت صورتها وأنا أسوي سيرج عن الرواية الكاتبة صغيرونه ما شاء الله عليها امم وأنا أبي انقدها ومابي يكون نقدي قاسي عليها لأني حاطه نفسي مكانها..

بحاول إني انقدها بشكل يفيدها بعملها ال3 يارب طبعا إذا آراءنا تهمها..

امم كنا بفيرجن أنا وأختي وشفنا الرواية وقالت خل نأخذها من مبدأ دعم الشباب الكويتي قريت النبذة الموجودة بظهر الرواية كانت تشوق بصراحة أي ان فكرة القصة غريبة وتجذب..

فكرتها باختصار طالبة حقوق تروح رحلة لفيلجا وتمر بليله من الغزو بهالجزيرة يعني انتقلت من هالسنه لي 1990..

النقد :
انه القصة تفتقد للمنطق فانتقال الفتاة لم يكن عبر حلم أو تخيل بل واقع أهي عايشته والعقل يرفض هذا الشيء أضف انه المقدمة طويلة والأحداث فيها تناقض بعض الشيء مثل رؤيتها لزملائها الشباب بفترة الغزو على أنهم جنود الطاغية ومثل ما اسلفت الذكر انه واقع فالمفروض يكونون أطفال بهالفتره وموت جميع من رافقوه بالرحله ثم موت الدكتور مره 2 كان بحاجه الى تفسير وتوضيح أكثر..

الرواية مثل ماقلت متوفر بفيرجن و سعرها :3 د.ك..

عدد صفحاتها :269..


اتمنى انه نقدي يكون بمحله ..

كما اتمنى التوفيق لكاتبتنا الشابة منى العنزي ..

ارائكم بالروايه

 

[د.ساره]

شكلها خوش رواية
إن شاء الله أشتريها وأقراها
أشكرج

 

[الحــــالمة]

مشكووووووووورة على التقرير

وان شاء الله اشتري الرواية

 

[.]

حياكم الله بنات..

 

[البندري]

ولله ما قريتها بس عموما ماأحب أشتري كتب وروايات عن الغزو كافي اللي ذاكرينه في عقولنا

 

[.]

هلا اختي..

اي مانقلت الغزو اهي نفس اللي خلت ربعها اهما المجرمين مادري شلون اشرح لكم ي نقلت الغزو بشي اقرب للخيال ..

مشكوره..

 

[7neaN]

أنا عندي هالرواية وجذبني عنوانها والنبذه المختصره عنها بظهر الكتاب ..
بس بصراحه ما أكملت قراءتها ما عجبتني وايد ..
ع قولة اختي البندري عندنا معرفة كاملة بلي صار بالغزو من المدرسة وبيت القرين وغيرها ..
وأنا قريت وايد كتب تتكلم عن الغزو العراقي الغاشم وكانو حلوين بس خلاص أحس إني انغثيت وماني بحاجة
للقراءة أكثر عن الغزو ..
ونقدج بمحله فعلا كلامج صحيح ..

و ثاااانكس .. :eh_s(6):

 

[Q8_rawraw]

انا قريت الروايه و حبيتها
صح انه فيها تناقضات و خيال بس حلوه و الكاتبه اسلوبها حلو
و مشكووره على الموضوع

 

[.]

أنا عندي هالرواية وجذبني عنوانها والنبذه المختصره عنها بظهر الكتاب ..
بس بصراحه ما أكملت قراءتها ما عجبتني وايد ..
ع قولة اختي البندري عندنا معرفة كاملة بلي صار بالغزو من المدرسة وبيت القرين وغيرها ..
وأنا قريت وايد كتب تتكلم عن الغزو العراقي الغاشم وكانو حلوين بس خلاص أحس إني انغثيت وماني بحاجة
للقراءة أكثر عن الغزو ..
ونقدج بمحله فعلا كلامج صحيح ..

و ثاااانكس .. :eh_s(6):

هلا اخيتي..

مثلي

انا الا اكملها بعرف نهايتها وعساس اقدر احكم عليها اختي قرتها بعد ونفس حالتج ماكملتها..

حلو نتعرف ع الغزو بعد من جوانب 2 انا كنت اول بالايام الوطنيه مجابله تلفزيون عساس اعرف الاحداث واشوف المسلسلات اللي عنه ..

بس عيبها ان نظرة مو واقعيه للغزو يمكن بحكم سنها الصغير اقصد ماعاشته كانت صغيره حزتها ..

ولجم..

 

[.]

انا قريت الروايه و حبيتها
صح انه فيها تناقضات و خيال بس حلوه و الكاتبه اسلوبها حلو
و مشكووره على الموضوع

هلا اختي..

اسلوبها صح مو سيء..

والماخذ اللي ع القصة بس التناقضات وطول المقدمه

العفو ولو ..

حياج الله..

 

[:: Diva ::]

للاسف ما عجبتني
صج فيها خفة دم و كلامها بسيط و اسلوبها سلس لكن كفكره و ككتابه ما عجبتني
ان شالله تتطور و تتحسن بعملها الثالث

 

[.]

هلا ديفا..

مي تو..

و اي ان شاءالله..

 

[كويتيه كيوت]

انا قريت الروايه..
أكثر شي عجبني فيها الخيال
يعني بالفعل اهنيها على خيالها واسع..حسيت و انا اقرها
اشوف فلم من افلام هوليوود..
اما عن التناقضات في الروايه كانت بالنسبه لي
مثل لغز واحله..
الله يوفق الكاتبه بكتابها الثالث
وان شاءالله يكون اكثر نجاح من ليلة فيلجا..^^

 

[.]

هلا كويتيه..

حياج الله خيتو..

وامين يارب..

 

[وهج الحب]

السلام :
قصة فكرتها حلوة بس مش مفهومة والا ايش نهايتها ..
اول شئ كانت تتخيل كل واحد ليش صار على الحالة اللي عليها طيب صديقها الجميل الراقي ليش كان يعذب صديقة ويضرب فيه ما بينت لنا ..
الاحداث غير متسلسلة نقز من مكان لمكان والنهاية نفسي افهمها .. وايش جاب المدرس للجامعة عشان يحرق المكان بس هي حابة تعمل رعب وبس بدون فهم .. وبعدين القصة في النهاية يوم قرتها وركبي السيارة وركضة على الطبيبة ايش سالفة هذا الموضوع كله وبأي حق تصارخ وتهدد الطبيبة وليش خافت منها الطبيبة وعطتها الملفات ,,
بصراحة رواية حلوة بس لو رتبت افكارها فيها ..

 

[.]

هلا اختي..

وعليكم السلام والرحمه..

اي اغلبنا نتفق انه امنطق مختفي بالقصه ببعض الاحداث واضح هالشي...

المدرس انا استغربت شلون مات مرتين اهو مو قالوا غرق واهو بالغزو نسيت صار في شي ..

وعقب احترق بالحفله !!

اي اهي كفكرة حلوه بس يبيلها منطق اكثر..

مرسي خيتتو..

 

[الدره الصافي]

هلا اختي
انا قرات الروايه ما فهمت شي لانه انا في فتره الغزو عمر 4 شهور
مثل ماقالوا بنات افكاره مو مرتبه و لا متسلسله وزين فتحتوا لنا مجال للتعليقات على كتاب علشان روائيه تستفيد من اخطاءها

ويعيطج العافيه

 

[.]

هلا اختي ..

حياج الله..

والله يعافيج يارب..

وترا عمرج ما اثر بفهمج لانه كلنا كنا صغار ومانذكر شي من الغزو واعتقد اهي صورة من خيال الكاتبه مو ترجمه للواقع..