ii DareeN ii
♥ ادارية سابقة .. واخت عزيزة وغالية ♥
قبل احداث الغزو كنت طفلة ما ادري شنو الوطن الا من الاغاني والمدرسة والاعلام والزينة بالشوارع والعيد الوطني ومشاركاتي بالحفلات احب لكويت اي بس ما عرفت معنى الوطن صج الا بذيج الليلة الي ماغابت عن بالي يوم ماضنها عقدة نفسية لكنها حدث عالق في ذاكرتي ماينسى ولا اظن ان لو يمر على اي انسان راح ينساه بكل تفاصيلة اليوم العشرين للغزو تعب يدتي المصابة بالفشل الكلوي الله يرحمها وابوي الي التليفونات ماتتسكر وينه طلعنا من بيتنا رحنا بيت يدي ما انسى ايام التكبير ومانسى لصبي الي انذبح الله يرحمة مانسى ويوه جنود الاحتلال يا كبار يا مراهقين اكراد مادري شلون دشو بهالليلة قررو ان خلاص نطلع من الديرة بيتنا انوخذ وماعاد حتى في مكان نروح له غير بيت يدي ويدتي محتاجة غسيل وحالتها بالهم الله يرحمها
قالو في تجمع سيارات بيطلعون جهزو السيايير وكان ويانا دليل عشان الطريج البري رحلة مايعلم فيها الا رب العالمين سيايير تغرز طلقات رصاص دبابات جنة فلم شي جنة مو صجي سيايير مني ومناك مياندرى شنو مصير اهلها حيين قدرو يطلعون ماتو الله العالم ماكانت رحلة هينة لكن مو هذا المهم
وصلنا حدود السعودية اتوقع انها حدود حفر الباطن تحمدولنا بالسلامة وماقصرو وزعو علينا خبز وجبن
حسيت في احساس الاجئين احساس كلش مو حلو
طلعنا من لحدود مشينا حق مدينة الزلفي لان لنا اقارب واهل فيها مشينا لين صار الوقت ليل وصلنا حدودها
وصل هم من ويانا طلعو من الديرة بعضهم خذاها محطة استراحة وقفنا في بر ماقدر انسى شكلة ليلحين بر
رملة احمر ماقدرنا ندش المدينة لان الناس كلها نايمة ومانعرف العناوين
تناثرت السيارات على هالبر وكل من نزل عشان ينام ينام بالعراء بالبر ماله سقف غير السما من بعد بيوت وعز نايمين بالبر ماتسترنا حتى خيمة على الرغم اني ماكنت كبيرة لا انحسب من الكبار ولا انحسب من لصغار كان احساس الاهانة كبير وطن مسلوب عيون ابوي ماقدر انساها وهو يصلي وعيونة متروسة دموع وطن مسلوب صديق تم اسره مشتتين كعايلة واطفال مو معروف مصيرنااحساس باليتم فاقد الشي الي تحبة والي ربيت فيه ماتدري بترجع له ولالا تسمع اخبار مني ومناك عن ناس كنت تبجي عشانهم وتحط مصروفك وانت طفل حق نصرتهم وعيونك تدمع لمصابهم تدرس وياهم ضامتهم ديرتك تنصدم انهم غدرو فيك كفرت بالمبادئ الي ربينا عليها كفر بالامة العربية وان امة واحد وين الامة وين الناس الي بيجنا عشانهم بيوم تغير كل شي وسقطت الاقنعة ديرة يدتي واهلي واصدقائي راحت وهم يتشمتون وحطو ايدهم بيد المحتل اسرو وسلبو من ديريتك كل شي صج لي قالو اتقي شر من احسنت اليه والكحل بالعين الرمدة خسارة
عدى الليل كله وعيوني كانت معلقة حق السما صحينا راح الوالد يبحث عن بيت العايلة في الزلفي رحنا استقبلونا احسن استقبال ماقصرو تفضلو هذي ديرتكم ماكان عندي اي احساس بهالديرة مو ديرتي
مو هني انولدت مو هني لعبت مو هني الذكريات الي كانت تقولها لي يدتي مو هني لمى امر على شارع ويدتي تسولف لي لمى اوصل مجلس الامة كان هني بيتنا سوالف جبلة والمرقاب وايام اول الي لازالت تشكل جزء كبير من شخصيتي تعلقي بكويت الماضي مدرستي صديقاتي مو هذي ديرتي مو هني اهل لكويت هذي ديرة ثانية ماعرفها شلون بعيش فيها شلون بتعود على تقاليدها واهلها ماكنت احسهم اهلي كان اي انسان كويتي اقرب لي من اقاربي حتى من الدرجة الاولي هناك احساس بالغربة والغربة الاجبارية
ماقدرنا نعيش بهالديرة واستمر الترحال من ديرة لي ديرة خلال السبع شهور من الزلفي لي الرياض لي الخبر لي البحرين لي الامارات ماقدرنا نستقر بديرة ولا نرتاح
الغاالب كان مرحب فينا ولا اقدر انسى فضلهم والقليل كان يعاملنا بقسوة شديدة مشردين ييتو عشان كل شي يغلى علينا ييتو خذتو بيوتنا وضيقتو علينا كلمات لشديد الاسف جارحة ضلت مستمرة لوقتنا الحاضر نسيتو يوم كنتم مشردين نسيتو فضلنا عليكم كلمة مذلة حيل حتى عقب 18 سنة ماقدرت انسى ولا اهم
قدرو ينسون البعض وليس الكل وصار اسهل كلمة ممكن تجرح فيها كويتي احنا الي حررنا لكويت انتو الي ماقدرتو تدافعون عن ديرتكم نسيتو فضلنا عليكم
ماقدر اقول غير الحمدالله اني رجعت وطني الي عرفت معناه صج من ذيج الليلة مريتل بدول وايد فيهم من الطيبين الكثير والي حطنا بعيونة وايد فيهم من الي ليلحين جميلة على عينا وعلى راسنا وماينكر الجميل الا جليل الاصل وفيهم من الي جرح ومانقول غير الله يسامحة لكن مالقيت شي يشبه لكويت ولا لقيت انسان ممكن يشبة لكويتي عنصرية زايدة ولع زايد لكني اشوف هالديرة غير ديرة عبداللة السالم وصباح السالم ديرة احمد الخطيب وعبدالله النفيسي ديرة احمد السعدون محمد المنيس والكثير الكثير من رجال هذا الشعب ونسائة غير
وعقب هذا كل وعقب التحرير وعقب هالسنين يحز بالخاطر
الي كل وقت يصير ويتقسم لكويتين لشيعي عديم الولاء وبدوي عديم الولاء ولد السور اناني ومترفه ومادي وهم عديم ولاء يحز بالخاطر تناحر ابناء الشعب الواحد وتشكيكهم في بعضهم ناسين ان هذيل اهم الي التحمو في وقت الشدة وسالت دمائهم مع بعضهم
كل انسان باي فعل او ردة فعل يسويها نتيجة ضغوط داخليه مافي واحد كويتي ماله ولاء حق الديرة التشكيك بولائة اهو الي يدفعة لفعل تصرفات ممكن تخلي الاخرين يشككون في ولائة
ندائي لكم يا كويتين الي سالت دمائه واتحد سواء داخل او خارج الوطن لايمكن يكون خائن حق هالديرة لاتخلونا نجرح بعض
الدعوة للهجرة والملل من الديرة من شنو تملون من ديرتكم هل الوطن مجرد فلوس مجرد اماكن سياحية الوطن عزة وفخر وامان لو ترجع ايام الفقر الوطن غير البني ادم في وطنة غير لو ملك ملايين الدنيا كلها
ماتعوض وطن مثل لكويت بلد بحكومتة بشعبة غير
ماقول غير الله يحفظ هالديرة والله لايفرقكم يا كويتين وياريت صج نقدر بعضنا ونحترم بعض قبل اي شي ونثق في بعض مايصير ازمة الثقة الي صايرة بينا مايصير على اي موضوع كل واحد يشكك بالثاني
