ليــش تزفيني ؟؟ .. منتي احسن مني بشي !! .. مهم حق كل الابلات

[( ~[ وتــين ]~ )]

السلام عليكم أبلات

شلونكم شخباركم ؟


انا طالبة بالثانوية و حبيت اكتب عن شي مهم وايد

:

:

:

:

:

و هذا الشي اهوا تحية العلم :q8:

ليش يا الابلات ما تحيون العلم معانا ؟؟

يعني لما البنية ما تقول النشيد الابلة تزفها و تشرشحها .. انزين انتي مو قاعدة تقولين النشيد اصلا :eh_s(14): :eh_s(14):

وطبعا مو الكل ما نبي نظلم احد بس الاغلبية و اكثركم ما يقول النشيد ..

اوكي الابلات الوافدات ما نجبرهم على شي ..

بس ابلاتنا الكويتيات .. و الله شي يفشل بصراحة ! :0bee2e8d89:

بس ابي رايكم بهالموضوع .. لأني اشوفه وايد مهم ..

 

[فلونة احلى وردة]

لا والله يا قلبي بالنسبة لي لا مهم ولا شي خلاص انحفر بقلوبنا حب الكويت
الدور عليكم
ولا تبينة طوول عمرنا ننشد
خلاص تعبت احبالنا الصوتية نوفرها للحصة

اتغشمر
بس عجبتني فيج روحج الوطنية

 

[رضاهم جنه]

يا ما انزفينا علشان نحيي العلم >>> يعني كنت طاقه الثقل واوقف ورى بالطابور خخخخخخخخخخ

وخلاص انحفر بقلوبنا تحيا الكويت وعاش الامير على قولة فلونه الدور باقي لكم تخلينه لما ينحفر عدل

وحتى الوافدات المفروض يقولون تحيا الكويت مليون مره لان معاشاتهم الي ياخذونها اهنيه دبلات الدبلات بديرتهم

 

[(كويتيه عسل)]

انزين انتي تتكلمين عن النشيد الوطني :080402ask_prv:


وذابحج حب الكويت والولاء وحاطه علم اليابان في توقيعج :080402ask_prv:


ومكتوب عليه i love japan

:dddds: هههههههههههههههههههههههههه :krkrkr:



اذا صج انتي تحبين الكويت جابلي دروسج الحين فترة امتحانات



ودرسي عدل علشان تنجحين وتطلعين شي مفيد يفيد المجتمع


واحترمين اللي اكبر منج وكوني قدوه باسلوبج واخلاقج جدام العالم


وقدري واحترمي اللي اكبر منج واللي يتعبون علشان يدرسونكم ويعلمونكم الصح والغلط


وامااااااانه مو تنسين سلمي على الابله اللي زفتج

 

[كرستالهـ]

وعليكم السلام
والله انتي مو بس يبيلج زف عشان تقولين النشيد
يبيلج كورسات عشان تعدلين اسلوبج مع اللي اكبر منج وابلاتج
ولا هذا عنوان (منتي احسن مني بشي)
شهالاسلوب يابنت اتوقع من كثر مازفتج الابله >>والله مالومها اتوقع عنوان الموضوع نقطه فبحر من الاسلوب اللي تشوفه منج الابله يوميا
مالومها والله
حيي العلم وغصبا عليج بدل ماتصارخين بالفرصه وبالهده تعبي احبالج ع شي مفيد لج
واحنا المعلمات موجودين عشان نغرس فيج كل شي طيب وزين من تحيه العلم الى احترام الاكبر منج وانتقاء الالفاظ
اتوقع احنا مثل ماقالت اختي اللي قبلي انغرس بقلوبنا حب الوطن خلاص جا دورنا نغرسه فيكم

بعطيج مثال حبيبتي عشان تستوعبين
الحين الابله تعطيج واجب عشان تفهمين الدرس وينرسخ بعقلج صح؟
اشرايج تبين الابله بعد تحل الواجب معاكم وتدرس للامتحانات وتذاكر>>>خو بعد لازم مايصير نعطيكم واجبات وامتحانات واحنا نرجع بدون واجبات وامتحان ظــــلم صح ؟

اتمنى استوعبتي هالنقطه

واذا الابله تبي تحيي العلم شي يرجع لها محد يقدر يجبرها


واذا صرتي ابله لاتحيين العلم

 

[فلونة احلى وردة]

حلووووووووووووووووة
كرستالة

فعلا مو مطلوب منا يا قلبي ان الشي اللي نطلبة منكم نسوية لاننا مرينا بمرحلتكم واستوعبنا الدروس
فلما نطلب منكم واجب بالبيت مو لازم احنا بعد نكتب الواجب مثل ما قالت كرستالة لاننا مرينا وتعلمنا واستفدنا
يلا يا شاطرة الدور عليكم الحين قولوها بضمير وتركيز
عشان تعرفين ان هالديرة اللي تعلمنا وتسكنا ونسكن عليها لالالالالالازم نحبها
وحتى رسولنا صلى الله علية وسلم حب ديرتة مكة يوم هاجر وطلع منها عزت علية الديرة
وقال :" ما أطيبك من بلد وأحبك إلي , ولولا أن قومي أخرجوني منك ما سكنت غيرك" . ...
فانا لو يخيروني ما اسكن غير الكويت
مع ان بخاطر اسكن ديرة جوها حلو ورواتب احلى
هههههههههههه
وتحياتي واعجابي الكبير بروحج الوطنية
وطلبج بالمساواة بينج وبين معلمتج بحب الوطن شي حلو ويدل على شخصية قوية ونشطة وذكية
اسج اعجابي الكبير بطرحج
مع احترامي لراي زميلات المهنة ولكن اتمنى منج حسن اختيار الالفاظ عشان لا يساء فهم هالطرح

بالتوفيق يا بنت الثانوي

 

[miss_math]

تصدقين ما طرى علي هالشيء

عالعموم الله يوفقج

 

[ميونة الحلوة]

انا فاهمة شعورج بس كان المفروض تختارين الفاظ احسن من جذي لان منتي احسن مني بشي مو حلوة تنقال حق وحده كبيرة و ام عيال تعبت و مرت بالي مريتي فيه و كلنا مرينا فيه عشان تصير معلمة اجيال

و كافي انها راح تشرح و صوتها يروح و تتعب نفسيتها و جسمها عشان تشرح لكم و تحاول كثر ما تقدر تفهمكم الماده و هذا مو شي سهل

فلا تتوقعين انج تساوين الطالبات بالمعلمات مهما كان المعلمة لها احترامها و تقديرها مهما زفت و انا ما اقولج جذي لاني ابله انا ليما الحين ما صرت ابله اصلا و ما تدرين شنو وراها من شغل و كرف و تصليح و سهر

احنا الابلات كلنا كنا نحيي العلم قبلج و من الابتدائي ليما الثاناوي و جا دوركم انتو عشان تحييون العلم و هما كنا ننزف اذا ما حيينا العلم بس عمرنا ما اشتكينا من الزف هي ما ظلمتج بشي و لا خذت من حقج بس لان تحية العلم شي واجب احنا نسويه المفروض ان احنا ما نتشكى على الابلة و نقول اشحقه تزف

اتمنى يقول كلامي واضح لج و الله يوفقج ان شاء الله

 

[( ~[ وتــين ]~ )]

رد: .. مهم حق كل الابلات

صباح الخير ابلاتنا

حبيت اوضح جم شغلة ..

الموضوع عن تحية العلم .. و اشوف اغلب الردود عن الابله اللي تزف البنات

و عن الزفة .. الحمدلله انا ولا مرة انزفيت من اي ابلة لأني اقول النشيد الوطني ..

و عن الاسلوب .. ما اشوف ان فيه شي .. انا لا قاعد ازف ولا شي .. و انا اكلم ابلاتي عدل .. بس في ابلات ما يكلمون البنات عدل يزفون على اي شي .. ما فيها شي اذا كلمتي البنية عدل ..

اما عن العنوان > ليــش تزفيني ؟؟ .. منتي احسن مني بشي !! < كتبته لجذب الانتباه لا اكثر ولا اقل لأن اذا كتبت تحية العلم بس جان محد دش ..

و ابلة (كويتية عسل) شدعوه عليج .. حرام يعني احب ديرة مع ديرتي ؟؟؟؟

يعني اذا حطيت علم مصر مثلا و قلت انا احب مصر صرت ما احب الكويت ؟؟

عالاقل انا احب اليابان عشان شي زين مو شين

................................

نرجع حق الموضوع .. انا بس ما حبيت انكم تفهموني غلط .. بس للأسف اغلبكم فهمني غلط

للأبلات اللي قالوا ان طول عمرنا بنقول النشيد ؟؟؟؟ .. ليش فيها شي ؟ اذا كلامكم صحيح ليش في ابلات لي احين يقولون النشيد معانا ؟؟

و بعدين انا اشوف ان لما الابلة تحيي العلم مع البنات بالعكس راح تشجعهم على ان يقولونه ..

ابي رايكم .. و مشكورين عالردود مع ان اغلبها زف ههههههههههههههه

 

[درة أهل الطولات]

انا فهمتج صح

بس الابلة لما تعصب تبيكم انتوا تحييون وتحسون بقيمة العلم والدولة لان مثل ما قالوا لج الخوات احنا ادينا اللي علينا

دوامنا ووقفتنا بالطابور دليل على حبنا للوطن

 

[شـ ShOoNa ـونـا]

طــــابور الصـبــاح بــكبـره حق الطـلبه مو حقنـــا النشــيد الوطـني لازمـ ينـغرس فيـكم .. احنــا حيـيــنــا العــلم وقـلنـا النشــيد
ليــن قــلنــا بس .. من اولـى ابــتــدائي لي رابـعه ثـانوي واحنـا نصـارخ و يــامـا الابــلات طـاحت بلاعيـهم
و اهم يـقولون عــلو صـوتــكم مــاقـلنــا شي .
و بــعــديــن احنــا أبــلات البــدنيـــه الي نــبــتلش اذا مــا تحيــيــون النــاظره تــحن عليــنــا حـن البنــات نــايـميـن مـايحـيـون
لازمـ نـزفـكم شـوي علشـان تحيـيـون ولا اســلوب المســايـس مــا ينــفع مـعاكم عيـال هالايــامـ . كل كـلمة و الثــانيـه اوليـاء
امــوركم يــايــيـن ..

 

[( ~[ وتــين ]~ )]

طــــابور الصـبــاح بــكبـره حق الطـلبه مو حقنـــا النشــيد الوطـني لازمـ ينـغرس فيـكم .. احنــا حيـيــنــا العــلم وقـلنـا النشــيد
ليــن قــلنــا بس .. من اولـى ابــتــدائي لي رابـعه ثـانوي واحنـا نصـارخ و يــامـا الابــلات طـاحت بلاعيـهم
و اهم يـقولون عــلو صـوتــكم مــاقـلنــا شي .
و بــعــديــن احنــا أبــلات البــدنيـــه الي نــبــتلش اذا مــا تحيــيــون النــاظره تــحن عليــنــا حـن البنــات نــايـميـن مـايحـيـون
لازمـ نـزفـكم شـوي علشـان تحيـيـون ولا اســلوب المســايـس مــا ينــفع مـعاكم عيـال هالايــامـ . كل كـلمة و الثــانيـه اوليـاء
امــوركم يــايــيـن ..

اـي والله صاجة .. فــي بنات من صج ما ينبلعون ..

بس ولا بأيام البرد .. بس حطينا ايدنا داخل مخابينا .. يت لنا ذيج الصرخة ( طلعـي ايدج من مخباتج !!! ) و احنا اللي تتصرقع و اللي تقعد تضحك على صراخ الابلة .. ههههههههههههه
بس احنا مدرستنا ما فيها طابور ( مريحينا شوي ) .. بس تحية العلم بالصف !

 

[ضحـاوي]

الطابور للطالبات مو للابلات

ودور المعلمه انها تغرس الروح الوطنيه بالطلبه مثل ما انغرس فيها يوم كانت طالبه

والعنوان والموضوع مالهم علاقه ببعض

اسمحي لي اغلق الموضوع لانه غير هادف