ليـش تزوج علي :(

[فديت قلب امي]

ياقلبي عليج توج صغيره والريايل مايرحمون

عندي كلمه حبيت اقولها لج ليش ماتحاربينهم بنفس اسلوبهم يعني احقريهم وعيشي حياتج واشغلي نفسج وانسي زوجته

ولاكنها موجوده بحياته طلعي واستانسي مع عيالج زوري سوي اللي تبين وهو احقريه ان جلس لاتناقرينه وخلي وجوده وعدمه

واحد عشان عيالج ومن داخلج اقنعي نفسج انه صفر على الشمال مجرد اسم زوج

نجي اللحين للعقرب مرته

خليه يصرف عليج وعلى عيالج اشتري اغلا شي واجمل شي ولبسي لو مالج نفس لان انت كنت مريحتها بالعذاب اللي مسويته لنفسج

بعدي عن طاريها مهما كان قدام ريلج لاتسبينها ابد ولاتسبينه

خليه يسفرج ويطلعج بروحج اذا امكن عشان يحترق قلبها

دوري اللي يقهرها بدون مشاكل اذا هي منكده عليه خليج هاديه اذا هي بيتها مونظيف انت صير انظف

وقيس الامور

راح تكسبين اول شي نفسج وترتاحين وثاني شي عيالج وهم الاهم

ويمكن ينقلب السحر على الساحر وتنحر وتطلع من حياتج


الله يصبر قلبج

 

[monmon12]

انا بسالكم سؤال

ليش قتعدين تنصحون البنت نصايح كلها تدور حوالين الزوجه الثانيه

ليش مثلا تهتم بريلها او تطلع وياه عشان تحر الثانيه؟؟

خلاص زوجه ثانيه ليش تربط حياتها فيها وماكو شغل الا تفكر فيها راحت وسوت وطلعت وقاعده مع ريلي

هذا التفكير يذبح

خلاص تزوج وصار الي صار الحين

ايهي تعيش حياتها لنفسها اذا تسوي خير حق نفسها وعيالها

وما تنطر أحد يردلهل جميل

وليش اصلا تحثونها على الطلاق وكل وحده قاعده بحضن ريل

صح في مشاعر غيره وحره بس لا تعيش حياتها كلها وتفكيرها وشغلها الشاغل الزوج والزوجه الثانيه

بنات يا انكم تهدون البنت يا انه لا تخربون بيتها

مو كل وحده محافظه على ريلها وبيتها وتخربون بيت البنت عشان كل وحده فيها حره

 

[Elizabeth]

واحد من اهلنا تزوج على مرته ويوم اسالوه ليش قال بس هامله نفسها ومن تزوجت الثانية بس تسب وتتحلطم وماتدري عني بس همها عيالها لاحظي الريايييل دايما جذي يدورون الاشارة فلا تعطينه اي ممسك عليج عيشي يومج يعني الحزن شنو بيحل ؟ محد بيتعب غيرج ادري التطبيق صعب بس جربي مره غيري حياتج اهتمي بنفسسسسسسسسسج وعيالج ... دشي نادي قصي شعرج تمكيجي دلعي روحج حسسيه انه شي حلو وبيضيع من ايديه وكله تدلعي وعطي وقته وحقه وانتي مبتسمه خليه يحس بالفرق ويوله عليج انتي وبس ومهما هذيك تسوي طوووووووووووووووووووووفي خليه يكتشف كل شي بنفسه لانه انتي الاساس واهي الدخيله والله يسهل امورج ويهديه

 

[الأميرة الحزينة]

:eh_s(10): ضاق خلقي عليج واايد .. صراحه مادري شقول

 

[شبعآنه دلـع]

رد : رد: ليـش تزوج علي

حبيبتي لا تحرقيـن عمرج .. علشان واحد ما فكر فيـج

عيشي حياتج لـ نفسج و عيالج و إلهي عنه و خليـه مرده لج ..

لا رديتي مثل ما كنتي كل شيّ بـ يتغير .. لا تبذلين مجهود انج تردينه ..

لاااا بذلي مجهود انج تردين نفسج و صحتج و عافيتج و اهوو بيرد

دللي نفسج اهتمي بـ نفسج .. لا تدفنين روحج علشان بـ الهم

تووووّج صغيره .. لا طحتي بـ مطايحج محد بيدري عنّج

انتي بيدج ترفعين نفسج فوووق و بيدج تزيدين همج

إلغي التفكيــر فيه .. ادري انه مو بيدج ,, بس حاولي و بتقدرين ..

الهي عنه شغلي نفسج بـ أي شي بـ اهتمام بـ نفسج .. اهتمام بـ عيالج

بـ دورات .. بـ كتب .. بـ صالونات وله طلعات و تساييـر

المهم خليـه آخر همج

حبيبتي ربيّ يمسح على قلبج و يصبرج ,, و يقويــــــج ياا رب

انا معاها بكل كلمه صحيح الدنيا ما وقفت عند ريال ليش تقهرين عمرك عشانه ما يستاهل

 

[بحر الذكريات]

حياتي الله يعينج توقعت تقولين منقول

الله يفرج همج ويردلج زوجج ردا جميلا يارب

 

[Laidy n3ooma]

رد : ليـش تزوج علي

الله يعيينج .. انتي عاد لاتعطين نفسج سلبيات ماقدر وماقدر

لاتقدرييييييييين بس طبقي كلام البناااات وعطيه طاف لايقص عليييييج ..

 

[منيرة خالد]

اذا ما تقبلتي وضعج الجديد لا يمكن ترتاحين


الزواج الثاني صار وخلص >>> والحل بيدج - اليوم اللي يكون عندج لا تفتحين سيرة زوجته الثانيه اعتبري نفسج انتي الاولى والاخيرة عيشى حياتج معاه كنه ملكج ولا احد يشاركج فيه واليوم اللي يروح لها اعتبريه رايح لدوامه



اللي كتبته يعتبر من الحيل العقليه >>> احتالي على عقلج وافصلي حياة زوجج عن حياتج وتأقلمي مع الوضع اضحكي بوجه وسولفي معاه وعيشي عيالج بجو أمن وهدوء مو توتر



مو انتي اول ولا اخر وحده زوجها تزوج عليها >>> اذا كنتي مظلومه قولي صبر جميل والله المستعان وألجئي لرب العالمين يمسح على قلبج ويصبرج على همومج لا تخلين رجل يدمر حياتج


احنا ما نعيش بالدنيا الا مره وحده لا تضيع بهم وكدر >>> افرحي وفرحي عيالج وارضي ربج تربحين الدنيا والآخرة


والله يمسح على قلبج ويصبرج وينصرج على من عاداج

 

[زوجة عزيز]

اسم الله عليج من الينون والله صيحني كلامج ليش صابره كل هالمده وساكته وماتطلقتي ولا اتقولين له بتنازل عن حقوقي بس طلقني ولا تطلبين منه اهو الطلاق روحي المحكمه على طول احسن حل ولا اتنازلين عن اي شي واعليج بيبقون عندج وحتى لو كنتي اتحبينه هاذي مو عذر عشان اتحملين تصرفاته وتتعبين نفسيتج بعد الطلاق اكيد بتتعبين او يمكن تحنين له وهالشي عادي يعني بس الحمدلله على نعمة النسيان اكيد بتنسينه وبتعيشين حياتج ولا اتضيعين عمرج معا واحد جذي والله يسهل لج ويوفقج ان شاء الله وخبرينا اشصار

 

[lolwah]

نصيحتي لج تاقلمي مع الوضع ة لا تلومين نفسج اللي صار صار
الحين اهم شي تعالجين نفسج من هالصدمه و اطلعينها من الكابه
روحي طبيب نفسي ترا مو عيب ولا حرام ومافيها شي
و داومي عالقران و لازم تلهين نفسج اشتركي بنادي دشي دورات انجليزي
اهم شي لا تقعدين بروحج و تفكرين ليش تزوج عليج
ترا صحتج اهم منه و لازم تردين قوويه نفس اول و ياجبل مايهزك ريح متاثره بالجسمي

 

[đeɱɛɼɑ™]

اذا ما تقبلتي وضعج الجديد لا يمكن ترتاحين


الزواج الثاني صار وخلص >>> والحل بيدج - اليوم اللي يكون عندج لا تفتحين سيرة زوجته الثانيه اعتبري نفسج انتي الاولى والاخيرة عيشى حياتج معاه كنه ملكج ولا احد يشاركج فيه واليوم اللي يروح لها اعتبريه رايح لدوامه



اللي كتبته يعتبر من الحيل العقليه >>> احتالي على عقلج وافصلي حياة زوجج عن حياتج وتأقلمي مع الوضع اضحكي بوجه وسولفي معاه وعيشي عيالج بجو أمن وهدوء مو توتر



مو انتي اول ولا اخر وحده زوجها تزوج عليها >>> اذا كنتي مظلومه قولي صبر جميل والله المستعان وألجئي لرب العالمين يمسح على قلبج ويصبرج على همومج لا تخلين رجل يدمر حياتج


احنا ما نعيش بالدنيا الا مره وحده لا تضيع بهم وكدر >>> افرحي وفرحي عيالج وارضي ربج تربحين الدنيا والآخرة


والله يمسح على قلبج ويصبرج وينصرج على من عاداج

صَح لسسَانِج

حَبيبتي ريلج مَاسوه شي حَرام ... فَكري فيها انتي احسسن من زوجَات الرسول صلى الله عليه وسلم ؟

هَذا شرع الله ، صَح شي يعَوِر القلب ْ ويحِر بَس لاااااااااازِم اتأقلمِين نفسسِج على الوضع اللي إنتِي فيه ( دام الطَلاق صعب بالنسبة لِج)

مِثل ما قالت منِيرة جزاها الله كِل خير
الايَام اللي ايييج فيِها قعدي معاه وسوُلفي عادي ولا تيبين طاري الثَانية هذا يومِج
الايام اللي عِندها روحِي عند اهلج او اشتَركي بنادي او طَلعي اليَهال اعتبريه يوم ْ راحَة لِج ويوم تشتاقيين فيه لـ ريلِج

مُشكِلتج إنج موووووو قَادرة تتقبلين اللي صَار هذا شي صَار وخلَص لا تاكليِن بنفسسِج وإنتي بالنِهاية الخسسرانه !
نَصيحة غَيري من شخصيِتج وتفكييرج عشان نفسسج بالاول وعشان عيالِج بعد

ولا تنسين الدُعاااااااااااااااء والاستغفار والصَدقة
وتِذكري رَبج يُمهِل ولا يُهمِل اذا اهي تدور المَشاكِل تَحسِبي عَليها ورِفعي ايدج وكَلي امرج لله -سبحَانه-

هوووووونيِها تهووون يا قَلبي

​

 

[نبض انثى]

كسرتي خاطري

كلآمج يعوووو ر القلـب

حسبي الله ونعم الوكيل ..

حبيبتي الله يفرج همج ويعييييييينج

 

[kramilah]

رد : ليـش تزوج علي

الله يعينج ويصبر قلبج انشالله ويفرج همج ياارب

 

[اشتياق]

يعني وتزوج وبعدين؟
صار اللي صار
تبين تموتين؟؟؟؟؟؟؟؟
والله قاعده تضيعين احلى ايامج واهو مستانس؟؟

زوجي الاولي تزوج علي بس والله العلي العظيم ان ببرودي وذكائي انه يبجي ومتحسف قد شعر راسه
وجني انا اللي ماخذه عليه
مرات اييني بليلتها والله اقوله شنو انت ماعندك مره؟؟لازق؟؟شتبي؟
دام الامور ضدج خليها من صالحج وانتي تضحكين بعد
كشخي وطلعي وواستانسي وخليه يموت من القهر
خليه يقول المفروض ادش القاها بدور المسكينه المكسوره؟
علامها هذي محد كسرها؟شملهيها؟؟؟؟
اتمنى تقرين لناعمه الهاشمي قصة ام وليد

تحياتي ياحياتي

 

[EmMy]

رد : ليـش تزوج علي

الله يكون في عونك حبيبتي
انا لسى ماتزوجت
بس قريت تجارب بنات كثير مع الدكتور ناعمة الهاشمي علمتهم ايش يسوو وكيف يتعاملو مع ازواجهم
للأسف مالقيت رقمها وبدور لك على الرقم وان شاءالله القاه
الله يسخركم لبعض ويحن قلبو عليكي ويبعد عنك العله اللي مأذيتك

 

[فطومه]

بعد قلبي ماتستاهلين شكلج متعلقه فيه الله يحنن قلبه عليج وعلى عيالج

مادرى ودى اقول كلام وايد اهون عليج واصبرج بس لو انا مكانج ومضطره انى اقعد معاه علشان عيالى اتوقع انج على المذهب الجعفري لانى اشوفج تقولين الحظانه تنتقل له اذا تطلقتى فى هالحاله حبوبه صبري

شوفى انتى مواول وحده يتزوج عليها ريلها ادرى عوار قلب وحرق اعصاب بس انتى بداخلج اقنعى روحج خلاص كان رايح شاليه والا مسافر
لاتتذكرين المره الثانيه ولاتقعدين تاكلين روحج شنو يسوون وشلون شكلها وشنو قاعدين يسوون ابدا

اخذيها فتره نقاهه اهتمى بنفسج روحى صالونات اعتنى بشعرج وجسمج روحى نوادى لعبي رياضه...مع ذلك خفى على عيالج شكلج ضاغطتهم شوى من الحره ابدا بقول لج شي عمرى بس لاتزعلين اى والله انا اول لما كنت ادخل واشوف الصوره اللى انتى حاطتها طبعا انا كنت اشوف

تعليقج على بعض المواضيع مبين انج طيبه وحبوبه لكن فيج صفتين موحلوين انتى طيبه زياده عن اللزوم ومابي اقول الكلمه الثانيه راح اخففها عليج اذا استمريتى على هالحال راح تصيرين معقده؟الصوره الرمزيه توضح هالشي

ترى اللى صار لج ممكن يصير حق اى وحده فينا والريال عادى عنده ولايهتم يطلع له اى عذر عادى وانتى الحين صار لج سنتين المفروض اقلمتى نفسج لاهم منهذا كله انتى عندج شوى ضعف فى الشخصيه حاولى انج تثقين بنفسج قوي شخصيتج حبوبه ولايهزج شي

مابى انسي اخر شي اهتمى بصحتج صحتج الصحه تاج على راسج الله لايقوله لاصار فيج شي منو بيقوم فيج؟ صحتج علشانج اولا وعلشان عيالج ....الريال يبيله قلب قوي

لاتزعلين منى ....بعد بقول لج شي هم اهمتمى بزوجج بمو بالحنه لا بالدلع انا ادرى ان اهو مخليج حق العيال والعشره اللى بينكم لكن اهو محصل المتعه والدلع من الثانيه لان اغلبهم يسوون جذى

تدلعى وتدللى دلعى نفسج ومدحى روحج جدامه دايما واذا قال لج ويهج اصفر قول لى لا انا اشوف انت ويهك اسود محتقن شفيك عسي ماشر؟
لايهزج باى كلمه وان شاء الله ياربي
ياحبيبى اللى سخره حق الثانيه يسخره لج ويحنن قلبه ويرده لج خاتم بيدج


لاتزعلين منى اذا قسيت عليج

 

[!الجادل الصعب!]

رد : ليـش تزوج علي

قهرتيني وآلله .. لآتصيرين ضعيفه حرآم شبآبج قآعد يروح وآلآخ مسوي نفسه شهريآر كل يوم عند وحده .. آنتي تقولين لآ عطيته طآف ركض ورآج .. يعني رجلج يحب المره القويه مآيبيج ضعيفه .. يقولج وجهج آصفر مآكنتي جذي .. يعني قآعده تذبلين والاخ يعلق ..
ردي لنفسج الاوليه .. روحي للمركز المتخصص .. عززي الثقه بنفسج ..
قوي نفسج من الدآخل .. قولي آنا بعيش حيآتي لنفسي وآطلعي للنآس.. يمكن تلآقين صعوبه بالبدآيه بس بعدين بتآقلمين .. لآتقولين تزوج وقهرني ..العيب فيه مو فيج .. هو الي بغى يتزوج عشآن جآته وحده ببلآش مو عشآنج آنتي ..
خلآص الرجآل تزوج والي صآر صآر .. زوجته حقيره .. طيب وبعدين .. تدفنين نفسج بالحيآ ؟َ!
قوي نفسج .. وآطلعي للدنيآ وتحلي بالصبر والايمآن .. ولآرديتي غرفتج آقري سورة البقره يوميآ .. لهآ مفعول عجيب بحل الامور سبحآن آلله ..

 

[عالية الشان]

رد : ليـش تزوج علي

انتي قاعده تريحينهم وتعطينهم الي يبونه اعزلتج من الناس خذت ريلج وكسبت اهله

حبيبتي اليوم انولدي من جديد انتي عروووووووووووووووووووووس

ابدي بجهاز جديد لبس وكشخة وفناتك

المكياج لاتقطينه من ويهج حتى لومويومج علشان اذا جا فجاة تكونين باحلى حله وينصدم لانه متوقع بيلاقي ام الضيم سوري عالكلمة
عالكلمة


حبي عيشي لنفسج ومبين من كلامج انج ماتبين تخسرينه ويمكن انج بعد تحبينه

الطلاق عذاب لاعيالج حرام تصبري علشانهم

واخذي فرصتج شلون تكيدينها من تحت لتحت واقصد تكيدينها مو بالنغزات والمشاكل لا

انا اقصد بسنعج وطيبج

والمهمة الجاية عند اهي شلون ترجعين ثقة اهله فيج وتجرينهم صوبج

لاتقولين مستحيل اهي تصيرلهم

الطيب يكسر العين

ابدي من اليوم يوميا بعد المغرب قهوة وشاي وصحن اما حلو او مالحواذا كلش كلش اقل شي بسكوت وكعك وحب

ولي عودة معاج ابي اتطمن عليج يالغالية

بس اوعديني تعيدين حساباتج

 

[قطووه حلووه]

رد : ليـش تزوج علي

شووفي الخاص عندج

 

[فوفو22]

رد : ليـش تزوج علي

قالها سيدنا على بن ابي طالب

الاعتدال في كل شي تشمل ....

مشاعر عواطف حب كره التزام ......................الخ

اللي حصل انك بنت صغيره وحلوه تزوجت وحبت الطرف الثاني وجابت عيال

صار مشاكل عادية..... غير عادية المووووهم

تزوج ثانية

مريتي بنفس مشاعر اي زوجه اولى

نفص بالثقه بالنفس.....ضعف...هوان ...تعب ...مرض ...كره .....

بالنهاية ادت الى طلب الطلاق .....المرفوض من الزوج

لاحساسه الداخلي انه ظلم الاولى

******************************************

الوصفه السحرية اللي بقدمها لج افهميها وطبقيها

*التأكد واليقين بأن النصيب بيد الرحمن والله كاتب ياخذ ثانية مش الظروف اللي ادت الى .....

*الاستماع بكل شي حوليك غير الزوج (العيال -الصحه -السوق -الفلوس - الدراسه -الوظيفه -الزيارات -السفر -الدورات التدريبية - الطلعه مع الصديقات -النت -الخ) اختاري ما شأتي

*التمتع من الالف الى الياء في اليوم المخصص لك استانسي مع زوجج على الريوق وبدعي على الغدا واستعرضي عل العشا .....وصيري معشوقته بالليل

*انسي الزوجه الثانية واعملي لها delete بعقلج الباطني ولا تضيعين دقيقة بالتفكير فيها

*خاليج ذكيه بالمكالمات التلفونية وابراز شخصيتج اكثر من ابرازمشاكلج معه بالمكالمات

*صفي النيه والقلب واعلمي ان الله يعلم خائنه لاعين وما تخفي الصدور بمعنى كوني على ثقة ان ربك يغير الحل من والى

ولا تدعين عليها وعليه وتتمنين لها الامراض والطلاق لانه قد يصيبك قبلهم

فوفو