ليش يعاملوني جذي

[.jnoon.]

الله يفرج همج

وتبشرينااا بالنسبة الحلووووه الي ترفع الرااس لانج تستاهلينهاا


والله يرزقج بالرجال الصالح الي بيعوضج عن كل شي امين يااا رب

 

[ms mooka]

مشكورين خواتي لانكم خففتوا علي 
فديييتكم كلبوووكم

 

[سمسوومة]

العفوو حبيبتي

 

[" ام حمود "]

الله يفرج همج ان شاءالله

 

[Hand]

الله يفرج همك حبيبتي

 

[ام العامر]

الله المستعان

 

[!! دلوعته !!]

اب اب

 

[فجرر]

الله يفرج همككك .. ويبعد عنكك الهمووم كما يباعد بين المشرق والمغرب ..

 

[الـــغـــلآ]

امج و ابوج يحبونج بِــ̯͡سّ انتي حاطه في بالج غير هالشي

غيري تفكيرج و حسني معاملتج و عاملي اختج الصغيره بعقل مو بالطق

و احترمي امج و ابوج شلون تقولين لهم ابي اتزوج !! شهالجراءه اللي عليج عيب والله .. ان جاج نصيبج محد بيرده


الله يهديج و يهدي اهلج

 

[قاهره عذالي]

كل اللي مريتي فيه مريت فيه

بس بالاخير

اخذت حقي بايدي

اللي يغثني ويتعدى حدوده اوكله نعااااال

والله

مره كسرت القزاز على اختي لما اذنني ابد نفس طريقة سوالفج

قولي لهم ان شاء الله اتزوج سيد الشباب انتم ما تقطعون رزقي

ومستقبلي يكون حلووو واحسن وظيفه

مو على كيفكم فراااااااااااشه

وابوج ان طقج طقيهم

والله ترا ان ما صرت قويه وتاخذين حقج بلسانج وايدج محد راح يوقف عند حده معاااااج

هذول ناس التفاهم ما ينفع اذا يحطمونج ويغثونج

لاتسكتين ردي

ولاتقعدين تبجين محد يحس بالدموع ترااا

اللي يحسونه فيه اللسان وطق الايد

اذا احساسهم مجمد ومايقولون بنتنا او اختنا وما يرحمون

خلاص القوه تنفع معاهم

انا الحين بالجامعه سنه رابعه وهم نفس الشي ان احد اذاني ماهو بخير لحد ما اعرفوا ان الله حق وخفت سوالفهم علي

اختي انتي محتاجه عوابه معاهم وزين تسوين باختج تطقينها

بس لما ابوج يطقج عشانها وهي غلطانه عليج مثل يقول لاخوانج هذي حتى لو تغلطون عليها عادي

وفتح مجال لاخوانج بعدم احترامج

لذلك اخذي حقج بايدج ولاتخلين شي بقلبج صارخي وتكلمي وبعدي عن البجي

للاسف الحين محد يحس غير انا وانتي الاهل ما يحسون ولا يسمعون ولا يهابون اللي لسانه طويله وشره عامر

 

[lovely lovely]

خلاص طلعيلج عضلات وعطي اختج بوووووقس على خشمها اذا قعدت مكانج
واذا اهلج تطنزوا علا شكلج اضحكي معاهم وقولي كيفي اهبل شحلاتي من زينكم انتوا عاد
واذا تحسين متضايقه ودج تشكين لاحد
روحي لصالة بيتكم وصارخي من قمة راااااااااسج وقولي
انا متضاااااااااااااايقه ياااعاااالم طلعوني ولا اشترولي هدايا ودلعوني
خليج انسانه مزعجه وشايفه نفسها من كثر ماتمدحين بنفسج لاتطنزوا عليج
شفتي حلجج لاتسكرينه كلااااااااا قرقري وتكلمي وازعجيهم وافرضي شخصيتج
جذي بيحترمونج
اوكي حبيبتي ؟؟؟

 

[حجية قدرية]

كيفهم خل يسؤون إلي يبونه مالج شغل بأحد عيشي حق روحج وبس ؤعلى طموحاتج لا تقولينها حق أحد مالهم شغل ؤعلى أختج لي سوت شي نصحيها وإذا ما سمعت زفيها واي شي يقولونه لج سمعي من هالاذن وطلعي من الاذن الثانيه وإذا أحد قالج شي ولا عايرج ردي لا تسكتين شنو وين قاعدين يعايرونح بسمارج !! أخاف أهم الشقر والحمر وأنا مادري

لاتسكتيين لا تصيرين الطوفه الهبيطه بينهم

 

[حجية قدرية]

وإذا أحد عايرج بسمارج قولي والله مأخذته منكم ما يبته من بره هههههه

 

[ElN00R]

اول شي انتي حساسه وايد وهذا طبيعي لانج بهالعمر
الحل خلي عندج ثقه بنفسج كنتي سمرا ولا بيضا خلج واثقه
ركزي على دراستج وخلي عندج اكبر طموح اقري كتب عن التعامل مع الاشخاص اللي طباعهم سيئه كبري عقلج عن اختج الياهل او عن ابوج الي مايدري شسالفه ودخل بينكم ولا تقارنين نفسج بابو فلانه وعلانه ترى تعبين عمرج حبيبتي على الفاضي

هذي اسرتج مالج غيرهم ولا لهم غيرج وانا متاكده انهم يحبونج بس طباع الناس تختلف لا تضايقين احد منهم ولا تتركين لهم مجال يضايقونج طنشي ترى اذا بتبجين على كل شي بيسير فيج حبوب اكثر وتساقط شعر بعدين ماتعرسين ؛p
الله يوفقج :*

 

[لدوووش1122]

الله يفـــرج همــك يـااااااااااااارب​

 

[M!ss Pa!n]

ااخ ياقلبي ذكرتيني بالذي مضى كانو يعاملوني زفت لدرجة اسوا منج انه اخوي كان يطقني طق ومحد يدافع عني بابا حبيبي الله يرحمه متوفي راح وخلاني لدرجة كان يطيح فيني تشوت ورفسات حتى اني الحين اوسوس ان العذرية ماصادها شي ومرة كان بطقني بمطرقة تخيلي ! الحمدلله كبرنا وفرجت واثبت لهم بتفوقي شخصيتي وطبعا غيرت من شخصيتي صارو يحسبون لي حساب انا ما اشوش بس مع الاسف هم اللي حدوني ع هالاسلوب اذا اصير هادية مايعبروني ويدوسون علي يوم صرت اهاوش واصارخ صارو يخافون مني ويحسبون لي حساب

 

[حولة مركزة]

شووفي حبيبتي نصييحتي لج

اهيا انج ترفعين ايدج اللي عينه ماتنام
هو الله
والله مجربه

بالله السااعه 2 او 1 او 12
او بعد صلاة الفجر
اقعدي وافرشي السجادة وصلي ركعتين بعدين ادعي وقووولي كل اللي بخاااطرج

ولا تقوومين من السجدة الا وانتي قلتي اللي في خاااطرج

والله راح تحسين براااحه

هذي ضغووطات الحياة تحملي ي قلبي

مع الايام رااح يحسوون فيج
انتي حالتج احسن من غيرج والله


وادعي لربج والله مايفشي سرج
اما الناس تفشي الاسرار لانها مو ملزووومة
تشيل اسرار

فهمتي علي

واي شي تبينه راسليني بالخاص وابشري

باللي اقدر عليه راح اساعدج اوكي

 

[حولة مركزة]

ولا يهمج سالفه انج بيضة ولا سمرا


خليج عندج ثقة


والله في ناااس سمر بس يهبلوون مزايين بعيووني

لانهم اخلاقهم تزينهم وساعات اشكالهم حلوةبس انهم سمر

وقولي لهم ان السماار مووضه الاجانب

اذا الاجانب يدورون السمار

اشحلااته