ليش يعاملوني جذي

[ms mooka]

بنات شسوي تكفووون
انا ب12 اخر سنه لي
قبل شوي بالغدا قعدت بالصماذ جان اختي اللي بسادس ترفسني و تتنهوص مكاني مكاني بنات تعبت منهم كله يعاملوني جذي يحسسوني انه مو بنتهم كبرت خلاص عيب في مكان ثاني
قتلها قعدي هناك جان ترفسني دزيتها ولا ابوي يطقني
قتله ليش انا كبيره عيب اللي قاعدين تسوونه فيني
قال مو لازم تاكلين قتلهم خلاص مابي اداوم باجر قال احسن
وخصوصا انه ما يحسسوني بوجودي كلش ساعات ابجي بيتنا كل ما ادشه اختنق كله هواش كله صراخ
بس تعبت نفسيتي تعبت ويهي قام يطلع فيه حبوب سالت الدكتور قال ريحي نفسج
تعبت وربي يعاملوني غير عن خواتي
كله يعايروني بسماري
كله يعايروني ويقارنون بدرجاتي
كل ما احط طمووح قالولي كاتبه وفراشه وايد عليج
والله بنات كل يوووووم ابجي ابجي ابجي خلاص
واذا قلت بتزوج قالو عيب. تتحجين



خلاص مليت كل ما اكلم رفيجاتي احتر وربي احتر اهاليهم غير عني
ابووها يدللها ويسويلها ابوي مو ماخذه منه الا انتي مو صاحيه
وانتي وانتي ..

*

 

[غريبه بين الناس]

حبيبتي عسى الله يفرج همي وهمج وهم المسلمين
ماعليج والله انتي بنفسج اي شي عندج مواهب فيه استغلي وسوي ابهريهم بمواهبج وريهم انج تقدرين وتعرفين وانتي أكبر من جذي ما عليج داومي وخليج حريصه خليهم يغيرون وجهة نظرهم فيج وإذا ع حركات أختج صج تنرفز الله يعينج بس صيري الآحسن بأخلاقج حسسيهم انج ملكه بأخلاقج لايهمج شي خليج نفسي بارده إلي يبي يقهرني أقهره برودي لاتبينين لهم انج معصبه خليج عادي آهم شي صحتج بالدنيا شغلي نفسج بأشياء تفيدج وإذا ع الزواج ادعي الله يرزقج الزوج الصالح
والله يرزقج الزوج الصالح ياارب

 

[سمسوومة]

حبيبتي كسرتي خاطري والله مادري شقووولج ..
احس مالج غير ربج ادعيه ان شاءالله يفرج همج ..
والله يهدي اهلج يا رب ..
وراح ادعيلج بظهر الغيب لان الدعوة بظهر الغيب مستجابه ..
بنات ادعووولها امااانه ..
بعد عمري الله يفرج همج يارب ويهدي اهلج ويرزقج بالزوج الصالح اللي يفكج منهم مو يزيدج باللي انتي فيه ...

 

[LiL LiLeY]

حيااتي الله يفرج همج انشالله

 

[رتبه دبلوماسيه]

الله يفرج همج انشالله

 

[ya al3rosa]

اللَة يعينج مادرى شقولج ما جربتها الصراحة

 

[كربون امها]

الله يعينج حبيبتي صدقيني اهلج مايكرهونج بس لا نج انت الحين سن مراهقه يتراولج هالاهمور

 

[ام الدرر]

حبوبة
انا بكلمج كأم لبنات بنفس سنكم
مافي ام واب يفرقون بين عيالهم
الكل نفس المعاملة
ابوج لانج الكبيرة يبيج تكونين قدوة وانا دايم اقول لبنتي الكبيرة هالشي
((هم يغلطون لا تردين بالغلط علميهم الصح ))
اذا يت اختج بتقعد تفاهمي معاها باسلوب حلو وقولي لها تبين شي طلبيه بادب
ممكن ادني شوي وتقدرين تقعدين يمي بس بدون هواش ومدة ايد او ريل
حاولي تصاحبين خواتج اللي اصغر منج عشان يحترمونج
لاتعيشون نفسكم بحرب طقني واطقك وزعل وهواش
والوالد اذا هاوش او صرخ
قولي ان شاءالله لا تراددين او تساومين
يعني اذا قلتي له ماراح تداومين باجر تهقين بيترجاج تروحين
ياعمري المثل يقول امشي عدل يحتار عدوك فيك
رحي نفسج وركزي عالمذاكرة وتفوقي ماراح تسمعين اي كلمة تضايقج
عسى الله يوفقج وتييبن نسبة ترفعين فيها راس اهلج ​

 

[*الهنوف*]

لان شخصيتج ضعيفه
لوتصارخين وتطلعين لسانج بيحسبون لج حساب

 

[0oR0R0 honeyo0]

انا اقول الله يعينج مارة بهالشي وازود ع العموم كنت اطنش وماختلط معاهم ولا ارادد وهااااديه ماعلي بحد ولا احد يأثر بطموحي وحياتي مين ماكان
الله يفرج همج يارب معن ماضن بيتسنعون ..

 

[صادقة بكلمتي]

الله يفرج همج حبيبتي احترميهم مهما قالوا باجر بيدرون قدرج بس اهم شي الحين تثبتين لهم انج كفو وانج طموحه ودرسي ولا ياثر عليج اي لام نجحي باجر ادشين ان شاء الله الجامعه واهم للحين يهال لا تعيرينهم اهتمام الحين وحاولي تيبين نسبة حلوة والله يوفقج حبيبتي وترا بعض الاهل ما يعرفون شلون يتعاملون واللي يدللونه يفشل بحياته واللي مايكونون متوقعين منه شي اهو اللي ينحج فعليج بدراستج الحين وطنشي كل شي وبشرينا بالنسبة الحلووووووووووووووووووة لا تنسين نبي نفرح وياج امييييييييييييييييين

 

[طموح لايتوقف]

ترى أغلبية البنات نفسك حالتك ضرب وهواش مع اخواتهم بس أنتي شخصيتك حسااسه توك ماشفتي شي من صفعات الدنيا
طنشي وقااالوه اللي قبل طنش تعش تنتعش شوفي يمكن أنا كاتب المثل غلط بس أخذي الزبده منه وهو التطنيش هو سر العيش بصفاء في الدنيا وثانيا لاتقارين حيااتك بحياة صديقاتك راح تتعبين وأذاا عندك موهيه نميهاا لاتخلين أحد يحبطك دائما الأنسان كيف يعرف أنه ناجح إلا أذا تغلب ععلى المععوقات والأحبااطات كثير ناس ناجحين واجهو في حياتهم أحبااطات من أهلهم ومن الناس بعدين في النهاية أثبتوا للناس ولأهلهم أنهم على غلط لأنهم قللو من فرصة نجاحه

 

[دلوعة أبوهآ]

آلله يفرج همك ..

 

[غريبه وعجيبه]

" طنش آلحمير تعيش أمير "
آلله يصبرج ويعينج انا جذي گگأنوآ يقولون لي بس صدمتهم بنسسبه والله ان امي وابوي مانصدموا وقالوآ يوم نقولج جذي ندري انج تنجرحين ..! بسس احنا جذي نخليج تنقهرين وتجبين نسبه حلوه وماأدري ..! بسس الله يستر ويصبرج وماعليه ع اختج اللي بسادس طيب اذا ابوج ماتقدرين تفتحين له قلبج كلمي امج يمكن تقولج السبب اللي عاملوج جذي ولا تستحين امج هذي وماعليه ياقلبي الله يصبرج وندعيلج بالنسبه وبالتوفيق ولا تنسين ان دعوة المظلوم مستجابه ادعي والله يوفقج

 

[سمو]

اللهم صل علي محمد وال محمد

اولا اهلج يحبونج .......بس انتي شايفه غير ...... انتي دلعي نفسج عليهم

وهمن يبيلج تحبين نفسج اول ........قبل لا تخلين الناس تحبج ..... اقصد شكلك الخارجي


تقولين يعايروني سمره ..... عادي لا تزعلين وقوليلهم هذي خلقه رب العالمين ....واكيد ما طلعت بعيد عن اهلي ...يا حلوي ويا حلوو سماري


وحاولي تتقربين من اختج ....بشي تحبه ....سووه مع بعض .... اي شي ...حتي لو العاب


وخلي همج ووقتج بدراستج احسن :eh_s(15):

 

[اوتار الحياه]

الله يعينك اهتمي بمواااااااااااااهبك وبدراستك

 

[M!Ss Un!VerSe]

الله يفرج همج

ركزي بدراستج حبيبتي هذا الاهم عشان تيبين احلى نسبه وتدشين الجامعه
وتكون لج حياة يديده واستقلالية اكثر وتكون عندج امور تحاتينها اكثر من هالاشياء
تفهي الامور بعينج وراح تصير تافهه

وشغلي سورة البقرة اواقريها

عشان تطرد الشياطين من البيت
والله يوفقج

 

[DALALEY]

الله يفرج همج ويهدي اهلج

 

[راتشيل]

عادي حبيبتي هذولاء الاهل الزام يقفون ضد ابناهم انتي لا تخذين كلمهم جدا وهتمي بدراستج ومستقبلج وبس

 

[نعومه مرة]

الله يحنن قلوبهم عليكي