ليش وشنوا السبب وشحقه وشنو الحكمه من هالسريه 00فيدوني؟؟؟؟

[زهرة الكويت]

السلام عليكم
مدرسات الكويت
شخباركم مع نهايه العام
الدوام صاير ثقيييييييييييييييييييييييييييييل
والإدارات صايرين علىطريف تقولين بينفجرووووون
بس نرد لموضوعنا
شنو السبب اللي يخلى الإدارات والوزارة تخلى تقاريرنا سريه ؟
من حق كل وحده تعرف شنو عطتها الناظرة والموجه
لييييييييييييييييييييييييش التكتم
بس كرف وماكو رده فعل
شنو الحكمه
تكفون أبي سبب مقنع
شنو فيها إذا قالوا لها يا فلانه تري تقديرج إمتياز مرتفع وإلا جيد شبصير بالعكس اللي حصلت إمتياز بطير من الفرح وبترد الدوام أحسن وأحسن واللي حصلت جيد بتشد حليها وتنافس رفيجاتها
عدل الكلام إلا فيه غلط؟؟؟
ردوووووووووووووووووا​

 

[جريحة الصمت]

صح والله كلامج صج..وما أدري السرية على شنو..؟ كلها تقدير ما قلنا قولوا لنا عن أرصدتكم كم فيها..بس تدرين ليييييييييييش..؟
أنا أقولج والله أعلم ما حط في ذمتي شي.. وأنا أختج وراي موت وحساب ..
السبب.. لأن بعض الناظرات او الموجهات والموجهين.تلقيناه حطه حق ( س ) من المدرسات امتياز وإهي مقبول واجد عليها..!!!
السبب الثاني..ما يبونا إناقشهم..لأن إحنا من نخلص دوامات مالنا خلق نروح نقاش ليش حطيتي لي كذا وإلا كذا..؟
خليها على والله كريم..وإنما الأعمال بالنيات.. أنتي سوي اللي عليج وربج يحاسبنا ويحاسبهم..

 

[زهرة الكويت]

على قولتج كله على الله
بس هم قهر
شنوا هالنظام ؟

 

[أوركيد]

سبب سرية التقارير المشاكل اللي تصير والواسطات اللي تتحرك وتعطي بعض الناس الامتيازات بدون وجه حق ..

السرية عشاان يكون التقرير والالتقدير بأيد الادارة فقط دون تدخلات خارجية ..

وبيني وبينج اللي حابه تعرف تقريرها ..واسطة بالمنطقة وتييبه ..

وكل وحده عارفة ادارتها وعارفه شغلها ..

ان شاالله كل مدرسات كويتيات امتياز

 

[معلمة رياض اطفال]

منو تعرف احد ييب لنا تقاريرنا

 

[ضحـاوي]

التقارير ما تطلع من المراقبه الا على شهر 6 اعتقد مو متاكده وتروح الوزاره

ولو راحت الوزاره تقدرين اتطلعين جم ماخذه لان لو راحت الوزاره مستحيل

يتغير التقرير الا في حالات التظلم ومو دايما

وطبعا سريه عشان مثل ما قالت اوركيد ,,,, ما يصير تدخلات وبلبله

وفي ترىفي ناظرات يقولون للمعلمات تقاريرهم جربي سألي الناظره

 

[مشغوله و محتاسه]

سبب سرية التقارير المشاكل اللي تصير والواسطات اللي تتحرك وتعطي بعض الناس الامتيازات بدون وجه حق ..

السرية عشاان يكون التقرير والالتقدير بأيد الادارة فقط دون تدخلات خارجية ..

وبيني وبينج اللي حابه تعرف تقريرها ..واسطة بالمنطقة وتييبه ..

وكل وحده عارفة ادارتها وعارفه شغلها ..

ان شاالله كل مدرسات كويتيات امتياز

عــــــــــــــــــدل .... :eh_s(15): :eh_s(15): :eh_s(15):

 

[قايد الغزلان]

انا بعد ميته قهر ابي اعرف شنو تقديري

 

[هوى الدار]

اي والله احس ظلم انه سري لازم نعرف وبالرقم بعد

 

[زهرة الكويت]

والله ظلم مافيه لاناظرة عندنا بالمنتدى نسألها ليييييييييييييييييييييييش؟
لييييييييييييييييييييييييش السرية؟؟؟؟؟

 

[غيوووض*]

كل على الله صار لنا تقريبا سنتين او اكثر ما نعرف تقاريرنا

 

[virgo_kw]

اي والله عدل كلامج

 

[تولين]

انا اللي اعرفه لا رحتي هناك يقولون لج

سمعت بنات مطلعين من المنطقة السرية بس داخل المدرسة بس لا وصلت الوزارة خلاص بتعرفين

 

[عواشه بنت بو حسين]

آنا قبل لا نعطل وبشهر 6 كلمت جمعية المعلمين عن هالموضوع ، وقالولي أن هذا مشروعهم الجاي بإذن الله ، حتى جمعية المعلمين اللي بمنطقتي قلتله بجمعلك تواقيع ، فقالي أحسن ، لو كل وحده تسوي هالخطوة بمنطقتها أكيد بنلاقي حل وناس تسمع

 

[الفنانه79]

عااااااااااااااادي زهره بكل سهوله عندج احد بالوزاره بنفس الوقت يطلعها لج

ولا يظيق خلقج

وهذي قوانين والواحد يعرف نفسه من الكلام اللي ينكتب بالتقرير ومن نص السنه بس اقرى التقرير اعرف جم تقريبا

 

[جولي 2008]

أنا رحت المنطقه أسأل عن تقريري قالولي لازم المراقب يوافق أول

 

[saroon_143]

اشلوون يرفعون تظلم واهما ما يعرفون تقديرهم
انا ميته ابي اعرف تقديري

 

[جووورية]

والله ظلم

شمعنا الوزارات الثانية يعرفون واحنا لا !!!!!!!!!!!!! :eh_s(13):

 

[سـكـر زيـادة]

بصراحة في ناظرات يظلمون المدرسة وما يعطونها حقها


وبنص السنة كلام حلو واخر السنة كلام يذبح والسبة هالسرية


طيب برفع تظلم شلون وانا ما اعرف التقدير


مو كلامي نيابة عن كلام البعض


بس كان كلامي في سنة من السنوات


وحياتكم رحت المتطقة هالعطلة بعرف تقدير في سنوات سابقة مو هالسنة وما رضوا

 

[سبحان الله^الحمدلله]

صح كلام ضحاوي الي اعرفة ان بالعطلة العودة يصير اشوف تقديري من الوزارة بس من لها خلق تروح