ليش هالشي وايد مهم عندكم؟

[english muffin]

مرحبا بنات
لاحظت شي في البنات لين يحملون على طووول ميتين يبون يعرفون جنس البيبي
شبتفرق يعني ؟
هل مثلا لحين في عقليات ماتبي البنت وبس يبون ولد ؟؟
في بنات انصدم منهم الي بتسوي سونار داخلي والي مادري شنو بس عشان بسرعة تعرف جنس البيبي ... اي ليييش؟
انا والله ولا مفتكرررة كلش كلش كلش
المهم انه الله راد وحملت الحمدلله
ومتى مابين جنس البيبي بين عادييي

 

[الأميرة جوري]

بعضهم نوع من الفضوووووول..

 

[لوفيه]

لازم اول يبون الولد
الحين عشان يجهزون أغراض البيبي واكشنات وحركات حلوه
خصوصا البجريات فيهم فضوووووووول

حسبالي من عنوانج عن الخياط عقب الولاده

 

[جديده 1]

بالعكس اشوفه فضول " مشروع " لكل أم .. بس ماتوصل للسونار الداخلي !!

 

[تبطي عظم!]

تقدرين تقولين فضوول وانا اشووفه عادي اكييد ماتفرق بنت ولا ولد دامها بجريه

بس من فرحتها بحمالها واول بيبي وتبي تجهز وجذي يعني البجر غير غييييير

ع العموم انا بجريه بس ماجربت شيء علشان اعرف جنس البيبي. وفعلا كنت متشوقه بس ماجربت اي شيء

بالنهايه تجاارب ماتضر الا عاد سونار داخلي شدعووه !!

 

[سموة الزين]

هلا حبيبتي سونار داخلي مايصير اتسوينه اذا انتي حامل ماتوقع يصير

وبالنسبه لي لي حملت اكيد ودي اعرف بنت ولا ولد واللي ييبه الله حياه الله سواء بنت ولا ولد هذا بالنسبه لي

بس اكيد مازالو علقيات الي قبل خصوصا الرياييل ودهم بولد علشان يحمل اسمهم
وانا اقول البنت والولد مثل الشي بس اهم شي يكون كامل الخلق والخُلق يارب
والله يهون على كل حامل ويرزق كل محروم بالذريه الصالحه يارب

 

[om-3azo-83z]

ترا في عقليات وايد ما يبون بنات و يضيق خلقهم
انا اقول اللي ايي من الله حياه الله
العيال نعمه مايصير نرفسها

 

[miss_whitemocha]

هههههههههههههههه..انا العكس..
كنت ميتة أبي أعرف لأني أتمنى بجري تكون بنت..والحمدلله ربي رزقني على نيتي..وبشروني بالبنت..عسى الله يبلغني بشوفتها و لمتها إنشالله..​

 

[camilia]

اللي اشوفه الحين رياييلنا اغلبهم يموتون عالبنات ويبون بنت
وشي طبيعي الام تبي تعرف شنو فيها
من حقها ومحد يقدر يتشره عليها

 

[ام ساره 4]

يا حلاة البنات فديتهم صح أنا ملاحظه الحين الرياييل أغلبهم يبون بنات

 

[UNICORNA]

امممم صح كلامك بس مو كلنا
أنا بالنسبه لي ولزوجي عادي اي شي دامه
بصحه وعافيه
بس اقل شي قبل الولاده بحوالي ثالثه شهور
تكوني عارفه جنس البيبي عشان تجهزين اغراضه
سوتا ولد او بنت وتكونين علي راحتك بدون استعجال

 

[UNICORNA]

سوري اكتب من الايفون وكله بدليات

 

[english muffin]

انزين بنات انا بعد بجرية بس متشققة عالحمال ومايهمني بنت او ولد متى مابين نرع الجنين وقالت لي الدكتورة ببدي اجهز
لايفوتكم احنا حريم عايلتنامايرضون نجهز الا لين دشينا السابع . ليييش ما لدري لوول

 

[المـــــها]

فضوووووووووووووول
انا بجرية و كنت ميييييييييييته على ماعرف شنو فيني
مو لأن ودي فبنت ولا خاطري بولد لأ بالعكس اصلا احمد ربي ليل نهار على نعمة الحمل
و مريت بنزيف كذا مرة و احمد ربي ثبت حملي
لكن فضول بعرف هالنتفة بنت ولا ولد
ومن كثر ماني متشفقة ع الضنا اول ماعرفت ششنو فيني رحت شريت كم شغلة و ملابس من الوناسة
يعني بالنهاية نفرح بنعمة الحمل
و مادري شلون في ام ماتحب تعرف شنو فيها؟؟
شدعووووة فبطنج بيبي و يبين الجنس و ماتروحين؟؟
شي غريب
بس مو لدرجة وحده تسوي سونار داخلي لا الصبر زين




و بالنسبة للعقليات اللي يفضلون جنس معين على غيره
نعاني منها بمجتمعنا

أنا اهل زوجي ميتييييييييييييين على بنية
و انا طلع فيني ولد
ماحسيت انهم فرحوا عااااااااااااااادي
و لما قلتلهم فيني ولد الكل حتى قرايبي قالوا عادي بتحملين و تجيبين بنية !!!!!
طبعا انا عيوني جذي @@


شنو عادي كأنهم يقولون الله يعوضج !!!


و الله ماهموووووني
هذا ضناي قطعه مني و فيني
نعمة من الله ماهمني رايهم
الله الرزاق و رزقني الحمدلله
و هالوليد متشفقه على شوووووووووووفته فدييييته بقطعه من كثر التبوس ههههه
أنا أمه و كيفي اغليه امووووت فيه
الحمدلله عشان خاطرهم اجيب الجنس اللي يبونه؟؟؟



الله ماكتب لي بنية
الله كريم يرزقني بحمالي الثاني او الثالث او الرابع او او ا ..






صراحه ما اهتم لراي احد
اهم شي ضناي بصحة و عافيه




احس بعضهم خصوصا من اللي بعمري و مرت حماي مستانسين ان فيني ولد عبالهم ان خاب املي و ضاق خلقي ههههههه
شوفي التفكير !!!



​

 

[زين ودلال]

هذا شي طبيعي جدا واكيد كل وحده حامل تبي تعرف شنو فيها سواء بنت ولا ولد شعور حلووو

انا استغرب من اللي مايهمها تعرف شنو فيها

 

[Eng.Kokoro]

يسلمممممممممم قلبهم بجرييييييه وحدددددي نااااطره بعرف بنوووته ولا صبييي وكل يوم لي راي مره ابي بنت ومره ولد خخخخخخ بس اهم شي الصحة والعافيه والله يسهل على كل حامل

 

[miss_whitemocha]

فضوووووووووووووول

انا بجرية و كنت ميييييييييييته على ماعرف شنو فيني
مو لأن ودي فبنت ولا خاطري بولد لأ بالعكس اصلا احمد ربي ليل نهار على نعمة الحمل
و مريت بنزيف كذا مرة و احمد ربي ثبت حملي
لكن فضول بعرف هالنتفة بنت ولا ولد
ومن كثر ماني متشفقة ع الضنا اول ماعرفت ششنو فيني رحت شريت كم شغلة و ملابس من الوناسة
يعني بالنهاية نفرح بنعمة الحمل
و مادري شلون في ام ماتحب تعرف شنو فيها؟؟
شدعووووة فبطنج بيبي و يبين الجنس و ماتروحين؟؟
شي غريب
بس مو لدرجة وحده تسوي سونار داخلي لا الصبر زين​

و بالنسبة للعقليات اللي يفضلون جنس معين على غيره
نعاني منها بمجتمعنا​

أنا اهل زوجي ميتييييييييييييين على بنية
و انا طلع فيني ولد
ماحسيت انهم فرحوا عااااااااااااااادي
و لما قلتلهم فيني ولد الكل حتى قرايبي قالوا عادي بتحملين و تجيبين بنية !!!!!
طبعا انا عيوني جذي @@​

شنو عادي كأنهم يقولون الله يعوضج !!!​

و الله ماهموووووني
هذا ضناي قطعه مني و فيني
نعمة من الله ماهمني رايهم
الله الرزاق و رزقني الحمدلله
و هالوليد متشفقه على شوووووووووووفته فدييييته بقطعه من كثر التبوس ههههه
أنا أمه و كيفي اغليه امووووت فيه
الحمدلله عشان خاطرهم اجيب الجنس اللي يبونه؟؟؟​

الله ماكتب لي بنية
الله كريم يرزقني بحمالي الثاني او الثالث او الرابع او او ا ..​

صراحه ما اهتم لراي احد
اهم شي ضناي بصحة و عافيه​

احس بعضهم خصوصا من اللي بعمري و مرت حماي مستانسين ان فيني ولد عبالهم ان خاب املي و ضاق خلقي ههههههه
شوفي التفكير !!!​

هههههههههه.. انا عكسج..يوم قلت حق الناس إن فيني بنوتة ضاقت خلوقهم يبون ولد..ويطالعوني بنظرات حزينة جني قايلتلهم حامل بمعزة..لوووووول..
بس والله ولا همني من أحد..وبنتي كفاية عليها إني آنا أحبها و أموت فيها..آنا وياها مستغنين عن الدنيا كلها..المهم أحبها و تحبني و بسسسسسسسسس...​

 

[قدساويه111]

امر طبيعي هالشئ لانه كل وحده فينا لحملت ودها تعرف شنو جنس البيبي وصح ملامح في البعض منهم بفضل الولد علي البنت بس ساربي ياحلو البنات *

 

[قدساويه111]

سوري بنات أنا توني جديده معاكم وكلامي كاه بدليات لأني اكتب من الايفون طوفوااا أنتو لا تعلقون

 

[tmtmt]

انا استغرب من الي ماتبي تعرف !!
ولا الي مايهمها اتعرف !

مو عشان نبي بنت ولا نبي ولد
فضول قطعه منج بداخلج تحبين تعرفين شنو اهيا اكيد
وناسه تبدين تجهزين اموت على التجهيز ..
وتفكرين بالاسم ..

ومن هالسوالف

بس ماعمري احد مر علي يسوي سونار داخلي عشان يعرف