ليش مستكثرين علي السعاده !!!!!!!

[++MesK++]

بنات حبايبي الموضوع مو موضوع بدله مشقوقه لو عالبدله بالطقاق لو البدله مشقوقه منها بالغلط فدوه اقصاها قطعه خاااااااام

بس بنات البدله من داخل ومن صوب البطانه مقصوصه بمقص على شكل دائره يعني انا لو بلبسها مره ثانيه مستحيل تبين

وانا السالفه لو علي جان ما دريت بالمره لان انا بدل الاستقبالات ريلي يوديهم المصبغه بس هالمره قلت حق الخدامه وديهم المصبغه

مع ان ريحتي فيهم يعني البدل مو ملبوسه هذا شي والشي الثاني الخدامه فيها عاده لما اعطيها شي تكويه ولا تغسله تشيك عليه

واذا فيه شي تيي توريني عشان لا اقولها ان انتي اللي مخربه الملابس يعني من باب انها تخلي مسؤوليتها واهللي يت ورتني ولا مستحيل

احد يشوف المكان اللي مقصوص منه لان من داخل ومن ناحيه اول بطانه والقص كبر كف الايد

؛
؛

مو انا قلتلج ان واحد من الاحتمالات انها تبي الاثر منج ( يعني تبي شي من ريحتج )

؛
؛

 

[Om_Ksha]

والله غلطانه تعطين لاحد ملابسج خواتج وبس ..
حلو الواحد يكون عنده خصوصيه خاصه هالزمن يخرع الواحد يخاااف من هالسحر والخرابيط ..
المهم انتي وكلي امرج لله وانشالله ماكو الا الخير وديري بالج ..

 

[حروف من ذهب*]

الله يبعد عنج الحسد والعين

 

[3emya_Berry]

وي مابي احط بذمتي بس شكلها ناويه تخرب بيتج الله يدوم عليج المحبه يا قلبي والخير وعسى ربي اذا بتسوي شي يصرج يرد كيدها بنحرها خوفتيني ماني معطه هدومي لحريم حمواني

 

[منيرة خالد]

علشان تفتكين من التفكير والشك


قطي البدلات ولا تلبسينهم


ومره ثانيه لا تعطينها شي وافتكي

والافضل احسان النية والله يستر عليج

 

[Princess Lady]

بل والله لو مكانج أشك ونص بعد يعني وحده قاصه من ثيابي ومآخذه زرار من الثاني خل انقول الزرار طاح بس تقولين القطعه اللي قاصتها على شكل دائره !! يعني أشكره تبي شي

حبوبه لو أنا منج والله ما أسكت وأخليها أصلا تلعن الساعه اللي خذت فيها البدلات ,, يماااااا منها

لازم تواجهينها وتبينين لها انج عارفه الموضوع .. بس انتي شغلي سورة البقره في البيت وارقي نفسج ,,

الله يديم عليج السعااااااااااااده ويهنيج يا رب ...

 

[واقعية حـلـم !]

أقري البقرة يوميا

و تريقي على سبع تمرات


و بلغيها انج دريتي و ان لو صار لج شي بتدفع الثمن غاااالي و أهلج ما راح يسكتون







حسبي الله و نعم الوكيل



الله يحفظج من كل شر

 

[LA TROO7]

عشووقه انتي من الناس اللي احب ردودها واحب عقليتج

ديري بالج منها وحصني بيتج داائما واحذفي البدلتين ولاتعطينها شي مرة ثاانيه هذي عدووة ينخاف منها وادعي داايماا ان الله يكفيج شرها ويحط كيدها بنحرهااا

ربي يحفظج ويتمم عليج

 

[*مرامي*]

استغفر الله
ان بعض الظن اثم
بس للحرص اقري البقره 3 ايام وشغليها في البيت
وارقي نفسج واعيالج وريلج وبيتج
وقولي وعلميهم يقولون الصبح وبالليل (بأسم الله اللذي لا يضر مع اسمه شيء في الارض ولا في السماء واهو السميع العليم 3 مرات)
ومافيكم الا العافيه والله يعديكم الشر يارب

 

[LA TROO7]

عشووقه انتي من الناس اللي احب ردودها واحب عقليتج

ديري بالج منها وحصني بيتج داائما واحذفي البدلتين ولاتعطينها شي مرة ثاانيه هذي عدووة ينخاف منها وادعي داايماا ان الله يكفيج شرها ويحط كيدها بنحرهااا

ربي يحفظج ويتمم عليج

 

[ديانا سبنسر]

غللللللللللللللللللللللللللللللللللللللللللللللطانة وحدة ماتحبج وماخذة ملابسج ورداتهم مقصوصين الله يستر ماتسويلج سحر حصني نفسج بالاذكار

 

[بمبة المفترسة]

سأليها ليش ساكتة
قولي لها من اللي قاص من البطانة واجهيهااا
ويمكن كوتها واحترقت قصتها ماتدرين عشان ماتبين انها محروقة
ولاتسولفين جدام احد خلي اسرار بيتج لج لابالزينة ولابالشينة

 

[المستغفرة 74]

الله يستر عليج
ودايما تحصني بالرقية والاذكار
واخذي حذرج من حريم الحموان بصراحة انا افضل انج تكونين معاها بعلاقت سطحية ورسمية
وجان قلتيلها اسفة حبيبتي ما اقدر اعطي ملابسي لاحد لان فيني حساسية .وبجذي لا تفتكين من الشر .
ودايما ادعي ( اللهم اكفني بها بما شئت )
والله يبعد عنج الشر .

 

[Tom ♥ Jerry]

آمممممم خلاص خليها على رآحتهآ الله يسامحهآ عشان قصت بدليتج و خربتهآ
بس لا تعطينهآ شي مره 2 .. و ديري بآلج منهآ و خلي علآقتج معاها سطحيه .. =)

و الله يوفقج يارب
و يجعل كل الي قآعده تسوينه في موازين حسنآتج يارب

 

[المستبــده]

الاذكااااااااااااار

والتحصين بعد الفجر والمغرب

واقري يوميا البقره او شغليها بالبيت طووول اليوم

وقووولي((اللهم من اراد بي وبذريتي سوء فاشغله في نفسه))

معاهااااا
رقي نفسج انا ما ودي ازيدج محاتاه بس الاحتياط واجب
خلي سورة البقره شغاله كل يوم فبيتج

وربي يحرسج من العين

عاد انتي والله ما تستاهلين الا كل خيرر

 

[غلاوي85]

ما ادري الله يستر

 

[احلام روحي]

توني كنت بسالج مقصوصة بمقص او لا!! لان اذا بمقص فهالشي متعمد

عموما الحين الامر طلع من ايدج خلاص ومافي شي تقدرين تردينه !!

الحين هي لو تموت وتزهق ماتقدر تسحرج ابدا اذا حافظتي على سورة البقره كل ثلاث ايام مره

لان الرسول قال : لاتستتطيعها البطله << اي كبار السحرة ومرده الشياطين

وهذي فرصه لج انج تقرين سورة البقره وتتمتعين بذكر الله وتحافظين على ذكرج وتحصنين بيتج من شر كل انسي وجني

حافظج الرحمن ياقلبي

 

[حبـ admant ـك]

الله يحفظج انتي و ريلج وعيالج ويبعد عنكم الحساد
ان شاءالله ما تسوي شي لج
اهم شي حصني بيتج وعيالج و لا تنسين الاذكار
و دايم قول لي الله يجعل كيدها في نحرها

 

[dodo.q]

حبيبتي امانه لاتنسين الاذكار صباح ومسااء واقري البقره واكلي سبع تمرات ع الريق والله يحفظك..

شكلها ناويه نيه هابين فالسحر هالايام الله يحفظك ان شاءالله..

 

[dodo.q]

نسيت اقولك اذا عطيتهم اياها مغسولين ماراح تقدر تضرك..

بس لو كنتي لابستها وفيها عرق او شي هني ممكن تضرك..


بس ان شاءالله ماتقدر تضرك حبوبه الله يحفظك..