ليش مدرسة خاصة مو حكومة ؟؟؟

[مفرفشة ومنعنشة]

السلام عليكم ورحمة الله وبركاته

بدخل بالموضوع على طول بدون مقدمات

انا عيالي بمدرسة خاصة ... ووايد احس انهم مضغوطين بالمنهج وانا مضغوطة معاهم بالتدريس ... هذا غير الفلوس الي ندفعها وكل سنه يزيدون علينا الرسوم :eh_s(14):
لدرجة اني فكرت اطلعهم واوديهم حكومة
سؤالي - وخصوصا للي عيالها كانوا بخاص وحولتهم للحكومة

شنو الفرق الي لاحظتوه بين المدارس الخاصة ومدارس الحكومة

 

[basma83]

أنا والله نفسج ناطره الاجابه لان عندي ثلاث بنات بمدرسه بريطانيه مرتاحه منها وايد بس مرات افكر انقلهم لان المبالغ خياليه قامت تصير

 

[كارلوفي فاري]

والله بصراحه انا من وجهة نظري البنات ماله داعي خاصه. اللي صج يبيلهم الصبيان لانه مو بس حق تعليم ولدج تربينه وتتعبين عليه للاسف يجتمع مع عيال شوارع يخربونه ويخلونه متمرد لكن الصبيان اللي بمدارس خاصه عيال ناس تعبانين عليهم
وانا للاسف هالشي صار معاي. فاللي عندها بنت لا تعب نفسها اذا ماعندها امكانيه. لكن الولد. لااا يفضل مرحلة الابتدائي على الاقل

 

[*مطبخ الذواقة*]

احس الخاص للأولاد ضروري بس البنات اذا الميزانيه ما تسمح الحكومي مناسب لهم

 

[ام رينـاد]

أب لعيونج

 

[مفرفشة ومنعنشة]

والله بصراحه انا من وجهة نظري البنات ماله داعي خاصه. اللي صج يبيلهم الصبيان لانه مو بس حق تعليم ولدج تربينه وتتعبين عليه للاسف يجتمع مع عيال شوارع يخربونه ويخلونه متمرد لكن الصبيان اللي بمدارس خاصه عيال ناس تعبانين عليهم
وانا للاسف هالشي صار معاي. فاللي عندها بنت لا تعب نفسها اذا ماعندها امكانيه. لكن الولد. لااا يفضل مرحلة الابتدائي على الاقل

احس الخاص للأولاد ضروري بس البنات اذا الميزانيه ما تسمح الحكومي مناسب لهم

بصراحة انا اختلف معاكم ... لاني بالاساس ضد التفرقة بين البنت والولد
كلهم عيالي وكلهم ابيلهم الافضل

بس سؤالي : شنو الفرق بين التعليم بالمدارس الخاسة والمدارس الحكومية ؟
ليش اغلب الناس متجهه للخاص مع انه اسعاره صايره نااااااار ؟
شنو عيوب ومميزات كل نظام ؟

 

[مفرفشة ومنعنشة]

أب لعيونج

:eh_s(7):

 

[زوزو الحلوه]

التعليم الخاص افضل بكل شي اول شي المدرسين وهذا الاهم مدرسين الخاص احسن بالتدريس وخبرتهم افضل وطريقه التعامل افضل الخاص مايركزون على الدراسه وبس عندهم تاسيس قوي باللغه وبكل شي الصراحه حلوه طريقه تدريسهم مو مثل الحكومه يحشون مخ الياهل وبس بدون استيعاب ..شوفي الحكومه يتعلمون الكلمه كحفظ الشكل مو كتابه وكاحرف لازم يعرفونها لي رابعه ابتدائي يتوهق بالانجليزي والعربي ..وكا انشطه المدارس الخاصه تتعب اكثر علشان الطالب نفسه الحكومه طبعا لا ...وهذا رايي وتقبلي مروري

 

[bambena]

خاص عشان اضمن ان المدرس يدرس اذا مو بكيفه غصبن عليه ، اما بالحكومه بعض المدرسين ماعندهم ضمير

 

[توتاتوتا]

الخاص يعتمد اذا زينه و الطالب فيها يفرق عن اقرانه

انا سمعت ان مدرسة الرؤيه طلابهم يفرقون عن اقرانهم في الجامعه فكذا ءيد الخاص لكن الاسعار ناااار


علشان كذا الاغلب يحرص علي الولد لان مدارس الاولاد اقل انتاجيه و كثير يتاثر بسلوكيات العيال السيئه و البنات مدارس الحكومة تادي الغرض واغلبنا من مدارس حكومة


لكن فيه نقطه بعد التعامل مع الطلاب فالخاص افضل من الحكومة ياما سمعنا عن ضرب الطلاب و هذا شي يحزن


اخيرا تقول لي ابله ابتداءي عن طالب في اول حافظ القران كامل و هذا نموذج اتوقع ينجز وهو فالحكومة

 

[مفرفشة ومنعنشة]

رفع

 

[دارسين]

بصراحه أنا اكتشفت أنكم مخدوعين بالخاص كثير خاصة الابتدائي

الله يشهد علئ كلامي وتقدرون تتأكدون من كلامي

الإبتدائي اي وحدة عندها اي شهادة ثانويه او دبلوم تقدر تسجل بالخاص وتدرسهم اي مدرسين اي بطيخ !!؟


اما الحكومي مستحيل وحدة ماعندها شهادة تدرسهم

اما اذا قصدكم المعامله اكيد بيعاملونهم صح ولا ليش ندفع
انا كنت بسجل بناتي بس لما عرفت الصج مستحيييل اغامر واحطهم بمدارس خربوطه

مادري صراحه عن المتوسط والثانوي

 

[لوزين]

اللي تقول الحكومه مضغوطين ويحشون مخ الطالب هم بعض الخاص ضاغطين عالطلبه بالواجبات والمناهج


الحكومه مناهجها قويه ماعدا بالانجليزي وهالشي مقدور عليه
مناهج بعض الخاص كتبهم من الحكومه ماعدا الانجليزي وبعض المواد الاضافيه


واغلبنا تخرج من الحكومه وماسكين اعلى المناصب ماضرتهم مدارس الحكومه

واذا عالطق والسب في القطاعين فيه مشاكل وهذا الواقع خلوا الولد ينطق عشان يعرف يدافع عن نفسه!
والسب يرجع للتربيه واعلمه ان هالشي غلط وحرام




مع الحكومه وان احتجت اثقف ولدي بالانجليزي والا احفظه القرآن مع التجويد جبت مدرسه بالبيت وجدام عيني وكان الله غفور رحيم

 

[لوزين]

واذا بتكلم عن الرسوم ماراح اخلص


احط ولدي بمدرسه خاصه واقط عليه مبلغ وقدره واجيب مدرس خصوصي بعد!


دشوا التجمعات وشوفوا بعيونكم شكاوي اهل الخاص
مااقول الحكومه ناجح بس مقدور عليه

 

[مفرفشة ومنعنشة]

الله يعين
صج بلشه ... لا الي بالخاص مرتاحين ولا الي بالحكومة مرتاحين

 

[مفرفشة ومنعنشة]

بنات يليت تشاركونا بتجاربكم مع عيالكم عشان الكل يستفيد

 

[برونزية رشيقة]

من وجهة نظري (( الخاص )) موضة وراح تروح .. الكويتيين طبعهم جذي هبببببوا كذا واحد بشغلة فالباجي قلدوهم ..


لاحظت كثير من الناس رجعوا لمدارس (( الحكومة )) خصوصا بعد تعديل المناهج الدراسية وتغيير كتب اللغة العربية واللغة الأنجليزية ، وطرق التدريس ، وتغيير بعض جنسيات المدرسات والمدرسين ، والاهتمام أكثر بالجانب النفسي (بفعل ورشات عمل للمدرسات الكويتيات)


فصدقوني موضة (( عيالي في مدرسة خاصة )) راح تروح .. والحمدلله على حكومتنا إللي بدلت المناهج بما يتوافق مع المناهج العالمية .

ويوم درسنا بالجامعة لاحظنا إن (طالب الحكومة) أشطر من (طالب الخاص) بس طلبة الخاص يتميزون بطلاقة اللغة الإنجليزية لأن دراستهم بالإنجليزي.. وسبق وقلت أن (الحكومة ) تداركت هذي المشكلة وغيرت منهج الأنجليزي وصار (قوي) ألحييييييييييييييييين .. مو مثل قبل !




وسوري على الإطالة .

 

[مفرفشة ومنعنشة]

up up up

 

[مفرفشة ومنعنشة]

من وجهة نظري (( الخاص )) موضة وراح تروح .. الكويتيين طبعهم جذي هبببببوا كذا واحد بشغلة فالباجي قلدوهم ..


لاحظت كثير من الناس رجعوا لمدارس (( الحكومة )) خصوصا بعد تعديل المناهج الدراسية وتغيير كتب اللغة العربية واللغة الأنجليزية ، وطرق التدريس ، وتغيير بعض جنسيات المدرسات والمدرسين ، والاهتمام أكثر بالجانب النفسي (بفعل ورشات عمل للمدرسات الكويتيات)


فصدقوني موضة (( عيالي في مدرسة خاصة )) راح تروح .. والحمدلله على حكومتنا ألألي بدلت المناهج بما يتوافق مع المناهج العالمية .



وسوري على الإطالة .

لا برونزية مو معقول اكثر من 30000 الف طالب بالمدارس الخاصة اهلهم مدخلينهم عشان هبه او موضه
اكيييييييييد لقوا شي بالخاص ما لقوه بالحكومة ... وهالشي اهو الي خلاهم يدفعون الالاف لهالمدارس

انا مثلا لما دخلت عيالي كان كل تفكيري بمصلحتهم والافضل لهم ... ما همتني لا موضة ولا هبة ... ما همني غير مصلحة عيالي
وفعلا تأسسوا واستفادوا من مرحلة الروضة والابتدائي
بالنسبة للغة الحمدلله تأسسوا فيها عدل

وسؤالي شنو ممكن يستفيدون اكثر لو استمروا بالمدارس الخاصة بالمتوسط والثانوي ؟

 

[t.o.o.ot]

آنا مع ان الصبيان بحاجة الخاص اكثر من البناتلاني ماراح اقول الا ان الزمن الجميل انتهى اللهم لك الحمد
وانامع وضد بنفس الوقت قولوا لي شلون ؟ في ان عيالنا بيطلعون من اجيال العولمة والتطور التكنولوجي السريع اللي مانقدر نواكب سرعته معهم وكل الموضوع في نظري بالتاسيس الصح في ان التعليم بالصغر كالنقش عالحجر وبس بحيث اننا نقدر نوصل مع عيالنا لمرحلة معينه نكون واثقين في انه يقدر يساير الحكومي ويوقف على رجيله لحااااااله طبعاً وبس اتمنى وصلت المعلومة