ليش ما فية ريال مخلص

[㋡..PRINCESS..㋡]

والله انا من وجهة نظري ان اغلـــــــــــــــــــب الرياييل ما يفكروووون الا بنفسهم لو مهما تسوين وتعطين .. أنااااااااااااانييــــــــــــــــن !!

 

[SeDuCTive]

وايد سألت نفسي هالسؤال .. وحاولت اعذر الرياييل بس ما قدرت.. يظلون بنظري خونه ومالهم امان وما يترس عينهم الا التراب ولازم الوحده بزمننا هذا تحرص منهم عشان لا تنجرح.. الله يساعدنا احنا قلوبنا رهيفه..

 

[جوك احلى جو]

اغلبهم تفكيرهم شهواني للاسف

 

[كسرة عود]

الله يعييييييييييييين ...... والمهم بحياتها

 

[الأمل الوقاد]

سنة الحياة يتزوج ، عيل والعياذ بالله يزني بعد وفاة زوجته!! طبعا المرة تقعد اكثر مدة ممكنة بلا زواج او ماتتزوج بعد الزواج، لان المراة عاطفيه ، اللله خالقها مرهفة الاحاسيس فتطول من الصدمة العاطفية بس الريال الله ماخلقه عاطفي خلقه حسي ويفكر بالغرائز بشكل اكبر والا ماكان الله شرع له اربع.

 

[كلي أنوثة]

لا حمدلله الدنيا بخير و فيها ناس محترمين و مخلصين بس الواحد المفروض يدعي الله يوفقه و مايطيحه بناس خونة و سيئين والله يوفق الجميع يارب

 

[غلا الأيام]

امممممم من وجهة نظري لان حب المرأة أبدي وليس وقتي ، واذا أحبت تحب من كل قلبهاا


أما حب الرجل وقتي ونسبي ويتغير وينتهي بانتهاء الحاجة واللذة

 

[غادةالكاميليا]

اذا في ريال مخلص وعرف نفسة انه مخلص
اكككككيييييييييييييييييييييييييييييييييييييييييييييييدددد راح يذبح نفسة
يعني مافي رجل مخلص واذا وجد فان الدنيا منتهية لامحالة
انا شخصيا ماعندي ذرة ثقة باي رجل بهالدنيا
ارجو انكم ماتتضايقون هذا راي شخصي

 

[صمت الروح]

سنة الحياة الحمدالله

 

[كريستال ليدي]

الريال يتزوج عقب وفاة زوجته اتوقع شي عادي لانه الريال دايما يحتاج لمرة في حياته عشان تدبر امور حياته و تجابل عياله اذا كان عنده عيال

بس موضوع زواج المرة عقب وفاة ريلها اتوقع هالشي تدخل فيه العادات و التقاليد لانه هالشي مو موجود الا عندنا بالخليج المرة اذا مات ريلها قعدت تنطر متى تلحقه بس باقي الدول عادي الارملة تتزوج مرة و مرتين ولا همها

 

[بطاط مهروس]

حبيبتى اصابعج مو سوا فى ريايل ما يتزوجون .... وفى حريم هم بس يترملون تروح تتزوج على طول تقول انا وحيدة
فية جذى وجذى ..... الله يخليج الدنيا صايرة ما منها امان
تقبلى مرورى

 

[الـكـايـد أحلـى]

ياربي انتي ليش اتفكرين في هالأمر // حبي نفسج وعيشي يومج​

 

[ScarletteO'Hara]

هذا حق من حقوق الزوج مثل ما اهو حق للزوجة
الريال بالحياة الزوجية معتمد على المرة اكثر من ما اهي معتمدة عليه
انا ما اتكلم عن الانفاق و جذي
من ناحية الاهتمام
المداراة بالمرض
النظافة
الطباخ
المرة بشنو معتمدة على الريال؟
يعني قولوا الجبرة
سوق السمج
البنجرجي
يعني اذا الريال توفى قبل مرته المرة بتحصل الي يسوي شغله مثلا سايق صبي
اما اذا المرة توفت قبل الريال منو بيداريه
حرام ما يصير نفكر فيها من الناحية الجنسية
لا و الله الي يتزوج من بعد مرته لا باق و لا زنى
طبق شرع الله
و الي تقول كل الرياييل يخونون و مو مخلصين
انا اقول لها لو خليت خربت

 

[sweet dashttya]

اييييييييييييييييي صح كلامج ما في للأسف الاغلب خونه والمشكله ما عندهم قلب كل واحد يكون عنده اكثر من قلب

كلش ما عندهم احساس يعني تلاقين المره تسوي له كل شي تغسل وتخم وتنظف وكل شي بس الاغلب ما

عنده احساس ويروح يتزوج عليها لان على قولته اهم ما تهتم بنفسها المسكينه شنو تسوي يعني ​

 

[pride&prejudice]

لأن الريال ما يقدر يعيش بدون مره ، اعرف وحدة توفت وحدة من أهلهم الله يحمها وريلها ليلحين يحبها وما تزوج عليها وطول فترة المرض كان قاعد يمها ولا هدها ويوم توفت الله يرحمها اهوا الي ربا العيال ،هذا الرجل نادر في هذا الزمان ، لكن هذي سنة الحياة الريال يبي من يباريه ودير باله ويشوف متطلباته اذا يتزوج على مرته واهيا عايشة ما تبين ياخذ وحدة واهيا متوفيه الله كريم بس والله احنا مساكين المرأة بطبيعتها تحب تضحي وتبدي عيالها على كل شي ، لهذا السبب تلقين صعبة شوي تتزوج وريلها متوفي وعندها عيال

 

[غنج بدويـه]

لان الرجال له نظره غير بالحياه..اهو يبي من تداريه وتباشره
<<واخذيها من ناحيه ايجابيه ان الرياجيل ما لهم غنى عن الحريم

 

[زينة الشرق]

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّمَا الْأَعْمَالُ بِالنِّيَّاتِ وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إِلَى اللَّهِ وَرَسُولِهِ، فَهِجْرَتُهُ إِلَى اللَّهِ وَرَسُولِهِ، وَمَنْ كَانَتْ هِجْرَتُهُ إلى دُنْيَا يُصِيبُهَا أَوِ امْرَأَةٍ يَتَزَوَّجُهَا فَهِجْرَتُهُ إِلَى مَا هَاجَرَ إِلَيْهِ مُتَّفَقٌ عَلَيْهِ.

والاعتراض ع سنة الله بالكون وخاصة بدينا الاسلامي يعني اعتراض ع حكمة الله أستغفر الله .....


تقبلي مروري

 

[tolay]

اهوه ماتعتبر خيانه لانه خلاص الزوجه توفت من حقه يتزوج

بس صح الريال مرته تموت علطول يتزوج اما المرأ قليل ماتتزوج !! سبحان الله من الله جذي المرأ اكثر اخلاص

واذا المرأ مطلقه ولا ارمله تزوجت ثاني يعيبون عليها الريال عادي !!! وايد ناس هذي نظرتهم