ليش ماعندنا رقابه او life guard منقذين على البحر وحمامات السباحه

[MyLittleBerry]

كل صيف نسمع بضحايا الغرق من اطفال وكبار في حمامات السباحه والبحر

اللي بعرفه ليش ماعندنا منقذين ؟؟

ناس يتطوعون على الاقل في الصيف ويمشولهم معاش

ليش الكاميرات اللي يحطونهم زينه

هذا موقف صارلي قبل يومين

امس كنا منتجع فارس

العصر غرق ولد صغير ومحد يدري عنه وتم طافح بحمام السباحه واليهال حولينه يلعبون

ومنو شافه

ولد يمكن عمره 11 سنه

وتم يصرخ وحاول يسحبه واهو والله جنه خرجه ذايبه طافحه بالماي ومافي نفس

بعدها اهله طلعو من الشاليه ركض ويو المسعفين طلعو من الماي

وانا قلت مات لان شكله والله جثه

وسووله تنفس صناعي ونفس الوقت الحمدلله وسبحان الله ريوله انقزت ورد نفسه

موقف صججج كان يوقف القلب

لان الياهل لو مو هالولد شايفه جان ميت لان ماكان في ولا واحد كبير عند الحوض

غير اليهال

مع ان حاطين كاميرا موجهه على الحوض بس وايد تأخرو على مايو معناته ان يا الكاميرا موشغاله او مايدرون ومحد قاعد يراقب يعني زينه


( الولد لما يه عند الحوض تم يصرخ وخروووووو وخرووووو انا على بالي بيطب بالماي قاعده اقول انزين شفيه يصرخ واشوفه يمد ايده بالحوض وماشوف الا شي طافح بس والله جنه لعبه )

طبعا انا ماقدرت اسوي ولا شي تيبست بمكاني

اتمنى هالشي يطبقونه لان في ارواح ناس

ولا شرايكم ؟

:bbbiu:

 

[Miss Cherry]

والله المشكلة من الاهالي يقطون عيالهم مع الخدم ولاغرقوا ولا اندعموا يتحسفون

فيه تقصير من كلا الطرفين بس انا احمل الاهل المسئولية الأكبر .. الجاهل المفروض مايقرب صوب حمام السباحة اذا كان عميق ولا يسبح بالبحر بروحه .. انا اشوف بجمعاتنا وكل مره اروح الشاليه نفس المناظر الام قاعده بالشاليه والجهال يسبحون معتمده على الخدم ولا انهم يعرفون يسبحون .. مهما يكون هذي امانة لو يصير شي بهالجاهل ماينفع الندم حزتها

اغلب حمامات السباحة اللي باماكن مسكره يكون فيه مسعف بس الشاطئ صعبة تكون فيه رقابة بالاخير انا مابرر بس اقول فيه اهل مهملين

 

[الغلا كله لبوي]

جان زين يسونها يحطون منقذين حرام الياهل يموتون جذي والاهل مايدرون عنهم

 

[منو انت]

موضوعج حيييل مهم وحلو عسى ربي يحرم ايدينج عن النار

(( انا بقول شغله وحده حق كل ام اذا انتي ماارح تكونين فاضيه حق عيالج بالشاليه خليهم بالبيت او داخل الشاليه لالاتتركينها برا دام ماعندج وقت تراقبينهم وبجذي تكونين ارتحتي ورحمتي هالعيال من الموت ))

وغير جذي عمر اداره الشاليهات ماراح تكون احن على الولد من امه وصج انه قضاء وقدر وعسى ربي يكفينا شر هالموقف بس الواححد يبذل الاسباب شوي يراقبهم لو صار لهم شي اقل شي ماتاكلين نفسج من الحسره واللوم بتقولين الحمدالله سويت اللي علي وهذا امر الله لكن اترك بنتي او ولدي واقعد اشرب شاي وقهوه داخل الشاليه واقول ماعليهم شكوووووو على اي اساس وغير جذي ترى بعد يتركونهم بالمسيله والاكوبارك بروحهم مع الخدم علشان الام تكون مشغوله ياعندها استقبال او بتروح مع صديقاتها

الله كريم عسى ربي يهدي هالنوع من الحريم لان عندهم نعمه ناس انحرمت منها

 

[ام كشه خطبها]

موضوعج حيييل مهم وحلو عسى ربي يحرم ايدينج عن النار

(( انا بقول شغله وحده حق كل ام اذا انتي ماارح تكونين فاضيه حق عيالج بالشاليه خليهم بالبيت او داخل الشاليه لالاتتركينها برا دام ماعندج وقت تراقبينهم وبجذي تكونين ارتحتي ورحمتي هالعيال من الموت ))

وغير جذي عمر اداره الشاليهات ماراح تكون احن على الولد من امه وصج انه قضاء وقدر وعسى ربي يكفينا شر هالموقف بس الواححد يبذل الاسباب شوي يراقبهم لو صار لهم شي اقل شي ماتاكلين نفسج من الحسره واللوم بتقولين الحمدالله سويت اللي علي وهذا امر الله لكن اترك بنتي او ولدي واقعد اشرب شاي وقهوه داخل الشاليه واقول ماعليهم شكوووووو على اي اساس وغير جذي ترى بعد يتركونهم بالمسيله والاكوبارك بروحهم مع الخدم علشان الام تكون مشغوله ياعندها استقبال او بتروح مع صديقاتها

الله كريم عسى ربي يهدي هالنوع من الحريم لان عندهم نعمه ناس انحرمت منها

توني كنت بكتب هذا الحجي كفيتي وفايتي انا معاج:eh_s(15):

 

[Vdieta]

يسلموو عالموضوع الحلوو

 

[MyLittleBerry]

الله يسلمكم

 

[ReeM ^ Style]

لا حول ولا قوة الا بالله
حرام عليهم بعض الاهالي هالهمل اللي يروح ضحيته الطفل
يعني وين اهله عنه واذا اهو مايعرف يسبح شلون يسمحون له يدش الحوض
اهم شي الحمدلله على سلامته وهذا درس لاهله عشان مايهملونه
واعتقد سمعة المنتجع بتكون بالحضيض بعد هالموقف
الحين منتجع طول بعرض مو قادرين يحطون منقذين !

 

[[[ عيون جابر ]]]

وانا اقول الي مو قد اليهال لا تيبهم وتهملهم تقطهم ع الخدم
اللوم على الام والابو وسوء ارقابه على عيالهم

 

[انصاريه قمره]

يا ربي شلون يقطون عيالهم قط بهالاحواض والبحوور والله حرام الله عطاهم قلب باااارد من جذي ما يكبرون ولا يتعبوون انا عمري ما رحت مكان وخليت عيالي عند احد من كثر ما اخاف عليهم حتى وقت الطلق لي بغى يوديني ولاده اخذت بنتي معااي ما اامنها ولا اخليها الا عند ابوها لا امي ولا امه ولا اي احد لانه كل انسان عنده مسؤوليات محد فاضي حق احد

 

[!الجادل الصعب!]

بنآت ترآ صعبه نقول آهمآل الام .. مهمآ كآن هذي آم مستحيل تبي تضر ولدهآ بسبب ..,
مره في اوبرآ قآبلوا الام الي غرقت بنتهآ بالبآنيو .. مع انهآ مآكانت معبيته فل للنص بس ورآحت تجيب
فوطة بنتهآ وبهاللحظآت هذي البنت غرقت ..!
و سوت مقآبله ثآنيه مع الام الي خلت بنتهآ بالسيآره ..! ومآتت الرضيعه من الحر ..,
و جد شي يقطع القلب

أنآ والله عالبحر او عالمسبح آتوتر حيل تشوفوني كل شوي آعد الجهآل ..,
لدرجة اغث الي معآي .. لآن الجهآل مآشآءلله عليكم حركيين كل شوي تلآقينه في مكآن مآ يثبت ..!

 

[.،:"$الـعـوبــــة$":،.]

مفروض تكون فيه رقابه من الاهل اهم شي ،،

صح مافي ام تهمل عيالها ،

بس فيه ام تغفل عن عيالها !

انا والله مرات اشيل كل شي فبيتي حاد او طاولة والبيبان احط عليهم الستاند اللي تحت !

ومع هذا يصير لهم شي غصبن عني لاحول ولا قوة الا بالله مكتوب لهم ،،

بس لازم ناخذ احتياطنا !!!

بالذات الصغار ينخاف عليهم حيل !

وفعلا فكرتك حلوه ويارب اتطبق !​

 

[فطفط نجد]

ياريت يسووونها قبل كانوا يتطوعون بنات في المسيلة ايام الصيف يسيرون منقذات بس صارلنا كم سنة مانشوف هالشي

 

[Hi--class]

َََ


والله يا قلبي الرقابه بالاول والاخير الاهل ..
ليش يقطون عيالهم بس جذي؟
مو المفروض يشوفون يراقبون الوضع في مراقبين ولا ماكو ..
في منقذين جدام عيونهم ولا مافي
واذا الاهل لي هالدرجه مشغولين زين طرشوا الخدم وياهم ..
والله انا مادري بعض الاهالي شلون يهنالهم بال وعيالهم بأحواض السباحه بروحهم!
انا بنت اخوي الصغيره عالالعاب العاديه اخاف عليها وكل شوي احاتيها ..
طبعا مو كل العتب عالاهل
وين التنسيق بالمنتزهات
المفروض من سنتين لي 6 سنين يحطونلهم عمق معين ويكون يمهم حمام سباحه للريايل عالاقل جدام عين الريال اذا شاف طفل غرقان يقدر يساعده + يحطونلهم عالاقل منقذين
والمفروض تشتكون عند الاداره لان هذي ارواح حرام تهدر


َََ

 

[MyLittleBerry]

طبعا الاهم رقابة الاهل لان الولد اللي غرق لو اهله كانو موجودين جان ماصار اللي صار

بس مهم يكون في لايف قارد مو بس حق الصغار حتى الكبار

 

[امورة زماني]

الحمدلله على سلامته كان رآح يرووح من بين إيدينهم الله يهديييهم
المسؤليه كلها المفرووض على الأهل لأن الكل مسئول عن رعيته
المفروض يكونون حوليه اهله حتى لو كان فيه 100 واحد من الاطفال حولينه
يعطيج العافيه على الموضوع وان شاء الله ينتبهون لأطفالهم ..~​

 

[.. Purple ..]

ذكرتيني بهالخبر

ابن التاسعة ودَّع الحياة غرقاً في الخيران
http://alwatan.kuwait.tt/ArticleDetails.aspx?Id=117579

ابنة الرابعة ودعت الحياة غرقاً في بنيدر
http://alwatan.kuwait.tt/ArticleDetails.aspx?Id=123848&YearQuarter=20113

الله يرحمهم ، وهذي مسئولية الاهل مو شرط يكون في منقذ.

 

[thahb_q8]

مووووضعج يه بوقته وجنج قاريه اللي فبالي من اللي قمت اسمعه واقراه بالجريده تعقدت!! قمت من افكر شي فيه بحر او حمام سباحه اهون على طوووووول لا حول ولا قوة الا بالله مع انه المفروض هالشي اونس مو يخرع.. انا الصراحه منصدمه من اللي قاعد يصير لازم واحد او اثنين يكونون متواجدين بهالاماكن مع مراقبه الاهل.. ياجماعه انا مو مع الاهمال بس الام هم انسان الياهل بالساعات يبي يسبح او يحوس يم حمام السباحه مو معقوله الام 24 ساعه فاضيه ماتقضي حاجه او احد يناديها او تلهى بشغله لازم اكو امن يساعدها على الاقل ..حتى لو موجوده لازم اكو ريال واقف يساعد بهالموقف بسرعه ويتصرف عييب على هالاماكن والشاليهات بس فالحه تاخذ فلوس وماتحط موظفين ورقابه لازم تقدمون شكوى بهالاماكن لاتخلون

 

[taybaa]

الله يعين اهله